जैन धर्म के दो अविस्मरणीय स्थल

jain dharm ke do avismaraniya sthal  

Ank ke aur Lekh | Sambandhit Lekh | Views : 1899 |  
parsnath yah sansar nashvar hai. yahi karan hai ki is duniya-jahan men jo ata hai ek n ek din uska jana sunishchit hai, parantu ek hi parvat kshetra men kisi dharma-sanpraday ke bis mahatmaon ko nirvan prapt hona nishchay hi uski pratishtha-prabhvishnu ka dyotak hai. aisa hi ek parvat shiromni hai - shri pashrvanath jise parsnath bhi kaha jata hai. yahan 24 men se kul 20 jain tirthankron ko nirvan labh prapt hua tha. lagabhag 1365 mi. unche aur 16 hajar ekar kshetra men vistrit is parvat ka upri vistar 12 yojan tak hai. tirthamala chaityavandan men ankit hai- vande'shtapdgund rejnpde sammate shailabhithe. to jain kavivar dhanat ray ji yahan ki mahima par likhte hain ki ek bar bande kare koi. taki narak pashugti nahin hoi.. havra nai dilli graind kaerda lain par charchit relve tarminal gomo, jahan se subhash chandra bos ki smriti juri hai, se 12 kimi. duri par parsnath ralve steshan hai jabki najdiki suvidhayukt havai adda ranchi hai. parsnath relve steshan se karib 16 ki. mi. duri par rashtriya rajmarg par avasthit madhuban mor se 5 kimi. andar ane par shikhar ji ke lie yatra ka shri ganesh hota hai. bhakton ke lie yahan harek prakar ki suvidha sahaj upalabdh hai. sthan darshan, chaturdik paribhraman, prachya ullekh v upalabdh sakshya ke adhar par yah spasht hota hai ki is sanpurn tirth men 26 ki.mi. ka marg hai jismen 9 ki.mi. charhne men, 9 kimi. parvatiya khand bhraman ke v 9 kimi. utrne ke duri hain. aise purva ki 9, dakshin ki 9 tatha pashchim ki 9 tokon ki vandna ke bad hi tirtharaj sammed shikhar ji ki vandna purn hoti hai. nirvan bhumi par nirmit smarak ko tonk kaha jata hai. inmen sabse prasiddha tonk shri pashrvanath ji ka hai. jain dharm ke lie yah gaurv ki bat hai ki unke sabhi 24 tirthankron ke smriti chihna aur 20 ke nirvan se jure smarak yahan shobhayman hain. jin char tirthankron ne yahan nirvan nahin paya unmen prathm tirthankar adinath ji kailash men, barhven vasupujya shri chanpa (bhaglpur) men, baisven shri neminath girnar men va 24ven mahavir svami pavapuri (rajgir) men shamil hain. shesh 20 tirthankron ki nirvan bhumi yahi pavitra punit parvat hai jiska shri ganesh dvitiya tirthankar shri ajitnath ke jamane men karib panch hajar varsh purva hua. ullekhniya ha k shri pashrvanath ji ke purva yahan 19 tirthankron ko nirvan ka punyamay labh arjit hua par yahan ki prasiddhi aur mahatta ka chaturdik prachar-prasar pashrvanath ke nirvanoprant hi hua. jain dharm ke 23ven v pratham aitihasik tirthankar shri parsnath ji ke jivn vritt ke adhyayan se spasht hota hai ki kashi ke raja ashvasen aur rani vamadevi ke putra ratn shri parsnath ne 30 varsh ki avastha men kaivalya gyan prapti ke uddeshya se grih tyag kar diya. guru kripa se sammed shikhr par 84ven din unhen kaivalya ki prapti hui. sattar varsh tak saket, rajgrih, gaya, kaushanbi, shravasti, hastinapur adi men dharmaprachar karte-karte karib 100 varsh ki ayu men shravan mah ke shuklasaptami ko shri mahavir svami se 250 varsh purva nirvan ko prapta hue. char mahavrat yatha ahinsa, satya, aprigrah, evan astey ke udghoshak, saptavarniya mukutdhari evan moksh marg ke prashastak shri parsnath ke jivnoddeshya evan gun grahi amr sandeshon ka hi suprabhav tha ki us jamane men inke anuyayiyon men 16 hajar shraman aur 42 hajar shramniyan sammilit thin. kashi se parsnath ke raste do anya tirthon ka sanbandh shri pashrvanath ji se hai jinmen ek pachar parvat (aurangabad) aur dusra koldua parvat (chatra, jharkhand) ka nam ata hai. yah bat jankari ki hai ki is sthan se tamrayugin sabhyata ke avshesh prapt hue hain. vivaran milta hai ki parsnath ke is sthal ka nae jamane men pratham utar koshi (keshi) ne kiya jo inka prabal samarthaka tha. uttar guptakal v palkal men bhi yahan nirman ke kuch karya hue par unka vivaran upalabdh nahin hota. ullekh hai ki vi. san. 1649 men mugl badshah akabar ne jain harivijy suri ko sanpurn shikhar bhi bhent men de diya tha. bad men akabar ke priya raja man sinh ke mahamantri nan ne yahan pandrahvin shati ke antim charan men sabhi bis tirthankron ki nirvan bhumi par tonkon ka nirman karaya. age bangal ke murshidabad ke seth mahtab ray ne bhi yahan ke vikas men yog diya. bad men san 1678 i. men yahan jain samaj ka mahan jin bimba pratishthit hone se iski pratishtha men aur bhi shri vriddhi hui. varsh 1820 men is sthan ka vishad sarvekshana karnal maikenji dvara kie jane ke bad yahan ki aitihasik puratatvik mahatta chahun or ujagar hui. gat shatabdi ke antim charan men yahan sadhvi shrisuraprabha ji ki dekh-rekh men navvikas v jinoddhar ka karya praranbh hone ke bad hal ke dinon men yahan ki raunkta khub barhi hai. samprati jharkhand rajya ke pratham shreni star ke paryatan kendra men parignit parsnath parvat bhraman ke lie ap kisi prant ya kisi marg se aen madhuban hi jana hota hai. madhubn ke sir par mukut ki bhanti parvat virajman hai jo jharkhand ke puratn van prakshetra men ek hai. madhuban men khana-thahrna v upar jane ki sari vyavastha sahaj men mil jati hai. vaise parsnath bajar ke isri kshetra men bhi bhakton ke suvidharth bare-bare dharmashale hain jinmen terapanthi kothi va bispanthi kothi purana v pramukh hai. iske alava yahan jahaj mandir, shri bhaumiya ji mandir, shri diganbar jain trimurti mandir, navagrah mandir, bhaktamr mandir, shri pashrvakalyan kendra, shri 1008 shanti nath mandir, shri 1008 chandraprabhu mandir, shri 108 sammati sagr ji mandir, sanvliya pashrvanath mandir, sammati sadhna kendra, bis-chaibis mandir, shri diganbar jain haspital evan risarch sentar, jain shvetanbar sosaiti v rashtriyakrit baink ki shakhaen upalabdh hain. parsnath tirth ki yatra hetu upr charhne ke do marg hain jismen dusre marg nimiyaghat sitanala ki taraf se log kam hi jate hain. adhikansh bhakton ki toli madhuban se hi upar charhti hai jahan 1994-95 men pakke marg bana die jane se ab upar charhna asan ho gaya hai. aise khatoli v godi vale bhi niche rahte hain jo sharir vajan ke anurup upr charhane ka paisa lete hain. ghumavdar pahari raste par rediyo sentar tak jip ka rasta bana hai jahan se 1 kimi. ki duri par shri parsnath ji ka tonk hai. praranbhik charhai charhte samay tin kimi. bad gandharva nala aur punah tin kimi. bad shitlnala milta hai. yahan se ek marg pashrvanath ki tonk tak v dusra anya 19 tonkon tak jata hai. inmen sabse pahle gautam svami ki tonk milti hai. shraman sanskriti ke anusar vandna yahin se aranbh ki jani chahie. parsnath ka dusra rasta sita nala ke taraf se jata hai. anashruti hai ki bhagvan ramchandra ne sita ke sath vanvas avdhi men vahan vishram kar jal rashi ka bhog kiya tha. yahan se kramshah age barhte jane par ek ke bad ek tonk milte jate hain jo vahan nirvan prapt 20 men se kisi n kisi tirthankar se sanbandhit hain. pavapuri jain paranpra ke anurup jain dharm men kul chaibis maha tirthankar hue jinmen ahinsa, satya astey, aprigrah aur brahmacharya jaise ‘panchmhavrat’ ke udghoshakatrta mahavir svami ka apna alag sthan hai. antim va chaibisven tirthankar ke rup men prakhyat mahavir svami ka jivan v darshana ek aisa jhalkta aina hai jismen bhartiyata ke prayshah krit drishtigt hote hain. mahashraman bhagvan mahavir ka mahaprinirvan jahan hua tha vah sthan pavapuri kahlata hai. vivrn hai ki isi sthal men antim samvshrn ke bad mahavir svami bahattar varsha ki avastha men sharir chor parmmoksha ko prapt ho gaye. bhartiya itihas men iski sarvamanya tithi 468 i. pubtayi jati hai par itihasvidon ka ek varg ise 526 i. purva bhi svikar karta hai. sthan bhraman, darshan v jain agm shastron ke adhyayan anushilan se gyat hota hai ki bihar kshetra ke jain tirth yatha rajgrih, vaishali, kundlpur, chaikhandi, laduar, baso kund, gunavan ji adi ke madhya pavapuri ki mahatta yugane-yugon se kayam hai jo nalanda v rajgir ke sath milakar ‘‘svarnim paryatan trikon’ banata hai. pavapuri rashtriya rajmarg par avasthit pavapuri mor se do kimi. andar hai jo nalanda se 21 kimirajgir se 30 kimi. aur bihar ki rajdhani patna se 62 kimi. duri par avasthit hai. yah jankari ki bat hai ki mahavir svami ji ke nirvan tithi ke bad se hi ‘vir nirvan sanvat’ praranbh hota hai jiska jain samaj men vishesh mahatva hai. aitihasik sakshyon se jankari malti hai ki bhagvan mahavir dharma prachar ke kram men nirvan sthiti ka bodh hote hajaron sahyogiyon ke sath rajgrih se ‘pava’ ae. purva kal men is kshetra ka nam appapuri (apapuri) tha. yahan akar unhonne lok kalyanarth pravachan die, yah sthan samavasharan kahlata hai. fir do kimi. pahle hi akar jahan pran tyag kie aj vahin ‘jal mandir’ bana hai. vivaran hai ki bhagvan mahavir ka antim sanskar ek bare kaml sarovar ke bich kiya gaya. aise yahan ke mahatma yah bhi kahte hain ki mrityu ke bad mahavir ji ka sharir karpur ki bhanti kantimay ho hava men vilin ho gaya. chahe jo bhi ho par yah purnataya satya hai ki mahavir ji ka jivnant yahin hua. jain agm shastra men iska nam naukhud-sarovr milta hai. prachya kal men lagbhg pachas ekar bhu-bhag men vistrit is talab men lal, nila v safed kamal pushp khile the aur aj bhi kamal pushp v rang-birangi paddhatiyane se yah talab shringarit hai. pas men hi park, dadabari aur shvetambar va diganbar mandir darshaniya hanai. sanpurn desh men anutha v vialg is mandir tak jane ke lie lal pashan khand ke pahunch pul banae gae hain jiske praranbhik v antim chor par alankrit kaksh bana hua hai. mandir purvabhimukh hai jiske andar ke tin kakshon men thik samne baba mahavir ji, baen taraf gautam svami va dahine sudharma svami ka charan vandn sthan hai. kul milakar desh ke jain tirth yatha shrijal mandir, pavapuri sammed shikhar (pasharvanath), shravn belgola, udygiri -khandgiri, tankpur, girnar, palitana (shatranutray), rishbhdev tirth adi ke madhya pavapuri ek sammanit sthan hai jahan ke darshana-bhraman se hi puratn yug ki smriti sahaj men jivant ho jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


bhagvan mahavir visheshank  April 2016

fyuchar samachar ka is mah ka visheshank jain dharm ko samarpit hai. jain dharm ko prachin dharmon men se ek mana jata hai. is visheshank ke antargat jain dharm ke sabhi pakshon ko pesh karne ka prayas kiya gaya hai. is visheshank ke andar ati vishisht lekhon ko jagah di gai hai. in lekhon ke atirikt jyotish, vastu evan ankshastra adi ke lekh bhi purva ki bhanti hi sammilit kie gaye hain. jaise- bhukhandon ka shrenikaran, di san, vastu sammat plaet, sheyar bajar men mandi-teji, grah sthiti evan vyapar, kuch upyogi totke, ap aur apke prem sambandh, balidan ki pratimurti nirja bhanot adi. inke atirikt jain dharm par prakashit lekh is prakar hain- jain dharm itihas ki najar men, jain dharm ka karm siddhant, jain shiksha evan sandesh, ahinsa men sthirta ke prerak bhagvan mahavir, chaturmas - kya karen aur kya n karen, jain dharm ke pramukh parva adi.

Subscribe

Apne vichar vyakt karein

blog comments powered by Disqus
.