रोग निवारण में ज्योतिष विज्ञान का महत्व

rog nivaran men jyotish vigyan ka mahatva  

Ank ke aur Lekh | Sambandhit Lekh | Views : 601 |  
jyotish ‘‘vigyan’’ evan ‘‘adhyatma’’ ka mitra ya ‘mishrit’ rup hai. rog ke kshetra men chikitsa vigyan ke sath hi jyotish vigyan ke grah evan nakshatron ki bhi mahatvapurn bhumika hoti hai. bhartiya jyotish shastra men nau grahon ke lie nau rang evan nau ratnon ki prathmikta pramanit hai. grahon ki pratikul sthiti utpann hone se manushya par parne vale vibhinn grahon ki kirnen evan vikiran men bhari uthl-puthal hote hain evan manv jivan men tarh-tarah ki samasyaon ke sath hi vibhinn rogon ka samavesh ho jata hai. hamare rishi- maharshiyon ne jyotish vigyan men in vishyon ko samahit kiya hai. ab hamen iska adhyayan kar anubhv prapt karna hai. nagabhatt ne apne ayurvediya anusandhan men chikitsa men nirdesh diya hai ki kisi bhi rogi ke chikitsa ke purva rogi par grah nakshatron ke prabhav ka bhi dhyan dena avashyak hai. jyotish vigyan bimari ki avdhi evan uske karan batane men samarth hai kyonki bhartiya jyotish shastra evan chikitsa shastra ka gahra sanbandh hai jiske adhyayan se bataya ja sakta hai ki is grah ki dasha men is tarah ki bimari ho sakti hai. jyotish shastra ke anusar rogon ki utpatti, anisht grahon ke prabhav se evan purva janm ke avanchit sanchit karmon ke prabhav se batai gai hai. bhartiya jyotish shastra ke anusar janmakundli men lagn, dvitiya, shashth, ashtam evan dvadash sthan bara prabhavshali hote hain jabki kundli ke shashthesh evan ashtamesh rog, bimari, tarh-tarah ki sharirik pareshani, durghatana ke sath hi mrityu tak ki pareshani ko batane vale mukhya bhav hain. in donon bhav men baithe anishta grahon se utpann rog evan pareshani ke lie puja-path, havan, mantra-jap, yantra dharan, vibhinn prakar ke ratna ka dharan, dan adi sadhan bataye gaye hain. kundli ke lagn, dvitiya, shashtham, saptam, ashtam evan dvadash bhav men baithe grah adhikatar rog utpann karte hain jismen kundli ke shashth evan ashtama bhav ka mahatvapurn sthan hai. kuch satik bimariyan jiska kundli se adhyayan kar agar kundli n ho to hastarekhaon men bhi ayu rekha evan vibhinn grahon ke sthan par upasthit sukshm rekhaon evan chihn se rogon ka pata lagaya ja sakta hai aur uska satik nidan kiya ja sakta hai. vibhinn rogon ke nidan men vibhinna ratn evan uparatn ka bhi mahatvapurna sthan hai kyonki ratnon men grahon ko niyantran karne ki adbhut kshamata hoti hai. vaidik granthon ke anusar manav sharir panch tatva se bana hai. grahon ke uthl-puthal se kisi bhi tatva ki nyunta evan adhikta hone par us tatva vishesh se sanbandhit vikar rog ke rup men utpann hote hain jo purn rupen grahon par adharit hai. atah is panch tatva ka santuln bhi sharir ko nirog rakhta hai. adhunik vartaman anusandhan ratnon ke mahatva ko svikarta hai. agr vaigyanik sthiti se dekhen to ratnon ke andar karban, elyuminiyam, beriyam, kailsiyam, tanba, haidrojan, loha, fasforas, maingnij, potashiyam, gandhak evan jasta hota hai. akash men bhraman kar rahe grah bhi apne vishesh tap evan rashiyon se in ratnon men upyukt tatva ki pramukhta dete hain jisse ye ratn grahon evan rogon ko santulit karne ki kshamata rakhte hain. ratn ke itne prabhavi hone ka karn ratnon ke prakash paravartan ki kshamata hoti hai. islie prakash ki kiran aon ke sanpark men ate hi prakash ke paravartan evan apavartan ki kriya se jhil-milane lagte hain. kuch grah ratnon men svarn abha hoti hai jo ratri men prakashvan hote hain. surya, chandrama, mangal, budh, brihaspati, shukra, shani, rahu evan ketu ke lie manik (rubi), moti, munga, panna, pukhraj, hira, nilam, gomed, lahsuniya jaise ratn evan iske vibhinn uparatn anukul prabhav ke lie upyog kiya jata hai. inki pratikul avastha men utpanna rog-ankh, hriday rog, dard ki pareshani surya ki pratikul avastha men, chandrama men thand evan elarji, masik pareshani striyon men, mangal se uchcha raktachap, rakt se sanbandhit rog, budh-vani ki samasyaen, charm rog, mansik evan nyuro ki samasyaen, brihaspati-motapa, livar ki pareshani, tatha livar se sanbandhit vibhinna bimariyan, shukra-madhumeh, gupt rog, motapa, shani-pet ki samasyaen, tarh-tarah ki khatrnak bimari, kainsar adi, rahu-charm rog, pet ki samasyaen mansik asthirta, bechaini ki samasyaen, udar ki samasyaen, ketu-gaistrik, gathiya, dard ki pareshani, mutra evan sanbandhit rog ke vahak hote hain. rogon se sanbandhit anisht grahon ka dan evan usse sanbandhit ann ya vastu ka jal pravah karne se, mantra ka jap evan havan karne se, yantra ko dharan karne se, ratn uparatn ko dharan karne se grah par anukul prabhav hone se rogon men bhi kafi parivartan ata hai aur vyakti dhire-dhire thik ho jata hai. kuch jatil rogon men jyotishiya upay se kafi prabhav parta hai. isse itna to jarur hota hai jo rog niyantran men rakhta hai. 1. raktachap (blad preshr): moti, maignet dharan karen. 2. madhumeh (daybitij): safed munga, hira dharan karna. 3. pet ki samasyaen (stomk problamsa) gomed, nili, nilam dharn karen. 4. gathiya (artharaitis) lahsuniya, munga, rubi ratn dharan karen. 5. dama (asthama) - panna, gomed, munga dharan karen. 6. charm rog: gomed, lahsuniya, panna dharan karen. 7. elarji: munga, moti dharan karen. 8. pagalapan (mansik rog) gomed, panna, nilam dharan karen. 9. ankh ki samasyaen: rubi, moti dharan karen. 10. bavasir (pailsa): sangmeriyam, safed munga dharan karen. atah rogon ke anusar bhi ratn dharn karne se kafi labh hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.