ज्योतिष में अंकशास्त्र की भूमिका

jyotish men ankshastra ki bhumika  

Ank ke aur Lekh | Sambandhit Lekh | Views : 3562 |  
jyotish men ankshastra ki bhumika harishchandra prasad ''arya'' ank shastra ki uday bhumi aur ankon ke mahatva aur unki bhumika ka nirdharan bharat men hi maharshiyon ke tatvavdhan men hua. aur unhin se vibhinn samasyaon ka nirakaran kiya gaya. suryadi grahon ke alg-alag yantron ki rachna bhi ankon ke adhar par hi ki gai jo sarvamanya hai aur jyotish ke sath ankon ke vishesh samanjasya ko darshati hai. ankshastra ki uday bhumi bharat ke jyotish jagat men ankon ka mahatva puratan kal se parilakshit hota raha hai. arsh paranpra se maharshiyon ke kripa prasad ke rup men prapt vibhinn akar-prakar ke yantron men hamen, ankon ke chamatkarik evan suniyojit ult-fer aur uske madhyam se vibhinn samasyaon ke nirakaran ki jhalak milti hai. suryadi grahon ko prasann karne ke lie bhi alg-alag yantron ki rachna ki gai hai jo ankon ke vishesh samanjasya ko darshata hai. parantu pashchatya vidvan ''kiro'' ne ankon ke mahatva ko dusre prakar se pahchana aur jyotish men inki bhumika ko rekhankit kiya. unhonne sabhi grahon ko ek vishesh ank pradan kiya. iske atirikt angreji varnamala ke aksharon ke lie bhi ank nirdharit kiye gaye. ''kiro'' ne yurenas aur nepachyun ko bhi apni ganna men sammilit kiya, parantu inhen kisi rashi ka svamitva pradan n karke yurenas ko surya ke sath aur nepachyun ko chandrama ke sath jora gaya hai. unhonne vyakti, vastu, sthaladi ke namon men prayukt hone vale sabhi aksharon ke lie ank bhi nirdharit kiye. inhen jorakar prapt hone vala ank hi us vyakti adi ka namank hota hai. ''kiro'' dvara pratipadit ank jyotish aur paranpragat rashiyon men mesh, mithun, sinh, tula, dhanu tatha kunbh ko oj (pojitiv) mana gaya hai aur sam rashiyon- vrish, kark, kanya, vrishchik, makar tatha min ko saumya (naigetiv) ki shreni men rakha gaya hai. parantu ''kiro'' ne dohre svamitva vali grahon ki pahli rashi- mesh, vrish, mithun, dhanu aur makar ko oj mana hai aur dusri rashi- kanya, tula, vrishchik, kunbh aur min ko saumya mana hai. iske sath hi sinh rashi ko oj aur kark rashi ko saumya mana hai. ''kiro'' ke anusar rashi ke anurup uska svami grah bhi oj ya saumya hota hai. sayan surya ke sanchar ke anusar ank jyotish men angreji ke barah mason ko bhi bhachakra ki barah rashiyon ke sath jora gaya hai, yatha-kunbh, marcha-min, aprail-mesh, mai-vrish, jun-mithun, julai-kark, agasta-sinh, sitanbr- kanya, aktubr-tula, navanbr-vrishchik, disanbr-dhanu rashi tatha janvri- makar. ank jyotish men bhi rashiyon ke svami vahi grah hain jo paranpragat jyotish men hain. janma-tithi ke anusar bhagya fal janne ke lie pahle janm ke mahine ka samanya fal janna chahie fir janm tithi ke anusar us mulank vale vyakti ki ruchi, svabhav adi par vichar karna chahie. ankshastra men mulank ka sthan mahatvapurn hai. ye mulank hain- ek se nau tak ke ank. kisi bhi choti ya bari sankhya ko mulank men badla ja sakta hai. jaise- 5678 sankhya ka mulank is prakar nikal sakte hain. 5+6+7+8 = 26 = 2+6 = 8 mulank. ankshastra ke madhyam se jivan men sajhedari, vyapar, svasthya, arthik sthiti adi ka akalan bhi isi mulank ke adhar par kiya ja sakta hai. namank men parivartan kar janmank ke sath uska samanjasya bithaya ja sakta hai aur usse jivan men behatar bhagya evan suvidhaon ka uthaya ja sakta hai. pata : sentral baink koloni, janta flait, bi.ech.si.-6 se purab patna-26.
Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.