दर्द का रिश्ता

dard ka rishta  

Ank ke aur Lekh | Sambandhit Lekh | Views : 1204 |  
sansar men jab bachcha janm leta hai to apne mata-pita se khun ka shashvat rishta lekar ata hai. jaise-jaise bachcha bara hota hai naye rishte jurte jate hain kabhi dosti ka rishta to kabhi pyar ka . dushmani ka rishta hone men bhi der nahin lagti. bahut se dur ke rishte bhi hote hain jinhen ham n jante hue ya n chahte hue bhi nibhate rahte hain aur unse kisi n kisi rup men jur jate hain aur unke sukh dukh ko apne jivan se jorne lagte hain. kuch log apne khun ke rishton ko hi nakar dete hain lekin kuch rishte aise hote hain jinko ham koi nam nahin de sakte. jinke bare men ham kuch bhi nahin jante par unko dekh kar, unki ap biti sunakar ham unse ek aise anokhe rishte men bandh jate hain ki ve hamen apne sage se lagne lagte hain aur jabki kitni hi dafa apne sage, sage hote hue bhi parae se lagne lagte hain. kyonki unhen ek-dusre ke jivan ki ghatnaon se koi sarokar nahin hota. kuch din pahle meri mulakat iglaind se ae pushkar se hui. pushkar ka janm bharat men hi hua tha. jab vah bahut chota tha to use poliyo ho gaya. uske man bap ne uska bahut ilaj karaya aur use behatar ilaj ke uddeshya se iglaind le gaye aur vahin par bas gaye. pushkar ne vahin par uchch shiksha prapt ki aur dakyumentari film nirman ke karya men jut gaya. apni film ke chayankan ke lie hi usne bharat ka daura kiya tha. pushkar ke sath kuch samay bitane par pata chala ki vah yahan poliyo se grasit vyaktiyon ki dinacharya v unke jivan par film bana raha hai. yahi sab batiyate hue ham apni kar men ja rahe the aur hamari gari lal baÿai ke chaik par ruki thi tabhi ek poliyo grasit vyakti apni choti si reri par baitha hua akar bhikh mangne laga to pushkar usko dekhta hi rah gaya. main usko bahut dhyan se dekh rahi thi. pushkar ne draivar ko gari kinare lagane ko kaha aur khud utarakar us bhikhari se bat karne laga usne turant use bahut se paise nikal kar diye aur use sahara dekar uthakar apni vhil cheyar men bitha diya aur fir khud uski choti reri men baithakar ghist-ghisat kar chalne laga aur uski tarah bhikh mangne laga. uski ankhon se lagatar ansu bah rahe the aur main khamosh si use dekhe ja rahi thi. yahi hal us bhikhari ka tha jo kar men baithakar is drishya ko dekh raha tha. ek suted- buted vyakti ko bhikhari ki tarah bhikh mangte dekh vahan par bhir jur gai. pushkar jab adhik bhavuk ho gaya to main fauran use uthakar uski cheyar tak lai or usko dhadhas bandhaya. pushkar yahi sochakar bahut bhavuk ho raha tha ki agar uske mata-pita ne uska sath n diya hota aur uska janm ek sampann ghar men n hua hota to shayad uski bhi yahi dasha hoti. pushkar ko apni purvavat dasha men ane men kafi samay laga. usne us bhikhari ka nam pucha aur uski puri kahani suni. fir ham sabhi us bhikhari ko lekar ek hotal men khana khane gaye. pushkar ne usko kafi paise diye aur usko ashvasan diya ki vah use iglaind bulakar uska pura ilaj karaega aur sath hi apni film men bhi kam karne ka karar de diya. is anjan bhikhari se aisa dard ka rishta kayam ho gaya tha jise vah jinda rakhna chahta tha aur usse jure rahne se shayad uski atma ko ek sukun mil raha tha ki vah unke lie kuch kar ke shayad apne dard ke rishte ko nibha raha hai aur unke dard ko bant raha hai. aiye dekhen pushkar ke bachapan men uske sath yah durghatana kyon hui kya yah uske prarabdh ka parinam tha. pushkar ki kundli men lagnesh budh rog sthan men vrishchik rashi arthat shatru rashi mangal ke ghar men sthit hai aur mangal ast hai. navansh men budh nich rahu ke sath sthit hai aur shani mangal se drisht hai aur chalit men dvitiyesh chandra aur panchmesh shukra budh ke sath chathe bhav men sthit hai aur dvadash bhav ko dekh rahe hain. svasthya ka karak lagnesh shashthasth hai. shadabal men bhi budh atyant kamjor sthiti men hai. islie pushkar ki sharirik sthiti ki raksha nahin kar paya aur vah poliyo ki bimari se pirit ho gaya. sath hi arogyata ka karak surya grah rahu v shani adhishthit rashi ka svami hokar rahu se drisht v shashthesh mangal se yukt hai. mangal shashthesh v shashth se shashth bhav ka svami hokar ast hai v rahu se drisht hai, chandra lagn se yah mangal markesh hai. lagn rahu ke nakshatra men hai tatha shukra v chandra shani se drisht hain aur lagn par surya v mangal tatha uchch ke guru par bhi shashthesh v ekadshesh mangal ki drishti hai. is prakar lagn v sabhi grahon ke pirit hone tatha lagnesh ke kamjor hone se jatak rog grast hua. janm ke samay pushkar ki guru ki mahadsha chal rahi thi. guru saptamesh aur dashmesh hokar kendradhipti dosh se doshi hokar dvitiya sthan men vakra hokar uchcharashi men sthit hai aur rog ke svami mangal ki ashtam drishti men hai. guru ki dasha sitanbar 1987 tak chali jismen sharirik kasht se pirit raha. uske bad shani ki dasha men mata-pita ke sath videsh chala gaya aur shani ki dasha ne achche parinam die. shani lagn se tritiya bhav men vakra hokar atyant balvan sthiti men baithakar bhagyesh hokar bhagya sthan ko dekh rahe hain. islie videsh men shani ki dasha men pushkar ke bhagya ne uska sath diya. usne vahan par uchchatar shiksha prapt ki aur viklang hote hue bhi atm vishvas ko nahin khoya. shani ki dasha sitanbar 2006 tak chali uske bad budh ki mahadsha ai. us dasha men guru ki budh ko drishti ke karan uska karm jivan thik chal raha hai. landan men pushkar dakyumentari film banane ka karya kar raha hai aur usmen vah viklang bachchon ke jivan men unke jivan se jure pahluon ka marmik chitran kar arthik rup se bhi dhanarjan kar raha haiai. vartaman samay men budh ki mahadsha men shukra ki antardasha farvri 2010 se disanbar 2012 tak chalegi. shukra is kundli men panchmesh v dvadshesh hokar yogkarak hai. chalit men shukra, budh ke shashth bhav men hone se videsh se dhanarjan ho raha hai tatha shiksha bhi videsh men prapt hui iske sath-sath vah viklang bachchon ko bhinn prakar ke khelon men parangat karta hai. yah kundli ke tisre bhav men baithe rahu aur shani ka prabhav hai. kundli men chandra, shukra ki yuti tatha chandra lagnesh ke svagrihi hone evam uchcharashisth guru ke dashmesh hokar dashmbhav par drishti ke prabhav se pushkar dharmik bhavnaon v paropkar ki bhavnaon se ot prot hokar daekyumentri film ke madhyam se manvta ke lie ek samaj sudharak neta ki tarah karya kar raha hai jismen tritiyasth rahu v shani saflta dilane ka atirikt karya kar rahe hain. pushkar duniya ko n keval viklangon ki hari hui mansikta, bebsi v unki jindgi ke andekhe pahluon se avagat kara raha hai apitu unhen bhi kamai ka ek jariya pradan kar raha hai kyonki vah khud ko un sabke bahut karib samjhta hai aur unka dard bantne men use bahut sukun milta hai. ishvar use uske lakshya prapti men purn saksham banae aur vah samaj men ek nai misal paida kar sake. pushkar ke lie yahi meri shubhkamna hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2010

vastu ka shabdik arth hai vas arthat vah sthan jahan par nivas hota hai. is srishti ki sanrchna men panchatatva (agni, jal, vayu, prithvi, akash) mahatvapurn bhumika nibhate hain to bhavan nirman karte samay men bhi inki upyogita ko nakara nahin ja sakta.prastut visheshank men vastu se sanbandhit samast mahatvapurn jankari ka ullekh hai

Subscribe

Apne vichar vyakt karein

blog comments powered by Disqus
.