गुदड़ी में छिपा लाल

gudri men chipa lal  

Ank ke aur Lekh | Sambandhit Lekh | Views : 838 |  
jyotish ke kshetra men kabhi-kabhi aisi kundli dekhne ko milti hai jahan grahon ka chamatkar dekh kar jyotish shastra ke samaksh ham natamastak ho jate hain. akashiya grahon ka mel v khel jatak ke jivn-chakra ko kis disha men le jaega, yah sachmuch ek divasvapna- sa hi pratit hota hai. yahan ek aisi hi janmakundli prastut hai jo vakai men gudri men chipe lal ki tarah hai. aanish ka janm madhya pradesh ke traibal eriya men ek atyant chote ganv men hua jiski abadi mushkil se panch hajar hogi. uske pita vahan ke hat bajar men atyant hi sadharn- si dukan chalate the. anish ka laln-palan bhi sadharan parivar ke bachche ki tarah hone laga. vah bachapan se hi bahut medhavi tha. uske pita ne use pas ke skul men parhne bhej diya. anish parhne men atyant hoshiyar tha. hai skul men vah avval darje se pas hua, par ganv men iske age ki parhai ke lie koi kaelej nahin tha. islie anish ke tauji use parhane ke lie apne sath le gaye. anish ke tauji atyant susanpann v sushikshit the aur ek dhanadhya seth ki tarah jane jate the. unka apne shahar men khasa rutba tha tatha shahar ke dhanadhya parivaron se unke achche sanbandh the. anish nee bhi in sab sanpann logon ke bich rah kar inke taur-tarike sikh liye aur apni uchcha-shiksha prapt karne laga. usko bachapan se hi payalat banne ka bahut shauk tha aur vah aksar apne ganv men jab bhi akash men urte havai jahaj ko dekhta tha to sochta tha ki main bhi kabhi isi tarah akash men udunga. tab to havai jahaj ka khilauna bhi dekhne ko nahin milta tha. tau ji ke ghar akar anish ke is svapn ko jaise pankh lag gaye. usne dhire-dhire sabhi sirhiyan charhte hue payalat ki pariksha bhi uttirn kar li. uske ganv men to jaise kisi ko vishvas hi nahin hua. mata-pita ki khushi ka koi thikana hi nahin tha. usi samay ganv ke sabse dhanadhya parivar ne apni beti ke lie anish ko pasand kar liya aur uske mata-pita ke pas rishta bheja. unke lie yah ek sukhad ashcharya jaisa tha. anish bhi apni mangetar ke sath bahut khush tha. ve donon apne ane vale jivan ke lie roj naye sapne dekhte, par tabhi anish ke jivan men ek tufan aya. usko anayas hi kisi karan kanpni ki naukri chorni pari. dusri achchi naukri milne men kafi musibte ane lagi kyonki us samay eviyeshan indastri men kafi mandi ka daur chal raha tha. is mushkil ki ghari men jab use apno ki jarurat thi tab uske sasural valon ne use sahara dene ki bajay uski dukhti rag par hath rakh diya aur uski kshamataon ko pahchane bina kuch soche-samjhe rishta tor diya. unhonne anish ki ek n suni aur use uske tute sapnon ke sath akela chor diya. anish ke lie yah bahut bara jhatka tha. uska pahla pyar usse dur ho gaya tha. sare sapne bikhar gaye. usne apne ap ko sanbhalne ke lie adhyatm ki sharan li. usne kuch samay shri bal yogeshvar ji ke sannidhya men bitaya. maharaj putuparthi ke sain baba, shirdi ke sain baba v anya sabhi mahatvapurn darshaniya v adhyatm se jure sthalon par anish ne kai varsh bitae aur sabhi shastron ka gahan adhyayan kiya. jyotish men use shuru se ruchi thi aur is samay jab vah ekaki -sa jivan ji raha tha, jyotish v anya adhyatmik granthon ne use jabaradast mansik sanbal pradan kiya aur anish jab is musibat ki ghari men tathya rupi ag men tap kar nikla to khare sone v kundan ki tarah chamkne laga. jaise hi buri ghari khatm hui, guruji ki kripa se anish ko desh ki sarvottam eyar lains men unche pad par naukri mil gai. uski khoi hui pratishtha sud sahit vapis a gai. jaise hi uske ganv men yah khabar pahunchi, mangetar ke ghar vale fir se rishta lekar a gaye. par ab anish ne atyant drirhta se mana kar diya. usne socha, jis jivan sathi ne musibat ke samay alag kinara kar liya, vah jivan ki yatra men kaise sath nibhaegi. tabhi uski mulakat suruchi se hui jo atyant hi mridu v shant svabhav ki thi aur uske sath hi viman paricharika ke rup men karyarat thi. donon hi ek dusre ko pasand karte the. anish ne suruchi ko apni jivan sangini banane men koi deri nahin ki. aj unke ghar-angan men ek atyant hi khubsurat aur shararti beta khel raha hai aur anish ke sanbandh desh bhar ki bari-bari hastiyon se hai. bare-bare rajnitigyaon se uski dosti hai aur jane-mane bijnes haus men uska ana-jana hai. apne mata-pita aur bhai-bahnon ke prati apne kartavya ko anish bakhubi nibha rahe hain. sabhi bhai-bahnon ki parhai v vivah ke prati anish aur suruchi donon ne apne kartavya barh chadh kar nibhae aur mata-pita ko bhi apne is putra par bara naj hai jo apni jaron ko kabhi nahin bhula. aj anish ek siniyar payalat ke rup men karya kar rahe hain. par sath hi dusre karyon ko vyapak rup se anjam dene ko bhi tatpar hain. uska sapna apni khud ki havai patti se lekar desh men bara vyapar sthapit karne ka hai aur rajniti ke kshetra men bhi vah apni kismat ajmana chahte hain. aiye, dekhen, is gudri ke lal ka safar apne chote se ganv se shuru hokar, puri duniya men ghumte hue saflta ke kaun se shikhar tak pahunchega. anish ki janmakundli men lagnesh guru ekadash bhav men vayu tatva rashi men, ashtamesh chandrama tatha labhesh shukra ke sath sthit hai tatha vayu tatva shani ki purn drishti men he. lagnesh guru par vayu tatva kunbh rashi sthit rahu ki bhi purn drishti hai isilie vayuyan men bachapan se ruchi thi aur usi ki shiksha lekar vahin karya kiya. bhagyesh surya bhagya-sthan men mitra mangal ke sath sthit hai. karmesh budh karm sthan men apni uchch rashi men sthit hai aur chalit kundli men bhagya sthan men a gaye hain. isi tarah guru aur shukra bhi chalit kundli mane karm sthan men a gaye hain. janm ke samay guru ki mahadsha janvri 1986 tak rahi. is dasha men anish ne apni parhai achchi tarah se ki aur skul men avval ae kyonki guru, shukra v chandra tino shubh grah pancham bhav ko dekh rahe hain. 1986 ke bad shani ki dasha 20 janvri 2005 tak chali. shani ki dasha men anish ne apne jivan men bahut utar‘-charhav dekhe. sabse pahle shani ne aranbh men hi anish ko apne ghar se alag kar dusre shahar men apne tauji ke ghar bhej diya aur 1986 men jab shani vrishchik rashi men the aur dasham drishti se bhagyesh surya aur mangal ko dekh rahe the, tabhi anish ne teknikal shiksha li aur kai naukri bhi ki lekin apni manpsand payalat ki naukri nahin mili. 1997-98 men jab shani apni nich rashi men aya to anish ke jivan men bahut uthl-puthal hui. jahan ek or naukri chali gai vahin uski mangetar se rishta bhi tut gaya. anish mansik rup se bahut tut gaya aur isi samay shani jo ek adhyatmik grah bhi hai, use adhyatm ki or le gaya. guru, shukra v chandra se drisht shani ne anish ko dhai sal tak adhyatm ke kshetra men ramaye rakha jahan anish ne jyotish, bhi sikhi. yahan ek bat dhyan dene yogya yah hai ki shani men shukra ki antardasha men kavi kalidas ke niyamanusar anish ko kuch achcha hasil nahin hua. shukra ne labhesh hote hue bhi use koi dhan labh nahin diya aur isi samay anish ka pahla pyar bhi parvan charha aur uska dhyan usi or jyada kendrit raha. 1999 se 2000 men shani men rahu ki dasha aranbh hui tab tritiya men kunbh sthit rahu ne anish ko manchahi unchaiyon tak pahuncha diya. kaha isse pahle use naukri nahin mil rahi thi aur ab rahu ke shuru hote hi use desh ki sarvottam eyar lains se niyukti-patra a gaya aur is samay men chunki rahu par guru ki purn drishti bhi hai, anish ke sanpark anek rajnetaon v dhanadhya vyaktiyon se hue. rahu ke bad guru ki antardasha bhi unhen naye sopan ki or le gai. 21-1-2005 se budh ki dasha ai hai jo nishchit rup se anish ke jivan ka uttam dasha kal hai. isi dasha men anish ne apna manpsand vivah kiya, naya ghar liya, bete ka janm hua aur ghar ke prati bhi apne sabhi dayitvon ko pure manoyog se nibhaya. is kundli ke vishesh rajyog ki charcha karen to bhagyesh surya bhagya sthan men, karmesh budh karm sthan men v labhesh shukra labh sthan men hai. isilie anish ke bhagya chakra ne use chote se ganv ki jindgi se utha kar akash ki bulandiyon tak pahuncha diya. dashmansh kundli men bhi janmakundli ke bhagya sthan ke svami surya dasham bhav men baithe hain aur shani dashmansh ka bhagyesh hokar bhagya sthan men hi hai. mangal aur shukra ka parivartan yog bhi ban raha hai. islie karm jivan men vayuyan men uchchasth pad (siniyar kaiptana) ke rup men karyarat hai. budh ki mahadsha janvri 2022 tak hai. yah anish ka sunhra avasar hoga. is dasha men anish uchch padadhikariyon ke sath uchch vyapar karenge v rajapad ki prapti bhi ho sakti hai. julai 2014-2017 tak jab budh men rahu ki antardasha chalegi tab anish ka rajniti ke kshetra men pravesh hoga aur rajapad ki prapti men sandeh dikhai nahin deta. isi tarah budh ke bad ketu, shukra v surya ki dashaen bhi jivan men uttam fal pradan karegi. is kundli ke vivechan se ham yahi kah sakte hain ki garib se garib athva choti se choti jagah men janma bachcha apne bhagya chakra ke dvara desh ke uchchatam sthan par bhi pahunch sakta hai. jarurat hai to keval imandari se kam karne ke jajbe ki. mehanat, lagn aur unchai tak pahunchne ki chah ko kismat bhi pankh laga deti hai. hamare purva rashtrapti dae abdul kalam bhi isi tarah rameshvaram men ek navik ke ghar men janm lekar desh ke shirshasth sthan par pahunche. isi ko kahte hain ki honi gudri men chipe lal ko pahchan kar use uske upyukt sthan par pahuncha hi deti hai.
Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.