Congratulations!

You just unlocked 13 pages Janam Kundali absolutely FREE

I agree to recieve Free report, Exclusive offers, and discounts on email.

होली के अद्भुत प्रयोग/उपाय

holi ke adbhut prayog/upay  

Ank ke aur Lekh | Sambandhit Lekh | Views : 1174 |  
- holi ke din se shuru karke bajrang ban ka 40 din tak niyamit path karne se har manokamna purn hogi. - yadi vyapar ya naukri men unnati n ho rahi ho, to 21 gomti chakra lekar holika dahan ke din, ratri men shivling par charha den. - holi vale din kisi garib ko bhojan avashya karayen. isse apki manokamna purn hogi. - holi ki ratri ko sarson ke tel ka chaimukhi dipak jalakar puja karen v bhagvan se sukh-samriddhi ki prarthana karen. is prayog se har prakar ki badha ka nivaran hota hai. - yadi bura samay chal raha ho, to holi ke din pendulam vali nai ghari ghar mane purvi ya uttari divar par lagaen, anukul parinam prapt honge. - yadi rahu ko lekr koi pareshani hai to ek nariyal ka gola lekar usmen alsi ka tel bharen. usi men thora sa gur dalen. fir us nariyal ke gole ko apne sharir ke angon se sparsha karakar jalti hui holika men dal den. agami pure varsh bhar rahu pareshan nahin karega. - svasthya labh hetu jau ke ate men kale til evan sarson ka tel mila kar moti roti banaen aur use rogi ke upar se sat bar utarakar bhainse ko khila den. yah kriya karte samy ishvar se rogi ko shighra svasth karne ki prarthana karte rahen. ap shighra hi svasthya labh prapt karenge. agar ap kisi bhayankar bimari se pirit hain, to iske lie bhi holi ki rat ko khas upay karne se apki bimari dur ho sakti hai. holi ki rat ap niche likhe mantra ka jap tulsi ki mala se karen. mantra- un namo bhagvte rudray mritarka madhye sansthitay mam shariran amritan kuru kuru svaha.. - dhanhani se bachav ke lie holi ke din ghar ke mukhya dvar par gulal chirken aur us par dvimukhi dipak jalaen. dipak jalate samy dhanhani se bachav ki kamna karen. jab dipak bujh jae to use holi ki agni men dal den. yah kriya shraddhapurvak karen, dhan hani se bachav hoga. - saubhagyashali patni pane ke lie holi vale din kisi jarurtmand ko ek palang tatha bichane yogya sundar vastra dan men den. isse apko subharya ki prapti hogi. yadi sanbhav ho to yah dan shukra ki hora men den. - apne ghar ko surakshit karne ke liye, holi vale din ek vastu yantra ko pile rang ke vastra par sthapit kar dhup, dip, naivedya arpit kar pujan karen aur nimn mantra ko 75 bar jap kar ninv men hi daba den. aisa karne se har prakar se apka ghar surakshit rahega. mantra- namo vaishvanar vastu rupay, bhupti tvan me dehi dapay svaha. - atmaraksha hetu, ghar ke pratyek sadasya ko holika dahan men ghi men bhigoi hui do laung, ek batasha aur ek pan ka patta avashya charhana chahie. holi ki gyarah parikrama karte hue holi men sukhe nariyal ki ahuti deni chahie.. isse sukh-samriddhi barhti hai, tatha atmaraksha hoti hai. - pati-patni ke apsi sanbandhon men madhurta ke liye, holi ke din 5-5 ratti ke 5 motiyon ka breslet pahnen. iske atirikt har purnima ko chandi ke patra men kachcha dudh dalkr chandrama ko aghrya den, pati-patni ki apsi sanbandhon men madhurta ayegi. putra ki pita se n banti ho to holi ke din putra pita ke juton se purane moje nikal kar unmen nae moje rakh den, donon ke bich chal raha takrav dur ho jaega. - agar apko lagta hai ki kisi ne apke viruddh koi totka kar rakha hai to holi ki rat men jahan holika dahan ho, us jagh par ek gaddha khodakar usmen 11 abhimantrit kauriyan daba den. agle din kauriyon ko nikalakar apne ghar ki mitti ke sath nile kapre men bandhakar bahte jal men pravahit kar den. jo bhi tantra kriya ap par kisi ne ki hogi vah nasht ho jaegi. ek anya upay yah hai ki holi par pure din apni jeb men kale kapre men bandhakar kale til rakhen. rat ko jalti holi men unhen dal den. yadi pahle se hi koi totka hoga to vah bhi khatm ho jaega. - agar apke ghar men lagatar ashubh ghatnaen ghat rahi hanai, to holi ke dahan vali rat men ghar men kisi pavitra sthan par gobar se lipen aur us par ashtakamaladal banaen. fir ek patiya rakhakar lal kapra bichakr us par 3 nariyal tatha shri hanuman yantra ko virajit karen. ek bartana men thora-sa gay ka kachcha dudh rakhen. fir nariyal v yantra par roli se tilak karke shri hanuman ji se apne kasht ka vivaran kahen. gur ka bhog lagaen. shuddh ghi ke dipk ke sath guggal ki dhup arpit karen. tanbe ki plet par roli se “un han hanumte rudratmakay hun fat” namk mantra likhakar ek anya nariyal ko forakar uske pani ko charon tarf chirak den. gay ke dudh ko apne ghar ke charon or ghumte hue dhara ke rup men bikhrakar kavach jaisa bana den. tinon nariyal jalti holi ko arpan kar den. - yadi ap ghar men nakaratmak urja se pareshan hain to jab holi jal jae, tab ap holika ki thori-si agni le aen. fir apne ghar ke agney kon men us agni ko tanbe ya mitti ke patra men rakhen. sarson ke tel ka dipak jala den. is upay se ghar ki sari nakaratmak urja jalakar samapt ho jaegi. - rojgari hain to holi ki ratri barah baje se purva ek dag rahit bara ninbu lekar chairahe par jaen aur uski char fank charon konon men fenk den fir vapis ghar a jaen kintu dhyan rahe, vapis ate samay piche murakar n dekhen. upay shraddhapurvak karen, shighra hi bure din dur honge va rojgar prapt hoga. - mukdma jitne ke liye, holi ki ag lakar uske koyle se syahi banakar lohe ki salai se mukdma nambar aur shatru paksh ka nam sat kagjon par likh kar punah holi ki agni ke pas jayen aur sat parikrama karen, har parikrama par ek kagaj holi ki ag men dal den. - yadi apka kahin paisa fansa hai aur vah dene men ana-kani karta hai to holi ke din 11 gomti chakra hath men lekar jalti hui holika ki gyarah bar parikrama karte hue dhan prapti ki prarthana karen..fir ek safed kagaj par us vyakti ka nam lal chandan se likhen jisse paisa lena hai ..lal chandan se nam likhakar us safed kagaj ko gyarah gomti chakra ke sath men kahin gaddha khodakar sari samagri daba den. is prayog se dhan prapti ki sanbhavna barh jaegi. - yadi apko koi agyat bhay rahta ho.to holi ke din ek sukha jata vala nariyal kale til evan pili sarson ek sath lekar use sat bar apne sir ke upar utar kar jalti holika men dal dene se agyat bhay samapt ho jaega. - shatru badha samapt karne ke liye holika dahan ke samay 7 gomti chakra lekar bhagvan se prarthana karen ki apke jivan men koi shatru badha n dalen. prarthana ke pashchat purna shraddha v vishvas ke sath gomti chakra dahan men dal den. - holika dahan ke dusre din holika ki rakh ko ghar lakar usmen thori si rai v namak milakar rakh len. is prayog se bhutapret ya najar dosh se mukti milti hai. - shighra vivah hetu, holi ke din kisi shiv mandir jaen aur apne sath 1 sabut pan, 1 sabut supari evan haldi ki ganth rakh len. pan ke patte par supari aur haldi ki ganth rakhakar shivling par arpit karen. iske bad piche dekhe bina apne ghar laut aen. yahi prayog agle din bhi karen. iske sath hi samy-samy par shubh muhurt men yah upay karte rahen . jaldi hi vivah ke yog ban jaenge. - vyapar men saflta pane ke liye holi ki rat men ekakshi nariyal ko lal kapre men gehun ke asan par sthapit karen aur sindur ka tilk karen. ab munge ki mala se niche likhe mantra ka jap karen. 21 mala jap hone par is potli ko dukan men aise sthan par tang den, jahan grahkon ki najar is par parti rahe. isse vyapar men saflta milne ke yog ban sakte hain. mantra- un shrin shrin shrin param siddhi vyapar vriddhi namah.
Kya aapko lekh pasand aaya? Subscribe
Kya aapko lekh pasand aaya? Subscribe

bhagvan mahavir visheshank  April 2016

fyuchar samachar ka is mah ka visheshank jain dharm ko samarpit hai. jain dharm ko prachin dharmon men se ek mana jata hai. is visheshank ke antargat jain dharm ke sabhi pakshon ko pesh karne ka prayas kiya gaya hai. is visheshank ke andar ati vishisht lekhon ko jagah di gai hai. in lekhon ke atirikt jyotish, vastu evan ankshastra adi ke lekh bhi purva ki bhanti hi sammilit kie gaye hain. jaise- bhukhandon ka shrenikaran, di san, vastu sammat plaet, sheyar bajar men mandi-teji, grah sthiti evan vyapar, kuch upyogi totke, ap aur apke prem sambandh, balidan ki pratimurti nirja bhanot adi. inke atirikt jain dharm par prakashit lekh is prakar hain- jain dharm itihas ki najar men, jain dharm ka karm siddhant, jain shiksha evan sandesh, ahinsa men sthirta ke prerak bhagvan mahavir, chaturmas - kya karen aur kya n karen, jain dharm ke pramukh parva adi.

Subscribe

.