brihat_report No Thanks Get this offer
fututrepoint
futurepoint_offer Get Offer
पाब्लो पिकासो

pablo pikaso  

Ank ke aur Lekh | Sambandhit Lekh | Views : 1858 |  
aj ham bat kar rahe hain ek aise shakhs ki jisne bisvin sadi ko rang aur rekhaen din, jinka jivan saja anginat rangon se, ji han ham bat kar rahe hain chitrakar pablo pikaso ki. pikaso ka janm hua 25 aktubr 1881 ko malaga (spen) men. unki man mariya aur pita blaesko jo ki art tichar bhi the, ne bachpn men hi pikaso men chipi pratibha ko pahchan liya tha. pikaso ka parichay rang aur rekhaon se unke pita ne hi karvaya tha. skuli shiksha ke lie unhen skul bhi bheja gaya lekin pikaso apni not buks men homavark ki bajay skech banate rahte the. ek bure chatra ke rup men unhen khali kamre men band kar diya jata tha jahan ve apni skech buk ke khali pannon ko rangte rahte the. 14 varsh ki ayu men ‘la lanj skul aef fain atarsa’ men pravesh ke lihaj se kam umra ka hone par bhi unhonne pravesh pariksha pas karke pravesh pa liya. lekin yahan pikaso ko kala ka bandha-bandhaya aur paranprik rup ras nahin aya. ras bhata bhi kaise kyonki is bachche men kala ka aisa sagar lahra raha tha jise bhavishya men anek shailiyon men vargikrit kiya jana tha. aiye jante hain pikaso ke jivan ko grahon ke aine se pikaso ka janm kark lagn aur vrishchik rashi men hua. lagnesh chandrama shani ke nakshatra aur guru ke upanakshatra men hokar pancham bhav men rahu aur vyayesh budh ke sath virajman hain. navansh kundli men lagnesh budh labh bhav men baithe hain jinapar vyayesh surya ki pancham bhav se purn drishti hai. kahne ka tatparya yah hai ki pikaso ki lagn men aur navansh kundli donon men hi lagnesh, pancham, panchmesh, saptam, saptamesh, labh bhav tatha vyay bhav va vyayesh ka ghanishth sanbandh hai. iski vyakhya ham saptam bhav ke vishleshn men age karenge. pikaso ko janm ke samay shani ki mahadsha prapt hui jo lagabhag 1 varsha 2 mah chali. uske bad praranbh hui budh ki mahadsha. budh pikaso ki lagnakundli men tritiyesh v vyayesh hokar pancham bhav men chandrama v rahu se yut hokar baithe hain sath hi navansh lagn men budh lagnesh aur karmesh hokar labh bhav men baithe hain. budh par tritiyesh mangal ki purna drishti bhi hai. panchmesh shani lagn men baithe hain. tritiya bhav jatak ke parakram va karya kushlta ka bhav hai. pancham bhav kala ka bhav hai aur tritiya bhav men baithe shukra svayan kala ke karak hain. kal purush ki kundli men budh ko tritiya bhav ka adhipatya prapt hone ke karan budh ko kala, kisi vishy men nipunta, vidya men buddhi ka yog, shilp karya men chaturya ka karakatva mila hua hai. pikaso ki kundli men lagnesh chandra va tritiyesh budh donane yut hokar panchm bhav men baithe hain, panchmesh mangal tritiya bhav men hain v tritiyasth shukra par purna drishti hai. pancham bhavasth chandra v budh par bhagyesh brihaspati ki purn drishti hai aur budh ki tritiya bhav par bhi purn drishti hai. panchmesh mangal shadbala men sarvadhik balvan hain. atah lagn, lagnesh, tritiya bhav, tritiyesh, pancham bhav, panchmesh, dashm bhav, dashmesh, navam bhav, navmesh, shukra, budh v guru ka ghanishth sanbandh pikaso ki lagn kundli v navansh kundli donon men hi drishtigochar ho raha hai. jis kisi bhi jatak ki kundli men aise yog hote hain uska karya kshetra jis vishay se sanbandhit hoga yah janm se hi sunishchit ho jata hai. pikaso ke pita kala ke shikshak the. ve hi pikaso ke pratham shikshak bane. pikaso ne bachapan se hi chitrakari karne ke alava kisi anya vishy men socha hi nahin. unhen keval aur keval chitra banana aur unmen rang bharna hi bhata tha aur yahi unhen achcha lagta tha. pikaso ne kala ki shiksha prapta karne ke lie ‘‘skul aef fain arta’’ tatha ‘‘raeyal ekedmi’’ men bhi pravesh liya kintu ishvar ne unmen kala ki nai shailiyon ko jivant karne ke gun pahle se hi bhar diya jiske karan unhen kala vidyalyon ki ghisi-ghisai takniken ras nahin ain aur unhonne peris ka rukh kiya jise kala ka svarg aur kalakaron ki svapn bhumi bhi kaha jata hai. 17 varsh ki budh ki mahadsha ne pikaso ki rekhaon ko satik akar pradan karne men mukhya bhumika ada ki. fir praranbh hui ketu ki mahadsha. ketu baithe hain ekadash bhav men shashthesh v bhagyesh brihaspati ke sath lagnesh chandrama aur saptamesh tatha ashtamesh shani ke upanakshatra men. budh ki hi bhanti ketu ka lagnesh chandrama, budh, brihaspati v shukra se sanbandh bana hua hai. tritiya bhav pancham ka labh sthan hai. ketu ki drishti tritiya bhav, tritiyesh budh v lagnesh chandrama par hai sath hi bhagyesh brihaspati bhi drishti dvara shubhta pradan kar rahe hain. 1901 men lagabhag 20 varsh ki ayu men hi pikaso ne ‘blu piriyad’ nam se apni kala ka shailigat vargikrn praranbh kiya jo lagabhag 1904-05 tak chala. fir ‘roj piriyad’, ‘nigro piriyad’, ‘sinthetik kyulijma’ adi anek kala shailiyon se pikaso ne hamen parichit karaya. unki antim kriti thi ‘self poteªt fesing deth’. pikaso ne apna pura jivan kala ko samarpit kar diya. kala ne unhen samman, khyati v dhan bhi khub dilvaya. aiye ab bat karte hain pikaso ke kala kshetra se alag hatakar unki mahila mitron ki. otgan, jaiklin, farnande, evan, mairi, dora, jilo, laporte adi anek mahilaen unke jivan men ain. inmen se inki patni banin olga aur jaiklin. pikaso aur jaiklin ki ayu men lagbhg 45 varsh ka antar tha par pikaso ka kahna tha ki jaiklin ne unke antim dinon ko sukun se bhar diya tha. pikaso ki kundli men saptamesh shani dasham bhav men bhog karak shukra ke nakshatra aur lagnesh chandrama ke upanakshatra men hain, shani vakri bhi hain. panchmesh mangal baithai hain dvadash bhav men saptam ke vyayesh brihaspati ke nakshatra aur upanakshatra men, jin par saptamesh shani ki drishti bhi hai. yahi karan tha ki pikaso ke anek prem sanbandh bane lekin ve jyada din tak chal nahin pae kyonki saptama aur pancham ka sanbandh prem to karvata hai kintu shashthesh aur dvadshesh bhaveshon se yadi saptam, pancham aur lagn ka sanbandh hota hai tab prem sanbandh ke sath-sath vivah sanbandh bhi bante aur bigrte rahte hain. pikaso ki kundli men saptam ke vyayesh arthat shashthesh brihaspati navmesh bhi hain jinki pancham bhav, saptama bhav v lagnesh par purn drishti hai. yahi karan hai ki pikaso ko saptam bhav ka sukh v santan bhav ka purn sukh prapt hua kintu unke sanbandh sthayi nahin rahe. unke prem sanbandhon ka prabhav unki kalakritiyon men bhi dikhai parta hai. pikaso ne 92 varsh ki dirghayu prapta ki. lagnesh chandrama ashtamesh shani ke nakshatra men aur ashtamesh shani lagnesh chandrama ke upanakshatra men hain. sath hi shadbal men chandrama dvitiya sthan par bali grah hain. lagn ke sath-sath chandrama navansh men bhi vargottami nich bhang rajyog bana rahe hain. pikaso ki mrityu 8-4-1973 ko brihaspati/ budh ki dasha men hui. brihaspati shashthesh aur budh dvadshesh hai. gochar men budh kunbh rashi men ashtamastha the. brihaspati makar rashi men saptamastha hokar lagn ko aur vrish rashi men sanchrit lagnesh chandrama aur saptamesh shani ko purn drishti pradan kar rahe the. vrish rashisth ashtamesh shani ki purn drishti lagn par aur ashtam bhav men gocharasth antardashanath budh par bhi thi. advitiya chaturgrahi nich bhang rajyog pikaso ki janmakundli men dvitiyesh surya, chaturthesh v labhesh shukra, saptamesh v ashtamesh shani ke sath-sath lagnesh chandrama the. charon hi grah nich bhang rajyog ka nirman kar rahe hain. nichasthito janmani yo grahah syatadrashinayo'pi taduchchanathah. s chandra lagnadhdi kendravarti raja bhaveddharmik chakravarti..’’ faldipika, adhyay-7 shlok-26 yadi janm samay men koi grah nichastha ho aur (ka) is nich rashi ka svami aur (kha) jo grah nichasth ho uska uchchanath bhi yadi chandrama se kendra men ho to nich bhang hota hai aur uttam rajyog banta hai. pikaso ki kundli men shukra apni nichasth rashi kanya men hai. kanya ke svami budh aur shukra ki uchch rashi min ke svami brihaspati donon hi chandrama se kendra men hain. ‘‘yadyeko nichagatasta drashyadhipastaduchchapah kendre. yasya s tu chakravarti samastabhupal bandhandhriah.. yadi janm samay koi grah nich ka ho to us nich rashi ka svami aur nichasth grah ka uchchanath yadi donon hi paraspar kendra men hon to bhi nich bhang rajyog hota hai. pikaso ki kundli men surya apni nichasth rashi tula men hai aur surya ke uchchanath hain mangal. tula ke svami shukra aur mesh ke svami mangal donon hi paraspar kendra men hain. shani v chandrama bhi kramshah mesh va vrishchik ke hokar nichasth hain. shani v chandrama ke uchchanath shukra aur mesh v vrishchik ke svami mangal donon hi paraspara kendra men hain jis karan nich bhang rajyog nirmit ho raha hai. lagnesh chandrama vargottami nichbhang rajyog nirmit kar rahe hain. lagn ki hi bhanti navansh kundli men bhi chandrama vrishchik rashi men hain aur chandrama ke nichnath mangal tatha uchchanath shukra ki yuti nich bhang rajyog nirmit kar rahi hai. uparyukt varnit advitiya nichbhang rajyog ke prabhavavash hi pikaso jaisa mahan chitrakar sansar ko mila. pikaso jaisa n koi hua n hi koi hoga.
Kya aapko lekh pasand aaya? Subscribe
Kya aapko lekh pasand aaya? Subscribe

bhagvan mahavir visheshank  April 2016

fyuchar samachar ka is mah ka visheshank jain dharm ko samarpit hai. jain dharm ko prachin dharmon men se ek mana jata hai. is visheshank ke antargat jain dharm ke sabhi pakshon ko pesh karne ka prayas kiya gaya hai. is visheshank ke andar ati vishisht lekhon ko jagah di gai hai. in lekhon ke atirikt jyotish, vastu evan ankshastra adi ke lekh bhi purva ki bhanti hi sammilit kie gaye hain. jaise- bhukhandon ka shrenikaran, di san, vastu sammat plaet, sheyar bajar men mandi-teji, grah sthiti evan vyapar, kuch upyogi totke, ap aur apke prem sambandh, balidan ki pratimurti nirja bhanot adi. inke atirikt jain dharm par prakashit lekh is prakar hain- jain dharm itihas ki najar men, jain dharm ka karm siddhant, jain shiksha evan sandesh, ahinsa men sthirta ke prerak bhagvan mahavir, chaturmas - kya karen aur kya n karen, jain dharm ke pramukh parva adi.

Subscribe

.