जानें: क्या होता है पितृ दोष कैसे कम होता है प्रभाव

janen: kya hota hai pitri dosh kaise kam hota hai prabhav  

Views : 2949 | September 2016

jab kisi ko parivar se hi jaise tau ya chacha jo ki ya niahsantan ho ya avivahit ho athva asamay akal maut hui ho ya purva janm men yadi kisi ne kisi ko santap diya ho jaise daihik, bhautik ya mansik bhi to vah agle janm men us jatak ki kundli men pitri dosh ban kar jivan men badha ka karan ban jata hai lakshana

parivar men ashanti, visheshtya bhojan ke samay koi bahas ya takrar, kanya santan ka janm aur putra ka abhav, dhan ki barakat n hona, ghar men bimari bani rahna, niahsantan rahna, bachchon ke vivah men arachan, koi bhi shubh kam ke bad koi ashubh hona jaise jhagra, chot lagna, ag lagna, maut ya maut ki khabar adi koi bhi ashubh samachar milna. kai bar yah bhi dekhne men aya hai ki janm kundli men koi dosh nahin hota hai fir bhi jatak mushkilon men ghira rahta hai. to iske lie use apne parivar ki prishthabhumi par vichar karna chahie. kya unke parivar men unke purvajon ka vidhivat shraddh kiya jata hai. kya uske purvajon ko kahin se muft ka dhan to nahin mila. jab kisi niahsantan ya avivahit ki asamay akal maut hui ho aur unka koi varis n ho to aise dhan ka upbhog bhi parivar men ashanti lata hai. aksar dekha gaya hai ki aise dhan ko upbhog vale ki sabse choti santan adhik santap bhogti hai. aise men fir kya kiya jae ? yahan bhi jiska dhan upbhog kiya ja raha hai uska vidhivat shraddh aur uske nam se kuch dhan rashi ka dan kiya jay to shanti bani rah sakti hai. navagrahon men surya spasht rup se purvajon ke pratik mane jate hain, islie kisi kundli men surya ko bure grahon ke sath sthit hone se ya bure grahon ki drishti se agar dosh lagta hai to yah dosh pitri dosh kahlata hai.

iske alava kundli ka navam bhav purvajon se sanbandhit hota hai, islie yadi kundli ke navam bhav ya is bhav ke svami ko kundli ke bure grahon se dosh lagta hai to yah dosh bhi pitri dosh kahlata hai. pitri dosh pratyek kundli men alg-alag tarah ke nuksan kar sakta hai jinka pata kundli ka vistarpurvak adhyayan karne ke pashchat hi chal sakta hai. pitri dosh ke nivaran ke lie sabse pahle kundli men us grah ya un grahon ki pahchan ki jati hai jo kundli men pitri dosh bana rahe hain aur uske pashchat un grahon ke lie upay kie jate hain jisse pitri dosh ke bure asar ko kam kiya ja sake. brihat parashar hora shastra ke anusar janm kundli men 14 prakar ke shapit yog ho sakte hain jinmen pitri dosh, matri dosh, bhratri dosh, matul dosh, pret dosh adi ko pramukh mana gaya hai. kisi bhi vyakti ki kundli dekhakar yah bataya ja sakta hai ki use pitri dosh hai ya nahin aur yadi hai to kin grahon ke karan. in shap ya doshon ke karan vyakti ko svasthya hani, arthik sankat, vyavsay men rukavat, santan sanbandhi samasya adi ka samna karna par sakta hai. pitri dosh ke bahut se karan ho sakte hain. unmen se janm kundali ke adhar par kuch karnon ka ullekh kiya ja raha hai jo nimnalikhit hain:-

janm kundali ke pahle, dusre, chaithe, panchven, satven, nauven ya dasven bhav men yadi surya-rahu ya surya-shani ek sath sthit hon tab yah pitri dosh mana jata hai. in bhavon men se jis bhi bhav men yah yog banega usi bhav se sanbandhit falon men vyakti ko kasht ya sanbandhit sukh men kami ho sakti hai. surya yadi nich ka hokar rahu ya shani ke sath hai tab pitri dosh ke ashubh falon men aur adhik vriddhi hoti hai. kisi jatak ki kundli men lagnesh yadi chathe, athven ya barhven bhav men sthit hai aur rahu lagn men hai tab yah bhi pitri dosh ka yog hota hai. jo grah pitri dosh bana rahe hain yadi un par chathe, athven ya barhven bhav ke svami ki drishti ya yuti ho jati hai tab is prabhav se vyakti ko vahan durghatana, chot, jvar, netra rog, upri badha, tarakki men rukavat, bante kamon men vighn, apayash ki prapti, dhan hani adi anisht falon ke milne ki sanbhavna banti hai.

pitridosh ki shanti ke saral aur saste upay

* gay ki seva karen. iske lie kisi bhi majbur vyakti ki gay ke lie sal bhar ke chare ki vyavastha karane.

* chiriyon ko bajra ke dane dalen.

* kauvon ko roti dalen.

* har amavasya ko mandir men sukhi rasoi aur dudh ka dan karen.

* har amavasya ko gay ko hara chara dalen.

* kisi dharmik sthal par am aur pipal ka vriksh lagva den.

* tulsi ki seva karen.

* apne purvajon ke nam par pyau adi ki vyavastha karen.

pitron ke nimitt dudh dene ki vidhi:

ek gilas kachche dudh men chini mila kar chan lijiye. ab thora dudh ek katori men dal kar use apni hatheli se dhank kar vishnu bhagvan ko smaran karte hue kahiye vishnu bhagvan ke lie. gilas ke bache hue dudh ko bhi hatheli se dhankte hue kahiye sabhi pitron ke lie. ab katori ke dudh ko gilas ke dudh men mila dijiye. yah dudh pujari ko pine ko dijiye sath hi shraddha anusar dakshina bhi dijiye.

- surya ko roj tanbe ke lote men jal, usmen lal ful, kunkum v chaval mila kar aghrya den.

- nimnankit mantra ka jap roj karen. mantra jap karte samay apka mukh purva disha men hona chahie: un adityay vidmahe, prabhakray, dhimhi tanno suryah prachodyat..

- panch mukhi rudraksh dharan karen v roj 12 jyotirlingon ke namon ka smaran karen.

- gayatri puja v gayatri mantra ka jap karen.

- bujurgon ka apman n karen tatha unki madad ka prayas karen.

- ravivar ke din gay ko gehun v gur khilaen. svayan ghar se niklte samay gur khaen.

- jin vyaktiyon ke mata-pita jivit hain unka adr-satkar karna chahie. bhai-bahnon ka bhi satkar apko karte rahna chahie. dhan, vastra, bhojnadi se seva karte hue samy-samay par unka ashirvad grahan karna chahie.

- somvar ke din 21 pushp ak ke len, kachchi lassi, bilva patra ke sath shivji ki puja karen. aisa karne se pitri dosh ka prabhav kam hota hai.

- kundli men pitri dosh hone se kisi garib kanya ka vivah ya uski bimari men sahayta karne par bhi labh milta hai.

- kundli men pitri dosh ban raha ho tab jatak ko ghar ki dakshin disha ki divar par apne svargiya parijnon ka foto lagakar us par har charhakar rojana unki puja stuti karna chahie. unse ashirvad prapt karne se pitridosh se mukti milti hai.

- apne svargiya parijnon ki nirvan tithi par jarurtmandon athva guni brahmanon ko bhojan karaen. bhojan men mritatma ki kam se kam ek pasand ki vastu avashya banaen.

- isi din agar ho sake to apni samathryanusar garibon ko vastra aur ann adi dan karne se bhi yah dosh mitta hai.

- sham ke samay men dip jalaen aur nag stotra, mahamrityunjay mantra ya rudra sukt ya pitri stotra v navagrah stotra ka path karen. isse bhi pitri dosh ki shanti hoti hai.

- kundli men pitridosh hone se kisi garib kanya ka vivah ya uski bimari men sahayta karne par bhi labh milta hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

pitri dosh  September 2016

fyuchar samachar ka vartaman ank vishesh rup se pitri dosh ko samarpit hai. hamare dharmik granthon se hamen pata chalta hai ki hamen apne pitron ko samy-samay par bhojan v anya samagriyan pradan karte rahna chahie. vishesh rup se bhadrapad mahine ke krishn paksh pratipda se amavasya tak ke 15 din purn rup se pitron ki seva ke lie hi hote hain. puranon aur anya dharmik granthon se pata chalta hai ki is samay hamare pitar prithvi par vishesh rup se apne sambandhiyon se bhojan v samman prapt karne ate hain tatha iske badle men sambandhiyon ko purn ashirvad pradan karke laut jate hain. is vartaman ank men bahut sare pitri dosh se sambandhi achche lekh shamil kie gaye hain. unmen se kuch vishesh lekh hain: janen kya hota hai pitri dosh, kaise kam hota hai iska prabhav?, shraddh ke sath karen pitron ko vida, pitri puja: pahchan evan upay, pitri dosh se utpann upri badhaen, pitri dosh: jyotishiya yog evan nivaran adi.

Subscribe


.