संजय दत्तः संघर्ष अभी बाकी...

sanjay dattah sangharsh abhi baki...  

Ank ke aur Lekh | Sambandhit Lekh | Views : 802 |  
sanjay datt munbai bam visfot ke mamle men aj se 20-21 sal pahle kie kritya ke lie atharah mah ki saja katne ke bad jamanat par riha hue. unhen avaidh rup se e. ke 56 raifal, hathgole, 9 em. em. pistaul apne ghar par rakhne aur munbai bam kand ke sutradharon ke sang milibhagat hone ke un par ganbhir arop lage. apne upar lage ganbhir aropon ko logon ke dilo-dimag se dhundhla karne men kafi had tak sanjay datt safal ho chuke hain. parantu suprim kort ke vidvan, kabil nyayadhish manniya shri pramod dattaram kode ne unke mamle ko bam kand ke samuche mukdme ke pariprekshya men dekhte hue unhen pramukh abhiyukton se sanbandh aur unse mile hathiyar rakhne ke mamle men doshi paya aur kam se kam chah sal ki bamashakkat saja sunai. janvri/frvri 2006 men sanjay datt suprim kort gaye, (21 march 2013). unhen 2006 men jamanat mil gayi, ve 23 march 2013 tak jamanat par the, 21 march 2013 ko suprim kort ne unhen doshi mante hue pahle ki mili saja se ek varsh kam karte hue panch varsh ki saja sunai, lekin kuch manniya mahanubhavon jaise jastis markandey katju, shri amar sinh evan jayaprada adi unki saja ki mafi ke lie manniya rashtrapti ji, rajyapal ji, pradhanmantri ji se kshama yachna kar rahe hain. ab prashn yah hai ki sanjay datt ki saja kya maf ho jaegi? is sanbandh men sanjay datt ke grah nakshatra kya sanket de rahe hain? sanjay datt ka janm 29 julai 1959 ko us samay ke mashhur sine kalakar sunil datt aur madar indiya ke upnam se vikhyat nargis ke ghar bandra, munbai men hua tha. unka lagnesh, shashthesh mangal rajya men vyayesh saptamesh shukra ke sath ugra rashi sinh men sthit hai. mangal ki donon rashiyan khali hanain, rajya men mangal ko bahut shaktishali mana jata hai aur us mangal ki drishti lagn par chaturth bhav aur pancham sthan par purn hone se, chandrama ke kendriya prabhav ke karan sanjay datt ke man mastishk par kahin n kahin apradh aur apradhi basa hua tha. jab unhonne yah apradh kiya tha us samay unki umra lagabhag 34-35 varsh thi. unhen apradh bodh tha lekin abhijat varg ke ahankar ne yah sab karvaya. dvitiya sthan ka shani brihaspati ke ghar men hai, jo vivek ke sthan par ahankar ko janm deta hai. ghar kutunb ki parvah n karke svachchandta ko janm deta hai, kutunb ko pareshani ya kutanb janon ko pareshani darshata hai. parakramesh sukhesh shani kamjor ho gaya hai arthat vyakti apne ap svayan hi pareshaniyon ko janm deta hai. chaturthesh shani chaturth sthan ko purn drishti se dekh raha hai arthat kar, vahan, makan, jamin sabhi bhautik sukh suvidhayen maujud hain. pancham sthan ke ketu aur mangal, rahu ki drishti ne inki soch badli. shiksha men rukavten ayin, inhen asurakshit, tanha banaya. samaj ke viruddh chalne ko majbur kiya. galat logon ki dosti mili, nafarat paida ki chaturth sthan ke donon or shani aur ketu ne, chaturth sthan par mangal ki drishti ne mata ka sukh china, akelapan diya, patni ke sukh ko bhi chin liya. saptam sthan ka chandrama aur chandrama ke donon or grah n hone se kemduram yogon ke karan in yogane ne inhen jel pahunchaya. sanjay datt ki disha-dasha badalakar rakh di. ve aj is hal men pahunch gaye hain. chandrama bhagyesh hone ke karan usne inhen selebriti, nami girami hasti banaya. logon ki sahanubhuti bhi dilai, shasn-satta se rahat bhi dilai. inhin grah yogon ke karan tada adalat ne unhen atankvadi nahin mana aur suprimkort ne unki saja ek varsh maf bhi kar di. chandrama ki purn drishti lagn par hai. lagn men uski nich rashi hai. kark rashi men ashtamesh, labhesh budh aur dashmesh surya hone se in grah yogon ne sanjay datt ko lachar, bhaybhit kiya aur hathiyaron tatha atankvadiyon ki taraf mor diya. shukra-mangal ki dasham sthan men yuti unke vyavsay ki drishti se to achchi hai, lekin unka vyavhar, mitrata, charitra sandigdh ban gaya hai. dashmesh surya dasham se apne ghar se vyay men ashtamesh labhesh ke sath hone se ve nayak se khalnayak ban gaye. bhagyesh chandrama saptam men aur bhagya men buddhaditya yog ne kala ke kshetra men advitiya saflta to di sath men asthirta, achcha-bura, samman-apman sab de diya. labh sthan ka rahu labh ke lie achcha hai. lekin vinshottari dasha kram men rahu ki dasha men lagabhag 32, 33 ven varsh, sitanbar 1992 men unhonne pahla apradh kiya aur 1993 men dusra bhi kar diya, vartaman samay men brihaspati ki dasha chal rahi hai aur antar men fir 18 disanbar 2011 se 12 mai 2014 tak rahu ka hi antar hai, is samay sanjay datt ko jel jana hi parega, yah samay jivan ka sabse kharab samay hoga. vaise manniya markandey katju aur amar sinh, jayaprada ji, sabrmti sanstha dvara unki saja ki mafi ke lie manniya rashtrapti ji, bharat sarkar, manniya rajyapal ji, maharashtra sarkar evan bharat sarkar se prarthana ki ja chuki hai ki sanjay datt ne in bis varshon men apne vyavhar aur karyon dvara ek adarsh prastut kiya hai. ve ab sudhar gaye hain, unki parivarik jimmevariyon ko dekhte hue aur unke karya, vyavhar ko dekhte hue unhen mafi de die jane ki vakalat ki ja rahi hai. lekin unke grah-nakshatron ke anusar aprail 2013 se 12 mai 2014 tak sanjay datt ko koi rahat ya mafi milegi aisa nahin lagta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.