क्या है वसंत एवं बसंत पंचमी का महत्व

kya hai vasant evan basant panchmi ka mahatva  

Ank ke aur Lekh | Sambandhit Lekh | Views : 7735 |  
kya hai basant aur basant panchmi ka mahattva (basant panchmi mahotsav dinank 28 janvri 2012) navin rahuja basant rituon ka raja mana jata hai. yah parva basant ritu ke agaman ka suchak hai. is avasar par prakriti ke saundarya men anupam chata ka darshan hota hai. vrikshon ke purane patte jhar jate hain aur basant men unmen nayi koplen ane lagti hain, tatha kheti men bhi sarson ki svarnamayi kanti apni chata bikherti hai. ma gh mahine ki shukla panchmi ko basant panchmi hoti hai tatha isi din se basant ritu aranbh hoti hai. basant ka utsav prakriti ka utsav hai. satat sundar lagne vali prakriti basant ritu men solah kalaon se khil uthti hai. yauvan hamare jivan ka basant hai to basant is srishti ka yauvan hai. maharshi valmiki ne bhi ramayan men basant ka ati sundar v manohari chitran prastut kiya hai. bhagvan shri krishn ne bhi gita men ‘ritunan kusumakrah’ kahakar rituraj basant ko apni vibhuti mana hai. kavivar jaydev to basant ka varnan karte thakte nahin hai. basant ritu kamoddipak hota hai. iske pramukh devta kam tatha rati hai. ataev kam dev tatha rati ki pradhantya puja karni chahiye. hamare tantra shastron men bhi ritu ka bahut mahatva hai. tantra shastron ke anusar vashikaran evan akarshan se sanbandhit prayog evan havan adi yadi basant ritu men kiye jaye to vah bahut hi prabhavi, shubh evan faldayi rahte hain. hamare shastron evan puranon kathaon ke anusar basant panchmi aur sarasvati puja ko lekar ek bahut hi rochak katha hai, katha kuch is prakar hai. jab bhagvan vishnu ki agya se prajapti brahmaji srishti ki rachna karke jab us sansar men dekhte hain to unhen charon or sunsan nirjan hi dikhai deta tha. udasi se sara vatavaran muk sa ho gaya tha. jaise kisi ke vani n ho. yah dekhakar brahmaji ne udasi tatha malinta ko dur karne ke lie apne kamandal se jal lekar chirka. un jalknon ke parte hi vrikshon se ek shakti utpann hui jo donon hathon se vina baja rahi thi tatha do hathon men kramshah pustak tatha mala dharan kiye thin. brahmaji ne us devi se vina bajakar sansar ki mukta tatha udasi dur karne ke lie kaha. tab us devi ne vina ke madhur-nad se sab jivon ko vani dan ki, isliye us devi ko sarasvati kaha gaya. yah devi vidya, buddhi ko dene vali hai. isliye basant panchmi ke din har ghar men sarasvati ki puja bhi ki jati hai. dusre shabdon men basant panchmi ka dusra nam sarasvati puja bhi hai. sarasvati chidanandamayi, akhil bhuvan karan svarupa aur jagdatmika hai. inhen mahasarasvati, nil sarasvati bhi kahte hain. man sarasvati brahmaji ki putri hai. rang inka chandrama ke saman dhaval, kand pushp ke saman ujjaval hai. charon hathon men yah vina, pustak mala liye hain evan ek hath var mudra men hai. yah shveta padmasna hain. shiv, brahma, vishnu v devraj indra bhi inki sadaiv stuti karte hain. hans inka vahan hai. jin par inki kripa ho jaye use vidvan bante der nahin lagti. kalidas ka sabse bara udaharan sabke samne hai. sangit aur anya lalit kalaon ki adhishthatri devi bhi sarasvati hi hain. shuddhata, pavitrata, manoyog purvak nirmal man se karne par upasna ka purn fal mata avashya pradan karti hain. jatak vidya, buddhi aur nana prakar ki kalaon men siddh safal hota hai tatha uski sabhi abhilashaen purn hoti hain. am taur par log puchte hain ki basant panchmi ke din hamen kya karna chahie. basant panchmi ke din vishesh rup se man sarasvati ki puja hoti hai, parantu uske sath hi bhagvan vishnu ki puja ka bhi vidhan hai. is din pratahkal tel ubatan lagakar snan karna chahiye aur pavitra vastra dharan karke bhagvan vishnu ka vidhipurvak pujan karna chahiye. iske bad pitri tarpan aur brahman bhojan ka bhi vidhan hai. mandiron men bhagvan ki pratima ka basanti vastron aur pushpon se shringar kiya jata hai tatha gane-bajane ke sath mahotsav manaya jata hai. yah rituraj basant ke agaman ka pratham din mana jata hai. bhagvan shrikrishn is utsav ke adhidevta hain. isilie brajapradesh men radha tatha krishn ka anand-vinod bari dhumdham se manaya jata hai. basant-ritu men prakriti ka saundarya nikhar uthta hai. pakshiyon ke kalarav, pushpon par bhauron ka gunjar tatha madkta se yukt vatavaran basant ki apni visheshta hai. is din samanya parva-paddhati ke saman grih ka shodhn-lepan karke pitanbar rang ke vastra pahan kar samanya havan karke basant ritu ke varnanatmak chandon ka uchcharan karke kesar ya haldi mishrit halve ki ahutiyan bhi deni chahiye. apni suvidhanusar din men sarvajnon sahit yani parivar ke sath pushpavatika, bagichon men bhraman karna chahiye. is din kamdev ke sath rati tatha sarasvati ka pujan bhi hota hai. sarasvati pujan se purva kalash ki sthapna karke ganesh, surya, vishnu tatha mahadev ki puja karni chahiye. uttar pradesh men isi din se fag urana praranbh karte hain, jiska kram falgun ki purnima tak chalta hain. is din vishesh rup se logon ko apne ghar men sarasvati yantra sthapit karna chahiye, tatha man sarasvati ke is vishesh mantra ka 108 bar jap karna chahiye. mantra - ‘un ain mahasarasvatyai namah’ holi ka aranbh bhi basant panchmi se hi hota hai. is din pratham bar gulal urate hain aur basanti vastra dharan kar navin utsah aur prasannata ke sath anek prakar ke manovinod karte hain. braj men bhi basant ke din se holi ka utsav shuru ho jata hai tatha govind ke anand vinod ka utsav manaya jata hai. yah utsav falgun ki purnima tak chalta hai. is prakar ap samajh sakte hain ki basant panchmi anand aur ullas ka parva to hai hi sanpannata evan samriddhi ka bhi parva hai atah ise puri shraddha se manana chahiye. holi ka aranbh bhi basant panchmi se hi hota hai. is din pratham bar gulal urate hain aur basanti vastra dharan kar navin utsah aur prasannata ke sath anek prakar ke manovinod karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.