वास्तु और आपकी सेहत

vastu aur apki seht  

Ank ke aur Lekh | Sambandhit Lekh | Views : 502 |  
manushya karj lekar, jevar tak girvi rakh ghar banata hai aur tab yadi us ghar men nivas karne par use rog, kasht adi ka samna karna parta hai to ghor nirasha hoti hai. atah use ghar banane se purva kisi vastu visheshagya se uchit salah kar leni chahie. yahan sehat ke anukul vastu ke kuch pramukh upayon ka ullekh prastut hai. - bhojan banate samay pith ke piche rasoighar ka darvaja ya khirki hone se kamar dard ki shikayat a jati hai, kyonki kisi ke avaj dene ya koi ahat hone par piche murkr dekhne se sharir ka nabhi se sir tak ka upri bhag murta rahta hai jabki niche ka bhag sthir rahta hai. isi karan rirh ki haddiyon men bhi taklif ho jati hai. aisi sthiti men rasoi ghar men kanveks mirar ka prayog labhkari hai. - rasoi ki slaib ka patthar grenait ka nahin hona chahie, kyonki vah tap ko avshoshit nahin karta. isse apendisaitis arthat ant ki sujn ya pet ke anya rog ho sakte hain. striyon ke pet ke aepreshan hone ki sanbhavna barh jati hai. atah grenait ke sthan par sangamaramar ka upyog karna chahie. kyonki sangamaramar urja ko sokh leta hai. - ghar ka svasthya ap se jura hota hai aur apka svasthya ghar se. atah svasth rahne ke lie ghar ke darpanon ko saf rakhen. darpanon ko dakshin, dakshin-purva v dakshin-pashchim men lagana bhi vibhinn rogon ka karak hota hai. is par pari dhul-mitti iske shubh prabhav ko ghatati hai. ghar men tute darpana v shishe, tapkte nal, kharab balba adi n rahne den tatha khirkiyan saf rakhen. isse apki soch sakaratmaka hogi. - uchch ya nimn raktachap valon ko dakshin men sir karke sona chahie taki panv uttar disha men rahen, kyonki uttar disha men sakaratmak urja pravahman rahti hai. is avastha men sone se raktachap men sudhar hoga. - shayanakaksh men aise darpan kabhi na lagaen jo palang ko paravartit karen. is prakar ke darpan kaksh se shubh fengshui urja ko bahar kar dete hain aur vaivahik jivan karvahat se bhar jata hai. shayanakaksh ki bhitri chat par darpan lagana aur bhi adhik hanikarak hota hai. yah darpan kaksha men sthan barhane ka bhram to utpanna kar deta hai, lekin ashubh feng shui urja ko bhi utna hi adhik barha deta hai. aise gharon men darpan men najr ane vale hisse men rahne valon ko dard, bimari, alas, adi ghere rahte hain. yadi sanbhav ho to shayanakaksh men darpan rakhen hi nahin. yadi rakhna hi pare to ishan, purvi, uttari, pashchimi bhag men is prakar rakhen ki usmen palang paravartit n ho. - shayanakaksh men banavti ful athva inke guladaste kabhi n rakhen. ye grih svami ko svarthi banate hain. pati-patni men ek dusre ke prati svarth ki bhavna a jae to man rogi hoga jisse anaban ya manmutav hoga aur jivn men nirasha utpann ho sakti hai. - ek hi sidh men tin ya tin se adhik dvar nahin hone chahie. dvar ke samne badhaen ghar ke sukh ko ghatati hain. iske lie dvaron ke bich men urja yukt silika bal, jharfanus adi lagana labhdayak hoga. - bim aur khanbhon par tiki hui chaten ghar men rahne valon ke lie anek samasyaen khari kar deti hain. inke karan adhe sir men dard, tanav, parivarik sanbandhon men darar adi sthitiyan utpann ho sakti hain. - bim ke thik niche palang bichakr sone se pati-patni ek dusre se dur ho jate hain. atah is sthan par nahin sona chahie. - bim ki ashubh urja ko samapta karne ki sabse achchi vidhi hai chat par plaivud laga kar bim ko dhak dena. - bim ke sath bansuri tangakar bhi ashubh urja ke dushprabhav ko kam kiya ja sakta hai. - fengshui ke anusar ghar men mandir hamesha mukhya dvar ke samne ghar ke uttara-purva bhag men ya uttar pashchimi bhag men banana bahut shubh hota hai. murtiyon ka munh hamesha purva ya pashchim men rahna chahie. mandir ko hamesha saf aur svachch rakhen. mandir men dipk athva balb jalana chahie, taki yahan hamesha achchi ‘chi’ urja ati rahe. mandir vale kaksh men sadaiv jhumar jalae rakhna shubh hota hai. yah har kamna ki purti karne men sahayak hota hai. - mandir shauchalay ke nikat, sirhiyon ke niche athva samne kabhi nahin banana chahie. yah bahut ashubh hota hai. puja-archana ka fal prapt nahin hota hai. - shayan kaksh men mandir kabhi n banaen. - purvi disha ko parivarik pirhi ki disha kaha jata hai. atah grih nirman ke samay purva disha men kuch sthan khula chor dena chahie. isse parivar ke mukhiya ko lanba sukhamay jivn prapt hota hai. - uttari disha mata ki disha hoti hai. uttar men khula sthan chorne se matritva paksh ko labh hota hai. - dakshini disha dhan, saflta, khushi, sanpannata aur shanti ki disha hai. bharat ke dakshin men sthit tirupti mandir sanpannata ka ek jivant udaharan hai. - uttara-purva athva ishan kshetra men kisi bhi prakar ka dosh nahin hona chahie. yah kshetra vansh vriddhi karak hai. yah parivar ko sthayitva pradan karta hai. - agney athva dakshin-purva kshetra bahut garm hota hai, yah manushya ko svasthya pradan karta hai. lekin yadi is kshetra men koi dosh ho, to yah parivar ke mukhiya ko krodhi bana deta hai. - nairritya athva dakshin-pashchim kshetra namra prakriti aur achche charitra ka dyotk hai. is khand men koi dosh hone par parivar ka mukhiya pareshaniyon se ghira rahta hai. - yadi uttara-purva bhag uncha aur dakshin-pashchim bhag nicha ho, to yaksh, bhut-pret adi ka bhay bana rahta hai aur lakshmi ka abhav rahta hai. - yadi dakshin-purva utha hua ho aur uttara-pashchim nicha ho, to sarp aur shatruon adi ka bhay bana rahta hai. - yadi purva tatha dakshin-purva uchcha tatha pashchim aur uttara-pashchim bhag nicha ho, to dhan ki vriddhi hoti hai aur santan labh prapt hota hai. - yadi purva aur dakshin-purva niche, uttara-pashchim aur pashchim unche hon; to bhusvami ko anek shatruon, vansh-bair aur mansik sankat ka samna karna parta hai. - yadi dakshin-pashchim tatha dakshin niche hon, uttara-purva uchch, to bhusvami ke murkh aur mansik rup se pagl hone tatha vyasan men parne ki sanbhavna rahti hai. -yadi dakshin-pashchim uncha ho lekin dakshin-purva, uttara-purva (ishan se) niche, to dhan, putron aur patni ki or se khatra rahta hai. - shauchalay ya snan ghar yadi dakshin-pashchim men ho, to ghar men tanav, asvasthata aur pareshaniyan bani rahti hain. atah jivan men sukh shanti v uttama svasthya ke lie is disha men shauchalay, snanaghar, rasoi adi ka nirman na karen. is prakar vastushastra aur feng shui ki madad se nirman ya saj sajja karte samay thori si savdhaniyan bartne par arogya, sukh v sanpannata ki prapti ho sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.