सिंहस्थ गुरु में विवाह वर्जित क्यों?

sinhasth guru men vivah varjit kyon?  

Ank ke aur Lekh | Sambandhit Lekh | Views : 3232 |  
jyotish shastra ke anusar vivah vishyon men var ka surya bal evan chandra bal tatha vadhu ka guru bal evan chandra bal dekha jata hai. surya atmakarak grah hai. guru hridykarak evan jivan ko prashasta karne vala grah hai. chandrama man ka karak grah bhi mana jata hai. vivahadi shubh evan manglik karyon men, var-vadhu ke grihasth jivan ko prashast banane ke lie, tinon grahon ke shubhatva ki mahatta hai. atah samanya rup se guru ka satva gun rashi dhanu aur min ke surya men tatha surya ki rajogun rashi sinh men guru ka gochr gururvaditya dosh kaha jata hai. bhartiya hindu paddhati men chahe koi bhi dharm athva vichardhara ho, sabhi men lagabhag pratyek shubh karyon men devtaon ki upasthiti anivarya hai, jaise vastu puja ho, vaivahik karya ho, havan ho, sabhi men us karya se sanbandhit devta ka ahvan kar aghryadi arpit kiya jata hai. atah vivah jaise vishisht karyon men, ja ‘dash mahadanon’ men se ek hai (isi men kanya dan bhi sammilit hai) devtaon ki anupasthiti svikarya nahin ho sakti. isi karan ‘sinhasth guru’ men shubh karyon ko varjit kaha gaya hai. isi ke sath yah tathya bhi dhyan men rakhna hoga ki shubhatva karak grah guru, saur mandal ke samrat surya ki rashi men hone se, surya ke hi prabhav men rah kar, sansar ke sabhi praniyon ko apna shubh ashirvad dene men asamartha rahta hai. brihaspati samast devtagnon men pujya hain. guru buddhi, gyan, sadgun, satyata, shraddha, samriddhi, samman, daya evan nyay ka bhi karak grah hai. vaivahik vishyon, putra prapti, dhan prapti, bhavn-bhumi adi ke lie guru atyant mahatvapurn grah (dev) mana jata hai. stri ki kundli men guru pati ki bhumika bhi nibhata hai. isi prakar guru vivahadi shubh manglik karyon ke lie uttam mana jata hai. adhisankhya jyotishiya sutra evan yog guru ki sthiti ke anusar srijit kiye gaye hain. jyadatar jyotish ke shubh yog evan sutra men guru ki sthiti mahatvapurn sthan rakhti hai. guru ki svarashi dhanu evan min hai. jatak ke garbh ka nauvan mahina purna kar janma lene ke karan guru ko kal purush ki navi n-dhan u rashi di gayi hai tatha janm ke bad ant men sharir tyag (mrityu) hone ke karan kal purush, athva jatak ki antim rashi min bhi guru ko hi di gayi hai. atah guru sab grahon men sarvopri buddhi bal ka karak hai. guru ke bare men ek tathya aur bhi prapt hota hai, jo vicharniya hai. yah ek pauranik tathya hai, jiska sanbandh gururvaditya sancharan se hai. is pauranik katha men ullekh hai ki devasur men paraspar sangram ke madhya men ek devta amrit kalash le kar vahan se bhag chale. daityon ne us devta ka picha kiya. 12 varshon tak nirantr picha kiya jata raha. is avdhi men us devta ne haridvar, prayag, nasik tatha ujjain adi 4 sthanon par vishram kiya. in sthalon par amrit ki kuch bunden chalak jane se vahan aj bhi kunbh mele ka ayojn hota hai. pauranik matantar se yah katha is prakar bhi hai: samudra manthan se prapt amrit kalash ko garur ji le bhage. kahin garur ke sthan par indraputra jayant ka bhi ullekh milta hai ki amrit kalash le jane ke marg men nasik, prayag, ujjain evan haridvar men amrit ki bundane chalk jane se in sthanon men kunbh ka ayojn hone laga. jab yah ghatna ghati to guru evan surya donon hi sinh rashi men the. atah tab se sinhasth guru ke samy men ganga evan godavri ke madhya ke kshetra men shubh karya varjaniya ho gaye. kalantar men kabhi sanpurn bhubhag aur kabhi matra ganga-godavri ke madhyavarti kshetron men, gururvaditya ke samay, manglik karya sthagit kiye jane lage. jive sinhasthe dhanvamin sthite'rke vishnau nidvane chadhimase ch lagnam. niche'stan vapte lagn nathe'shpe va jive shukre va'stan gate va'pi neshtam.. manglik karyon ke lie is shlok men yah bataya gaya hai ki guru jab sanh rashi men ho, surya guru ki dhanu athva min rashi men ho, vishnu sahit sabhi dev nidravastha men hane, (chaturmas), lagnesh athva navanshesh ka svami nichasth ya ast ho, guru athva shukra ast hon, to vivah evan manglik karya nahin karna chahie. atah in sab sthitiyon men vivah karyon ka nishedh hai. yadi sinhastha guru men, vishesh kar magha nakshatra men, guru ka pravesh hone par vivahadi karya hon, to vah var-kanya donon ke lie ghatak hain. rishiyon ne in sthitiyon ka purva men bhi adhyayan kiya hai aur usi ke anusar unhonne ansh bhed, desh bhed tatha surya rashi bhed se 3 prakar ke parihar bataye hain. unka kahna hai ki jab surya rashi men, surya ke hi navmansh men, arthat sanchrn ke samay 4ai 130 20sh se 4ai 160 40sh tak guru ka bhraman ho, tab is bich ke samay men kisi bhi pradesh men, desh ke kisi bhi bhag men vivahadi shubh karya nahin karna chahie. is bare men raj martand ka shlok is prakar hai, jismen bhi uparyukt baton ko svikara gaya hai: sinh rashau tu sihanshe yada bhavti vakpatiah sarva desheshvayan tyajyo dampatyoah nidhn pradah.. vashishth rishi ke vachan is prakar manya hain: unka kahna hai ki sinhasth guru ka ashubh prabhav godavri ke uttar se ganga ke dakshin men parne vale kshetron ke lie hi manya hai, anya kshetron ke lie nahin. parantu yah mat parashar rishi nahin svikarte the; arthat sinh ke pratham 5 navanshon ka bhog karne ke pashchat sinhasth guru men ganga evan godavri ke madhya kshetron men vivahadi karya kiye ja sakte hain. ganga-godavri ke madhya men a rahe kshetra sinhasth guru men shubh karyon ke lie varjit hain. sapt rishiyon ke mat se vashishth ji ki agli vyakhya men iski vyavastha vartaman ke lie adhik anukul hai, jo is prakar haiah vicharon ki bhinnata ko dekhte hue acharyon ne samast prakar se vichar kar kaha ki sihansth guru yadi magha nakshatra tak ka bhog kar chuka ho, to shesh samay men sabhi karya kiye ja sakte hain. sinhasth guru ke samay ganga-godavri ke madhyavarti kshetron ki sima, samay ke anusar parivartit hoti rahi hai. in kshetron ke vishay men yah avashya dhyan rakhna hoga ki vartaman men rajnaitik evan bhaugolik karnon se in kshetron ki aj ki sthiti evan pauranik sthiti men paryapt antar a chuka hai. munbai kabhi mahagujrat ka bhag tha evan aj ka urisa pauranik samy ka kaling hai. ismen vartaman ka puri tatha ganjam jila bhi samahit hai. purvi bangal ka samast kshetra pahle gaur prant tha. aj vah bhinn ho gaya hai. sinhasth guru men vivah hon ya n hane, iske lie acharya ekamat nahin hain. vastav men yah dekhne men ata hai ki mukhya niyam ka hi adhikatar paln hota hai aur mukhya niyam ke apvad ko samaj vyavhar men nahin lata hai. udaharanasvarup, nari dosh men vivah varjit hai. yadyapi nari dosh ka parihar bhi hai, lekin yah vyavhar men nahin laya jata hai. nari dosh ke sanbandh men yah bhi kaha gaya hai ki nari dosh keval brahmanon ke lie hai. parantu samaj, iske apvad men n ja kar, mukhya niyam ‘‘nari dosh men vivah varjit hai’’ ka hi paln karta hai. sinhasth guru ke sanbandh men bhi yahi niyam samaj lagata hai. atah sinhasth guru men vivah karna shastranukul nahin kaha ja sakta hai. jo jatak is asmanjas jaisi paristhiti men lagabhag 1 varsh tak pratiksha nahin kar sakte hain, unke lie shastron men parihar bhi diya gaya hai, jo nimn baton se drishtigochr hota hai. sinh ke guru men yadi mesh ka surya ho, to guru dosh nahin rahta. aisi sthiti men vivah kiye jane par vivahit sukhi hote hain. is bar 16 aprail 2016 se 27 aprail 2016 tak surya mesh men rahega. atah yah samy manglik karyon ke lie shubh hai. narad sanhita, devi bhagavat, muhutrta chintamni, raj martand, varah mihir adi ki uktiyon se sinhasth guru ke sinh navmansh men vivah adi shubh kritya tyajya hain. sinh rashi ki nakshatra sarni rashi nakshatra charan nakshatra svami ansh v kala sinh magha 1 2 3 4 ketu 0.00 se 13.20 sinh purva falgun 1 2 3 4 shukra 13.20 se 26.40 sinh uttara falgun 1 surya 26.40 se 30.00 varah mihir ke anusar: ‘‘udyanchudavratabandhadikshavivahyatradi vadhupraveshah tadagkupatridashapratishtha brihaspatau sinhgte n kuryat..’’ arthat, sinh ki rashi men jab brihaspati ho, to mundan, vratbandh, diksha, vivah, (vishesh) yatra, devadi pratishtha, ye sab shubh kritya n karen. ab jyotishiya karnon ki charcha karen, to jin jatkon ke lie sinh ka guru apne gochar men vaivahik kal nirmit karta ho, sath hi vivah ki dashaen bhi usi samay lagti hon, tab kya karen ? aise samay par yadi jatak vivah nahin karega, to agli bar yog n jane kab bane. isse jyotishiya siddhanton ki ninv bhi hil jaegi aur sutra jhuthe sabit honge. atah aisi sthiti men jatk ko sinh rashi ke sinh navmansh ko tyagna chahie. baki ke samay men muhurtanusar vivah kiya ja sakta hai. brihaspati dvara mesh se le kar min rashi tak 12 rashiyon men paribhramn ke samay, hindu dharmanusar, bharat ki bhinna-bhinn nadiyon par pavitra parva kal mana gaya hai. guru ke mesh rashisth hone par ganga nadi par, vrishabh men narmada par, mithun men sarasvati par, kark men yamuna par, sinh men godavri par, kanya men krishna par, tula men kaveri par, vrishchik men tamraparni par, dhanu men bhagirthi par, makar men tungabhadra par, kunbh men sindhu par aur min rashi men guru hone par reva nadi par parva kal hote hain. aise jatak, jinki kundli men guru ki sthiti sudrirh ho aur jis rashi men guru ka shubh bhraman ho, usi rashi vale parva par jatak ko sanbandhit nadi par anushthan evan snan karna chahie. is prakar us jatak ko guru ke shubhatva ka adhik labh prapta hoga tatha kharab guru ka prabhav lupta hoga. udaharan ke lie yadi jatk ki kundli men lagnesh guru ho tatha lagn bhav men hi sthit ho, sinh rashi navam bhav men ho aur usapar guru ka gochar ho, to aise jatak ke lie is samay godavri men snan adi karna bhagyavarddhak hoga; arthat vartaman parva (godavri kshetra) men yadi dhanu lagn ke jatak snanadi karenge, to unhen adhik labh milega. guru ki shubhta ka upay jin jatkon ko vivah evan manglik karya karna vartaman men nitant avashyak ho, ve jatak guru ki shubhta ko pane ke lie is prakar ka upay kar sakte hain: sarvapratham jatak, ishan disha men ‘shvet kalsh’ ki sthapna kar, usmen panch gavya, kushodak, vishnu kranta, shatavri adi ka prakshepan karen. chaikor pirhi par brihaspati ki svarn pratima ki sthapna kar usmen pran pratishtha karen. iske bad pratima ki shodshopchar puja karen. pila kapra, pila yagyaopvit, pila chandan, pila chaval, pila pushp, ghi ka dipak aur dahi-bhat adi pratima ko arpit karen. 16000 × 4 = 64000 brin brihaspataye namah, ka sankalpapurvak jap karen. ant men pipal ki lakri, ghrit, madhu, misri se dashansh havan karen aur tamra patra men jal bhar kar brihaspati ko aghrya pradan karen. ant men pushp le kar prarthana karen: bhaktaya bhatte suracharya hompujadi satkritam. tatvan grihan shitmarbh brihaspate namo namah. jivo brihaspatiah suriracharyo gururangiraah. vachaspatirdevmantri shubhan kuryat sada mam.. iske pashchat guru visarjan karen evan pratima ko dan athva visarjit karen athva shuddhatapurvak yathashakti ghar adi men sthapit karen. yathasanbhv brihaspati ki vastuon ka dan evan brahman bhojan karaven.
Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.