विराट कोहली - अनुष्का शर्मा

virat kohli - anushka sharma  

Views : 2356 | February 2017

kahte hain joriyan svarg men banti hain aur bhagvan sabhi rishte upar se banakar bhejta hai. bachcha janm ke sath hi in sabhi rishton men bandh jata hai, lekin ek rishta aisa bhi hota hai jo use janm ke sath nahin milta. vo hai uske parfekt partanar ka, jisko pane ka jyadatar log sapna dekhte rahte hain. jyotish shastra manta hai ki hamara jivnsathi aur bhagya sitare aur grah tay karte hain. bolivud men jore banna aur tutna am bat hai. fir bhi bolivud men anek aise jore hain jo aj ke samay ki yadgar joriyan hain, jinka nam ek dusre ke bina adhura lagta hai. inhin men se kuch hanai dipika padukon aur ranvir sinh, anushka aur virat kohli, abhishek bachchan aur aishvarya ray bachchan, shahrukh khan aur gauri khan, saif ali khan aur karina kapur, amir aur kiran rav, rani mukharji aur aditya chopra, ajay devagan aur kajol, akshay kumar aur tvinkal khanna, shahid kapur aur mira rajput, amitabh bachchan aur jaya bhaduri, hema malini-dharmendra, rishi kapur-nitu sinh tatha ritesh deshmukh aur jeneliya disuja.

inhin men se aj ke samay ki sabse charchit jori virat aur anushka sharma ki rashi anukulta ki bat kar rahe hanai. virat kohli kriket star hanai to anushka sharma bolivud ki jani-mani abhinetri hain. in donon ke prem prasang ki khabren prayah samacharon ki surkhiyon ki shobha banti rahti hain. is bat ko dhyan men rakhte hue ham aj yahan donon ki kundliyon ki rashi anukulta dekh rahe hain. virat kriket ka sabse chamkta sitara bhartiya tim ke star ballebaj virat kohli ke sitare ajakal bulandiyon par hain aur vah har maich ke sath tim indiya men apne kad ko barhate chale ja rahe hain. bhartiya tim ke sabse safal ballebaj virat kohli ne pakistan aur austreliya ke khilaf do mahatvapurn maukon par apni ballebaji ka jadu bikherte hue tim indiya ki naiyya par lagai. yahi nahin virat ne in maukon par jabaradast dhairya dikhaya aur jab dusre bhartiya ballebaj vipakshi gendbajon ke samne jujh rahe the tab unhonne apni jimmedari dikhai.


jivan ki sabhi samasyaon se mukti prapt karne ke lie yahan klik karen !


kahte hain vipatti ke samay men hi admi ki pahchan hoti hai aur virat kohli sanktmochak hain. aisa ye kai maukon par siddh kar chuke hain. ek safalatam aur sadhe hue ballebaj virat kohli khel jagat ke vo star hain jinhonne vande kriket men sabse tej matra 52 gendon men shatak lagane ka rikord banaya hai. kohli ka janm 5 navambar 1988 ko dilli men hua. inke pita ka nam prem kohli, man ka nam saroj kohli aur bhai vikas kohli hain, pyari bahan bhavna hai jinka khyal ye apne parivar men sabse jyada rakhte hain. virat kohli ke sitare in dinon bulandi par hai. ye jis chij ko hath lagate hain vah sona ho jati hai. yahi karan hai ki unhen har jagah kamyabi mil rahi hai. maidan par unka hona saflta ki garanti deta hai. virat ka nam kriket jagat ke asman par sunhre aksharon men chamak raha hai. iske sath hi inka niji jivan bhi pareshaniyon ke bad thik hota ja raha hai.

anushka hai saflta ka dusra nam bolivud ki hot garla anushka sharma aur bhartiya kriket ke tejatarrar virat kohli surkhiyon men rahe. anushka sharma - ‘rab ne bana di jori’, ‘baind baja barat’ aur ‘dil dharkne do’ jaisi kai mahila netritva ki bolivud filmon men karya kar rahi hain. abhinetri anushka sharma apne filmi kariyar ke achche dinon men hain. anushka sharma ne “rab ne bana di jori” men shahrukh khan, “pike” men amir khan ke sath aur “sultan” men tisre khan urf salman khan ke sath bhi romans kiya hai. anushka “sultan” men ek hariyanvi larki ke kirdar men thi aur achchi hariyanvi bhi bol rahi thi. in sabke lie inhonne bakayda vishesh prashikshan bhi liya tha. ajakal anushka apne niji jivan men apne karibi logane ke sath sair ka anand le rahi hain. apne premi kriketar virat kohli ke sath kathit brekap ke bad ab fir se donon premi jore ek sath dikh rahe hanai.

abhi hal hi men donon ko munbai eyrport par ek kar men ek-dusre ke sath muskurakar samay bitate dekha gaya hai. salman bane donon ke lav guru khabron ki manen to riyal laif kapal anushka sharma aur virat kohli ke lie salman ab lav guru ban gae hain. sutron ki manen to ‘sultan’ shuting ke dauran unhonne rileshnship ko lekar anushka ko kai tips bhi die hain. hal hi men anushka-virat ke rileshan men duri ki bat samne a rahi thi. lekin jald hi donon ne in afvahon ko jhutha karar de diya aur donon sath men samay gujarte najar ae. vahin, sutron ki manen to salman khan bhi anushka-virat ki rileshnship se bahut prabhavit hain. lihaja sultan ki shuting ke dauran unhonne anushka ko kai baten samjhayin. yadyapi ki salman khan aur virat kohli apas men dost nahin hain fir bhi salman anushka ke rileshan ko fir se jorne ki koshish kar rahe hain. aiye in donon ki rashi anukulta dekhte hain.


apni kundli men rajyogon ki jankari paen brihat kundli riport men


anushka sharma- tula rashi anushka sharma ko bahut khubsurat aur hairan karne vala bana rahi hai. rashi prabhav se anushka thori abhimani bhi ho sakti hai. is rashi ki mahilaon ka dimag bahut saf aur sundar hota hai. yahi karan hai ki ye apna manpsand sathi shighra dhunrh leti hanai. inki rashi kahti hai ki anushka apne manpsand sathi se asankhya vishyon par baten kar sakti hai aur inki rashi ki khasiyat hai jisse anushka pratyek vishay par charcha kar sakti hain. ye bahut kushagrabuddhi hain isi se apne vicharon ko samarthan dene valon ko shighra khoj leti hain. iske sath hi anushka sundarata aur utkrishtata ko pasand karne vali mahila hain. adarsh aur romans donon men vishvas karti hain. anushka sharma tula rashi ki hain islie akarshak, udar, pyari, samarpit aur ruchikar sathi sabit hongi. anushka sharma apne sathi ke prati uddeshyaparak aur nishpaksh rahengi. ek bar inhonne apna man jo pakka bana liya to piche nahin hatengi.

inki rashi inhen sathi ke nirnay aur khushi ke prati jagruk bana rahi hai. anushka sharma ki rashi ke log vinamra, milnsar aur samajik prani hote hain. jahan bhi rahengi apni upasthiti jata dengi. virat kohli - virat kohli ki kanya rashi hai aur kanya rashi virat ko buddhiman, sthiti ka purva akalan karne vala bana rahi hai. rashi ka prabhav virat ko samay niyojan men dakshata de raha hai. inke man ko jitna asan rahega. santulit aur nishpaksh pravritti ke virat viprit paristhiti men pratikriya dene se bhi nahin chukte hain. virat ki rashi inhen sathi ke prati vafadar, samarpit, nishthavan bana rahi hai aur lanbe samay tak inhen ek rishte men bane rahna pasand hoga. virat fit rahne ke lie kuch bhi kar sakte hain tatha virat apne sathi ka dhyan rakhenge. tula aur kanya rashi anukulta virat kohli (kanya rashi) aur anushka sharma (tula rashi) men rashi anukulta apas men gajab ki hai.

inki rashiyon men svabhavik rup se akarshan hone ke karan inke vishay men yahan tak kaha jata hai ki jab is rashi ke log milte hain to do chunbkon ki tarah khinche chale ate hain. fir bhi in donon ka milna kam ki saflta men badhak ka karya karta hai. virat ko apni bhavnaen vyakt karne men ashjta mahsus ho sakti hai. virat aur anushka donon ko apne prem ko sarvopri rakhna hoga. is jori ke bahut se gun saman hain aur ve is rishte ka anand uthaenge. donon logon ko sath milna aur nae dost banana pasand hai. halanki, virat kohli (kanya rashi) apne bhari gusse aur hatasha men anushka sharma (tula rashi) ke bhavnatmak tar ko chu sakte hain. virat kohli ko anushka sharma ke sath apne is prakar ke vyavhar ke prati satark rahna hoga. virat kohli bhi anushka ki tarah svatantrata ke prati unmukh aur milnsar hain islie ek-dusre ke sath ve kabhi bor nahin honge. yah jori rashi anukulta men bahut upar ja rahi hai. donon hi ek-dusre ko saflta prapt karne aur ek achche sanbandh banae rakhne ke lie prerit karenge. thori garbri ke bavjud, donon ke bich shandar kemistri rahegi.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shani visheshank  February 2017

sarvashreshth jyotishiya patrika fyuchar samachar ka shani visheshank pathkon men vishesh lokapriya hai. gat 1 dashak men iski vishesh mang barhi hai. islie ise har varsh prakashit kiya jata hai. is visheshank men shani grah se sambandhit anek gyanavardhak lekh shamil kie gaye hain, jinmen shani ek parichay, sannyas ka karak shani, shani ki sarhesati v dhaiyya ka prabhav, surya shani yuti, shukra-shani ka vichitra sambandh tatha rog ka karak shani ityadi lekh samavisht hain. iske atirikt samyik charcha ke antargat panch rajyon ke agami vidhansbha chunavon par jyotishiya paricharcha vishesh akarshan ka kendra hai. is visheshank men virat kohli v anushka ke prem sambandh tatha vailentain de ke atirikt sthayi stambhon men shamil kie gaye lekh v panchang se sambandhit jankari bhi pathkon ke lie upayogi rahegi.

Subscribe


.