मंगल एवं कुंडली मिलान

mangal evan kundli milan  

Ank ke aur Lekh | Sambandhit Lekh | Views : 7078 |  
manushya ke jivan men vivah ek aisa mor hai, jahan uska sara jivan ek nirnay par adharit hota hai. jis vyakti ke sath jivan bhar chalna hai, vah apne man ke anusar hai, ya nahin, yah kuch kshanon men kaise janen? uska bhagya evan bhavishya bhi to apke sath milne vala hai. atah aise nirnay men jyotish ki ek aham bhumika hai. kundli milan men mukhya char pakshon par vichar karte hain. pahla, kya ek ki kundli dusre ke lie marak to nahin hai? dusra, var-vadhu men mansik talmel thik rahega, ya nahin? tisra, vivah men santan ka paksh bhi aham hai. yah var-vadhu ki kundli men kaisa hai evan chaitha arth evan kutunb adi par asar. uparyukt vichar ke lie ashtakut milan kiya jata hai jismen ath prakar ke kuton ka milan kar 36 men se ank diye jate hain. 50 pratishat se adhik, arthat 18 se adhik ankon ko svikriti de di jati hai. yadi 50 pratishat se adhik ank milte hain, to akhiri tin paksha-dusre, tisre evan chaturth ki to pushti ho jati hai, lekin pratham paksh ki ek dusre ke lie marak to nahin hai, ki pushti nahin hoti. iske lie manglik vichar kiya jata hai evan janmapatri ke anya grahon ko dekha jata hai. ashtakut men ath gun milae jate hain - varn, vashya, tara, yoni, grah maitri, gan, bhakut evan nari. inko ek se le kar ath tak ank diye gaye hain. varn evan vashya se manushya ki vyavharikta ka pata chalta hai. tara se sanpannata ka gyan hota hai. yoni donon ke sharirik sanbandhon men tal-mel darshati hai. grah maitri evan bhakut var-vadhu men apsi mitrata ko darshate hain. gan se donon ke mansik tal mel ka pata chalta hai. nari se santan sukh ke bare men gyan hota hai. pratyek gun ka apna mahatva hai. atah kisi ek gun ko adhik bhar n dete hue ham 50 pratishat ank ane par gun milan thik man lete hain. vaise bhi kuton ko ank unke mahatva ke adhar par hi diye gaye hain, jaise santan fal, arthat nari ko sabse adhik 8 ank diye gaye hain. uske bad var-vadhu men tal mel aur mitra bhav ko darshane vale bhakut evan grah maitri ko 7 evan 5 ank diye gaye hain. uske uprant mansik tal-mel ko 6, sharirik sanbandh ko 4, dhan ke karak tara ko 3, evan vyavharikta ko 2 aur 1 ank diye gaye hain. aksar aisa dekhne men aya hai ki jin var-vadhu men nari dosh hota hai, unhen santan prapti men badhaen ati hain. kabhi-kabhi santan purn rup se viksit nahin hoti, ya santan hi nahin hoti. isi prakar bhakut dosh hone se var-vadhu donon men samanjasyata ka abhav rahta hai. yadi grah maitri thik ho, to bhakut dosh ke karan utpann samanjasyata ka abhav bahut had tak kam ho jata hai. anya kuton ke abhav ka jiv par bahut asar nahin parta. yadi nari dosh ho, to donon ke pancham bhav ka vichar kar lena chahie ki kahin usmen bhi dosh to nahin hai?isi prakar yadi bhakut dosh ho, to grah maitri, athva donon ke lagnon men mitrata dekh sakte hain. ek ki kundli dusre ke lie marak to nahin hai?is paksh par vichar karne ke lie manglik vichar ki bhumika aham hai aur yahi karan hai ki iski itni mahatta hai. atah is paksh ko vistrit rup se samjhte hain. mangal yadi pratham, chaturth, saptam, ashtam evan dvadash bhav men ho, to kundli manglik hoti hai. yadi var mangli hai, to vadhu ka bhi mangli hona vanchniya hai. is prakar ek kundli ke dosh ko dusri kundli kat deti hai. lekin anek yogon men kundli ko mangli dosh nahin lagta evan anya anek sthitiyon men ek hi kundli dusre ke mangli dosh ko kat deti hai. jaise: sa yadi lagn men mangal mesh athva makar rashi, dvadash men dhanu rashi, chaturth men vrishchik rashi, saptam men vrish, athva makar rashi tatha ashtam men kunbh, athva min rashi men sthit ho, to mangal dosh nahin lagta. sa chaturth, saptam, athva dvadash men mesh, ya kark ka mangal ho, to dosh nahin hota. sa yadi dvadash men mangal budh tatha shukra ki rashiyon men ho, to dosh nahin hota. sa yadi bali guru aur shukra svarashi, ya uchch ho kar lagn, ya saptam bhav men hon, to mangal ka dosh nahin hota hai. sa yadi mangal vakri, nich, ast ka ho, to mangal dosh nahin hota hai. sa yadi mangal svarashi, athva uchch ka ho, to mangli dosh bhang ho jata hai. sa yadi mangl-guru ya mangl-rahu ya mangl-chandra ek rashi men hon to mangli dosh bhang ho jata hai. sa kendra-trikon men shubh grah aur 3,6,11 men pap grah hane tatha saptamesh saptam men ho, to mangal dosh nahin lagta. sa saptam mangal ko guru dekhta ho, to mangli dosh kat jata hai. sa yadi ek ki kundli men jahan mangal ho, usi bhav men dusre ki kundli men prabal pap grah (rahu, ya shani) ho, to manglik dosh kat jata hai. sa shani yadi ek ki kundli men 1,4,7,8,12 ven bhavon men ho aur dusre ka mangal inhin bhavon men ho, to mangal dosh nahin lagta. sa yadi adhik gun 75 pratishat, arthat 27, ya adhik milte hon, to mangal dosh nahin lagta. sa var, ya kanya men se ek manglik ho aur dusre ki kundli men 3,6,11 ven bhavon men rahu, mangal, ya shani ho, to manglik dosh samapt ho jata hai. uparyukt yogon se yah saf hai ki ek kundli mangli to ho sakti hai, lekin mangli dosh ho, yah avashyak nahin. keval patri men mangli dekh lene matra se yah avashyak nahin ki vivah nahin ho sakta. ap kanpyutar dvara diye gaye nishkarsh par bhi bharosa kar sakte hain, kyonki aksar kanpyutar men, bina kisi bhedbhav ke keval niyamon ke anusar nirnay de diya jata hai. (liyo gold saeftaveyar dvara diye gaye nishkarsh par ap avashya hi vishvas kar sakte hain) han, yadi kanpyutar dvara nirnay ‘na’ men hai to bhi ap kisi achche jyotishi ko dikha kar kanpyutar ke nirnay ko radd kar sakte hain. ek kundli ka dusre ke lie marak hona keval mangal par hi adharit nahin hota. anya grah, jaise shani, rahu, surya bhi aisi sthitiyan paida karne men saksham hain. saptam shani ki to avashya hi kat dekh leni chahie, kyonki yah dvibharya, ya vaidhavya yog deta hai. iske dosh nivaran ke lie hi ghat vivah, ya pipal se vivah prachlit hain. yadi jane-anjane mangal dosh rahte hue vivah ho bhi jae, to danpti ko mangal shanti kara leni chahie. pratyek shadi ki varshaganth par mangal ka shanti path jivan ko sukhamay bana sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


mangal visheshank  August 2007

vivah badha evan mangal dosh nivaran, vastu ne banaya taj ko sartaj, rashtrapti chunav: gaddi kiske hath, dampatya sukh men mangal hi nahin badhak, manglkari mangal se bhaybhit, lal kitab ke anusar mangal dosh, mangal dosh ka parihar, mangal ke anek rang rup

Subscribe

Apne vichar vyakt karein

blog comments powered by Disqus
.