तुला राशि को साढेसाती का प्रभाव सुखद रहेगा

tula rashi ko sadhesati ka prabhav sukhad rahega  

Ank ke aur Lekh | Sambandhit Lekh | Views : 50068 |  
shani ki sarhesati se lagabhag sabhi log parichit hain. jyotishiya gannaon ke adhar par 15 navanbar 2011 ko shani tula rashi men pravesh karenge jiski vajah se sinh rashi valon ki sarhesati samapt ho jaegi tatha kanya, tula aur vrishchik rashi vale jatkon par sarhesati ka prabhav bana rahega. in tinon rashiyon men tula rashi ke jatkon ke lie shani ki sarhesati shubh rahegi. ap aur ham sabhi jante hain ki shani ki sarhe sati se sabhi bhaybhit ho jate hain. jyotish gannaon ke adhar par shani tula rashi men 15 navanbar 2011 ko pravesh karega. iska ashay yah hai ki sinh rashi vale mahanubhavon ko shani ki sarhe sati se mukti mil jayegi. 15 navanbar 2011 se shani ki sarhesati vrishchik rashi valon ko praranbh hogi tatha kanya aur tula rashi valon ko shani ki sarhe sati chalu rahegi. kanya rashi valon ko yah antim dhaiyya rahegi aur tula rashi valon ko dusri dhaiyya rahegi. tula rashi ka svami shukra aur kanya rashi ka svami budh yah donon hi shanidev ke mitra hain. is karan se in rashi valon ko kasht ki matra alp rahegi. iske atirikt yadi shanidev ki aradhna karke unka samman kiya jaye to sarhesati ka asar naganya ho sakta hai. hamare desh bharatavarsh ki vrish lagn aur kark rashi hai. atah bharat desh par shri shani ki sarhe sati ka asar nahin hai. yahan yah ullekhniya hai ki vrish lagn valon ko shani yogkari aur bhagyodykari hai. ham dekh rahe hain ki janm patrika men shani yadi labhkari sthiti men hai to un vyaktiyon ko labh dega. shani ki sarhe sati ka vishleshan karte samay hamen janm patrika ke anusar kis grah ki mahadsha, antardasha chal rahi hai, yah bhi dhyan men rakhna hoga. yah niyam bhi yad rakhna avashyak hai ki jab shani 3, 6, 11 sthanon par bhraman karta hai to bahut achcha fal deta hai. is niyam ke anusar tula ka shani sinh rashi, vrish rashi evan dhanu rashi valon ko labhkari rahne ki sanbhavna hai. kanya rashi valon ko yah dhan sthan men mitra kshetri rahne se yadi janm patrika men labhkari hai to bahut labhkari siddh hoga. yadi sarvis men hai to pramoshan milega. jahan 15 navanbar 2011 se shani ki sarhesati kanya, tula, vrishchik rashi par rahegi, usi ke sath kark, min rashi valon ko shani ki dhaiyya rahegi. inka samay kashtakari rahega. shani labhkari rahega ya kashtakari, iska nirnay ashtak varg men use prapt bindu ke adhar par hoga. vah usi ke anusar fal dega. yadi 28 se kam bindu mile hain to parinam thik nahin honge, yadi 28 se adhik bindu mile hain to shani kam kashtakari rahega. shani ke prabhav ka adhyayan karne ke lie vyapak drishtikon rakhna hoga. yah bhi vichar karen ki vah janm patrika men kis grah ke upar se bhraman kar raha hai, uske anusar parinam honge. jyotish ka yah niyam bhi yad rakhen ki shani jis sthan par rahta hai usmen us bhav se sanbandhit shubh fal deta hai, parantu jis ghar par uski drishti rahti hai usse sanbandhit vastuon ko nuksan pahunchata hai. shani ki drishti amanglkari rahne ka karan yah bhi hai ki shani ko unki dharm patni dvara shrap diya gaya tha. shani apne sthan se saptam sthan, tritiya sthan evan dasham sthan ko purn drishti se dekhta hai. jin yuvkon evan kanyaon ki janm patrika men shani ki purn drishti saptam yani vivah sthan par rahti hai, aise larke, ladkiyon ke vivah bahut kathinai se hote hain. yadi kisi larke, larki ke vivah men vilanb hota hai to dekhen ki shani ki drishti to vivah sthan par hai ya nahin, yadi hai to drishti prabhav hetu samuchit upayon ka upyog kar sakte hain. manniya sushri mayavti ka shani pancham men hai aur vivah sthan ko tritiya purn drishti se dekh raha hai. vah shayad isi karan avivahit hain, jaisa ki upar varnan kar chuke hain. vrishchik rashi par 15.11.2011 se sarhe sati ayegi. tula ka shani uchch ka rahega to tula, mithun, dhanu, makar tatha kunbh rashi valon ke lie labhkari rahega. parantu bhartiya janta parti ki rashi par sarhesati ke karan parti men pareshani paida karega. netaon men matbhed ubhrenge. pradhanmantri pad ke davedar ko lekar bhi matbhed barhne ki sanbhavna rahegi. shri shanidev ko prasann karne ke lie nimnalikhit mantron men se kisi mantra ka jap shraddhapurvak karen to kashton ka nivaran hoga. tantrik mantra : 1. un shan shanaishcharay namah 2. un pran prin praun sah shanaishcharay namah vaidik mantra : un shannau devirbhishtaya'apo bhavantu pitye. shannau rabhiahshravantu nah॥ shri shankar bhagvan ki upasna v shri bajrangbli ki upasna se bhi shani ke kasht dur hote hain. atah ap shri shankar bhagvan ya shri bajrangbli ki aradhna karen. shanidev ko prasann karne ke lie shani ki vastuon ka dan karna bhi labhkari rahta hai. ye vastuen hain- kale urad, kale til, tel, loha, bartan men sarson ka tel adi- shri bajrangbli ke mandir men bhent karna, bahut labhkari rahta hai. shanidev ko prasann karne ke lie mahamrityunjay mantra ka jap bhi bahut labhkari siddh hota hai. vah mantra is prakar hai- un tryanbakam yajamhe sugandhim pushtivardhanam. urvarukmiv bandhnanmri- tyormukshiya mamritat॥ ham sabhi jante hain ki shanidev, surya putra aur yam ke sahodar hain. bhagvan bholenath ne shani ko bhrasht jivon ko dand dene ki jimmedari di hai. is prakar shanidev dandadhikari hain. shani janm patrika men karm sthan yani dasham sthan- bhagya men svagrihi ya uchch ka hone par ukt vyakti ko rajniti men shikhar par pahuncha deta hai. patrika men vrish, tula aur makar lagn valon ko yah yogkari hota hai aur vah svagrihi ya uchch ka ho to uchchapad dilata hai jaise manniya atal bihari bajpei ji ka tula ka shani lagn men uchch ka hai. 1. shri ke. pi. es. gil prasiddh pulis adhikari ka shani bhagya men svagrihi hai aur bar-bar uchchapad milta gaya. 2. shri manmohan sinh ji ka shani dhanasthan men svagrihi hone ka labh yah hua ki unhen uchchapad mila. 3. shri murli manohar joshi ji ka shani svagrihi hai aur viprit rajyog banaya hai tatha shani ki mahadsha 18 julai 2013 se labhkari rahegi parti men puch parakh barhegi aur achanak labh milega. 4. bi.je.pi. ke shri vikram varma ji, ko bhi shani ay sthan men 15 navanbar 2011 se labhkari rahega. 5. shri shivraj sinh chauhan mukhymantri (m.pra.) ki makar rashi hone se shani bhagya men labhkari rahega. uttar pradesh ki mukhymantri sushri mayavti ki vrish lagn hai aur bhagya ka svami shani pancham (buddhi sthan) men hone se punah mukhymantri bani. shri narayan datt tivari aur narmada andolan ki neta sushri megha patakar ki makar lagn men evan shani bhagya men uchch ka hai vah rajniti men uchchapad par avashya jayengi. shani ki dasha men abhi unka samay anukul chal raha hai. shani vyakti ko karmath banata hai. yadi kisi ki janm patrika men shani balhin mesh rashi men baitha ho to vyakti bar-bar unnati ke shikhar tak pahunchte-pahunchte rah jata hai. vrish, tula, makar rashi-lagn vale vyakti nilam ki anguthi pahanakar shani ko prasann kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.