नीरजा भनोट

nirja bhanot  

Ank ke aur Lekh | Sambandhit Lekh | Views : 2304 |  
nirja bhanot munbai men pain em eyrlains (pan am airlines) ki viman paricharika thin. 5 sitanbr 1986 ke mumbai se nyuyork ja rahe pain em flait 73 ke aphrit viman men yatriyon ki sahayta evan suraksha karte hue ve atankvadiyon ki goliyon ka shikar ho gain thin. unki bahaduri ke liye marnoprant unhen bharat sarkar ne apne sarvochcha virta puraskar ashok chakra se sammanit kiya aur sath hi pakistan sarkar aur amriki sarkar ne bhi unhen is virta ke liye sammanit kiya hai. varsh 2011 men unke upar ek filma ke nirman ki ghoshna hui, jismen unka kirdar sonam kapur dvara ada kiya jana nishchit kiya gaya. film ki shuruat 2015 men hui aur ise 19 farvri 2016 ko rilij kiya gaya. nirja ka janm 7 sitanbar 1963 ko pita harish bhanot aur man rama bhanot ki putri ke rup men chandigrh men hua. jab 7 sitanbar 1962 ko chandigarh men aspatal se maitrniti vard maitran ne yah suchit karne ke lie fon kiya ki apke yahan beti hui hai to nirja ke pita ne prasannata se fon karne vale ko hairan karte hue do bar dhanyavad diya kyonki nirja ne do putron ke bad prarthanaon ke falasvarup janm liya tha. nirja parivar ki lado v sabse choti thi. nirja atyant sanvednshil, sneh se bhari hui tatha atyant sushil thi jo logon se apne sukh to bantti thi parantu apni taklifen kabhi jahir nahin karti thi. uske apne nirdharit kuch siddhant the jinka vah adig v atal rahakar palan karti thi. unke pita banbai (ab munbai) men patrakarita ke kshetra men karyarat the aur nirja ki praranbhik shiksha apne grihanagar chandigarh ke saikred harta siniyar sekendari skul men hui. iske pashchat unki shiksha mumbai ke skotish skul aur sent jeviyarsa kolej men hui. nirja ka vivah varsh 1985 men sanpanna hua aur ve pati ke sath khari desh ko chali gayin lekin kuch dinon bad dahej ke dabav ko lekar is rishte men khatas ayi aur vivah ke do mahine bad hi nirja vapas munbai a gayin. iske bad unhonne pain em men viman paricharika ki naukri ke liye avedan kiya aur chune jane ke bad miyami men trening ke bad vapas lautin. mumbai se nyuyork ke liye ravana pain em-73 ko karachi men char atankvadiyon ne aphrit kar liya aur sare yatriyon ko bandhak bana liya. nirja us viman men siniyar parsar ke rup men niyukt thin aur unhin ki tatkal suchna par chalak dal ke tin sadasya viman ke kokpit se turant surakshit niklne men kamyab ho gaye. piche rah gayi sabse varishtha vimanakarmi ke rup men yatriyon ki jimmevari nirja ke upar thi aur jab 17 ghanton ke bad atankvadiyon ne yatriyon ki hatya shuru kar di aur viman men visfotak lagane shuru kiye to nirja viman ka imrjensi darvaja kholne men kamyab huin aur yatriyon ko surakshit niklne ka rasta muhaiyya karaya. ve chahtin to darvaja kholte hi khud pahle kudakar nikal sakti thin kintu unhonne aisa n karke pahle yatriyon ko nikalne ka prayas kiya. isi prayas men tin bachchon ko nikalte hue jab ek atankvadi ne bachchon par goli chalani chahi nirja ke bich men akar mukabla karte vakt us atankvadi ki goliyon ki bauchar se nirja ki mrityu hui. nirja ke is virtapurn atmotsarga ne unhen antarrashtriya star par hiroin auf haijaik ke rup men mashhuriyat dilai. nirja ko bharat sarkar ne is adbhut virta aur sahas ke lie marnoprant ashok chakra se sammanit kiya jo bharat ka sarvochch shantikalin virta puraskar hai. apni virgti ke samay nirja bhanot ki umra 23 sal thi. is prakar ve yah padak prapt karne vali pahli mahila aur sabse kam ayu ki nagrik bhi ban gain. pakistan sarkar ki or se unhen tamga-e-insaniyat se navaja gaya. antarrashtriya star par nirja ka nam hiroin auf haijaik ke taur par mashhur hai. varsh 2004 men unke samman men bharat sarkar ne ek dak tikat bhi jari kiya aur amerika ne varsh 2005 men unhen jastis for kraim avard diya hai. nirja ki smriti men mumbai ke ghatkopar ilake men ek chairahe ka namakaran kiya gaya jiska udghatan 90 ke dashak men amitabh bachchan ne kiya. iske alava unki smriti men ek sanstha nirja bhanot pain em nyas ki sthapna bhi hui hai jo unki virta ko smaran karte hue mahilaon ko adamya sahas aur virta hetu puraskrit karti hai. unke parijnon dvara sthapit yah sanstha prativarsh do puraskar pradan karti hai jinmen se ek viman karmachariyon ko vaishvik star par pradan kiya jata hai aur dusra bharat men mahilaon ko vibhinn prakar ke anyay aur atyachar ke khilaf avaj uthane aur sangharsh ke liye. pratyek puraskar ki dhanrashi 1,50,000 rupye hai aur iske sath puraskrit mahila ko ek traefi aur smritipatra diya jata hai. mahila atyachar ke khilaf avaj uthane ke liye prasiddh hui rajasthan ki dalit mahila bhanvribai ko bhi yah puraskar diya gaya tha. nirja ke is sahsik karya aur unke balidan ko yad rakhne ke liye un par film nirman ki ghoshna varsh 2010 men hi ho gayi thi parantu kinhin karnon se yah karya talta raha. aprail 2015 men yah khabar ayi ki ram madhvani ke nirdeshan men is film ki shuting shuru hui hai. is film men nirja ka kirdar abhinetri sonam kapur na ada kiya hai. yah film 19 farvri 2016 ko rilij hui hai. is filma ke prodyusar atul kashbekar hain. nirja bhanot bharat men sarvadhik shandar v prasiddh namon men se ek hai. sone ke dil vali nirja ki nirbhayata v dhairya se inhen antarrashtriya star par pahchan aur prashansa mili. nirja ne kathin ghari men samay va paristhiti ki avashyakta ko bhanp kar aise sahas v samjhdari ka pradarshan kiya ki inhen sabse choti ayu men virta ke sarvashreshth puraskar ashok chakra se sammanit kiya gaya. balidan ki pratimurti nirja bhanot ki kundli ka jyotishiya vishleshan - akhir kaun se aise grah yog the jinke prabhav se nirja itni sahsi v vir thi yah janne ke lie inke janm kal ki grah sthiti ka adhyayan karna hoga. nirja ke janm samay ki jankari ke abhav men inki chandra kundli ka vishleshn diya ja raha hai. nirja ki mesh rashi hai. mesh rashi ke jatkon ko virta tatha turant nirnay lene ki kshamata ke lie jana jata hai. inhen khatron se khelne men maja ata hai. samandar ke jhanjhavaton se takrana, yuddh bhumi men turant nirnay lekar puri shakti se shatru par tut parna tatha kathin se kathin paristhati men adamya sahas v shaurya ka pradarshan karna adi mesh rashi va mesh lagn ke jatkon ka mukhya gun hota hai. inhen pratyek aise karya men saflta prapt hoti hai jahan virta hi shreshthata ka mapdand ho. aisa us samay vishesh rup se hota hai jab mesh rashi par virta v bal ke kark mangal ka purn prabhav par raha ho. nirja ki kundli men bhi mesh rashi men sthit chandrama par mangal ki purna drishti hai. inki chandra kundli men pancham bhav men sinh rashi men svagrihi surya ke sath shukra vidyaman hai tatha mangal saptama bhav men virajman hai. jatak granthon men aisa likha gaya hai ki yadi panchm men surya tatha lagn ya saptam men mangl ho to aise yog vale balak ko jangal men bhi parityakt kar diya jay to bhi uske vishvavikhyat hone men sandeh nahin. mesh rashisth chandrama par mangal ki drishti hone tatha panchm bhav men surya ke prabhav se hi nirja nirbhay v vir bani. kundli men surya, guru, shani v budh ye charon grah svagrihi hanai. budh uchch ka hokar svagrihi guru ke sath paraspara drishti yog banakar inhen tivra buddhi sanpann bana raha hai. chandrama se pancham bhav men svagrihi surya ke falasvarup inhonne pratyek jarurtmand ko sahayta v jivan suraksha pradan ki. svagrihi budh par svagrihi brihaspati ke drishti prabhav se ye apne kartavya ke prati sajag, imandar v nishthavan thin. dvadash bhav dan, udarta, balidan v parlok ka dyotk hota hai atah chandrama se dvadash men guru ke hone ke karan hi nirja bachapan se hi udar svabhav ki tatha balidan ki bhavnaon se otaprot thi tatha grahon ki uprokt sthiti ke falasvarup sone ke hriday tatha stil ki nariyon vali nirja anyay va krurta ke viruddh larne men saksham thi. surya ki shreshthatam sthiti jatk ko us sthiti men prasiddhi dilane men avashya hi sahayak hoti hai jab kundli men kul char ya char se adhik grah svagrihi ya uchch rashistha hon. aise men yadi surya svagrihi ya uchcha rashisth ho jay to yah sanbhavna aur adhik barh jati hai tatha jatk sattarurh logon v sarkar se samman prapt karta hai. surya-shukra ki yuti achche dil vale logon ko shighrata se abha sanpann karti hai kyonki surya va shukra jivan men chamak ke pratik hanai. budh ke uchch rashisth hone tatha guru se drisht hone ke karan ve atyant kushagra buddhi sanpann tatha tvarit nirnay lene men saksham thin. guru ki drirh sthiti ke karan ve achche vicharon vali, bare dil vali tatha manvta ka mahatva samjhne vali dayalu hridy mahila thi jisne dusron ki jan bachane ke lie apne jivan ko khatre men dalne ka sahsik nirnaya liya. shani ke makar rashi men hone ke karn bhi inhonne apne kartavya ka nirvahn karke akshay kirti ko prapt kiya. mangal shani ka paraspar drishti yog jivan men kabhi bhi kisi bhi samy hai preshar sichueshan utpann karta hai aur kai anhoni ghatnaon ko bhi janm deta hai vishesh rup se us paristhiti men jab guru, shani, budh vakri hon, shubh grah shukra bhi ast ho tatha guru kendra se bahar ho islie aise grah yog ke karan nirja bhanot alpayu men virgti ko prapt huin. is bhayanak durghatana vale din ke grah gochar ke anusar mangal ka gochar nirja ke janmakalin ketu par ho raha tha tatha yah unke min rashisth vakri guru v mithun rashistha rahu par drishti dal raha tha. gochar men vrishchik rashi ka shani janmakalin surya, shukra v vakri shani ko dekh raha tha. rahu janmakalin guru tatha ketu janmakalin budh ko pirit kar raha tha. gochar men sabhi krur grahon mangal, shani, rahu v ketu ka janmakalin ketu, guru, shani, rahu v surya tatha shukra in sabhi par krur prabhav hone ke falasvarup inke jivan men itni vibhats ghatna hui jismen inhonne virta ka anupam pradarshan karke saikron logon ki jan bachate hue virgti prapt ki.
Kya aapko lekh pasand aaya? Subscribe
Kya aapko lekh pasand aaya? Subscribe

bhagvan mahavir visheshank  April 2016

fyuchar samachar ka is mah ka visheshank jain dharm ko samarpit hai. jain dharm ko prachin dharmon men se ek mana jata hai. is visheshank ke antargat jain dharm ke sabhi pakshon ko pesh karne ka prayas kiya gaya hai. is visheshank ke andar ati vishisht lekhon ko jagah di gai hai. in lekhon ke atirikt jyotish, vastu evan ankshastra adi ke lekh bhi purva ki bhanti hi sammilit kie gaye hain. jaise- bhukhandon ka shrenikaran, di san, vastu sammat plaet, sheyar bajar men mandi-teji, grah sthiti evan vyapar, kuch upyogi totke, ap aur apke prem sambandh, balidan ki pratimurti nirja bhanot adi. inke atirikt jain dharm par prakashit lekh is prakar hain- jain dharm itihas ki najar men, jain dharm ka karm siddhant, jain shiksha evan sandesh, ahinsa men sthirta ke prerak bhagvan mahavir, chaturmas - kya karen aur kya n karen, jain dharm ke pramukh parva adi.

Subscribe

.