सुजोक: एक चमत्कारिक चिकित्सा पद्धति

sujok: ek chamatkarik chikitsa paddhati  

Ank ke aur Lekh | Sambandhit Lekh | Views : 3186 |  
vishva men prachlit vibhinn vaikalpik chikitsa-paddhatiyon men ‘sujok’ chikitsa paddhati ka nam ab anjana nahin rah gaya hai. maharshi vashishth dvara pratipadit ‘vashishtha-vidya’ ko hi bad men chikitsa vaigyanikon ne ekyupreshar chikitsa paddhati ke rup men viksit kiya. is paddhati men sharir ke vibhinn marma-binduon par dabav dekar rogon ko dur kiya jata hain. lekin kai marm bindu aise sthanon par bhi hote hain, jin par upchar dene men chikitsak ashjta mahsus karte hain. in samasyaon ke nirakaran tatha rogon ke upchar men saflta ki dar ko barhane ke lie nirantar anusandhan hote rahe. is kram men koriya ke netra rog chikitsak dae. park je vu ne apne anusandhan se yah siddhant sthapit kiya ki manushya ke samast angon se sanbandhit marm sthal hathon aur pairon ke panjon men bhi sthit hote hain aur in par bhi upchar karke asadhya rogon ko dur kiya ja sakta hai. yah tathya is chikitsa paddhati ke ‘sujok’ namakaran se bhi spasht hai kyonki koriya men ‘su’ ka arth hath aur ‘jok’ ka arth pair hota hai. sujok chikitsa paddhati ka yah siddhant sadrishya siddhant nam se bhi jana jata hai. is chikitsa paddhati ke anusar mana jata hai ki manav sharir men barah margon dvara urja ka nirantar pravah hota rahta hai. in margon ko ‘meridiyan’ kahte hain. jab yah pravah samanya rup se hota hai tab vyakti svasth rahta hai parantu urja ke pravah-marg men avrodh athva aniyamitta ke karan rogon ki utpatti hoti hai. sujok chikitsa paddhati dvara urja ke isi pravah ko niyantrit kar rogon se mukt karne ka prayas kiya jata hai. sujok ki upchar paddhati is upchar paddhati men upchar dene ke lie sarvapratham rog se sanbandhit angon ki pahchan ki jati hai. iske bad hath tatha pairon men sthit rogagrast angon ke sadrishya binduon par upchar dvara rogon ki chikitsa karne ka pravdhan hai. sharir ka jo bhag, avayav ya sansthan rog se grast hota hai, us sansthan athva ang se sanbandhit bindu atyadhik sanvednshil ho jata hai. is bindu par halka sa bhi dabav dene par rogi ko kafi pira hoti hai upchar ke lie in binduon par chote-chote chunbkon, anaj ke bij, rang athva sui ka prayog dabav dene ke lie kiya jata hai. sadrishya binduon ki khoj ke lie ‘jimmi’ namak upakaran ko upyog men late hain. nae rogon men in binduon par 2 minat tak dabav diya jata hai. in sadrishya binduon par aisa dabav din men tin bar dene se rogon se jaldi mukti milti hai. purane rogon jaise gathiya, saitika, hepetaitis ‘bi’ adi rogon men upchar ki avdhi lanbi hoti hai. dabav ki tivrata janne ke lie rogi ki ayu, uski avastha tatha sahnshilta ko dhyan men rakhna bahut jaruri hai. yakrit tatha pittashay (gal blaidr) se sanbandhit kisi bhi prakar ki samasya se mukti ke lie hatheli men sthit sadrishya kshetra ko din ke samay hare rang se rangna kafi labhaprad hota hai. isi prakar nimn raktachap tatha hriday ki aniyamit dharakan se mukti ke lie hriday se sanbandhit sadrishya kshetra ko lal rang se rangna chahie. rang ke lie bajar men milne vale skech pain ka prayog kiya ja sakta hai. kabhi-kabhi sadrishya bindu ke upar ki tvacha ka rang as-pas ki tvacha ke rang se alag lal, kala athva pile rang ka ho jata hai. bindu ke as-pas ke hisse ka tapman barha hua ho sakta hai athva tvacha khurdri, funsi adi se yukt ho sakti hai. ye samast tathya sahi marma-bindu tatha sadrishya kshetra ki pahchan men kafi sahayak siddh hote hain.
Kya aapko lekh pasand aaya? Subscribe
Kya aapko lekh pasand aaya? Subscribe


pranik hiling, reki evan ekyupreshar visheshank  February 2012

fyuchar samachar patrika ke pranik hiling, reki evan ekyupreshar visheshank men ekyupreshar dvara upchar karne ki vistrit vidhi, pranik hiling dvara chikitsa ki vistrit vidhi, sparsh, rang, airoma, prakritik evan sangit dvara chikitsa vidhi par charcha ki gai hai. is visheshank ke adhikatar alekh jaise rog evan upay, vaikalpik chikitsa paddhatiyon par ek sarsri najar, tanav evan rogon se bachne ka sashakt upay hai mantra, mahamrityanjay yantra evan mantra, arogya aur bal vriddhi ka sadhan hai pranayam, sammohan upchar, ekyupreshar chikitsa ka vyavharik vivaran, ekyupreshar chikitsa men barten ye savdhaniya, chamatkarik chikitsa paddhati sujok, reki upchar, reki chikitsa men sfatik bael ki upyog vidhi, chumbak chikitsa se rogon ka nidan, eroma therepi, vastu jyotish men rang chikitsa, rogon men rangon ka chamatkar, enjal chikitsa paddhati adi vishesh gyanavarddhak hain. iske atirikt var vadhu ka milan, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, grahon ki kahani adi vishyon par bhi vistrit charcha ki gai hai.

Subscribe

Apne vichar vyakt karein

blog comments powered by Disqus
.