गरिमा अंक शास्त्र की

garima ank shastra ki  

Ank ke aur Lekh | Sambandhit Lekh | Views : 1267 |  
akash men nau grahon ke madhya hi vishva ka samast rahasya chipa hua hai. manav svabhav evan vyavhar ko inhin nau grahon ne prabhavit kar rakha hai. pratyek vyakti kisi na kisi grah men utpann hota hai aur usse prabhavit rahta hai. manav ki isi prabhavit dasha ka vigyan hi ank vigyan hai.’’ manushya ke jivan men ankon ka mahatvapurn sthan hai. ye ank hi to hain, jo jivan ka parichalan karte hain. in ankon ke dvara bhut, bhavishya aur vartaman ka gyan prapt kiya ja sakta hai. yah kahna anuchit n hoga ki ank vigyan jyotish ke rup men manav ke lie gaid hai. ankon ka gyan prapt karke koi bhi vyakti anekon prakar ke labh uthakar, apne jivan ko sarthak bana sakta hai. kathinaiyon aur durbhagyapurn avsron se jivan ki raksha ki ja sakti hai. ‘‘ankon ka manushya ke jivan ke sath atyant ghanishth sanbandh hai.’’ - kiro unka yah kathan vastav men satyata se ot-prot hai. unki satyata is bat se siddh ki ja sakti hai ki pratyek choti se choti bat ki ganna ham ‘ankon’ ki sahayta se hi karte hain. ham pratyek vastu ko gin kar dete ya lete hain. koi khariddari karne ke bad rupye-paise/sikke ginakar dete v lete hain. ab ap sochie yadi hamare jivan men se ankane ka astitva samapt ho jae, to fir jivan men shesh hi kya rah jaega. jis prakar jel men band kaidiyon ke ank nirdharit kar die jate hain thik usi prakar kaksha men parhne vale vidyarthiyon ki upasthiti bhi rol nanbron ko bolakar li jati hai. jyotish men to ankon ka mahatva bahut hi adhik hai, kyonki ek se nau tak ki sankhyaon men pratyek ank ek grah ka pratinidhitva karta hai. yadyapi grahon ki chalon ka sukshma adhyayan kar bhautik tatha manv jivan men ghatit hone vali ghatnaon par unke prabhav ko janne ka prayas jigyasuon ne kiya, shakunon aur svapnon ke arth die. isi kram men unhonne anubhav kiya ki grahon ke sath-sath ank bhi hamare jivan ki ghatnaon ko prabhavit karte hain. ankon ke rahasya aur shakti ko janne ka prayas hajaron varshon se hota raha hai. yadyapi iska kramabaddha itihas adhik purana nahin hai. hamare prachin manishiyon ko shakti ka pata tha. tantron -mantron men unhonne uska chamatkari upyog kiya hai, kintu khed ka vishay hai ki apni vidya, ve apne sath hi le gaye. tantron ke ank chakra to ab bhi mil jaenge, kintu unke fal men kya kalpana rahi hai vah bata pana sanbhav nahin hai. ank vigyan ko vigyan ka rup dene aur use sarvajan sulabh banane ka shrey pashchimi vidvanon ko hi hai. vishva vikhyat jyotishi kaunt luis hemn ‘‘kiro’’ inmen se ek hain. lagbhg 4000 varsh purva bebiloniya aur kaildiya men aur bharat, mishra, yunan adi men bhi prachlit ank-vigyan ka gahan adhyayan kar unhonne pratipadit kiya hai ki ankon, grahon aur rashiyon men ek gurh sanbandh hai. saptah ke sat din bhi isse aprabhavit nahin hain, is sanbandh ki dor kisi agyat shakti ke hathon men hai aur vishva ki tatha manav jivan ki ghatnaon men iski rahasya purn tatha garimamay bhumika rahti hai. ank vigyan ke vikas men ‘kiro’ ke shodh ka apratim sthan hai. sayan surya ke sanchar ke anusar gregoriyan kalaindar varsh ke barah mason ko bhachakra ki barah rashiyon men vibhajit kiya gaya hai- yatha janvri-makar, farvri-kunbh, marcha-min, aprail-mesh, mai-vrish, jun-mithun, julai-kark, agasta-sinh, sitanbr-kanya, aktubr-tula, navanbr-vrishchik tatha disanbr-dhanu. ek rochak bat yah hai ki sayn surya mas ki pahli tarikh ko nahin, varan 21 tarikh ko athva uske as-pas ek rashi se dusri rashi men sanchar karta hai. praranbh ke 7 din rashi sandhi ke hote hain, jismen purvavarti aur nai, donon rashiyan prabhavi rahti hain. purvavarti rashi ka prabhav uttarottara ghatta jata hai, nai rashi ka barhta jata hai. nai rashi 28 tarikh ke as-pas purn prabhav men a jati hai aur agle mas ki 20 tarikh tak purn prabhavi rahti hai. ullekhniya hai ki shak (saur) sanvat ka masaranbh bhi gregoriyan mas ki 22 tarikh ko ya uske as-pas hoti hai. vibhinn rashiyon ke svami ve hi grah hain, jo paranpragat jyotish men hain- yatha surya-sinh, chandra-kark, mangl-mesh tatha vrishchik, budh-mithun tatha kanya, guru-dhanu tatha min, shukra-vrish tatha tula aur shani-makr tatha kunbh. in nau grahon men nau mul ankon ka vibhajan nimnavat hai: surya 1, chandra 2, mangal 9, budh 5, guru 3, shukra 6, shani 8, rahu 4 v ketu 7. paranpragat jyotish aur ‘kiro’ dvara pratipadit ank jyotish men kuch maulik antar bhi hai. paranpragt jyotish men visham rashiyon mesh, mithun, sinh, tula, dhanu tatha kunbh ko oj tatha sam rashiyon- vrish, kark, kanya, vrishchik, makar, min ko saumya mana gaya hai. ‘kiro’ dohre svamitva vale grahon ki pahli rashi ko oj aur dusri ko saumya mante hain. atah unke anusar mesh, vrish, mithun, dhanu v makar oj rashiyan hain tatha kanya tula, vrishchik, kunbh, min saumya. iske atirikt sinh oj rashi hai jabki kark saumya. rashi ke anusar uska svami bhi oj ya saumya hota hai. janma-tithi ke anusar bhagyafl janne ke lie sabse pahle us mas ka amafal dekhna chahie, jismen ukt tithi parti hai. iske pashchat mulank ke anusar ukt tithi ka fal dekhna chahie. udahrnartha yadi janma-tithi 14 mai hai to pahle mai mas ki am pravrittiyon ko parhna chahie aur fir 14 = 1$4 = 5 mulank vale vyaktiyon ki pravrittiyon ko parhna chahie. ek svabhavik prashn yah paida hota hai ki nai tithi ki ganna kis samay se ki jay. pashchatya kailendr ke anusar vah ratri 12ah00 baje se aranbh ho jati hai. bhartiya jyotish men suryoday se nai tithi ki ganna ki jati hai. kuch bhartiya ank shastriyon ka vichar hai ki nae tithi ank ki ganna suryoday ke bad se ki jani chahie. arthat yadi kisi vyakti ka janm suryoday se purva hua hai, to uski janm tithi pahle din vali manni chahie. ‘kiro’ ne is sanbandh men kuch nahin kaha hai, kintu samjha ja sakta hai ki vah pashchimi kailendar ke anusar hi tithi mante honge. ank vigyan men mulankon ka bhari mahatva hai. ye mulank 1 se 9 tak ke ank hain. kisi bhi sankhya ko uske mulank men badla ja sakta hai. iske lie ikai, dahai, saikra, hajar adi ke sabhi ankon ko punah jorna hoga. yah kram tab tak chalu rahega, jab tak ham ek mulank par n pahunch jayen. udahrnarth - 78 ka mulank 7$8 = 15 = 1$5 =6 isi prakar 4567 ka mulank hai 4$5$6$7 = 22 = 2$2 = 4 . jaise bhachakra 12 rashiyon men prakriti ke niyamon athva kisi daivik shakti ke nishchit niyamon ke anusar bhramn karte rahte hain usi prakar sab dharmon aur sanpurn jivan ka rahasya prakriti ke niyamon par adharit hai.
Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.