श्री सरस्वती पूजन पर्व बसंत पंचमी -

shri sarasvati pujan parva basant panchmi -  

Ank ke aur Lekh | Sambandhit Lekh | Views : 3155 |  
shri sarasvati pujan parva basant panchmi - ek shubh muhutrt basant kumar soni lok prasiddh muhutrton men basant panchmi ka parva ata hai. ise anpucha ya abujh muhurt ki sangya prapt hai. lok vyavhar ki drishti men is muhutrt ko svayam siddh mana gaya hai. yah pratyek shubh karya men bari hi shraddha ke sath apnaya jata hai. log bina kisi ashubh chintan kiye, bina kisi hichak ke, bagair panchang shuddhi ke hi ise manyata dete hain. vi vah adi samast manglik karya basant-panchmi ke din sampadit karna shubh evan siddhiprad hota hai. charon varnon ke log tatha unke purvaj is muhutrt ko bari hi shraddha aur umang ke sath apnate aye hain aur safal bhi hote dekhe gaye hain. hindu dharm paranpra se jura hone ki vajah se iska ati vishisht mahatva hai. yah sarasvati pujan ka parva hai. skand puran ke anusar shri sarasvati ji ke mandir men vidyadan karna punya ka karya mana gaya hai. aise mandiron men dharmashastra ki pustakon ka dan kiya jata tha. vidyalay vagairah sarasvati ke mandir hote hain. agar log chahen to svechcha se aise sthalon par jakar lekhan pathan samagri ka jaise pen, pensil, kapi, kitab, basta adi ko dan-svarup vidyarthiyon ke madhya vitaran kar dharm labh kama sakte hain. yadi yah shubh karya sarasvati pujan ke mahan parva basant panchmi ke din ichchuk punyatma karenge to unke punya ki prabha aur adhik chamkne lagegi. sarasvati-pujn-parva ke din sharda devi ya sarasvati devi ke mandir men vina ya sitar ka dan karne se sangitagyaon ko gayn-vadan ki kala men nipunta hasil hone lagti hai. sangit-premiyon ke atirikt anya punyarthi log sarasvati ji ke mandir men sarasvati -kavach, sarasvati sahasranam stotra v sarasvati chalisa ityadi ki pothiyon ka vitaran kar sarasvati ji ke kripapatra ban sakte hain. ‘‘shraddhayadeyam’’ - yah adarsh vaidik shiksha hai - ‘‘shraddha purvak dena ya dan karna chahie. nyay jagat se jure log yadi is parva ke din sarasvati ji ke mandir men chandi ka bana hans gyandatri sarasvati ko prasad adi ke sath bhent karte hain to dahine hath se kiye gaye aise karm ya purusharth se safltayen unhen bayen hath men rakhi hui pratit hone lagti hain. ve sarasvati ji ke kripa patra ban jate hain. aise bhakt jatak nyay vidya men parangat ho jate hain aur yashasvi hote hain. aise logon ko satat chah mas tak sarasvati ji ki puja aradhna v stuti path karte huye prasann karna chahiye. nyay ke kshetra men yadi basant panchmi ke din asli prakritik motiyon ki mala sarasvati ko alankaran hetu arpit ki jayen to uske liye vijay ke dvar khul jate hain. shiksha jagat se jure log yadi sarasvati jayanti ke din mandir men bhagvti sarasvati ko shvet -vastralankar dharan karate hain to unke karya vyavsay se juri har disha unke liye hitkarini ban jati hai. kai sthanon par ab murtikar log bhi apne vyay se hi sarasvati ji ki manmugdhahari sundar pratima ka nirman kar aisi pratima ko basant panchmi ke din hi pahile se hi nishchit kiye gaye kisi bhi vidyalay men, saprem-bhent kar punya labh arjit karne lage hain. aise vidyalay ke shikshak gan aur vidyarthi gan nitya bhagvti gyan svarupa sarasvati ke darshan kar labhanvit hote hain. is pavan parva par sarasvati ji ko mukut chatra aur dhvaja bhent karne se shreshthatva ki prapti hoti hai. agyanandhkar dur hota hai. kali mirch sadrishya chote rudraksh ki mala, sfatik, parad athva asli moti ki mala bhent karne se ganna karya sugam ho jata hai. yah bat dhyan dene yogya hai ki yadi koi jatak rudraksh vali mala basant panchmi ke din arpit karne ka ichchuk ho to aisi mala ko ve nav-durga ke mandir men mata brahmacharini ko charhaven, chunki basant panchmi ka parva maghi gupt navratri ki panchmi tithi arthat magh mas ke shukla paksh ki panchvi tithi ko har varsh parta hai. shvet-varn ki malayen sarasvati ji ko prashast hain. devmuttiyon ke upar dulayi jane vali shvet varn vali mayur pankhon ke guchchon se nirmit chanvar basant panchmi ke shubh muhutrt men sarasvati ji ke mandir men bhent karne vala vyakti chahunmukhi pratibha se sanpann ban jata hai. magh shukla panchmi ko shri panchmi bhi kahte hain. is din vidya buddhi ki adhishthatri devi sarasvati ji ki jayanti manai jati hai. uttam vidya aur buddhi ki kamna lekar log unka shodshopchar, dashopchar athva matra panchopchar vidhi se pujan karte hain. is din purvabhimukh hokar shvet vastra dharan kar nimn mantra ka das mala jap karna chahiye aur dashansh havan bhi karna chahiye aur kapur se arti karne ke pashchat nimn prarthana bhi karni chahiye. 1. mantra : ‘‘ un ain vad vad vagvadini svaha’’ 2. prarthana: sarasvati mahabhage vidye kamllochne. vidyarupe vishalakshi vidya dehi namostute.. basant panchmi ke din sarasvati pujan ke atirikt kamdev evan rati ka pujan karne se grihasth jivan sukhamay bana rahta hai. yah parva bhagvan shankar aur parvati ji ke pujan archan se bhi jura hai. jagh-jagah par shivalyon men mele bhi lagte hain. is tarah se ham yah pate hain ki dev karya, mangal karya ityadi pratyek shubh karyon ke liye basant panchmi ki tithi apne ap men ati vishisht mahatva ko sanjoye rahti hai.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.