लाल किताब के अनुसार मंगल की भूमिका एवं उपाय

lal kitab ke anusar mangal ki bhumika evan upay  

Ank ke aur Lekh | Sambandhit Lekh | Views : 44483 |  
lal kitab ke anusar mangal ki bhumika evan upay dae. el. em. es. baghel tish ke anya granthon ki tarah lal kitab men bhi mangal ki bhumika ki vishad vyakhya ki gai hai. lal kitab ke anusar mangal ek papi evan krur grah hai. ismen mangal ki do rup men vyakhya ki gai hai - nek aur bad arthat shubh aur ashubh. shubh mangal ka devta sakshat shriram bhakt hanumanji ko mana gaya hai jiska har jyotish shastra men ullekh hai. mangal ashubh (bad) ke devta bhut-pret mane gae hain. kintu lal kitab men kartikey ko is grah ka svami mana gaya hai jo mahadev ke putra evan bhagvan shri ganesh ke sahodar ke rup me jane jate hain. islie mangal ki shubhta barhane evan ashubh mangal ki ashubhta ko kam karne ke lie lal kitab men manglvar v shanivar ko hanuman upasna ke sath-sath bhagvan kartikey ki puja aradhna ko vishesh mahatva diya gaya hai. sath hi mangal ke bhumisut hone ke karan dharti ki puja par bhi bal diya gaya hai. lal kitab men ullikhit hai ki mangal ki shubhta-ashubhta unche darje ki hoti hai, yah madhyam grah nahin hai. shubh arthat nek mangal shubhta ko charam sima tak pahunchata hai aur yadi ashubh ho to ashubhta ki koi sima nahin rah jati. lal kitab men kuch vishesh sthitiyon men mangal ko shubh mana gaya hai jaise ek hi bhav men surya v budh ki budhaditya yuti ho, to mangal shubh hota hai. iske atirikt surya shashth bhav men ho, surya, shani ya brihaspati 3, 4, 8 ya 9 men sthit ho, shani v rahu ya shani v ketu ki yuti ek bhav men ho, budh v ketu ek bhav men hon arthat do shatru grah ki yuti ek bhav men ho, chandra lagn, chaturth, jaya ya rajya bhav men ho, parakram, sukh athva ashtam bhav men chandra ho athva chandra mangal hon athva chandra shukra hon athva chandra mangal shukra hon athva shukra ho athva mangal shukra hon tatha mangal ke param mitra (surya, chandra, guru) unki sahayta kar rahe hon to yah sthiti shubh hoti hai. lal kitab men ashubh arthat bad mangal ko virabhadra ki sangya di gai hai aur mana gaya hai ki mangal jatak ka svasthya thik nahin rahega aur vah svabhav se jiddi evan ugra ho sakta hai. chaturth bhav se sukh, sanpatti, bhumi, bhavan, vahan evan upbhog men ane vali bhautik samagri ka akalan kiya jata hai. chaturth bhav men mangal ho athva us par uski drishti pare, to in falon men kami aegi. saptam bhav se jivnsathi aur ratisukh ki vivechna ki jati hai aur yadi mangal saptam men ho ya us par krur drishti dal raha ho, to parivarik v vaivahik jivan sukhamay nahin rahega, vidhur-vidhva yog bhi ghatit ho sakte hain. ashtam bhav se ayu tatha jivan men ane vali badhaon ka vichar kiya jata hai. is bhav se mangal dosh bane athva is par mangal ki drishti pare, to anekanek badhaon ka samna karna parta hai aur anisht ki sanbhavnaen tatha jivan sathi ki mrityu ki bhi ashankaen rahti hain. vahin dvadash bhav se shayya sukh, vyay, hani, shasan dand, karavas, badnami adi ka vichar kiya jata hai aur yadi mangal is bhav se sanbandh sthapit karta ho ya ismen sthit ho, to anavashyak vyay, man men chinta, pareshaniyan, nind ka abhav adi hote hain. is prakar mangal ki alg-alag bhavon men sthiti ke fal alg-alag fal hote hanai kintu yah sarvamanya satya hai ki vaivahik sukh upar varnit bhavon se purnataya sanbaddh hai. vaivahik sukh men sharir, man, rati sukh evan kam krira ki apni vishesh mahatta hai. mangal dosh vaivahik jivan men sarvadhik bura prabhav dalta hai jabki mangal, shani, rahu, ketu evan surya se banne vale kuyog kam prabhavshali hote hain. lal kitab men bhi yah mana gaya hai ki mangal dosh apna sarvadh iak bura prabhav saptam v ashtam bhavon men dikhata hai jabki vyay bhav men iska prabhav kam hota hai. multah yah mana jata hai ki mangal dosh kutunb sukh men badhak hota hai kyonki agni tatva pradhan hone ke karan mangal sadh aaran grahon se prabhavit nahin ho pata. faltah jatak men krodh, chirchirapan, hathdhmirt a, kamadhn ata, vachai arik matbhde adi barh jate hanai, jisse parivarik jivan dukhad ho jata hai. lal kitab men batae gae dosh nivaran ke upay evan bad (ashubh) grahon ko nishkriya karne athva shubhatva pradan karne ke sujhav atyant prabhavshali hain jinhen ek samanya insan, arthik rup se vipann vyakti bhi, asani se kar ke labhanvit ho sakta hai. mangal dosh nivarnarth lal kitab men sujhae gae upay bhavon evan lagn ke anusar alg-alag hain kintu mangal dosh ke samanya upay sabhi prakar ki lagn kundliyon ke vividh bhavagat mangal dosh ke lie sarvamanya hain, jinhen avashya karna chahie. jaise mangal ki dhatu tanba tatha ratn munga hai, shahad evan mithai mangal ko vishesh priya hanai. inki shanti, puja, danadi se lagn ko sabal, sakriya kiya ja sakta hai. manglvar ka vrat, hanumanji ki aradhna, vividh path, shahad, sindur, masur ki dal ka dan ya unka bahte pani men pravah, mrigacharm par shayan, shuddh chandi ka prayog, bhai ki seva adi pramukh upay hain. pavnsut hanuman ji ki aradhna ko lal kitab men shreshth, saral evan saste upayon ki shreni men rakha gaya hai. vahin bhagvan kartikey tatha dharti ki puja ka bhi vidhan hai. svayan mangldev ki aradhna aur unki bhagini yamuna ki puja se bhi dosh ka shaman hota hai. surya ke a. gyakari putra hone ke karan surya ki aradhna se bhi mangal prasann hota hai. mangal dosh dur karne ke lagnanurup tatha bhavanurup sujhae gae lal kitab ke vishisht upay atyant karagar hain, jinhen apnakar am jan bhi mangal ke ashubhatva ko shubhatva men badal sakte hain. in upayon se koi hani nahin hoti. mangal lagn men hokar ashubh ho, mangal dosh bana raha ho, to jatak muft men dan grahan n kare aur koi vastu bina mulya chukae svikar n karen. hathi dant ki bani vastuen ghar men ya apne pas n rakhen. chaturth bhavasth mangal yadi ashubh ho, to shahad, shakkar aur chini ka vyapar kadapi n karen. bandron, sadh auon aur apni man ki seva karen. bandron ko gur aur chana khilaen. ashtamasth mangal ke bhi yahi upay hain. iske atirikt is sthiti ke dosh se bachav ke lie vidhvaon ka ashirvad prapt karen tatha apne putra ke janmadin par namak banten. saptam (jaya) bhav men kisi bhi rashi ka mangal jab ashubh ho, to jatak sali, mausi, bahan, beti aur bua ko mithaiyan banten. jhuth aur jhuthi gavahi se bachen. patni ko chandi ki churi lal rang karke pahnaen. vyay bhav men jab mangal ashubhta lie hue ho, to jatak nitya subah khali pet shahad ka sevan, mandir men banten aur anya logon ko khilaen. is prakar ukt bhavon men mangal ki sthiti se utpann hone vale mangal dosh ke nivaran ka ullekh lal kitab men kiya gaya hai. bhav tatha lagn sthiti ke anusar upay alg-alag hain jiski sankshep men yahan vyakhya kar pana sanbhav nahin hai. kintu mangal dosh se bachne ka sarvadh iak saral tarika lal kitab men bataya gaya hai. lal kitab ki isilie jyotish men apni alag chavi aur sthan hai. vahin iske sujhavon men manviya rishton ko bhi kam mahatva nahin diya gaya hai. ismen kaha gaya hai ki man, mausi, bahan, bua, sali, beti, larkiyon tatha vidhvaon aur bhai ki seva se mangal ki ashubhta men kami ati hai. tau arthat pita ke bare bhai ki seva ko bhi upayon men shamil kiya gaya hai. bhagvan shriram ke param bhakt hanuman mangal ke priya aradhya hain aur hanuman ji satvikon tatha brahmacharya ka palan karne valon ke dukhon ko dur karte hain. chunki dampatya sukh pane ke lie pati-patni ka milan avashyak hai atah brahmacharya ka palan sanbhav nahin hai. aise men ek dusre ke prati nishtha avashyak hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


mangal visheshank  August 2007

vivah badha evan mangal dosh nivaran, vastu ne banaya taj ko sartaj, rashtrapti chunav: gaddi kiske hath, dampatya sukh men mangal hi nahin badhak, manglkari mangal se bhaybhit, lal kitab ke anusar mangal dosh, mangal dosh ka parihar, mangal ke anek rang rup

Subscribe

Apne vichar vyakt karein

blog comments powered by Disqus
.