पित्ताशय की पथरी

pittashay ki pathri  

Ank ke aur Lekh | Sambandhit Lekh | Views : 1417 |  
pittashay ki pathri ki upasthiti adheravastha men pet dard aur udr vikar ka ek pramukh karan hai. is bimari ke karan uthne vala dard na keval bardasht se bahar hota hai, balki apni charam sima par kai prakar ki jatiltaen bhi utpann kar sakta hai. yakrit ke nichle bhag men dahini or nashpati ke akar ka pittashy hota hai. ismen ek or yakrit se ane vali pitt vahika khulti hai, dusri or ismane jama pitt mahin nalikaon dvara grahni tak pahunch jata hai aur vahan se pitt choti ant men maujud ann ki pachan kriya ko tej karne men sahayak hota hai. pittashay ka mukhya karya hai pitt ko jama karna aur garha banana. iske atirikt pittashay ek chipchipe padartha ka srav karta hai, jo pitt vahika ko chiknahat pradan kar pitt ke vikas men sahayak siddh hota hai. yah pitt hare rang ka hota hai aur svad men kasaila hota hai, jiska mukhya karya ant ke bhitar jama hone vali vasa ka pachan karna evan use sokhkr khun men pahunchana hota hai. yahi prakriya kailshiyam, kolestrael evan vitaminon ke sath hoti hai. pittashay men pitta ke ghatkon ki jab kinhin karnon se vikriti hoti hai, to inhin ghatkon ka rup pathri men badal jata hai jiske karan pittashay ko kshati pahunchti hai tatha yakrit aur anya pachan angon men vikar utpann hota hai. pittashay ki pathri ke karn: pittashay men pathri hone ke kai karn hain lekin mukhya karan ahar hai. yadi ahar madya se yukt, mansahari, aniyamit aur asantulit hai, to parinamasvarup pachan kriya mand ho jane ke karan pittashay men kolestrael nahin ghul pata jo sanchit hokar dushit dravyon ke sanyog se pathri ka rup dharan kar leta hai, jise pitt pathri kahte hain. motapa, anuvanshikta, pittashay ka vikar, garbh nirodhak goliyan adi anya karan hain. pittashay ki pathri ke lakshana: iska mukhya lakshan pittashay men maror uthna hai jo pittashay ka mukh avruddh ho jane se hota hai. dard ki shuruat pet ki dahini or upri hisse se hoti hai. dard achanak uthta hai aur dhire-dhire kam hota hai. yah daura kuch minton se ghanton tak ek sa rahta hai. dard ki matra pure sharir men ek saman hoti hai aur aksar bhojn ke pashchat dard uthta hai. pathri ke pitt nali men atak jane se kai bar sir men chakkar aur tej-bukhar a sakta hai. altrasaund dvara pathriyon ki sankhya aur sthiti ka pata chal jata hai. upchar aur bachav: bajar men ab kai aisi davaiyan upalabdh hanai, jiske lagatar sevan se pathri ghulakar bahr nikal jati hai. iske atirikta shalya-kriya se bhi jarurat ke anusar labh uthaya jata hai. lekin yadi vyakti chahe to khan-pan sudhar kar sharir ka shodhan kar rog ko dur bhaga sakta hai. jau, mung ke chilke vali dal, chaval, paraval, turai, anar, anvla, munakka, gvar patha, lauki, karela, jaitun ka tel adi len, bhojan sada, bina ghi-tel tatha asani se pachne vala ho aur yogasan kar bhi pathri se rahat pa sakte hain. mansahar, madyapan adi n karne se pathri rog se bacha ja sakta hai. jyotishiya drishtikon: jyotishiya drishtikon se pittashay ki pathri surya, mangal aur pancham bhav ke dushit prabhav men rahne se hoti hai. chikitsa paddhati ke anusar, pittashay ki pathri pittashy men pitt ke vikar ke karan hoti hai. kal purush ki kundli men pittashy ka netritva pancham bhav karta hai. surya, mangal pitt karak hai, islie jab surya, mangal aur pancham bhav gochar aur dashantardasha dushprabhavon men rahakar lagna ya lagnesh ko prabhavit karte hain, to pittashay men pitt vikrit hokar pathri ka rup dharan kar leta hai. vibhinna lagnon men pittashay ki pathri: mesh lagna: surya dasham men rahu se drishta ya yukt ho. mangal shashth bhav aur shani ashtam bhav men ho to pittashy ki pathri ka rog hota hai. vrish lagna: lagnesh surya ast aur guru se drisht ho, panchmesh mangal ke sath trik bhavane men rahu-ketu se yukta ya drisht ho, to pittashay ki pathri deta hai. mithun lagna: panchmesh shashth bhav men lagnesh se yukt ho, surya pancham bhav men aur mangal ekadash bhav men guru se yukt ho, to pittashay ki pathri hoti hai. kark lagna: surya pancham bhav men, mangl ashtam bhav men, shani ekadash bhav men, lagnesh chandra-guru se shashth bhav men hone se pittashay ki pathri hone ki sanbhavna hoti hai. sinh lagna: lagnesh shashth bhav men shani se yukt ho, shukra pancham bhav men budh se yukt ho, budh ast nahin ho aur panchmesh dvadash bhav men ashubh prabhavon men ho to pittashay ki pathri hoti hai. kanya lagna: guru pancham bhav men, mangal dasham bhav men lagnesh se yukta ho aur surya ekadash bhav men shani se drisht ho to pittashay rog hota hai. tula lagna: panchmesh aur lagnesh donon ashtam bhav men ho, guru ki drishti pancham bhav par ho aur lagn men rahu ya ketu ho to uparyukt rog ko utpanna karta hai. vrishchik lagna: lagnesh shashth bhav men, budh pancham bhav men, surya chaturth bhav men, shukra lagn men ketu se drisht ya yukta ho, guru shani se drisht ya yukt ho to pittashay ki pathri hoti hai. dhanu lagna: mangal trik bhavon men shani se drisht ya yukt ho, surya tritiya bhav men, shukra chaturth bhav men rahu se yukta ya drisht ho aur lagnesh ast ho, to pathri rog hota hai. makar lagna: guru lagn men aur tritiya bhav men surya ho, panchmesh shashth bhav men mrit avastha men ho aur mangal se drishta ya yukt ho, to pittashay ki pathri dete hanai. kunbh lagna: surya ekadash bhav men, mangal pancham bhav men, panchmesh ast ho, chandra lagn men ketu se drisht ya yukt ho, guru navam bhav men ho to pittashay ki pathri hoti hai. min lagna: shani pancham bhav men chandra se yukt aur rahu ya ketu se drishta ya yukt, mangal dvitiya bhav men aur lagnesh ashtam bhav men sthit ho to pittashay ki pathri deta hai. uprokt sabhi yog apni dasha-antardasha evan gochar ke pratikul rahne se apna prabhav dal kar rog utpann karte hain. uske uprant rogi ko rahat milti hai.
Kya aapko lekh pasand aaya? Subscribe
Kya aapko lekh pasand aaya? Subscribe


pitri dosh  September 2016

fyuchar samachar ka vartaman ank vishesh rup se pitri dosh ko samarpit hai. hamare dharmik granthon se hamen pata chalta hai ki hamen apne pitron ko samy-samay par bhojan v anya samagriyan pradan karte rahna chahie. vishesh rup se bhadrapad mahine ke krishn paksh pratipda se amavasya tak ke 15 din purn rup se pitron ki seva ke lie hi hote hain. puranon aur anya dharmik granthon se pata chalta hai ki is samay hamare pitar prithvi par vishesh rup se apne sambandhiyon se bhojan v samman prapt karne ate hain tatha iske badle men sambandhiyon ko purn ashirvad pradan karke laut jate hain. is vartaman ank men bahut sare pitri dosh se sambandhi achche lekh shamil kie gaye hain. unmen se kuch vishesh lekh hain: janen kya hota hai pitri dosh, kaise kam hota hai iska prabhav?, shraddh ke sath karen pitron ko vida, pitri puja: pahchan evan upay, pitri dosh se utpann upri badhaen, pitri dosh: jyotishiya yog evan nivaran adi.

Subscribe

Apne vichar vyakt karein

blog comments powered by Disqus
.