राहु-केतु पीड़ा निवारक तक्षक तीर्थ

rahu-ketu pira nivarak takshak tirth  

Ank ke aur Lekh | Sambandhit Lekh | Views : 1255 |  
kal sarp yog rahu aur ketu ke madhyam se banta hai. rahu ko sarp ka mukh evan ketu sarp ki punch mana gaya hai. sanpon ka bhartiya sanskriti se bahut gahra sanbandh hai. ayurved ke janmadata dhanavantari rishi ji ka manna hai ki vasuki aur takshak sanp asankhya hain. ye sarp akash evan patal men bhi gaman kar sakte hain. galti se ya soch samajhakar kisi vyakti ke dvara vartaman evan atit men sarp hatya kar di jati hai to use nag vadh ka shap lag jata hai. yah shap putra santti men badhak hota hai. yahi rahu ketu jis prakar surya aur chandrama ko grahan lagate hain usi prakar manushya ko grahan lagakar uska santan sukh samapt kar dete hain. isi bat ko dhyan men rakhte hue bhartiya manishiyon ne apne dharmagranthon aur jyotish ke granthon men iski nivritti ke anek upay bataye hain. maharshi parashar ji ne apne granth vrihatparashar horashastra men (isi prakar ke milte julte yog jatak parijat, mansagri, faldipika saravli adi men bhi milte hain) vishesh rup se sarpashap ke karan santan utpati n hone ke vishesh yogon ka ullekh kiya hai yatha vishesh yog - pancham men sthit rahu ko mangal purn drishti se dekhe athva rahu mesh ya vrishchik men hon. - panchmesh rahu ke sath kahin bhi ho tatha pancham men shani ho aur shani ya mangal ko chandrama dekhe ya yog karen. - santankarak arthat pancham karak guru rahu ke sath ho aur panchmesh nirbal ho, lagnesh v mangal sath-sath hon. - guru v mangal ek sath ho, lagn men rahu sthit ho, panchmesh 6, 8, 12 men ho. ye sab sarp shap ke yog hain. - pancham men 1, 8 rashi ho, panchmesh mangal rahu ke sath ho athva panchmesh mangal se budh ki drishti ya yog ho. - pancham men 3, 6 rashi hon, mangal apne hi navansh men ho, lagn men rahu v gulik ho. - pancham men surya, mangal, shani ya rahu, budh, guru ekatra hon aur lagnesh v panchmesh nirbal hane. - lagnesh v rahu ek sath hon, panchmesh v mangal bhi ek sath hon aur guru v rahu ek sath hon. - mangal ke anshon men mangal se yukt panchmesh budh ho aur lagn men rahu mandi (gulik) ho. - is prakar ke grahyogon se santan ka abhav ya santan hokar bhi santan sukh prapt nahin hona ya santan lanbi bimari se grast ho. is prakar ke grah yog ki shanti apni grih-paddhati ke anusar vidhanpurvak sone /tanbe yatha shraddha nagraj ki murti banakar vidhipurvak uski puja karen. tatpashchat bhumidan, godan, tildan ya sona dan apne samathrya se karen to nag devta ki prasannata se us manushya ko putra sukh ki prapti hoti hai evan kul ki vriddhi hoti hai. puja ka mantra is prakar hai. uen namo'stu sarpebhyo ye ke ch prithvi manu ye antarikshe ye divi tebhyah sarpebhyo namah. is mantra ka kam se kam 10 hajar bar jap karen. rahu/ketu ko sabse priya mantra hote hain aur mantron dvara hi ye prasann hote hain. ganga, yamuna, sarasvati ka sangam sthal prayagraj hai. is tirthasthal par sanpurn sarp jati ke nag devta takshak virajman hain. sarvaghishthan chakra, nagvasuki, muladhar chakra, akshay vat, mani purak chakra shri takshak tirth kahe gaye arthat prithvi ki kundalani shakti shri takshak tirth men virajti hai. prithvi ke muladhar nishchit hi akshayavat hanai kintu srishti ke muladhar nag hi hain. pratyaksh praman yah hai ki sharir ke anya ang ke asthi panjar svasth hon kintu yadi rirh ki haddi men koi kasht a jaye to jivan dushkar ho jata hai. drishtavya hai ki rirh ki haddi ka akar sarpila hai. takshak devta ne vachan diya tha ki jo jatak hamare is tirthasthal par akar tarpan karega use kabhi sanp, bichchu ya jahrile janavar ke katne ka bhay nahin hoga. is takshak tirth par svami ji shri shri ravi shankar ji ke pair ke niche bahut bara nag a gaya aur pratyakshadarshiyon ke anusar us nagdevta ne svami ji ko kata nahin aur vahan se chupchap chala gaya. yah tirthasthal dharm ki rajdhani tirth raj prayag kahlata hai. jis prakar fansi ki chut hamare desh ki rajdhani dilli men baithe rashtrapti dvara hoti hai kyonki yah desh ki rajdhani hai, usi prakar dharm ki rajdhani prayagraj hai yahan par kal ke pratik takshak nag ke dvara utpann shapyogon men, uski dasha men, uske dvara utpann anya yogon men sanatan dharm ki rajdhani prayagraj men vidhivat puja karvane se shanti prapt hoti hai. adikalin shri takshak tirth yamuna nadi ke tat par sthit prachin nam mauja (harbans nagr) vartaman dariyabad ke madhya sthit hai. prachin pauranik varnanon men prayag mandal ke dakshini dhruv par prithvi ki kundalini (mani purak chakra) ke rup men takshak tirth ki mahima hai. paùpuran patal khand se avtrit prayag mahatmay ke 82 ven adhyay men takshak tirth mahatmya ka varnan is prakar hai- sarvesyan shukla panchamyan marg shravanyo paran ya snatva takshake kunde vishbadhanah tatkule. tatkurvit snandan japadik takshakeshvar pujahm dhanvans bhavetsada.. arthat sabhi mas ki shukla paksh ki panchmi vishesh kar margashirsh aur shravan mas ki panchmi ko shri takshak kund men snan kar takshakeshvar ke pujan, dan, japadi karne se kul vishbadha se mukt to hota hi hai, sath hi kul dhanvan aur sansarik sukhon ko prapt karta hai. isi prakar yadi janmapatri men sarpashirsh namak mahadosh ho to iski shanti bhi margashirsh mas (aghn) ki amavasya (ravivar 5 disambar 2010) ko takshak tirth prayagraj par karani chahie. sarpashirsh ki paribhasha- surya aur chandrama ke yog ke samay (amavasya) yadi anuradha nakshatra ho to anuradha ka tritiya v chaturth charan sarpashirsh kahlata hai. kuch acharyon ka manna hai ki jin jatkon ka janm rohini aur mrigshira namak nakshatra men ho unki yoni sarp kahlati hai. yadi is yoni men paida hone par uprokt yog ho to anubhav men paya gaya hai ki in jatkon ko adhik kathinaiyon ka samna karna parta hai atah inki shanti kara leni chahie. rahu dhandata evan ketu mokshadata kahlata hai. islie yadi rahu/ketu janm patri men pitri dosh ka janak ban jata hai. pitridosh ke karan dhan aur moksh ki prapti men badhayen ati hain. atah kalasarp yog, sarpadosh,sarpashirsh aur rahu ketu se pirit vyakti ko samay rahte inki shanti kara leni chahie. - nag panchmi ke din (shravan krishn paksh panchmi rajasthan evan bangal men vishesh ) - nag panchmi ke din (shravan shukla paksh panchmi ko bhi ) - nag panchmi ke din (margashirsh shukla paksh ki panchmi, shukravar 10 disambar 2010) - bhadrapad krishn paksh bhadra navmi (goga navmi) - jis din gochar men akash men “kalasarpayog” ka nirman ho raha ho. - rahu ya ketu apne nakshatra men ho. - budhvar ki amavasya, ashlesha, shatbhisha, adrra, svati nakshatron men se kisi bhi nakshatra se yukt ho athva is din nagpanchmi bhi ho to vishesh shubh ho jata hai. - chunki rahu ketu surya aur chandrama ko grahan lagate hain atah surya aur chandra grahan yog men inki nivriti kara sakte hain. - sat varon men budhvar rahu ketu ki shanti ke liye shreshth mana jata hai. - tithiyon men panchmi, saptami, navmi, purnima evan amavasya ko shubh mana gaya hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2010

vastu ka shabdik arth hai vas arthat vah sthan jahan par nivas hota hai. is srishti ki sanrchna men panchatatva (agni, jal, vayu, prithvi, akash) mahatvapurn bhumika nibhate hain to bhavan nirman karte samay men bhi inki upyogita ko nakara nahin ja sakta.prastut visheshank men vastu se sanbandhit samast mahatvapurn jankari ka ullekh hai

Subscribe

Apne vichar vyakt karein

blog comments powered by Disqus
.