वर्ष 2014 में देश के भाग्य विधाता

varsh 2014 men desh ke bhagya vidhata  

Ank ke aur Lekh | Sambandhit Lekh | Views : 2399 |  
pratyek desh men deshvasi yah janne ko utsuk rahte hain ki prasiddh rajnetaon ka bhavishya kaisa rahega. ham is sanbandh men mukhya rajnetaon ki janmapatrika ka adhyayan karke dekhen. sansar men jyotish hi ek aisa vishay hai jisse unke bhavishya ka pata lagaya ja sakta hai. neta hi desh ki bagdor sanbhalte hain. is karan unhen desh ke bhagyavidhata kah sakte hain. 1. shrimti soniya gandhi, kangres adhyaksh ki janm tarikh 9-12-1946 hai. unki kark lagn aur mithun rashi hai. inka mulank 9 hai aur bhagyank bhi 9 hai tatha kark lagn hone se yogkari grah mangal ka ank bhi hai. is karan itni unnati hui aur bhavishya men bhi unnati aur prasiddhi milti rahegi. unki janm patrika men shukra svagrihi hokar kendra sthan men hone se malavya panch mahapurush rajyog bana hai. iske atirikt guru shukra ne lakshmi vishnu rajyog banaya hai. in donon yogon ke karan unka rajniti men shikhar par rahne ka yog hai. 2. bhartiya janta parti ki rashi vrishchik hai. guru (brihaspati) 18/6/2014 se bhartiya janta parti ke lie labhkari rahega. shri narendra modi ki bhi rashi vrishchik hone se unke liye bhi bahut labhkari rahega. inki lagn evan rashi vrishchik hai. inhen chandra-mangal yog, ruchak panchmhapurush yog hai. guru chandra ne gajkesri rajyog banaya hai. samay labhkari hai. 3. shri manmohan sinh ka janm dinank 26-9-1932 hai. inka dhanu lagn aur kark rashi hai. hamare desh ki bhi kark rashi hai. abhi unka samay anukul hai, san 2014 svasthya ki drishti se thik nahin hai. rahu ki mahadsha 7-8-14 ko khatm hogi aur guru ki mahadsha shuru hokar labhkari rahegi. 4. shrimti menka gandhi (bi. je. pi. neta) bhutpurva mantri bharat sarkar ki janm tarikh 26-8-1956 hai. unki kark lagn evan min rashi hai. unka bhagyank 1 hai aur namank bhi 1 hi hai. is karan pradhanmantri shrimti indira gandhi ki putravdhu banin. parantu ashtam sthan men mangal hone se vaidhavya yog bana. yadi bi. je. pi. unhen chunav men utarti hai to vah avashya safal rahengi. chandra unke janm lagn ka svami hai aur yogkari hokar bhagya bhav men hai. abhi chandra ki mahadsha 3-5-2015 tak hai, samay labhkari chal raha hai. bhavishya men unhen uchch pad avashya milega. 5. manniya dae. murli manohar joshi, bhu. pu. mantri bharat sarkar ki janm tarikh 05.01.1934 hai. unki kunbh lagn evan sinh rashi hai. ab unka samay aur bhi uttam shuru hoga. aise shani ki mahadsha 18-7-2013 se shuru hui hai. viprit rajyog ke karan anyas bahut bara pad milne ki sanbhavna hai. 6. sushri mayavti ki janm tarikh 28-10-1951 hai. inka vrish lagn evan kanya rashi hai. inka mulank 1 hai aur namank bhi 1 hai is karan itni unnati hui. kanya rashi hone se shani ki sarhesati hai. is karan samay thik nahin rahega. yogkari grah budh ki mahadsha 16-9-2019 se bahut labhkari rahegi. 7. shrimti sushma svaraj ki janm tarikh 14-2-1952 hai. inka janm lagn dhanu evan rashi kanya hai. kanya rashi hone se abhi shani ki sarhesati chal rahi hai fir bhi 15-11-11 se shani dhan sthan men aya aur labhkari hai. unki janmapatrika men hans panch mahapurush yog hone se bahut prasiddhi milegi aur ek bahut imandar rajneta ki chavi bani rahegi. unka namank 9 ata hai. vah mulank aur bhagyank se mel nahin khata. is karan spid se unnati nahin hui. fir bhi dhanu lagn hone se mangal yogkari hai aur mangal ka ank bhi 9 hi hai. 2014 labhkari rahega.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.