nirvachan ayog panch rajyon men vidhansbha chunav ki tarikh ghoshit kar chuka hai. pratyek rajya men vibhinn charnon men matdan honge. in panch rajyon men se uÿar pradesh aur uÿarakhand ka chunavi paridrishya kya hoga? kis rajnitik dal ko kitni siten milengi, yah dekhne ki koshish ham grahane-nakshatron ke adhar par karenge. sarvapratham dekhte hain ki pramukh rashtriya rajnitik partiyane tatha unke netaon ke grah-nakshatra kya kahte hain? bhajpa: bhajpa ka lagnesh bhagya sthan men ketu ke sath shani ke ghar men sthit hai. dvitiyesh chandrama jyeshtha nakshatra men nich bhang rajyog bana raha hai.
panchmesh v vyayesh shukra bhi yogkari hai, parakram sthan men mangal do yogon ka ek sath srijan kar raha hai. bhajpa ki lagnakundli men nich bhang rajyog, viprit rajyog aur parakram sthan men parashriya rajyog ke sath hi chatugrrahi yog ban rahe hain. bhagya sthan men sthit budh aur ketu parakram sthan ke shani ke sath ek aur rajyog bana rahe hain, inhin rajyogon ke karan bhajpa loksbha ki do siton se 137 siton par pahunchi aur abhi use ek bara mukam prapt karna hai. inhin yogon ke karan yuva bhajpa ka 31 varshon ka shandar itihas hai. dashmesh parakram men v parakramesh dasham men sthit hai. yah bhi ek shandar rajyog hai. i
yogon ke karan bhajpa rajya evan kendra men sarkar banati rahegi. is samay bhajpa ki vinshoÿari dasha men ketu ke antar men pahle kramshah shani aur budh ke pratyantar rahenge. grah gochar men shani tula men, rahu bhajpa ke janmang men chathe ghar men tatha ketu vyay men, labh ka vrihaspati, parakram ka mangal. ye sabhi sthitiyan bhajpa ko uÿarakhand tatha uÿar pradesh men saÿaa men pahunchane men safal hongi. kangres: kangeras ki janm kundli men lagnesh, brihaspati doshi evan kamjor hokar labh men sthit hai, panchmesh vyayesh mangal makar rashi men sthit hai jo adhik atmavishvas deta hai
parivar ya parti men virodh paida karta hai, shani, chandrama pancham men matibhram, dusahsi, samay ke viprit chalne vala banate hain. bhagya sthan ka ketu bhi labh nahin deta, rukavten paida karta hai. surya, budh vyay men tatha kendradhipti dosh, budhaditya yog ke sath-sath ban raha hai. gochar men shani lagnesh ke upar se gujrega, sath hi surya, budh ke upar se uÿar pradesh, uÿarakhand vidhansbha ke chunavon ke samay rahu gujar raha hoga.
ketu chathe ghar men, bhagya sthan ke ketu ke upar se mangal ka bhraman bahut achcha parinam kangres ko nahin dene vala hai. kuch sudhar avashya honge. vinshoÿari dasha kram men rahu ki dasha men rahu ke antar men shukra ka pratyantar pahle se achcha avashya karega. yah samay march, aprail, mai 2012 ke lie achcha hai lekin march 2012 tak achcha nahin uÿarakhand men koi achchi saflta nahin milegi. uma bharti: uma bharti ji ke grah nakshatra bahut achche hain. unhen bhi parti ne uÿar pradesh chunav ki kaman sanepi hai
unki janm kundli men bhi kai rajyog jaise parashriya rajyog, nich bhang rajyog, ubhychri, budhaditya yog, viprit rajyog unki janm kundli men vidyaman hain unka rajyogkari chandrama hai. vinshoÿari dasha men surya ki antardasha chal rahi hai jiska labh bhajpa ko uÿar pradesh vidhan sabha chunav aprail, mai 2012 men milega. bhajpa donon rajyon men sarkar banaegi.
rahul gandhi: rahul gandhi ki chandrama ki vinshoÿari dasha tatha antardashaen ketu ki chunav ke samay unhen 42 varsh 09 mah 14 din tak hai jo kangres parti ko labh avashya pahunchaegi lekin digvijay sinh ki shani ki vinshoÿari dasha koi bara labh uÿar pradesh men nahin degi. gochar men vrishchik ka rahu, vrish ka ketu, tula ka shani, mesh ka brihaspati rahul gandhi par prashn chihn bhi lagaegen kyonki rahul gandhi ki shani ki sarhe sati bhi chal rahi hai jo apman bhi karega digvijay sinh: inki is samay shani ki vinshoÿari dasha men brihaspati ka antar chal raha hai.
min lagn ki janm kundli men shani papi grah mana jata hai. brihaspati par bhi dosh hai. nich ka budh bhi inhen uÿar pradesh men sarkar nahin banane dega. mayavti: mayavti ji ka lagnesh saptam men, vyayesh evan parakramesh budh tatha dvitiyesh ravi ke sath sthit hai jo kahin se bhi achcha nahin kaha ja sakta hai. bhagyesh v shashthesh brihaspati dvitiya sthan men kamjor hai jo adhik dhan ki lalsa ke karan kai bari-bari pareshaniyan khari karta rahega tatha samy-samay par apmanit bhi karta rahega.
vyayesh v parakramesh budh saptam men lanbe samay tak ek pad par pratishthit nahin rahne deta hai, kabhi saÿaa men to kabhi saÿaa se bahar bhi karta rahega. pancham men mangal, rahu v shani parashriya rajyog bhi bana raha hai. sath hi shani use bhang bhi kar raha hai jo achcha nahin hai tatha bhavishya ki kathinaiyon ki or sanket kar raha hai jo 57 varsh 03 mah 15 din se shuru hogi. unki janm kundli men bandhan yog bhi hai. gochar men shani chaturth sthan men rahu mangal, shani rahu ke upar se gujrega jo achcha nahin hai.
brihaspati rajya men hani karega. vinshoÿari dasha men bhi shani ki dasha men brihaspati ka antar rahega jo bahut achcha nahin hai arthat unhen mukhyamantri ki kursi to chorni hi hogi. mulayam sinh: lagnesh barhven ghar men sthit hai jo achcha nahin hai. shani apni nich rashi men, dvitiyesh surya bhi tula men achcha nahin. kutunbi ya parti ke karyakarta sahyogi samy-samay par sath chorte rahte hain parakramesh v vyayesh budh chaturthesh v labhesh shukra pancham men achche nahin hain. panchmesh v dashmesh mangal uchch ke rajyog karak hai jo ek sath do rajyog bana rahen hain.
vinshoÿari dasha-kram men shukra ki dasha men budh ka antar bahut hi kharab hai jo vidhansbha men pahla ya dusra sthan nahin milne dega. inka samay 2014 tak achcha nahin hai. han, akhilesh sinh ji ka kranti rath janadhar men sudhar avashya karega, manniya ajit sinh ji kangres ko jarur labh pahunchaenge. nishkarsha: samast partiyon, sahyogiyon ki sanpurn kundliyon ke grah-nakshatra, yogon ki gannaon ka adhyayan karne par jo sthiti samne ati hai
uske anusar vidhansbha chunav 2012 (uÿarakhand, farvri-march 2012 tatha uÿar pradesh march, aprail mai 20 2012 ke grah gochar ke adhar par) vidhan sabha chunav 2012 men uÿarakhand men bhajpa mukhyamantri manniya bhuvan chandra khanduri ji tatha uÿar pradesh men bhajpa sabse bari parti ke rup men dikhai de rahi hai. han, kangres parti v samajvadi parti apni sthiti men sudhar avashya karegi. baspa manniya mayavti ji siyasi dav chalne par bhi kuch naya nahin kar payegi. 2013 ke bad unka rajyog samapt ho raha hai.
nyayalay ke chakkar lagane parenge. vishesh not: yah lekh ‘‘jyotish ek vigyan hai.’’ is shodh prabandh ko satya siddh karne ke uddeshya se likha gaya hai iska kisi parti v vyakti se koi sanbandh nahin hai, n hi yah kisi vyakti ya sanstha ki pratishtha ko prabhavit karne ke uddeshya se likha gaya hai.