गर्भाधान संस्कार

garbhadhan sanskar  

Ank ke aur Lekh | Sambandhit Lekh | Views : 3043 |  
bhartiya parampara ke 16 sanskaron men garbhadhan sanskar sabse pahla v mahatvapurn sanskar hai. bhavi santan ke sanskar ki adharshila isi pratham sanskar par adharit hai. is sansar men sabhi vyakti chahte hain ki use sab kuch mil jaye parantu use milta vahi hai jo uske sanchit karmon dvara bhagya men hota hai kintu bhagya ke sahare karm ko chorakar nahin baitha ja sakta. karm karna hamara katrtavya hota hai. iske lie hamen prayas karna chahie. kamnaon ki purti ke anekon tarike ho sakte hain magar yahan jyotish shastra ya hastarekha shastra ya anya kisi bhi tarike se yah nirnay liya jaye ki jatak ki kamnaain ya ichchayen siddh hogi ya nahin tab iske liye prayas kiya jaye. is vishay men jatak ki janm kundali sarvashreshth hai ki ichchaon ki purti ka samay kab kaise hoga. is garbhadhan muhutrt men prasannachitt hokar raha jaye. isse kuch dinon purva satvik bhojan grahan kiya jaye vicharon ko shuddh rakha jaye. jaise bij ke upjane men sahi samay v vatavaran tatha sadhnon ka prayog kiya jata hai isi prakar pati patni donon ke chetan v avchetan man tatha deh ki pavitrata ka jyada dhyan rakha jaye. susamay men garbhadhan hone se santan guni v dirghajivi hoti hai. kisi bhi jatak ki janm kundali ka milan karte samay nimn binduon ko avashya hi dekhen:- 1. purush ki kundli men bij sfut 2. stri ki kundli men kshetra sfut 3. purush ki kundli men shatkliv yog 4. stri ki kundli men bandhya v kak bandhya ityadi yog 5. niahsantanta ka koi yog ho to dhyan den. 6. santan shap yog ho to uska nivaran karen. 7. janm kundli men santan karak dev guru brihaspati ki sthiti 8. varg kundli men saptamansh kundli iske pashchat hi garbhadhan ke muhutrt ka vichar karna chahie. muhutrta: rajodarshan ki pahli char ratriyan chorkr- samratriyon men stri sanpark karne se putra aur visham ratri men stri sanpark karne se putri ka janm hota hai. rajodarshan ki pahli char ratriyan chodakar 16 ratriyon tak shubh samay hota hai. masik dharm ke samay jab chandrama anupachay sthanon (1, 2, 4, 5, 7, 8, 9, 12) men ho aur mangal use dekhe to us samay garbhadharan ki sanbhavna hoti hai. yadi yah sthiti n bane to us mas men garbhadharan ki sanbhavna nirbal rahti hai. aise garbhadharan yogya mas men jab purush ki janm rashi se 3, 6, 10, 11 sthanon men chandrama gochar kare aur dev guru brihaspati use dekhe to garbhadharan karna chahie. yahi samay uchit hota hai. shubh tithiyan- 1, 2, 3, 5, 7, 10, 11, 12, 13 (tithi dashmi v ekadshi men acharyon ka matbhed bhi hai) shukla paksh visheshtya achcha hota hai. shubh var- budhvar, brihaspativar v shukravar shubh nakshatra- rohini, mrigshira, tinon uttara, hast, svati, shravan, dhanishtha, shatbhisha, matantar se ashvini, punavarsu, pushya, anuradha- ye is karya ke liye madhya nakshatra kahlate hain. shubh yog- priti, ayushman, saubhagya, shobhan, sukarma, ghriti, vriddhi, dhruv, harshan, siddhi, variyan, shiv, siddh, sadhya, shubh, shukla, brahm, v indra ye kul atharah yog hote hain. shubh karn- bav, balav, kaulav, taitil, gar, evan vanij ye kul chah hote hain. shubh lagn - mesh, kark, sinh, dhanu, makar (1, 4, 5, 7, 9, 10) kendra v trikon men shubh grah ho aur (3, 6, 11) trishday bhav bhav men pap grah ho. surya mangal v brihaspati lagn ko dekhe tatha visham rashi ke navmansh men ho to uttam honge. chandrama visham rashi ke navmansh men ho. garbhadhan sanskar ke samay pati-patni donon ka chandrama shubhavastha ya bhav men ho. garbhadhan sanskar men stri ka chandrabal vishesh rup se hona chahie. garbhadhan sanskar ke lagn ka navmansh bhi visham rashi men ho to ati uttam hota hai. not: din men ya ardharatri se pahle rajodarshan ho to ritukal ka vahi din manna chahie jis din masik hua. yadi ardharatri ke bad masik hone par agrim din ko ritukal pratham din manna chahie. matantar se surya uday se agle din ke suryoday tak ko vahi din mana jayega. garbhadhan men varjit v dhyan dene yogya baten masik dharm praranbh se pahli char raten. rikta tithiya, ashtami (donon pakshon ki), amavasya, purnima, bhadra (vishtikrn) bhadra tithiyan 2, 7, 12, kshay tithi, vyatipat, vaidhriti yog, sankranti ka din, grahan (surya, chandra donon) kal divas, din ka samay evan sandhya kal, janm nakshatra, janm divas (visheshakar dharm patni ka) matantar se, mata-pita ka shraddh divas, janm lagn, janm se ashtam lagn, papyukt lagn, papahat ya utpatahat nakshatra v din, manglvar, shanivar matantar se ravivar, dipavli, dashhra, navratra, holi, rakshabandhan adi parva, tinon gandant tithi gandant nanda tithiyan (1, 6, 11) ke adi ki ek ghari - 24 mint purn tithiyan (5, 10, 15) ke ant ki ek ghari - 24 mint lagn gandant mesh, sinh, dhanu (agni tatva ke lagna) lagnon ke aranbh ki adhi ghati- 12 mint kark, vrishchik, min (jal tatva ke lagna) lagnon ke ant ki adhi ghati- 12 mint nakshatra gandant ashvini, magha v mul nakshatron ke aranbh ki do ghatiyan - 48 mint ashlesha, jyeshtha v revti nakshatron ke ant ki do ghatiyan - 48 mint nirbal tara- visheshakar satvin tara (janm evan vadh tara) vibhinn ratriyon men garbhadhan ke fal chaithi ratri ke nishek men - alpayu putra panchvin ratri ke nishek men - kanya chathi ratri ke nishek men - vansh vriddhikarta putra satvin ratri ke nishek men - banjh kanya athvin ratri ke nishek men - putra navmi ratri ke nishek men - sundar kanya dashmi ratri ke nishek men - prabhavshali putra gyarhvin ratri ke nishek men - kurup kanya barhvin ratri ke nishek men - bhagyashali putra tehrvin ratri ke nishek men - pap vicharshil kanya chaidhvin ratri ke nishek men - dharmatma putra pandrahvin ratri ke nishek men - lakshmivti v pativrata kanya solhvin ratri ke nishek men - sarvagya putra prapt hota hai. arthat shubh sam ratriyon men garbhadhan sanskar shubh hota hai . notah jis mas ka svami krur grahon se pirit ho us mas men garbh hani hone ke vishesh sanbhavna hoti hai. vibhinn garbh mason ke svami prathm shukra dvitiya mangl tritiya brihaspati chaturtha surya panchm chandrama shashtama shani saptama budh ashtama garbhadhan samay ka lagnesh navm chandrama dashm surya rashiyon ki prajanan shaktiyan 4, 8, 10, 11, 12 ye prajanan yukt shubh rashiyan hain. 3, 5, 6, 9 yee banjh rashiyan hai. 1, 2, 7 alp prajanan rashiyan hai. tula rashi ka uttarardha vrishchik rashi ka purvardha in sab rashiyon ka pancham bhav se vichar kiya jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2012

Apne vichar vyakt karein

blog comments powered by Disqus
.