अविघ्नकर व्रत

avighnakar vrat  

Ank ke aur Lekh | Sambandhit Lekh | Views : 2297 |  
avighnakar vrat (25.02.2012) pan. brajkishor sharma brajvasi avighnakar vrat ka palan falgun mas ki shukla paksh chaturthi ko karne ka vidhan hai. is vrat ko sabhi devgnon, manishiyane, santon adi ne bhi manovanchit kamnaon ki purti hetu kiya hai. ganesh bhagvan ke anyanya vraton ki tarah hi is vrat men bhi pratahkal snanadi dainik krityon ko sanpann kar vidhivat sankalp len. sanpurn din ‘‘un gan ganptye namah’’ mantra ka jap karte hue sanykal ganesh, navagrahadi, shiv parivar ke vigrah asan par virajman karen. ho sake to ganesh bhagvan ki manglmurti nadi adi ki pavitra mitti se taiyar kar shodshopchar pujan karen aur ant men karya-siddhi hetu prarthana karen. sanpurn din vrat ka palan karte hue ganesh pujnoprant 1, 3, 5, 7, 9 ya 11 ki sankhya men yathasanbhav 5 varsh tak ki umra ke balkon ko mishthannadi bhojan karakar dravya-dakshinadi dekar abhivadan kar vida karen tatha svayan bhi prasad grahan karen. pujan ke samay bhagvan ganesh ki prakatya lila katha ko parhen ya shravan karen. svayan pujan ki asamarthata ho to vidvan brahman ki sannidhyata men hi sanpann karen. shrigjanan ki prakatya- lila katha dvapar yug ki bat hai. ek din parvativallabh shiv brahma-sadan pahunche. us samay chaturmukh shayan kar rahe the. nidra se uthte hi unhonne janbhai li. usi samay unke mukh se ek mahaghor purush prakat hua. janm lete hi usne ghor garjana ki. us ke us garjan se sanpurn vasudha kanp gayi, dikpal chakit ho gaye. us ko dekhakar paùyoni bhi chakit ho gaye. unhonne usse pucha- ‘tum kaun ho? tumhara janm kahan hua hai aur tumhen kya abhisht hai?’ ukt purush ne uÿar diya- main apke mukh se prakat hua apka hi putra hun. ataev ap mujhe svikar kijie aur mera namakaran kar dijie.’ vidhata atyant prasann hue. unhonne kaha-‘beta!’ atishay arunavarn hone ke karan tera nam ‘sindur’ hoga. trailokya ko adhin karne ki tujhmen adbhut shakti hogi. tu krodhpurvak apni vishal bhujaon men pakarakar jise daboch lega, uske sharir ke saikron tukre ho jayenge, trailokya men teri jahan ichcha ho, tujhe jo sthan priya lage, vahan nivas kar.’ pita se itne sare var prapt kar mandonmatt sindur sochne laga- ‘unka diya gaya vardan satya hai ki nahin, kaise pata chale? yahan koi hai bhi nahin, jise main apne bhujpash men abaddhakar var ka parikshan kar lun. kahan jaun? kahin to koi nahin dikhai deta.’ ab vah sidhe pitamah ke samip pahuncha. uski kucheshta ki kalpana karke bhaybhit hokar vidhata ne pucha-laut kaise aye, beta? ‘apke var ki pariksha karna chahta hun’. sindur ka kathan sunakar pitamah ne use shap dete hue kaha- ‘sindur’, ab tu asur ho jayega. prabhu gajanan tere lie avtrit honge aur nishchay hi tujhe mar dalenge. is prakar shap dete hue pitamah pran bachakar bhage. daurte-daurte ve vaikunth pahunche aur shrihri se nivedan kiya- ‘prabho! is dusht se meri raksha kijie.’ shrivishnu ne atyant madhur vani men use samjhana chaha; lekin vah asur yuddh ke lie vishnu ki or barhne laga. tab bhagvan vishnu ne use bhagvan shankar se yuddh ke lie prerit kiya. vah kailash parvat par ja pahuncha. vahan ashutosh shiv paùasan lagaye dhyanasth the. nandi aur bhanrigi adi gan un param prabhu ke as-pas the aur mata parvati unki seva kar rahi thin. sindur parvati ki or mura aur unki veni pakri li aur balpurvak le chala. kolahal se tripurari ki samadhi bhang hui. shankar kupit asur se yuddh karne ke lie udyat the hi, usi samay mata parvati ne man-hi-man mayuresh ka chintan kiya. mayureshvar brahman ke vesh men prakat ho gaye. unhonne apne tikshn tejasvi parshu se asur ko piche hatakar atyant madhur vani men kaha- ‘mata girija ko tum mere pas chor do; fir shiv ke sath yuddh karo. yuddh men jiski vijay hogi, parvati usi ki hogi. anyatha nahin.’ mayureshvar ke bachan sunakar sinudar santusht hua. yuddh aranbh hua. parshu ke aghat se sindur ki shakti atyant kshin ho gayi. uske shithil hote hi mayuresh ne us par apne kathor trishul ka prahar kiya aur vah asur viklang hokar vahin gir para. usne parvati ki asha chor di. shankar vijyi hue. ab brahman veshdhari mayuresh apne svarup men prakat ho gaye aur mata parvati se kaha- ‘main apke putra rup men shighra hi prakat hokar asuron ka vinash karunga.’ itna kahakar ve antardhan ho gaye. idhar jab sindur ke atank se trailokya kanpit ho gaya. devagan aur kul jan karunamay vinayak ki stuti karne lage. devdev ganraj prasann hokar unke samaksh prakat hue aur kaha- ‘devtao! main asur sindur ka vadh karunga. ‘gajann’ yah mera sarvarth sadhak nam prasiddh hoga. main sindur ka vadhakar parvati ke sammukh anek prakar ki lilaen karunga.’ itna kahakar gajanan antardhan ho gaye. devadhidev bhagvan shankar ke anugrah se jagjnni parvati ke sammukh atishay tejorashise uddipt param alhadak chandra-tulya tatva prakat hua. mata parvati ne us param tejasvi murti se pucha- ‘ap kaun hain? kripya parichay dekar ap mujhe anand pradan karen.’ tejasvi vigrah ne uÿar diya- ‘mata!’ treta men shubhravarn shadbhuj mayureshvar ke rup men mainne hi apke putra ke rup men avtrit hokar sindhu daitya ka vadh kiya tha aur dvapar men punah apko putra-sukh pradan karne ka jo vachan diya tha, uska palan karne ke lie main apke putra rup men prakat hun. mainne hi brahman vesh men akar sindur se apki raksha ki thi. mata, ab main sindur ka vadhakar tribhuvan ko sukh-shanti dunga aur bhakton ki kamnapurti karunga. mera nam ‘gajann’ prasiddh hoga. devdev vinayak ko pahchan kar gauri ne unke charnon men pranam kiya aur fir hath jorakar ve unka stavan karne lagin. mata ki prarthana sunte hi param prabhu atyant adbhut chaturbhuj shishu ho gaye. kuch kshan ke pashchat shishu rupdhari param prabhu gajanan ne shiv se kaha- dharmatma raja varenya aur uski patni pushpika ne mujhe santusht karne ke lie barah varshon tak kathor tap kiya tha. mainne prasann hokar unhen yah var pradan kiya ki ‘nishchay hi main tumhara putra bananuga.’ pushpika ne abhi-abhi prasav kiya hai kintu uske putra ko ek rakshasi utha le gayi hai. is samay pushpika murchit hai; putra ke bina vah pran tyag degi. ataev ap mujhe turant us prasuta ke pas pahuncha dijie.’ gajanan ki vani sunakar bhagvan shankar ne nandi ko bulakar kaha- tum is parvati putra ko turant pushpika ki murcha dur hone ke purva hi uske samip rakhakar laut ao. nandi apne svami ke adeshanusar gajmukh ko pushpika ke sammukh chupchap rakhakar turant laut aye. sabere pushpika ne dhyanpurvak adhure shishu ko dekha. is adbhut balak ko dekhakar pushpika chakit aur duahkhi hi nahin hui, balki bhay se kanpti hui vah prasuti-grih se bahar bhagi. vah shok se vyakul hokar rone lagi. rani ka rudan sunakar unki paricharikaen bhi bhayakrant ho kanpti hui bahar a gayi. jin-jin stri-purushon ne un shishu-rupdhari param purush ka darshan kiya, ve sabhi bhaybhit hue. kuch to murchit ho gaye. pratyakshadarshiyon ne raja se kaha- aise vichitra balak ko ghar men nahin rakhna chahie. aise vachan sunakar naresh varenya ne apne dut ko bulakar shishu ko nirjan van men chor ane ki agya di. raja ke dut ne us navjat shishu ko nirjan van men ek sarovar tat par rakh diya aur drut gati se laut aya. vahan us navjat shishu par achanak maharshi parashar ki drishti pari. mahamuni ne shishu ko bar-bar dhyan purvak dekha. uske charnon par dhvaj, ankush aur kamal ki rekhaen dikhayi din. maharshi ko romanch ho aya. ashcharyachkit muni ke munh se nikal gaya- ‘ye to sakshat parabrahm parmeshvar hain.’ maharshi ne shishu ke charan men pranam kar use atyant adrpurvak ank men le liya aur prasanna-man ashram ki or chale. gajanan ke charn-sparsh se hi maharshi parashar ka suvistrit ashram atishay manohar ho gaya. vahan ke sukhe vriksh bhi pallavit aur pushpit ho uthe. vahan ki gayen kamdhenu-tulya ho gayin. sukhad pavan bahne laga. ashram divyatidivya ho gaya. ‘mere shishu ka palan divyadrishti-sanpann maharshi parashar kar rahe hain. ’is sanvad se naresh varenya atyant prasann hue. unhonne bhi apne yahan putrotsav manaya aur atyant shraddhapurvak brahmanon ko bahumulya vastra, svarn aur ratnalankaran se santusht kiya. gajanan nau varsh ke hue. kushagra buddhi gajanan samast vedon, upnishdon, shastron evan shastrastra sanchalan adi men parangat vidvan ho gaye. unki prakhar pratibha ka anubhav karke maharshi parashar chakit ho jate; rishigan vismit rahte. gajmukh sabke anyatam pritibhajan ban gaye the. idhar sarvatha nirankush, param uddand, shaktishali sindur ka atyachar parakashtha par pahunch gaya tha. uske bhay se devta, rishi aur brahman sabhi trast the, kuch giri-gufaon aur nivir vanon men chipakar apne din vyatit karte the. adhikansh dev-vipradi sindur ke karagar men yatna sah rahe the. us uddhat asur ki is aniti se gajanan adhir aur ashant ho uthe. unhonne apne pita parashar se kaha- ‘ap aur man donon mujhe ashish den, taki main sindur ko marakar adharm ka nash aur dharm ki sthapna kar sakun.’ pulkit maharshi aur maharshi-patni ne gajanan ko prempurvak ashirvad diya. gajanan vayu veg se chal pare. unke param tejasvi svarup se pralyagni tulya jvala nikal rahi thi. bhaybhit duton ne sindur ke pas jakar iski suchna di. sindur akashvani ki smriti se chintit ho gaya; kintu dusre hi kshan krodh se uske netra lal ho gaye. vah veg se chala aur gajmukh ke sammukh pahunch gaya tatha anek prakar ke anargal pralap se gajanan ko darane-dhamkane laga. ‘dusht asur!’ gajanan ne atyant nirbhikta se kaha- ‘main dushton ka sarvanash kar dharti ka uddhar aur saddharm ki sthapna karne vala hun. yadi tu meri sharan men akar apne patkane ke lie kshama-prarthana purvak saddharmaparayan naresh ki bhanti jivit rahne ki pratigya kar le, tab to tujhe chor dunga; anyatha vishvas kar, tera antkal samip a gaya hai.’ itna kahte hi parvatinandan ne virat rup dharan kar liya. unka mastak brahmand ka sparsh karne laga. ve sahasrashirsh, sahasraksh, sahasrapad vishvarup prabhu sarvatra vyapt the. un anant prabhu ka tej anant suryon ke saman tha. unka mahavirat rup dekhakar sindur saham gaya, par usne dhairya nahin chora. vah apna khadg lekar prahar karna hi chahta tha ki devdev gajanan ne kaha- ‘murkha! tu mere atyant durlabh svarup ko nahin janta; ab main tujhe mukti pradan karta hun.’ devdev gajanan ne mahadaitya sindur ka kanth pakar liya. iske bad ve use apne vajra-sadrish donon hathon se dabane lage. asur ke netra bahar nikal aye aur usi kshan uska pranant ho gaya. kruddh gajanan ne uske lal rakt ko apne divya angon par pot liya. is karan jagat men un bhakt vanchakalpataru prabhu ka ‘sindur vadn’ aur ‘sindur priya’ nam prasiddh ho gaya. sab ne gajanan ki bhaktipurvak shodshopchar puja ki. ‘mere putra ne lok kantak sindur ko samapt kiya hai.’ is samachar se prasann hokar raja varenya bhi vahan a pahunche. apne putra ka pratyaksh prabhav dekhakar raja varenya atyant prasann hue. unhonne bhi atyant pritipurvak gajanan ki puja ki. pashchatap karte hue raja varenya ki stuti se prasann hokar gajanan ne bhi apni charon bhujaon se unka alingan kiya aur kaha-tumne apni patni ke sath divya sahasra varshon tak kathor tap kiya tha, tab mainne prasann hokar tumhen darshan diya. tumne mujhse moksh n mangakar mujhe putra-rup men prapt karne ki ichcha vyakti ki thi. ataev mainne yah sakar vigrah dharan kiya. mainne avtar dharanakar sara karya purn kar liya hai. ab svadhamaprayan karunga. tum chinta mat karna.’ kripavash prabhu gajanan vahin asan par baith gaye. apne sammukh shraddhajanlibaddh raja varenya ke mastak par unhanene apna tritaphari varad hast rakh diya. tadnantar unhonne naresh varenya ko suvistrit gyanopdesh pradan kiya. tatpashchat bhagvan shrigjanan anrtadhan ho gaye.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.