prashna: brahman se hi puja-path kyon karaen? uttara: mamah niyam men abaddh brahmana- varg apni nirantar upasna v tyagvritti, sattvikta evan udarta ke karan ishvaratattva ke sarvadhik nikat rahte hain. fir dharmashastra, karmakand ke gyata evan adhikari vidvan hone ke karan paranpragat manyata anusar puja-path karne ka adhikar unhen hi hai. prashna: brahman ko devta kyon kaha gaya? uttara: daivadhinan jagatsarvan, mantradhinan devta. te mantra vipran jananti, tasmat brahmanadevtaah.. yah sara sansar vividh devon ke adhin hai. devta mantron ke adhin hain. un mantron ke prayog-uchcharan v rahasya ko vipra bhali-bhanti jante hain isliye brahman svayan devta tulya hote hain. prashna: brahmanon ko lok-vyavhar men adhik samman kyon? uttara: nirantar prarthana, dharmanushthan v dharmopdesh kar ke jis prakar maulvi masjid ka pramukh, girjaghar men padri sarvadhik sammanit hota hai, unse bhi barhakar brahman ka samman paranpragat lok-vyavhar men sada sarvatra hota aya hai. prashna: yagya ki agni men til-jav ityadi khadya padarth kyon? uttara: aj ke pratyakshavadi yug ke vyakti havan men ghi-til-jav adi ki ahutiyon ko agni men vyarth funk dene ki jangli pratha hi samjhte hain. pratyakshavadiyon ki dharna vaisi hi bhrampurn hai jaisi ki kisan ko kimti ann khet ki mitti men dalte huye dekhakar kisi krishi vigyan se aprichit vyakti ki ho sakti hai. pratyakshavadi ko kisan ki cheshta bhale hi murkhata purn lagti ho par buddhiman krishak ko vishvas hai, ki khet ki mitti men vidhipurvak milaya hua uska pratyek annakan shatasahasra-gunit hokar use punah prapt hoga. yahi bat yagya ke sanbandh men samjhni chahiye. jis prakar mitti men mila anna-kan shat sahasra gunit ho jata hai, usi prakar agni se mila padarth laksha-gunit ho jata hai. kisan ka yagya parthiv aur hamara yagya taijas. krishi donon hai ek adhibhautik to dusri adhidaivik. ek ka fal hai- svalpakalin anajon ke dher se tripti to dusre ka fal devtaon ke prasad se anantakalin tripti. yagya men ‘dravya’ ko vidhivat agni men hom kar use sukshm rup men parinit kiya jata hai. agni men dali hui vastu ka sthulansh bhasm rup men prithvi par rah jata hai. sthul sukshm ubhy-mishrit bhag dhumra banakar antriksh men vyapt ho jata hai, jo anttogatva meghrup’ men parinat hokar dyulokasth devagan ko paritript karta hai. ‘sthul-sukshmavad’ siddhant ke anusar pratyek ansh abadh gati se apne anshi tak pahunchakar hi rahta hai. jal kahin bhi ho, uska pravah akhirkar apne udgam sthal samudra men pahanche bina dam nahin leta. yah vaigyanik sutra svatah hi pramanit karta hai ki agni men funke gaye padarth ki satta samapt nahin hoti. manusmriti, adhyay 3/76 men bhi ek mahatvapurn sutra hai. ‘agnau prastahutiah samyag adityan upashthite’ agni men vidhivat dali hui ahuti, surya men upasthit hoti hai. shrimadbhagavadgita, adhyay 3, shlok 14-15 men bhagvan shrikrishn srishti chakra v yagya ke bare men kahte hain- sansar ke sanpurn prani ann (khadya padartha) se utpann hote hain. agni ki utpatti vrishti se hoti hai aur vrishti yagya se hoti hai aur yagya (ved) vihit karyon se utpann hone vala hai.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.