भावनाओं की आहुति

bhavnaon ki ahuti  

Ank ke aur Lekh | Sambandhit Lekh | Views : 890 |  
mata-pita ko chahie ki vah apni santan ki bhavnaon ko samjhen aur svayan ke nirnay un par n thopen aur n hi unhen itna pratarit karen ki unke bachche vichlit hokar avesh men durbhagyapurn kadam uthae. apne bachchon ko achche sanskar dekar hi ham unse achche bartav ki ummid kar sakte hain. hal hi men nyuj pepar men parha ki ek satrah sal ke nabalig larke ne apne pita ki chaku mar kar hatya kar di kyonki pita uski mata ke sath bahut jyada mar pitai kar raha tha. yah khabar koi nai nahin hai kyonki pichle kuch varshon se aisi khabren kafi a rahi hanai, jinmen bachchon ne apne hi mata-pita ko maut ke ghat utar diya. iske piche anek karan hain. jahan pita khub sharab pikar rat ko ghar ata hai aur ate hi patni v bachchon se gali galauj karta hai to bachche ko uske prati ghrina ki bhavna utpann ho jati hai. chunki mata hamesha ghar men rahti hai aur uske khan-pan v anya jarurton ka khyal rakhti hai tatha mamta se bhari hoti hai islie bachche man se jyada jure rahte hain. jabki pita jo hamesha hi nashe men rahta hai ya fir kabhi-kabhi ghar ata hai, to unka usse koi mansik lagav nahin ho pata aur jab vah use apni man ko pitte dekhte hain to svabhavik rup se uske bachav ke lie kuch bhi kar dalte hain. yah sab ek avesh men hota hai. koshish karne par bhi hamen pitahanta bachche ki janm tithi nahin mil pai lekin ek aise larke samir ki janmapatri dekhne ko mili jisne bachapan se apne pita ko apni man ke sath badsluki karte dekha tha. chahe vah subah ki chay ho ya rat ka khana samir ka pita hamesha hi uski man se larta rahta. kabhi bhi usne samir se sidhe munh bat nahin ki. vah hamesha us par adesh chalata. samir bachapan se hi usse atyant ghrina karta tha tatha uski bat ko n manakar vah apni ghrina ko jahir karta tatha use apne pita ko tang kar ek khas khushi milti thi. jab bhi vah apni man ko ek nirih pashu ki bhanti pitte dekhta to yahi sochta tha ki kaise vah unhen is darinde se bachae. usne apne pita ko anek bar samjhane ki koshish bhi ki parantu uske krodh ke age uski ek n chalti. samir ke pita ka kahar uski man hi nahin us par bhi tuta tha jise samir kabhi nahin bhul sakta aur unko iski saja dene ke lie ek aisa nirnay liya jisse uske parivar men age kisi ko apman n jhelna pare. samir apne parivar ki najdiki nandini se behad pyar karta tha. nandini bhi uske bahut karib thi. donon ka ek dusre ke ghar kafi ana jana tha. samir ko vishvas tha ki vah apne pita ko kisi n kisi tarah mana lega. isi vishvas se jab ek din usne apne mata-pita ke samaksh nandini se vivah ka prastav rakha to uske pita ne ghar men kohram macha diya, unhonne use ghar se nikal jane ko kaha aur nandini aur samir donon ko jan se marne ki dhamki bhi di. samir ki apne pita ke krodh ke age ek n chali aur nandini ko tatha uske mata pita ko unhonne itni khari khoti sunai ki apman n jhel sakne ke karan nandini ne atm hatya kar li. samir ke lie yah bahut bara jhatka tha. uska dil aur dimag is sadme ko bardasht nahin kar paya aur usne usi kshan ghar chorne ka nirnay liya. par man ki mamta aur man par pita ke atyacharon ne uske barhte kadmon ko piche khinch liya aur usne atal faisla liya ki vah ajanm avivahit rahega taki is parivar ka koi vanshaj hi n ho aur uske pita ko unki karni ka kuch fal mil sake. prastut hai donon ki kundli ka jyotishiya vishleshn pita ki kundli vrishchik lagn ki hai jiska svami mangal, shani aur rahu ke sath ashtamasth hain. arthat lagnesh anya do pap grahon ke sath ashubh sthan men sthit hai. dvitiya bhav men kshin chandra ketu ke sath sthit hai tatha tin pap grahon se drisht hai. kisi bhi shubh grah ki drishti us par nahin hai. arthat vani ka sthan tatha man ka karak chandra buri tarah pap grahon se pirit hai. falasvarup unka apni vani par bilkul bhi niyantran nahin hai aur vah bina kuch soche samjhe aniyantrit hokar anuchit bhasha ka prayog karte hain. chandra ketu ke sath hone ke grahan dosh se bhi dushit hai. vani ka karak budh akarak hokar dasham bhav men sthit hai parantu shani ki tritiya drishti se yah bhi pratikul rup se prabhavit ho raha hai. chandra lagn se saptam bhav men shani, mangal aur rahu hone se pati-patni men bahut jyada kalah hai. pancham bhav ka karak guru ast hai tatha mangal ki drishti se pirit hai. sath hi pancham bhav par ashubh grahon surya aur shani ki bhi drishti hai jiske karan pita-putra men shatruta hai. jabse shani ki dasha aranbh hui, pita ke ek hath ko anshik rup se lakva bhi mar gaya, jisse vah aur jyada gussail aur dhairyahin ho gaya. samir ki kundli men panchmesh guru saptam bhav men navmesh chandra tatha dashmesh surya ke sath aur saptamesh shukra pancham bhav men lagnesh ke sath sthit hai. arthat lagnesh, panchmesh, saptamesh navmesh aur dashmesh ka apas men sanbandh hai. falasvarup samir ke prem sanbandh hue. samir ki kundli ko dekhakar aisa pratit hota hai ki vah samjhdar, bhavuk aur jimmedar hai. uski kundli men kisi bhi prakar ka durbhagya yog nahin hai lekin uske pita ke duvryavhar ke karan agyakari samir ko apne bhagya, sukh, peramika v apni akankshaon adi sabhi kuch se hath dhona para. mata-pita ko chahie ki apni santan ki bhavnaon ko samjhen aur svayan ke nirnay un par n thopen aur n hi unhen itna pratarit karen ki unke bachche vichlit hokar avesh men durbhagyapurn kadam uthaen. apne bachchon ko achche sanskar dekar hi ham unse achche bartav ki ummid kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.