क्यों वर्जित है, देवशयन में मांगलिक कार्य

kyon varjit hai, devashayan men manglik karya  

Ank ke aur Lekh | Sambandhit Lekh | Views : 2062 |  
kyon varjit hain devashayan men manglik kay pan. vipin kumar parashar madbhagavat adi granthon men varnan hai ki bhagvan vishnu ne vaman avtar lekar bali se tin pag bhumi mangi. do pag men prithvi aur svarg ko napa aur jab tisra pag rakhne lage tab bali ne apna sir age kar diya. tab bhagvan ne bali ko patal bhej diya tatha uski danabhakti ko dekhte hue ashirvad mangne ko kaha. bali ne kaha ki prabhu ap sabhi devi-devtaon ke sath mere lok patal men nivas karen. is karan bhagvan vishnu ko sabhi devi-devtaon ke sath patal jana para. yah din tha vishnushyni (devshyni) ekadshi ka. is din se sabhi manglik karyon ke data bhagvan vishnu ka prithvi se lop hona mana jata hai. yahi karan hai ki in char mahinon men hindu dharm men koi bhi manglik karya karna varjit hai. is varsh yah samay 25-7-2007 se 21-11-2007 tak rahega. is samay men vishesh rup se vivah adi solah sanskar evan bhumi pujan tatha dev sthapna adi ke koi bhi karya nahin hote. in dinon keval bhagvan vishnu ki yognidra ka dhyan karke rishi muni giri kandraon men jakar tap karte hain. bhagvan shriram ne bhi in dinon pravarsan parvat par rahakar man bhagvti ki upasna ki thi. islie chaturmas varshakal men vyarth ke bhraman n karke tap aur sadhna karni chahie. is kal ko tap aur sadhna kal kaha jata hai. yah devshyni ekadshi se devauthani ekadshi tak rahta hai. jyotish shastra ke anusar kisi bhi tithi ka kshay hona achcha nahin hai. shravan nakshatra ki upasthiti se hi shravan mas ki utpatti mani jati hai. par durbhagya ki is bar is mah ka praranbh tatha ant donon panchkon se ho rahe hanai. is mah ke praranbh evan ant ki upasthiti men shravan nakshatra ka n hona achcha nahin hai kyonki shravan se hi shravan bana hai. shravan mas men panchkon (panch ugra nakshatron ka ek sath parna aur mas ke ant men bhi inhin panch ugra nakshatrane ka parna) ka pichle 100 varshon ke panchangon men koi varnan nahin milta hai. is karan yah mas kafi kashtakari rahne ki ashanka hai. is mas ka praranbh pratipda kshay se ho raha hai. arthat mas ke praranbh ki tithi ka bhi kshay ho gaya hai tatha bich men trayodshi ke kshay ho jane se yah paksh terah din ka ho gaya hai. mahabharat kal men 13 din ka paksh parne ke karan raktavarsha hui thi. terah din ke paksh ke falasvarup prakritik karnon se janhani hoti hai. aisa gat varshon men 13 din ka paksh parne ke karan nana prakar ki apdaen vishva ko uthani pari hain.
Kya aapko lekh pasand aaya? Subscribe

Kya aapko lekh pasand aaya? Subscribe


purva janm visheshank  September 2007

purva janm kya hin ? purva janm aur vartaman jivan ka sambandh, punarjanm kiska hota hai? pitri dosh kya hain? pitri dosh nivaran ke upay, jyotish dvara purva tatha agle janm ka gyan, punarjanm ki avdharna, nakshatron se rog vichar

Subscribe

Apne vichar vyakt karein

blog comments powered by Disqus
.