पथरी: कारण और निवारण

pathri: karan aur nivarn  

Ank ke aur Lekh | Sambandhit Lekh | Views : 18922 |  
peshab ke sath niklne vale bhinna-bhinn prakar ke kshariya tatva jab kinhin karanavash nahin nikal pate aur mutrashay, gurde athva mutra nalika men ekatra hokar kankar ka rup le lete hain to ise pathri kaha jata hai. pathri rog mutra sansthan se sanbandhit hai. patthar ke chure ko mutra renu kahte hain. ye chure ya renu safed aur lal rang ke hote hain. jab ye dhire-dhire apas men mil jate hain to choti pathri ka rup dharan kar lete hain. pathri gol, andakar, chapti, chikni, kathor, mulayam tatha alu ki tarah hoti hai. yah un logon ko hoti hai jinke mutra men chune ka ansh adhik hota hai. pathri hone ka mukhya karan hai- pet ki kharabi. kabj, amlapiÿa, alsar adi ke karan pathri banne lagti hai. adhunik chikitsa visheshagyaon ka kahna hai ki fast fud tatha adhik mircha-masale vale padarthon ke sevan se pathri ki utpatti ho jati hai. pathri ban jane ke bad rogi ko mutra tyag karte samay kafi dard hota hai. mutra ruk-rukakar ata hai. mutra ke sath piv ya kabhi-kabhi khun bhi a jata hai. shishn ke agle bhag men ashniya jalan aur dard hota hai. jab pathri gurde se chalakar mutrashay men a jati hai to dard barh jata hai. dard ke karan rogi bechain ho jata hai. kai bar rogi ko ulti bhi ho jati hai. yadi gurde men pathri ho to rogi ko gehun aur jau ki roti, hari sabjiyan, mung ki dhuli dal, mausmi fal tatha jau evan nariyal ka pani dena chahie. vaise shighra pachne vale sabhi padarth khane men koi harj nahin hai. purane chaval, muli, gajar, adarak, dudh, mattha, dahi evan nibu ka ras pathri ke rogi ke lie bahut labhdayak hai. bhojan ke sath in padarthon ko anivarya rup se lena chahie. mithai, makkhan, ghi, tel, chini, sharab, mans, chay, kaefi tatha uttejak padarthon se bachna chahie. ritu ke anusar ganne ka ras tatha kulthi ka pani avashya sevan karen. isse gurde ki safai hoti rahti hai. yadi parhej se rog nivaran n ho to nimnalikhit gharelu nuskhe ajma sakte hain- - maulsiri ke 10 gram fulon ka sharabat banakar pratidin subah ke samay pien. pathri kuch hi dinon men nikal jaegi. - gaukhru ka churn 10 gram tatha shahad 25 gram-donon ko milakar gay ke dudh ke sath sevan karen. - pyaj ka ras char chammach subah aur char chammach sham ko kuch dinon tak pine se bhi pathri men kafi labh hota hai. - menhdi ki jar ko sukhakar pis len. fir 3 gram churn ko shakkar men milakar pratidin subah ke samay sevan karen. - kulthi ke ate ki rotiyan banakar chailai ki sabji ke sath khaen. yah pathri rog men ramban hai. - jamun ki char gram guthli ka churn dahi ke sath subh-sham sevan karen. pathri galakar bahar nikal jaegi. -3 gram ajmod ko char chammach muli ke ras men milakar pien. pathri ka nivaran ho jaega. - chandan ke tel ki 10-12 bundon ko chini men milakar subah, dopahar aur sham ko len kafi labh hoga. - kalmi shora 2 gram, fitkri ka fula 2 gram tatha shakkar 30 gram-tinon chijon ko pani men gholakar rogi ko pilaen. - 10 gram ilaychi ke dane, 10 gram shilajit tatha 6 gram pipl-sabko pisakar churn bana len. fir ismen 25 gram mishri pisakar milaen. ab ek-ek chammach ki matra men yah churn subh-sham pani ke sath sevan karen. - do gilas pani men 25-30 gram muli ke bij ubal len. jab pani adha rah jae to bijon ko chanakar din men do bar pien. - kale lohe ki anguthi daen hath ki madhyama ungli men pahnen. isse pathri ka dard kam hota hai kyonki madhyama ungli ka dabav bindu gurde se sanbandhit hai. - palak ka ras ek kap tatha nariyal ka pani ek kap- donon ko milakar 15 dinon tak niyamit rup se pien. - gajar ke bij tatha shalajam ke bij-donon 3-3 gram lekar ek muli ko khokhla karke uske bhitar bhar den. ab muli ka munh gajar ki chilan se bharakar uple ki ag men daba den. jab gajar bhun jae to bij nikalakar subh-sham 2-2 gram ki matra men chach ke sath len. isse mutra khulakar ane lagega tatha pathri bhi gal jaegi. - pathri ke rogi ko ek kap kharbuje ke ras men 5 gram muli ke bij pisakar sevan karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.