शासकों के शासक  कौन? ...

shaskon ke shasak kaun? ...  

Ank ke aur Lekh | Sambandhit Lekh | Views : 1678 |  
prachin kal se hi am janta ka jyotish men agadh vishvas raha hai aur rajnitigya bhi iska apvad nahin hain. nai chuni hui sarkaren jyotishi ki salah par ek shubh ghari arthat shubh muhurt ka chayan karke shapath grahan karne men vishvas karti hain. yadi jyotish ke itihas ka adhyayan karen to ham paenge ki anekanek rajaon ne jyotish shastra ke vidvanon v jyotishiya pustakon ke lekhkon ko n keval sanrakshan pradan kiya apitu unke gyan ka samyak labh bhi uthaya. sikandar mahan ne apne lie ek bhavishyavakta niyukt kiya hua tha jisse vah yuddh men jane se pahle salah le liya karta tha. isi prakar samrat akabar ke darbar men bhi jyotik ray namak vikhyat jyotirvid the jo raja ko nirantar paramarsh dete rahte the aur bad men ye samrat jahangir ke darbar men jyotishi the. aisa mana jata hai ki nepoliyan ke pas livars di profaitiks namak ek pustak thi jo nepoliyan ke satta prapti se 262 varsh purva filip dayu dan nol oliveriyas namak ek mahan daektar, sarjan v jyotishi dvara likhi gai thi. kahte hain ki is pustak ke chamatkari gyan ke karan nepoliyan ko jyotish par agadh vishvas tha. karla inarsat kraft namak svis estrolaejar ko hitalar ka vishesh sanrakshan prapt tha. ek anya jyotishi eairik jan hanusan bhi hitalar ko salah diya karte the. san 1980 men ek mukhyamantri ne ek jyotishi ke kahne par apne shapath grahan karne ke samay ko ghoshit karne ke bad 10ah00 baje ki bajae 10ah02 kar diya. isi prakar mantriyon ke lie shubh aur khule karyalay ka chayan karna bhi is drishti se mahatvapurn hota hai. kuch karyalay islie ashubh mane jate hain kyonki yahan par jin bhi mantriyon ne karyabhar sanbhala ve koi mahatvapurn karya n kar sake. dilli ke udyog bhavan ke do kamre isi prakar se ashubh mane jate rahe hain. ek ispat mantri ne bhi lanbe samay ke bad satta men lautne par aise hi ek kamre men jane se mana kar diya tha. karyabhar sanbhalne ke bad mantri log kai vivadaspad failon par karya karne se ghabrate hain. karyalay ke adhikariyon ki ray jab inke lie nakafi ho jati hai to yadi mamla adhik sanvednshil aur risk vala ho to jyotishi ki ray ko antim ray manakar antim faisla lete hain. indira ji aur narsimha rav bhi aham faisle lete samay jyotishi ki ray avashya lete the. videshon men bhi jyotishiyon ke mashvre ko khub mahatva diya jata hai. natavar sinh ne sva. magrret thaichar ke briten ki pradhanmantri banne se pahle prakhyat jyotishi chandrasvami ke sath miting ke bare men likha hai jismen chandrasvami ne magrret thaichar ko manglvar ke din lal sari pahnne ki salah di thi. shesh itihas sakshi hai.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.