शनि का गोचर

shani ka gochr  

Ank ke aur Lekh | Sambandhit Lekh | Views : 2102 |  
nau grahon men se panch grah surya, chandra, mangal, budh evan shukra shighragami grah hain. chandrama to sava do din men hi rashi parivartan kar leta hain. anya grah bhi ausat ek se do mahine men rashi parivartan kar lete hai. atah in grahon ka shubhashubh prabhav jatak par simit samay ke lie hi hota hai. yadi inke gochr se kasht hota bhi hai to shighra hi samapt bhi ho jata hai. is karan se jatak par vishesh prabhav nahin rahta hai. guru shubh grah hai. yah n to atyadhik shubh aur n hi atyadhik ashubh hota hai. rahu-ketu jis ghar men baithte hai uske svami ke fal dete hain. keval shani hi ek mandgti evan dirghagami v prabhavshali grah hai jinka shubh ya ashubh prabhav jatak ko vishesh rup se mahsus hota hai aur rhai varsh tak ek rashi men rahne ke karan lanbe samay tak sukh ya kasht ki anubhuti hoti hai. yahi karan hai ki log shani se bhaybhit rahte hain. thik bhi hai yadi ham kisi ke jivan ke utar-charhav ka adhyayan karna chahte hai to keval shani par apna dhyan kendrit karke uske jivan ka sar 90ah tak jan sakte hain. is prakar nau grahon ko chorakar yadi ham keval ek grah shani par dhyan kendrit karen to ham ek achche jyotishi ban sakte hain. aiye sikhte hai shani ke gochar ke bare men - shani ki sarhesati ya dhaiyya vyakti ke jivan men prayah tin bar ati hai. ek janm se 30 varsh men, dusre 30 se 60 varsh men tisre 60 se 90 varsh men. yadi vyakti dirghayu arthat 90 varsha se adhik ho to chaithi bar bhi sarhesati a sakti hai. prathm sarhesati yadi 10 varsh se pahle ati hai to svasthya kharab karti hai. 10 se 25 varsh ke bich men shiksha par kuprabhav dalti hai v taduprant vyavsay ya vivah par prabhav dalti hai. prathm sarhesati ka fal adhikanshtya man-bap ko jhelna parta hai. dusri sarhesati ka prabhav shani ke gochar bhavanusar vaivahik sukh ya vyavsay par parta hai. ise svayan hi jhelna parta hai. tisri sarhesati ka prabhav vyavsay v svasthya par parta hai. isse santan prabhavit hoti hai kyonki man-bap ke svasthya ka dhyan ab unki jimmedari hoti hai. chaithi sarhesati to svayan par markesh hokar hi ati hai. mukhyatah shani chandrama se 12, 1, 2, 4, 8 sthanon par anishtakari mana gaya hai. pahle tin 12, 1, 2 sthanon par shani ki sarhesati kahlati hai aur shesh do 4 evan 8 par shani ki dhaiyya. yahi sthiti lagn se bhi prabhavi hoti hai. sath hi shani mesh, kark, sinh va vrishchik rashiyon par ashubh faldayak hai. sarhesati/dhaiyya men shani apni uchch rashi tula men bhi kashtakari hota hai. shani jab bhi apne shatru grahon- suryan, chandra aur mangal ke upar se gochr karta hai to nesht fal deta hai. inki rashiyon se bhi shani ka fal nakaratmak hi prapt hota hai. yadi lagn v chandra donon se shani ki sthiti nakaratmak hoti hai to shani ati ashubh ho jata hai. is par abhi yadi vah shatru rashi ya grah par gochr karta hai to fal aur adhik nakaratmak ho jate hain. isilie shani ki sarhesati ya dhaiyya kuch jatkon ke lie ati ashubh, kuch ke lie sam aur kuch ke lie kam ashubh v shubh adhik hoti hai. sarhesati men mukhya rup se mansik pareshaniyan v bhavishya ka dar satata hai. kasht itne hote hain ki rat men nind tut jate hain. joron men dard shuru ho jate hain. kabhi dhan hani evan vyavsay ki hani bhi ho jati hai. mukaddame adi se bhi admi uljhnon men fans jata hai. lanba samay hone ke karan kashton ka nivaran nahin dikhta. lekin yahi sarhesati rajnaitik bhavishya ke lie ati labhaprad hain. yadi shani ki sarhesati ya dhaiyya men chunav lara jay to jit ke asar bahut barh jate hain. sath hi kuch pad prapt hone ki bhi sanbhavna rahti hai. rashyanusar shani gochar fal rashi vishesh kasht kasht nimn kashta 1 min, vrishchik mesh, kark mithun 2 mesh, dhanu vrish, sinh mithun 3 mithun vrish, makar mithun, kark, kanya 4 kark sinh, kunbh tula 5 kark sinh min kanya, vrishchik 6 sinh, mesh tula kanya, dhanu 7 tula kanya, vrish makar, vrishchik 8 tula, vrishchik mithun dhanu, kunbh 9 vrishchik, kark dhanu makar, min 10 dhanu, sinh, makar, mesh kunbh 11 kanya makar, kunbh min, vrish 12 tula kunbh, mesh min, mithun shani bhavanusar gochar fal pratham vyavsayik, yash, jivnsathi se sanbandh dvitiya dhan, kutumb, kalh tritiya svasthya, santan, yatra chaturth ghar men kalah, shatru, vyavsay, tanav pancham santan, jivnsathi, dhan shashth svasthya, dhan, nyayik saptam shadi, jivnsathi, tanav, ghar men kalh ashtam svasthya, vyavsay, dhan, santan, nyayik navam dhan, svasthya, shatru dasham vyavsay, ghar v jivnsathi se kalah, dhan hani, gyarah dhan, santan, svasthya dvadash dhan, svasthya, aspatal men bharti, tanav, nyayik chandrarashyanusar v shani ke bhavanusar fal uprokt talikaon men varnit hain. shani ki sarhesati ka prabhav chandrama ke bhavanusar bhi visheshrup se parta hai. chandrama yadi lagn men ho to shani ki sarhesati ka praranbh v ashtam dhaiyya vishesh rup se kashtakari hote hanai. chandrama ke dvitiya bhav men hon par sadhesati ka prabhav lagn se barhven shani ane se hi svasthya par praranbh ho jata hai. ashtam dhaiyya ka vishesh prabhav nahin hota. tritiya bhav men chandrama hone par sarhesati kam kashtakari hoti hai. chaithe chandrama se ghar men kalah barh jati hai. pancham chandrama se ashtam dhaiyya svasthya ke lie vishesh kashtadayi hoti hai. chathe satven v athven chandrama ki sarhesati anishtakari kam v shubh faldayi adhik hoti hai. naven chandrama hone par sarhesati ka praranbh sab kuch le baithta hai. dasham chandrama ki sarhesati shubh rahti hai. ekadash chandra hone par utrti sarhesati v dvadash chandrama men sarhesati ki bich ki dhaiyya svasthya hani karati hai. sukshmata se sarhesati ki ganna ke lie chandra spasht ya lagna spasht ko lena chahie evan sarhesati 450 pahle se lekar 450 bad tak manni chahie. chaturth v ashtam dhaiyya ke lie yah man 150 hota hai. yadi shani vakri ho jate hain aur unka gochar chandrama ki or hota hai to shani ka prabhav adhik mahsus hota hai. yadi shani chandra se pahle hai v vakri ho jaen to vakri hone par chandra se duri barhne lagti hai aur is prakar unke dvara kasht men thori raht mahsus hoti hai. yadi shani chandra se age hai aur vakri ho jaen to inki chandra se duri ghatne ke karan kashton men adhikta a jati hai. vaise bhi vakri grah prithvi ke pas hone ke karan adhik prabhavshali hote hain. vakri grah ka prabhav keval sarhesati hi nahin varan chaturth evan ashtam dhaiyya men bhi isi prakar lena chahie. uprokt kathnanusar vrishchik rashi se dhanu rashi men shani ka rashi parivartan mesh, sinh, tula v vrishchik rashi ke jatkon ke lie shubh rahega. mithun, kark, dhanu, kunbh v min ke lie sam rahega evan vrish, kanya v makar ke lie ashubh rahega. uprokt prabhav lagnanusar bhi prabhavi hoga. yadi lagn v rashi donon se iska prabhav shubh hai to fal atishubh honge. yadi donon se ashubh hai to ati ashubh fal honge. yadi ek se shubh dusre se ashubh ya donon se fal sam hain to kul fal bhi sam honge. yadi ek se shubh v dusre se sam to fal sam evan ek se ashubh va dusre se sam to kul fal ashubh honge. shani janit kashton ke nivaran hetu nimn upay vishesh labhaprad hain:- 1. shanivar ko katori men tel len usmen ek rupya dalen. apni chaya dekhakar mandir men shani ke charnon men arpit karen ya dakaut ko den. isse mansik v sharirik shanti prapta hoti hai. 2. shani ke tantrokt mantra ka 7 mukhi rudraksh mala par jap karen evan is mala ko pratidin dharan karen. isse vishesh mansik shanti v bhay se chutkara milega. 3. hanuman chalisa ka nitya prath karen. isse bhay dur hoga. 4. hanumat mantra ‘‘ un han hanumtye namah’’ ka nitya jap bhi bhay se chutkara dilata hai. 5. svasthya labh hetu mahamrityunjay mantra ka nitya jap ya sava lakh mantron ka anushthan vishesh faldayi hota hai. 6. yadi koi mukaddama ho ya vishesh vyakti se pareshani ho to man baglamukhi ka anushthan kashton ka nivaran karta hai. 7. yadi vyavsayik pareshani hai to nitya sundrkand ka path ramban hai. iska thora-thora path nitya karne se kasht dur hote hain. 8. shani ke dan arthik pareshaniyon se chutkara dilate hain.
Kya aapko lekh pasand aaya? Subscribe
Kya aapko lekh pasand aaya? Subscribe


shani visheshank  February 2017

sarvashreshth jyotishiya patrika fyuchar samachar ka shani visheshank pathkon men vishesh lokapriya hai. gat 1 dashak men iski vishesh mang barhi hai. islie ise har varsh prakashit kiya jata hai. is visheshank men shani grah se sambandhit anek gyanavardhak lekh shamil kie gaye hain, jinmen shani ek parichay, sannyas ka karak shani, shani ki sarhesati v dhaiyya ka prabhav, surya shani yuti, shukra-shani ka vichitra sambandh tatha rog ka karak shani ityadi lekh samavisht hain. iske atirikt samyik charcha ke antargat panch rajyon ke agami vidhansbha chunavon par jyotishiya paricharcha vishesh akarshan ka kendra hai. is visheshank men virat kohli v anushka ke prem sambandh tatha vailentain de ke atirikt sthayi stambhon men shamil kie gaye lekh v panchang se sambandhit jankari bhi pathkon ke lie upayogi rahegi.

Subscribe

Apne vichar vyakt karein

blog comments powered by Disqus
.