जोड़ियां स्वर्ग में बनती हैं

joriyan svarg men banti hain  

Ank ke aur Lekh | Sambandhit Lekh | Views : 784 |  
yadi purva yugon ka avlokan karen to treta v dvapar yug men kundli milan ka jikra nahin dekhne men aya sirf shubh muhurt ka vivah ke lie ullekh milta hai. daya lajja kshama shraddha pragya tyag kritagyata. gun yasya bhavantyete grahstho mukhya aiv sah.. parashar, daksh, manu, vyas, shankh aur brihaspati adi rishiyon aur acharyon ke mat se in sat gunane vale vivahit jore ya grihasth sab tarah se layak aur prashansit hote hain. kulan ch shilan ch sanathtan ch, vidyan ch vapurvayashch. spasht hai ki rishiyon ne kul, khandan, nasla aur shil svabhav ko sabse upar mana hai. aur sankshep men jana ho to kalidas ke anusar kul parampara, sharir, svasthya aur dhan, in tinon ko dekhna mul bat hai. kundali milan vastav men muhurt jyotish ka bhag hai parantu is vishay par kisi bhi shastra sammat pustak jaise ki parashar horashastra, saravli, jatak parijat, faldipika adi men ullekh nahin hai. 16 vin shatabdi ke aspas jab hindu sabhyata men parda pratha nahin thi, parantu muslim ke ane ke bad se hinduon men bhi iska sthan banne laga. mata-pita ki pasand se vivah hone lage jabki pahle svayanvar ka prachln tha. dharm, varn, jati, gotra adi vivah men mahatvapurn bhumika nibhane lage. do parivaron ko sidhe taur par vivah sanbandh banane men pareshaniyan ane lagi. us samay ke rishi muniyon dvara milan ke lie saral niyam banae gaye jise ashtakut ya dashkut gun milan kaha gaya. iske dvara ek am vyakti bhi chandra aur nakshatra ko dekh jankari prapt kar sakta tha. 18 vin 19 vin shatabdi tak jab yatayat va sanchar ke sadhan kam the, log pas-pas rahte the us samay apne anukul var-vadhu ka milna kathin n tha. parantu vartaman samay men paristhitiyan badal gai hain. antarjatiya vivah bhi prachalan men hain. striyan pahle gharon men rahti thin, unki shiksha mahatvapurn nahin thi. parantu aj shiksha v kariyar ki mahatta vivah se kam nahin hai. ab vivah ka milan matra varn, jati, dharm, gotra par adharit n hokar anjan vyakti se intaranet ke madhyam se bichailie ke jariye hone lage hain. islie vivah ki saflta men gun milan ki upyogita barh gai hai. ajakal gun milan, ashtakut milan ke mahattva ko nakarna galat hai. ye batane bhavi dampati ke vivahit jivan ke bare men kai bare pate ki bat batati hain. vivah sukh ke sandarbh men aiye sari baton ko silsilevar samjhte hain: kundli milan sarni se keval gun milan ka sathi karya nahin apitu ganbhir aur vyapak vishleshan ki darkar rakhta hai. milan anukul hone par bhi in panch baton ka khas vichar jarur kar lena chahie. § 1. daridrayam - arthik star, 2. marnan - durghatana yog, 3. vyadhi rog - svasthya, 4. paunshchalyam - paraye ke prati akarshan, charitra, 5. anpatatyata - santan hone men badha. § melapak do prakar se hota hai. 1. nakshatra melapak ya ashtakut milan 2. grah melapak. nakshatra melapak hi ashtakut milan ka adhar hai. ashtakut milan ke dvara do vyaktiyon ka milan kiya jata hai. man ke mel ka nam vivah hone se chandrama ke nakshatra milan ka vichar mukhya hai. islie ashtakut milan chandrama se karna sarvadhik upyukt hai. grah melapak men donon kundliyon men grahon ka milan kiya jata hai. muhurt chintamninusar- varnon vashyan tatha tara yonishch grahmaitrkm, gan maitran bhakut ch nadi chaite gundhikaru ashtakut ke kul 36 gunon men se grah maitri ke 5, gan ke 6, bhakut ke 7 aur nari ke 8 gun milakar hi 26 gun ho jate hain. bhakut aur grah maitri men se koi ek sahi hone par madhyam milan samjhna chahie. bhakut aur nari anukul ho to 17-18 gun hi kafi thik rahte hain. donon ki anukulta vah paras patthar hai jo anya sab kuton ki kamjori ko chupa sakti hai. § varn ka 1 gun hai. yah milan apsi jurav aur achchi santan ki sambhavna barhata hai. § vashya ke 2 gun hain. iski anukulta se achcha talmel aur parivar sukh rahta hai. § tara ke 3 gun hain. isse dhan, santan aur sukh ki sanbhavnaen prabal hoti hain. § yoni ke 4 gun hain. apsi akarshan, niji sambandh aur umra ke sath barhta lagav isse pata chalta hai. nadi vichar: garg rishi ne athon kuton men ise shiromni kaha hai. yah sab par ek tarah se lagu hoti hai. nari kisi bhi tarah ke jati, vansh, nasla aur samajik star ke koi bhi vichar se pare hai. yah adi, madhya aur antya tin prakar ki hoti hain. var kanya ki ek nari hone par vivah (sukh) bhang hona, tan man ka bichoh, asantosh, algav, shok, santan ka na hona ya vilamb se hona iska mul parinam hai. kuch log ek shlok (nari doshastu vipranan) ko pakar kar bhram failate rahte hain. yah bat hamari samajh se pare hai ki jo chij brahmanon ke lie jahar hai vah anya vargon varnon ke lie kaise uchit ho sakti hai. acharyon ne aise vivah ko asat, asthir, jhuth, shunya, asampann, gair tikau hi kaha hai. ye tin nariyan vat, pitt, kaf ya ida, pingla, sushumna ke hi svarup hain. jaise sharir se vat, pitt, kaf doshon ki jankari nari spandn se hoti hai thik usi prakar do aprichit vyaktiyane ke man ki jankari nari se hoti hai. jis prakar vat pradhan vyakti ki vat nari chalne par vat pradhan gun vale padarth v vatavrn ka sevan hanikarak hai. usi prakar var-vadhu men saman nari melapak men varjit hai. sare melapak men chadrama ki rashi v nakshatra ko mahattva diya gaya hai. in donon men aise kya hain jise rishi muniyon ne hajaron sal pahle dekh liya aur jiski vyavharikta aj bhi kasauti par khari utrti hai. chandrama vyakti ka svabhav, charitra, jivan chakra (dashaen), sharir ka poshan, nishkasan sancharit karne vala, harmons, enjaim pure sharir men bhejne vala, rakt chandrama dvara hi niyantrit hai. jo melapak men chandrama v nakshatra batate hain vahi aj blad test dvara ham jante hain. var kanya ki ek nari hai. mana ki kaf nari prabhavi hai to bachche ko asthama hone ki puri sambhavna hai. jimsemaupan thamjan ka vahak hai. stri purush donon uske vahak hain to bachche ki thamjan binpad kammibj hoti hai. khun sahi nahin banta. iran men vivah ke samay var kanya ke tamanbjpam davad tamanbjpam jamej kie jate hain. ek gotra men vivah karne se bitvauvevaum prabhavit hote hain. gun milan men adhik ank ho to bhi chandra nakshatra saman hone par hamadamajapab jyada prabhavi honge. ahankar vaivahik samabandh vichched karne ka mukhya karan hai. chandrama se vyakti ke svabhav ke bare men kafi jankari prapta ho jati hai. simaen: jahan ashtakut men itni khubiyan hai vahin kuch simaen bhi hain. ismen chandrama ko liya gaya hai par - - chandrama par drishti sambandh, balvan nirbal, shubh ashubh grahon ka prabhav adi nahin lie gae. - saptamesh joki vivah ka mukhya bindu hai use najar andaj kiya gaya hai. - guru aur shukra vivah ke mukhya karak grah hain unke bare men bhi kuch nahin kaha gaya. vidvatajan is or dhyan dekar aur shodh karen to jyotish jagat evan janmanas ka bhala hoga.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2015

Apne vichar vyakt karein

blog comments powered by Disqus
.