brihat_report No Thanks Get this offer
fututrepoint
futurepoint_offer Get Offer
पितृ दोष: समस्या और समाधान

pitri dosh: samasya aur samadhan  

Ank ke aur Lekh | Sambandhit Lekh | Views : 3246 |  
janmapatri ka navam bhav bhagya bhav kahlata hai. iske atirikt is bhav se pita aur purvajon ka vichar bhi kiya jata hai. dharm shastron men yah manyata hai ki purva janm ke papon ke karan pitri dosh ka nirman hota hai. vyakti ka jivan sukh-duahkh se milakar bana hota hai. kisi na kisi rup men duahkh vyakti ke sadaiv sath bane rahte hain. is sansar men koi bhi vyakti purnatah sukhi nahin hai. kabhi santanhinta, kabhi naukri men asflta, dhan hani, parivarik tanav aur kabhi unnati n hone ke karan vyakti ko duahkh apne prabhav men lie rahte hain. pitron se abhipray vyakti ke purvajon se hai. aise pitr jo aj hamare madhya nahin hanai. apni adhuri ichchaon, mohavash ya asmy mrityu ko prapt hone ke karan pret lok men bhatak rahe hain arthat jinhen kinhin karnon se moksh ki prapti nahin hui hai, un sabhi atmaon ki shanti ke lie pitri dosh shanti ke upay kie jate hain. pitri dosh ke jyotishiya yog janm kundli se pitri dosh ki pahchan kaise ki jaye? janma kundli ke pratham, dvitiya, chaturth, pancham, saptam, navam v dasham bhavon men se kisi ek bhav par surya-rahu athva surya-shani ka yog ho to jatak pitri dosh se pirit hota hai. yah yog kundli ke jis bhav men hota hai uske hi ashubh fal ghatit hote hain. pratham bhav men surya-rahu athva surya-shani adi ashubh yog hon to vah vyakti ashant, gupt chinta, dampatya evan svasthya sanbandhi pareshaniyon se pirit hota hai. dusre bhav men yah yog bane to parivar men vaimanasya v arthik uljhnen bani rahti hain. chaturth bhav men pitri dosh ke karn bhumi, makan, mata-pita evan grih sukh men kami ya kasht hote hain. pancham bhav men uchch vidya men vighn va santan sukh men kami hone ke sanket hain. saptam bhav men yah yog vaivahik sukh men, navam men bhagyonnati men badhaen deta hai. dasham bhav men pitri dosh ho to naukri ya karya vyavsay sanbandhi pareshaniyan hoti hain. surya yadi nich men hokar rahu ya shani ke sath yuti sanbandh bana raha ho to pitridosh adhik hota hai. kisi kundli men lagnesh grah yadi duahsthan (6, 8 ya 12ven bhav) men sthit ho tatha rahu lagn bhav men ho tab bhi pitridosh hota hai. pitriyog karak grah par yadi trik (6, 8,12) bhavon ke svami ki drishti athva yuti ka sanbandh bhi ho jae, to achanak vahnadi ke karan durghatana ka bhay, pret badha, jvar, netra rog, tarakki men rukavat ya bante karyon men vighn, apayash, dhan hani adi anisht fal hote hain. chandra rahu, chandra ketu, chandra budh, chandra shani adi yog bhi pitri dosh ki bhanti matri dosh kahlate hain. inmen chandra-rahu evan surya-rahu yogon ko grahan yog tatha budh-rahu ko jaratva yog kahte hain. in yogon ke prabhavasvarup bhi bhavesh ki sthiti anusar hi ashubh fal prakat hote hain. samanyatah chandra-rahu adi yogon ke prabhav se mata athva patni ko kasht, mansik tanav, arthik pareshaniyan, gupt rog, bhai-bandhuon se virodh, apne bhi parayon jaise vyavhar rakhen adi fal ghatit hote hain. dasham bhav ka svami chathe, athven ya barhven bhav men ho, iska rahu se drishti ya yog adi ka sanbandh ho to bhi pitridosh hota hai. yadi athven ya barhven bhav men guru-rahu ka yog aur pancham bhav men surya-shani ya mangal adi krur grahon ki sthiti ho to pitri dosh ke karn santan kasht ya santan sukh men kami rahti hai. ashtamesh pancham bhav men tatha dashmesh ashtam bhav men ho to bhi pitridosh ke karan dhan hani athva santan ke karan kasht hote hain. yadi panchmesh rahu ke sath trik bhavon men ho tatha pancham men shani adi krur grah hon to bhi santan sukh men kami hoti hai. is prakar rahu athva shani ke sath milakar anek anishtakari yog bante hain, jo pitri dosh ki bhanti hi ashubh fal pradan karte hain. brihatparashar hora shastra men kundli men is prakar ke shapit yog kahe gae hain. inmen pitri dosh shrap, bhratri shrap, matri shrap, prem shrap adi yog pramukh hain. ashubh pitridoshon/yogon ke prabhav svarup jatak ke svasthya ki hani, sukh men kami, arthik sankat, ay men barakat n hona, santan kashta athva vanshvriddhi men badha, vivah men vilamb, gupt rog, labh v unnati men badhaen, tanav adi ashubh fal prakat hote hain. yadi kisi jatak ki janm kundli surya-rahu, surya-shani adi yogon ke karan pitri dosh ho, to uske lie narayan bali, nag puja apne divangat pitron ka shraddh, pitri tarpan, brahm bhoj, danadi karm karvane chahie. pitridosh nivaran upay - pitridosh nivaran ke lie apne ghar ki dakshin disha ki divar par apne divangat purvajon ke foto lagakar un par har charhakar sammanit karna chahie. - purvajon ki mrityu tithi par brahmanon ko bhojan, vastra evan dakshina sahit dan, pitri tarpan evan shraddh karm karne chahie. - jivit mata-pita evan bhai-bahnon ka bhi adr-satkar karna chahie. - pratyek amavasya ko apne pitron ka dhyan karte hue pipal par kachchi lassi, gangajal, thore kale til, chini, chaval, jal, pushpadi charhate hue un pitribhyah namah mantra tatha pitri sukt ka path karna shubh hoga. - pratyek sankranti, amavasya evan ravivar ko surya dev ko tamra bartana men lal chandan, gangajal, shuddh jal dalakar bij mantra parhte hue tin bar aghrya den. - shraddh ke atirikt in dinon gayon ko chara tatha kaue, kutton ko dana evan ashay evan bhukhe logon ko bhojan karana chahie. - hindu dharm ke anusar, pratyek shubh karya ke prarambh men mata-pita, purvajon ko namaskar ya pranam karna hamara kartavya hai. - is dharm men, rishiyon ne varsh men ek paksh ko pitripaksh ka nam diya, jis paksh men ham apne pitreshvaron ka shraddh, tarpan, mukti hetu vishesh kriya sanpann kar unhen aghrya samarpit karte hain. - yadi kisi karan se unki atma ko mukti pradan nahin hui hai to ham unki shanti ke lie vishishta karm karte hain jise ‘shraddha’ kahte hain. - pratidin ‘‘sarp sukta” ka path bhi kalasarp yog men rahat deta hai. - un namah shivay mantra ka pratidin ek mala jap karen, nag panchmi ka vrat karen, nag pratima ki anguthi pahnen. kalasarp yog yantra ki pran pratishtha karvakar nitya pujan karen. ghar evan dukan men mor pankh lagayen. - taji muli ka dan karen. mutthi bhar koyle ke tukre nadi ya bahte hue pani men bahayen. - sava lakh mahamrityunjay jap evan rahu ketu ke jap, anushthan adi yogya viddhan se karvane chahie. - nariyal ka fal bahte pani men bahana chahie. bahte pani men masur ki dal dalni chahie. - pakshiyon ko jau ke dane khilane chahie. - shiv upasna evan rudra sukt se abhimantrit jal se snan karne se yah yog kam ho jata hai. - surya athva chandra grahan ke din sat anajon se tula dan karen. - 72000 rahu mantra ‘‘un ran rahve namah” ka jap karne se kal sarpa yog shant hota hai. - rahu evan ketu ke nitya 108 bar jap karne se bhi yah yog shanta hota hai. - rahu mata sarasvati evan ketu shri ganesh ki puja se bhi prasann hote hain. - pushya nakshatra men mahadev par jal evan dugdh charhaen tatha rudra ka jap evan abhishek karen. - har somvar ko dahi se mahadev ka ‘‘un har-har mahadev” kahte hue abhishek karen. - rahu-ketu ki vastuon ka dan karen. rahu ka ratn gomed pahnen. chandi ka nag bana kar ungli men dharan karen. - shiv ling par tanbe ka sarp charhayen. parad ke shivling banvakar ghar men pran pratishtha karvayen. - lal masur ki dal aur kuch paise pratahkal safai karne vale ko dan karen. kuch koyle pani men bahayen. - naraynbli, nagbli athva tripindi shraddh karen isse kuch labh milta hai. vishva prasiddh tirupti bala ji ke pas kal hasti shiv mandir men bhi kalasarp yog shanti karai jati hai. trayanbkeshvar men va kedarnath men bhi shanti karai jati hai. gehun ya urad ke ate ki sarpa murti banakar ek sal tak pujn karne aur bad men nadi men chor dene tatha tatpashchat nagbli karane se kalasarp yog shant hota hai. - pitron ke moksh ka upay karen. shraddh paksh men pitron ka shraddh shraddhapurvak karna chahie. - kuldevta ki puja-archana nitya karni chahie. - yadi vaivahik jivan men badha a rahi ho to jivnsathi ke sath sat shukravar niyamit rup se kisi devi mandir men sat parikrama lagakar pan ke patte men makkhan aur mishri ka prasad rakhen. - pati-patni ek-ek safed ful athva safed fulon ki mala devi man ke charnon men charhaen. - nag yoni men pare pitron ke uddhar tatha apne hit ke lie nagpanchmi ke din chandi ke nag ki puja karen. - apne shayan kaksh men lal rang ki chadar, takiye ka kavr tatha khirki darvajon men lal rang ke hi pardon ka upyog karen. hani evan hin bhavna se bachne hetu hijron ko varsh men ek ya do bar navin vastra, fal, mishtann, sugandhit tel adi ka dan karen. - ravivar ke din ghar men vidhi-vidhan purvak surya yantra sthapit karen. roj is yantra ka pujan vidhi-vidhan purvak karen. - surya ko roj tanbe ke lote men jal, usmen lal ful, kunkum va chaval mila kar aghrya den. - un adityay vidmahe, prabhakray, dhimhi tanno suryah prachodyat.. is mantra ka jap roj karen. mantra jap karte samay apna mukh purva disha men rakhen. - panch mukhi rudraksh dharan karen va roj 12 jyotirlingon ke namon ka smaran karen. - bujurgon ka apman n karen tatha unki madad ka prayas karen. - ravivar ke din gay ko gehun va gur khilaen. svayan ghar se niklte samay gur khaen. - lagn ke anusar sone men 5 ratti ke upar ka manikya ravivar ke din vidhi-vidhan se dharan karen. - bhai-bahnon ka satkar apko karte rahna chahie. dhan, vastra, bhojnadi se seva karte hue samy-samay par unka ashirvad grahan karna chahie. - pratyek amavasya ke din apn pitron ka dhyan karte hue pipl ke per par kachchi lassi, thora gangajal, kale til, chini, chaval, jal tatha pushp arpit karen aur “un pitribhyah namah” mantra ka jap karen. uske bad pitri sukt ka path karna shubh fal pradan karta hai. - pratyek sankranti, amavasya aur ravivar ke din suryadev ko tamra bartan men lal chandan, gangajal aur shuddh jal milakar bij mantra parhte hue tin bar aghrya den. - pratyek amavasya ke din dakshinabhimukh hokar divangat pitron ke lie pitri tarpan karna chahie. pitri stotra ya pitri sukt ka path karna chahie. - trayodshi ko nilkanth stotra ka path karna, panchmi tithi ko sarpasukta path, purnamasi ke din shrinarayan kavach ka path karne ke bad brahmanon ko apni samathrya ke anusar mithai tatha dakshina sahit bhojan karana chahie. isse bhi pitri dosh men kami ati hai aur shubh falon ki prapti hoti hai. - pitron ki shanti ke lie jo niyamit shraddh kiya jata hai uske atirikt shraddh ke dinon men gay ko chara khilana chahie. - kauon, kutton tatha bhukhon ko khana khilana chahie. isse shubh fal milte hain. - shraddh ke dinon men mansahari bhojn nahin karna chahie. - sharab tatha ande ka bhi tyag karna chahie. sabhi tamsik vastuon ka sevan chor dena chahie aur paraye ann se parhej karna chahie. - pipal ke vriksh par madhyahn men jal, pushp, akshat, dudh, gangajal, kale til charhaen. - sandhya samay men dip jalaen aur nag stotra, mahamrityunjay mantra ya rudra sukt ya pitri stotra v navagrah stotra ka path karen. brahman ko bhojn karaen. isse bhi pitri dosh ki shanti hoti hai. - somvar ke din 21 pushp ak ke len, kachchi lassi, bilva patra ke sath shivji ki puja karen. aisa karne se pitri dosh ka prabhav kam hota hai. - pratidin isht devta v kul devta ki puja karne se bhi pitri dosh ka shaman hota hai. - kundli men pitri dosh hone se kisi garib kanya ka vivah ya uski bimari men sahayta karne par bhi labh milta hai. - brahmanon ko godan, kuen khudvana, pipal tatha baragad ke per lagvana, vishnu bhagvan ke mantra jap, shrimadbhagavat gita ka path karna, pitron ke nam par aspatal, mandir, vidyalay, dharmashala adi banvane se bhi labh milta hai. - pipal ke vriksh ki puja karne se pitri dosh ki shanti hoti hai. - iske sath hi somvti amavasya ko dudh ki khir bana, pitron ko arpit karne se bhi is dosh men kami hoti hai. - pratyek amavasya ko ek brahmana ko bhojan karane v dakshina, vastra bhent karne se pitri dosh kam hota hai. - pratyek amavasya ko kande ki dhuni lagakar usmen khir ka bhog lagakar dakshin disha men pitron ka ahnan karne v unse apne karmon ke liye kshamayachna karne se bhi labh milta hai. - suryoday ke samay kisi asn par khare hokar surya ko niharne, usse shakti dene ki prarthana karne aur gayatri mantra ka jap karne se bhi surya majbut hota hai. - surya ko majbut karne ke lie manik bhi pahna jata hai, magar yah kundli men surya ki sthiti par nirbhara karta hai. - pita ka adar karne, unke charn sparsh karne, pitatulya sabhi manushyon ko adar dene se surya majbut hota hai. - suryoday ke samay kisi asn par khare hokar surya ko niharne, usse shakti dene ki prarthana karne aur gayatri mantra ka jap karne se bhi surya majbut hota hai. - surya ko majbut karne ke lie manik bhi pahna jata hai, magar yah kundli men surya ki sthiti par nirbhara karta hai. - pitridosh hone se jatak ko shram adhik karna parta hai, fal kam v der se milta hai. atah is hetu mansik taiyari karna v parishram ki adat dalna shreyaskar rahta hai.
Kya aapko lekh pasand aaya? Subscribe
Kya aapko lekh pasand aaya? Subscribe

pitri dosh  September 2016

fyuchar samachar ka vartaman ank vishesh rup se pitri dosh ko samarpit hai. hamare dharmik granthon se hamen pata chalta hai ki hamen apne pitron ko samy-samay par bhojan v anya samagriyan pradan karte rahna chahie. vishesh rup se bhadrapad mahine ke krishn paksh pratipda se amavasya tak ke 15 din purn rup se pitron ki seva ke lie hi hote hain. puranon aur anya dharmik granthon se pata chalta hai ki is samay hamare pitar prithvi par vishesh rup se apne sambandhiyon se bhojan v samman prapt karne ate hain tatha iske badle men sambandhiyon ko purn ashirvad pradan karke laut jate hain. is vartaman ank men bahut sare pitri dosh se sambandhi achche lekh shamil kie gaye hain. unmen se kuch vishesh lekh hain: janen kya hota hai pitri dosh, kaise kam hota hai iska prabhav?, shraddh ke sath karen pitron ko vida, pitri puja: pahchan evan upay, pitri dosh se utpann upri badhaen, pitri dosh: jyotishiya yog evan nivaran adi.

Subscribe

.