भगवान श्री गणेश और उनका मूलमंत्र

bhagvan shri ganesh aur unka mulmantra  

Ank ke aur Lekh | Sambandhit Lekh | Views : 6054 |  
hinduon ke sabhi karyon ka shrignesh arthat shubharanbh bhagvan ganpti ke smaran evan pujan se kiya jata hai. bhagvan shri ganesh ki sabse badi visheshta yah hai ki unke pujan evan smaran ka yah kram jivan bhar lagatar chalta rahta hai. chahe koi vrat, parva, utsav, sanskar, devpujan, yagya, tap ya dan ho athva koi parivarik, arthik, vyavsayik, samajik ya dharmik karya, uska shubharanbh shri ganesh ke smaran ya pujan ke bina nahin ho sakta. shri ganesh ka svarup arunavarn, ekdant, gajmukh, lanbodar, rakt (lal) vastra, shurp karn, chaturbhuj, tripund tilak evan mushkvahn- yah inka agmokt svarup hai. riddhi evan siddhi inki patniyan hain. brahmaji ke vardan se ye devtaon men pratham pujya hain. bhagvan shiv ke ganon ke svami hone ke karan ye ganesh ya ganpti kahlate hain. bhagvan shiv ke dvara gajraj ka mukh laga dene ke karan ye gajanan ya gajavadan kahlate hain. apne agraj shri kartikey ke sath sangram men ek dant tut jane ke karan ve ekdant hain. sup jaise lanbe kanon ke karan ve shurpakarn aur bada ya lanba pet hone ke karan lanbodar kahlate hain. panchdevopasna men ganpti ka sthan mukhya hai. agam shastra ki is udghoshna ‘‘kalau chandi vinaykau’’ ke anusar shri ganesh shighra prasann hokar var dete hain. vastutah bhagvan shri ganesh buddhi ke adhishthata hain. ve sakshat pranav rup hain. unka nam evan mangalamay rup ka dhyan karte hi vighn evan badhaen dur ho jati hain aur sadhak bhakt ka abhisht siddh ho jata hai. isilie kaha gaya hai- ‘‘jehi sumarat sidhi hoy, gannayak karivaravadan.’’ shrignesh ka pratik svastik vivah adi ke nimantran patron, vyapariyon ke bahi khaton, darvaje ki shakhaon tatha puja ki thali men ankit svastik bhagvan shrignesh ka pratik chihn hai. is svastik ki charon bhujaen ganesh bhagvan shri ganesh aur unka mulmantra ki charon bhujaon ki pratik, bhujaon ke bich ke charon bindu charon purusharthon dharm, arth, kam evan moksh ke pratik, bhujaon ke samipavarti donon rekhaen shri ganesh ki donon patniyon arthat riddhi evan siddhi ki pratik aur unse age ki donon rekhaen unke donon putron yog evan kshem ki pratik hain. is prakar svastik bhagvan ganesh ke pure parivar ka pratik hai. iske lekhan, dhyan evan pujan se hamare jivan tatha karyon men ane vali vighn badhaen dur hoti hain aur hamen riddhi-siddhi milti hai. ganpti upasna ka din shrignesh chaturthi vaidik jyotish ke anusar devi-devtaon ki upasna, unke vrat evan mantron ke anushthan yathasamay karne ka vidhan hai. is shastra ke anusar chaturthi tithi evan budhvar ke svami bhagvan shrignesh hain. atah pratyek chaturthi ko bhagvan shri ganesh ka vrat evan unke mantra ka anushthan aur pratyek budhvar ko unka pujan kiya jata hai. bhadrapad shukla paksh ki chaturthi ko bhagvan shri ganesh ka janm hua tha. atah yah tithi unki jayanti tithi hai. is din shrignesh ji ka vrat, pujan evan mantra ka anushthan karne se shri ganesh ji maharaj shighra prasann hote hain. isilie maharashtra men shrignesh chaturthi se lekar anant chaturdashi tak lagatar 11 din ka ganeshotsav manaya jata hai. bhagvan shri ganesh ka mulmantra ganeshnimarshini, agam dipika, purashcharanachandrika evan ganapatyatharvashirsh sukt ke anusar shri ganesh ji ka mulmantra niche likha ja raha hai. is mantra ke anushthan se sadhak ko bhog evan moksh donon hi milte hain. iske anushthan se vidyarthi ko vidya, dhanarthi ko dhan, putrarthi ko putra aur moksharthi ko mukti mil jati hai. yah mulmantra is prakar hai- ‘‘om gan ganptye namah.’’ viniyog asya shri ganeshmantrasya gankrishiah nichrid gayatrichandah, shrignptirdevta ganbijan namah shaktiah sarvarthasiddhaye jape viniyogah. rishyadinyas om gankay rishyenmah, shirsi. om nrichidgayatri chandase namah mukhe. om ganpti devtayai namah hridi. om gan bijay namah, guhye. om namah shaktaye namah, padyoah. karanyas om gan angushthabhyan namah . om gin tarjanibhyan namah. om gun madhya mabhyan namah. om gain anamikabhyan namah. om gaun kanishthakabhyan namah. om gah kartlkrprishthabhyan namah. ang nyas om gan hridyay namah . om gin shirse svaha. om gun shikhayai vashat. om gain kavchay hum. om gaun netratrayay vaushat. om gah astray fat. dhyan ekdantan chaturhastan pashmankush dharinam. radan ch vardan hastairvibhranan mushakadhvajam.. raktan lanbodran surpakarnakan raktavasrag. raktagandhanu liptangan raktapushpaiah supujitam.. shri ganesh pujan yantra anushthan vidhi: nitya karm se nivritt hokar asan par purvabhimukh ya uttarabhimukh baithakar achaman evan pranayam kar shri ganesh mantra ke anushthan ka sankalp karna chahie. tatpashchat chaiki ya patre par lal kapda bichakar us par bhojapatra par ashtagandh aur anar ki kalam se likhit ukt shri ganesh pujan yantra ya shri ganesh ji ki pratima ko sthapit kar vidhivat panchopchar ya shodshopchar pujan karna chahie. iske bad mantra ka viniyog, nyas evan dhyan kar manoyogpurvak ukt mantra ka jap karna chahie. shri ganesh mantra ke anushthan men iski jap sankhya sava lakh tatha matantar se char lakh hoti hai. ganpti upasna ke niyam 1-sadhak ko snan kar lal reshmi vastra dharan kar bhasm evan tilak lagakar lal asan par baithakar lal chandan ya rudraksh ki mala dharan kar yah anushthan karna chahie. 2- bhagvan shri ganesh ki puja lal chandan, lal pushp, durba (dub), evan modak (besan ke laddu) se karni chahie. 3- shri ganesh chaturthi, sankasht chaturthi ya budhvar ke vrat men is mantra ka 12 hajar ya 12 sau jap karne se laghu anushthan hota hai. is mantra ke anushthan men durbaon se havan karne se kubertulya sampatti, laja (khil) ke havan se yash evan medha, sahasra modkon ke havan se sarva siddhi aur samidha evan ghi ke havan se sarvalabh ki prapti hoti hai. anushthan ke dinon men ganapatyatharvasukt, ganeshpancharatnastotra, ganesh chalisa adi ka path karna anant faldayak hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.