श्री लक्ष्मी नारायण व्रत

shri lakshmi narayan vrat  

Ank ke aur Lekh | Sambandhit Lekh | Views : 3515 |  
shri lakshmi narayan vrat pan. braj kishor brajvasilakshmi narayan v ra t margashirsh mas ke shukla paksh ki purnima tithi se praranbh hone vala hai jo varsh ki pratyek purnima ko manaya jaega aur kartik mas ke shukla paksh ki purnima ko samapt hoga. yah sab papon ko dur karne vala, punyadayi tatha sabhi dukhon ka nashak hai. yah brahman, kshatriya, vaishya, shudra sabhi varnon ke stri purushon ki samast manovanchit kamnaon ko pura karne vala tatha sanpurn vraton ka fal dene vala hai. is vrat se bure-bure svapnon ka nash ho jata hai. yah dharmanukul vrat dusht grahon ki badha ka nivaran karne vala hai, iska nam hai purnima vrat. yah param uttam tatha sanpurn jagat men vikhyat hai. iske palan se papon ki karoron rashiyan nasht ho jati hain. is vrat ka shrisanak ji ne devarshi narad ji ko updesh kiya hai. shri vidhi ka ullekh karte hue shri sanak ji narad se kahte hain- ‘muni shreshth ! marg shirsh mas ke shukla paksh ki punar iama tithi ko sanyam niyam purvak pavitra ho shastriya vidhi ke anusar dantdhavan purvak snan kare. fir shvet vastra dharan karke shuddh aur maun hokar ghar ae. vahan hath-pair dhokar achaman karke bhagvan narayan ka smaran kare aur sandhya-vandan, devpuja adi nityakarm karke sankalpapurvak bhakti bhav se bhagvan lakshminarayan ki puja kare. vrati purush ¬ namo narayan aay mantra evan vibhinn upcharon (dhyan, avahan, asan, padya, aghrya, a.chaman, snan, dugdh snan, dadhi snan, ghrit snan, madhu snan, sharkara snan, panchamrit snan, gandhodak snan, shuddh odak snan, vastra, upavastra, yagyaopvit, gandh, akshat, pushp, tulsipatra, durva, abhushan shringar samagri, sugandhit tail, dhup, dip, naivedya, akhand ritufal, tambul, dakshina, arti, stuti pra¬rthana, shankhajal, pushpanjli, pradakshina, kshamaprarthana adi) se pujan purn kare. grihanadhryan maya dattan rohininayak prabho. ‘bhagvan rohinipte ! apka janm atri kul men hua aur ap kshirsagar se prakat hue hain. mere die hue is aghrya ko svikar kijie.’ is prakar chandradev ko aghrya dekar purvabhimukh khara ho chandrama ki or dekhte hue hath jorakar prarthana kare. bhagvan ap shvet kirnon se sushobhit hain, apko namaskar hai. ap dvijon ke raja hain, apko namaskar hai. ap rohini ke pati hain, apko namaskar hai. ap lakshmiji ke bhai hain, apko namaskar hai.’’ tadnantar puran shravan adi ke dva ara indriyon par niyantran rakhte hue shuddh bhav se ratabhar jagaran kare. pakhnadiyon ki drishti se dur rahe. fir pratah kal jagakar apne nitya niyam ka vidhipurvak palan kare. uske bad purvanusar ya apne vaibhav ke anusar punah bhagvan ki puja kare. tatpashchat yathashakti brahmanon ko bhojan karae aur svayan bhi shuddh chitt ho. apne bhai bandhuon tatha bhritya ke sath bhojan kare, bhojan ke samay maun rahe. isi prakar paush, magh falgun, chaitra, vaishakh, jyeshth, asharh, shravan, bhadrapad, ashvin mahinon men bhi punar iama ko upvas karke bhaktipurvak rog-shok se rahit ho bhagvan narayan ki puja archana kare. is tarah ek varsh pura karke kartik mas ki purnima ko udyapan kare. udyapan vidhi: shri sanak ji kahte hain, ‘devarshi narad ! vrati purush ek param sun¬dar chaikor mangalamay mandap banvae, jo pushp lataon se sushobhit tatha chandova aur dhvaja-pataka se susajjit ho. mandap anek dipkon ke prakash se diptaman hona chahie. uski shobha barhane ke lie choti-choti ghantikaon se sushobhit jhalar laga deni chahie. usmen kinare-kinare bare-bare shishe aur chanvar laga dene chahie. mandap kalshon se ghira rahe. mandap ke madhya bhag men panch rangon se sushobhit sarvatobhadra mandal banae. narad ji ! us mandal par jal se bhara hua ek kalash sthapit kare. fir sundar evan mahin vastra se us kalash ko dhak de. uske upar sone, chandi athva tanbe se bhagvan lakshminarayan ki param sundar pratima banakar sthapit kare. bhagvan ke hriday men hi lakshmiji ka dhyan kare. tadnantar jitendriya purush bhaktibhav se bhagvan ki purva men varnit upcharon se purn vidhi-vidhan ke sath puja kare. ratri men jagaran kare. dusre din pratah kal purvavat bhagvan vishnu ki vidhipurvak archana kare. fir dakshina sahit pratima acharya ko dan kar de. dhan-vaibhav ke anusar brahmanon ko yathashakti bhojan avashya karae tatha dravya dakshina, vastrabhushnadi se santusht kare. uske bad ekagra chitt ho vrati yathashakti til dan kare. aur til ka hi vidhipurvak agni men havan kare. taduprant bandhu-bandhvon, bhrityon ke sath svayan prasad grahan kare. jo manushya is prakar bhali bhanti lakshminarayan ka vrat karta hai, vah is lok men putra-pautron ke sath mahan bhog bhogakar sab papon se mukt ho apni bahut si pirhiyon ke sath bhagvan ke vaikunth dham men jata hai, jo yogiyon ke lie bhi durlabh hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.