कुछ उपयोगी टोटके

kuch upyogi totke  

Ank ke aur Lekh | Sambandhit Lekh | Views : 5069 |  
kuch upyogi totke dae. urvashi bandhu chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai... shatruta samapti ke lie apne puja sthal men shukla paksh ke brihaspativar ko baglamukhi yantra sthapit karen. nitya naha dhokar yantra ke darshan karen. gende ka ek pila ful avashya charhaen. shatru shatruta tyag den yah prarthana din bhav se karen, kuch hi samay men prabal shatru tak ki shatruta samapt ho jaegi. pati ki dirghayu ke lie pati ki dirghayu ke lie shukla paksh ke shukravar ko kisi suhagin ko lal sindur ki dibbi, itra gulab ki shishi, adha kilo chane ki dal aur kesar ka patta ya dibbi dan karen. aisa har mahine do shukravar karane, mahalakshmi aur narayan ki asim kripa se pati dirghayu honge. sas sasur ko prasann karne ke lie yadi kisi karan se bahu se sasur nakhush hon, to bahu ko pratidin naha dhokar tanbe ke lote men jal men gur v gulab jal ki kuch bunden dal kar surya dev ko aghrya dena chahie v sukh shanti ki hriday se prarthana karni chahie. aisa karne se sthiti dhire-dhire thik ho jati hai. yadi kisi karan sas naraj rahti hon to purnamasi ka vrat rakhen aur khir banaen. chandrama ko dudh men thora sa pani dal kar aghrya den. dhup dip dikhaen, khir ka bhog lagaen, chandra devta se madhur sanbandh ki prarthana karen v sabhi sadasyon ko prem se khir khane ko den. kuch hi samay men sthiti men ashcharyajanak parivartan hoga. yahi upay jethani v nanad ke naraj rahne par bhi karna hai. najar dosh yadi jabaradast najar lagi ho to shanivar ko jise najar lagi ho uski lanbai se sat guna jyada lanba ek kale rang ka dhaga len aur use sat bar sir se pair tak utaren. ab pipal par tel ka dipak aur gulab ki agarabatti jalaen. fir vah utara hua kala dhaga pipal ke vriksh par lapet den, pirit vyakti ka nam lekar prarthana karen ki iski bala tere sir. piche mur kar n dekhen. pani ki botal sath le jaen aur ghar men ghusne se pahle hath pair dho len. yah kriya shanivar ko karen. kai bar jabaradast najar lagne se manushya kisi kam ka nahin rahta, uska mansik aur sharirik svasthya bigar jata hai. aise men shraddha se kiya gaya yah upay karagar siddh hota hai. yadi kisi ko pretbadha adi bhi ho to vah bhi dur ho jati hai. grih klesh nivaran grih klesh nivaran ke lie ghar men hari sabjiyon ka sevan kisi bhi rup m ne paru e saptah hane a chahie. dal ka prayog kam hona chahie. vah bhi patli bani honi chahie. aisa karne se klesh dur ho jata hai. sath hi ghar men lage parde jamin ko chute hue hone chahie. khirkiyon par bhi pure parde lagaen. in chot-chote parivartanon se ghar men khushhali aegi. badhaen dur karne ke lie ganesh chaturthi ko agar ganesh ji ki murti ko achchi tarah saja kar jal men pravahit karen, to sab kasht tatha badhaen dur ho jati hain aur ghar men sukh-shanti rahti hai . bhut-pret tatha rog dur karne ke lie sarson ka tel len. use garm karen. usmen chamre ka ek tukra dalen. isko ag par garm karen. jab dhuan niklne lage, ismen ek ninbu, thori si fitkri, ek kil dal kar rogi ke sir ke upar se 7 bar var kar, kisi jagah gaddha khod kar daba den tatha iske upar kil thok den, bhut-pret ka asar khatm hoga tatha rogi thik ho jaega . ismen 3 kali churiyan bhi dalen .
Kya aapko lekh pasand aaya? Subscribe

Kya aapko lekh pasand aaya? Subscribe


purva janm visheshank  September 2007

purva janm kya hin ? purva janm aur vartaman jivan ka sambandh, punarjanm kiska hota hai? pitri dosh kya hain? pitri dosh nivaran ke upay, jyotish dvara purva tatha agle janm ka gyan, punarjanm ki avdharna, nakshatron se rog vichar

Subscribe

Apne vichar vyakt karein

blog comments powered by Disqus
.