पंचपक्षी शास्त्र: बीमारी

panchapakshi shastra: bimari  

Ank ke aur Lekh | Sambandhit Lekh | Views : 1070 |  
svasthya hi sabse bara dhan hai. anushasit jivn-shaili evan santulit ahar ka sevan lanbi ayu tatha arogya dete hain. halanki sabon ke lie is prakar ka sanymit jivn jina sanbhav nahin hai kyonki adhunik bhautikvadi samaj men logon ki anek majburiyan evan simitta hain. atah jane-anjane samy-samy par svasthya sankat upasthit hota hi rahta hai. kintu svasthya kab kharab hoga athva ham kab bimar paranege, iski bhavishyavani karna shayad mushkil hai. yadi ham panchapakshi shastra ki bat karen to koi bhi vyakti apne janm pakshi ki mukhya athva up-gatividhiyon men bimari ka shikar ho sakta hai tatha inhin men se kisi gatividhi-upgtividhi men thik bhi ho sakta hai. kai bar bimari atishighra thik ho jati hai to kai bar ise thik hone men kafi samay lagta hai athva kai bar bimari thik hi nahin hoti aur rogi ki mrityu tak ho jati hai. is alekh men ham apne janmapakshi ke adhar par yah janne ki koshish karenge ki pakshi ki kis gatividhi ke dauran, kis prakar ki bimari utpann hoti hai tatha kitni avdhi men rog thik ho jata hai. un bimariyon ke jaldi thik ho jane hetu upayon ki bhi charcha is alekh men ki gai hai. bimari ke dauran yadi upay bhi kie jaen to dava ka prabhav adhik hota hai tatha rogi jaldi thik ho jata hai. janmapakshi ke shasan karne ki mukhya gatividhi ke dauran bimari yadi koi vyakti us samay bimar parta hai jab uska janm pakshi shasan karne ki mukhya gatividhi men sanlagn ho to uski bimari 8 dinon men thik ho jati hai. kintu iske lie dava lene ke purva kuch upay karne se bimari men kafi raht milti hai tatha bimari shighra thik ho jati hai. upay: dava lene ke purva shivji ka abhishek karen. subah men pipal per ki pradakshina kar jal den. janmapakshi ke khane ki mukhya gatividhi ke dauran bimari yadi janmapakshi khane ki mukhya gatividhi men sanlagn ho aur us samay bimari hoti hai to use thik hone men 15 din ka samay lag sakta hai. upay: garibon ko bhojan den evan bachchon ko mithaiyan banten. janmapakshi ke ghumne ki mukhya gatividhi ke dauran bimari yadi janmapakshi ghumne ki mukhya gatividhi men sanlagn hai aur ap bimar ho jate hain to bimari ka karan apka lagatar chintit rahna hai. ap gharelu paristhitiyon se kafi pareshan hain tatha yahi chinta apko sataye ja rahi hai. apke lie kuch upay karna behad anivarya hai tabhi ap bimari se ek mahine men mukta ho sakte hain. upay: rudrabhishek karen. ganesh ji ko laddu charhakar banten. bhikhariyon ko khana khilaen. janmapakshi ke sone ki mukhya gatividhi ke dauran bimari yadi janmapakshi sone ki mukhya gatividhi men sanlagn ho aur ap bimar parte hain to yah kafi durbhagyapurn sthiti hai. apko kafi sharirik kashta uthana par sakta hai tatha sharir ke kisi ang ka aepreshan karvana par sakta hai. yadi upay sahit upchar kiye jaenge to bhi kam se kam apko thik hone men 3 mah ka vakt lagega. upay: kali, durga ya hanuman ki aradhna karne ke uprant dava lena praranbh karen. janmapakshi ke marne ki mukhya gatividhi ke dauran bimari janmapakshi ke marne ki mukhya gatividhi ke dauran bimari hone se vyakti shayad hi thik ho pata hai. yadi upay ke sath-sath achchi chikitsa milti hai tab bhi vyakti ko thik hone men kam se kam chah mah ka vakta lag sakta hai. iske uprant bhi bimari puri tarah se thik nahin hogi. upay: iske lie shani se sanbandhit upay kiya jana anivarya hai. kisi shani mandir men sarson ka tel charhaen evan diya jalaen. mukhya gatividhi ke up-gatividhiyon ke samykal men bimari upar janmapakshi ke mukhya gatividhi ke kal men bimari ka vivaran prastut kiya gaya. ab mukhya gatividhi ki upgtividhiyon men bimari ka kya rup hota hai uska varnan nimna prakar hai: shasan karne ki upgtividhiyon ke dauran bimari yadi koi vyakti shasan karne men shasan karne ki upgtividhi, shasn men khane ki upgtividhi, shasan men ghumne ki upgtividhi, shasan men sone ki upgtividhi evan shasn men marne ki upgtividhi ke dauran bimar hota hai to kramshah use thik hone men 3 din, 5 din, 8 din, 10 din evan 12 din ka samay lagta hai. bimari ke kal men uska sharir atyadhik garm rahega. bimari ke dauran kisi bhi paristhiti men iski mrityu nahin ho sakti hai. chikitsa ke alava upar varnit adhar par upay karen. khane ki upgtividhiyon ke dauran bimari yadi koi vyakti khane men khane ki upgitividhi ke dauran bimar parta hai to use thik hone men 4 se 5 din ka samay lagta hai. yadi khane men ghumne ki upgtividhi ke dauran vyakti bimar parta hai to use thik hone men 7 din ka samay lagta hai. sone evan marne ki upgtividhi ke dauran bimari hone se use thik hone men kramshah 13 evan 15 din ka samay lagta hai. ghumne ki upgtividhiyon ke dauran bimari yadi ghumne men ghumne ki upgtividhi ke dauran athva ghumne men sone ki upgtividhi ke dauran bimari hoti hai to use thik hone men 15 din ka samay lagta hai. ghumne men marne ki upgtividhi ke dauran bimari hone se use thik hone men 1 mahina tak ka samay lagta hai. sone ki upgtividhiyon ke dauran bimari yadi koi vyakti pratham, dvitiya, tritiya, chaturth evan pancham upgtividhi ke dauran bimar parta hai to use thik hone men kramshah 8 din, 15 din, 20 din, 30 din evan 2 mahine ka samay lagta hai. marne ki upgtividhiyon ke dauran bimari yadi koi vyakti marne ki mukhya gatividhi ke dauran anya upgtividhiyon men bimar parta hai to vah kafi der se thik ho pata hai athva uski bimari thik hoti hi nahin hai. khaskr jab uske janmapakshi ke shatru pakshi ki upgtividhi praranbh hoti hai to uski pareshani atyant barh jati hai. is dauran uski mrityu tak sanbhav hai. yadi marne men marne ki upgtividhi chal rahi ho to sthiti aur bhi ganbhir ban jati hai. yadi marne men shasan karne ki upgtividhi hoti hai tab bhi bimari thik hone men 1 varsh tak ka samy lag sakta hai. yadi marne men khane ki upgtividhi chal rahi ho to is surat men bhi uski bimari thik hone ki sanbhavna n ke barabar hi rahti hai. anya upgtividhiyon men bhi sthiti kamobesh yahi rahti hai athva isse aur badatar hoti hai. inko chikitsa ke sath-sath upay karna atiavashyak hai.
Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.