पुनर्जन्म की अवधारणा

punarjanm ki avdharna  

Ank ke aur Lekh | Sambandhit Lekh | Views : 7428 |  
punarjanm ki avdharna prashna: punarjanm kiska hota hai? jabki sharir jo ki panch tatvon se bana hai, unhin men vilin ho jata hai aur atma ka n janm hota hai aur n mrityu. to punarjanm kiska hota hai? punarjanm siddh ant ko kaise siddh kiya ja sakta hai? vistar se likhen. punarjanm kiska hota hai yah janne ke lie pahle sharir men nihit satta ko samjhna jaruri hai. iske lie mukhya tin ghatkon ko samjhna avashyak hai- parmatma, atma, tatha prakriti. bhautik sharir men ashriri atma vas karti hai aur atma ke mukhya ghatak man, buddhi aur sanskar hote hain. man bhautik jagat ki ghatnaon se sharir men vidyaman indriyon ke madhyam se prabhavit hota hai. buddhi atma ki nirnay shakti hai jo nirnay leti hai ki amuk karya, ichcha, prabhav ityadi hitakar hain ya nahin. man se prabhavit buddhi ke nirnay lene ke uprant sharir dvara pratipadit karya sanskar ban jata hai. yadi karm dhyanpurvak kiya jae to vah sanchit karm ban jata hai tatha uski punravritti hoti rahti hai aur yah bar-bar ka sanchit karm hi manushya ka svabhav ban jata hai. yah svabhav man dvara prabhavit avastha hai jo sakaratmak athva nakaratmak ho sakti hai aur jiska anubhav atma karti hai. vicharon ka punarjanm hi man kahlata hai. arthat indriyon se prapt gyan se man sakriya hokar apne andar ane vale vicharon ko sangrahit karta hua buddhi ko sanket deta hai jo man se prapt sanketon ko kriyanvit karne ke lie sharir ko adesh deta hai tatha hone vale karm sanskar ban jate hain. ye sanskar atma rupi kaiset men rikard hote rahte hain. manushya ki antim avastha men bhav (lobh, moh, ahankar) se prabhavit ya usse pare parmatma se prabhavit hone par deh ka tyag ho jata hai aur tab agla janm usi bhav ki purti ke lie prapt avastha men punarjanm hota hai. is avastha men janm to sharir ka hi hota hai parantu sharir apna karyakal pura karne ke uprant jirn ho chuka hota hai parantu parmatma pradatt shakti ko apna bacha hua bhag pura karna hota hai. atah use punah dusra sharir dharan karna hota hai jo uske purvajanm ke sangrahit karmon ke anusar paristhiti vishesh men milta hai. is prakar atma nutan sharir men pravesh karti hai aur man, buddhi, sanskar sahit atma punah usmen pravesh kar apni bhumika ada karte hain. man ek kriya hai sochne ki’. antim avastha men man ki avastha se prabhavit atma usse age ke samay ke lie punah sharir dharan karti hai jise punarjanm kaha ja sakta hai, parantu atma ya uski shaktiyan man, buddhi v sanskar, punarjanm nahin leti hain varan sharir badlte hain. jyotishiya bhasha men ise prarabdh kahte hain. prarabdh pichle janm men kie gae karmon dvara bane sanskaron ka kaiset hota hai jo atma men nihit rahta hai. kuch bachche janm se hi bahut gyani hote hain. us vakt sharir saksham nahin hota, parantu atma apni bhumika ka pichle janm ke anurup nirvah karti hai. isse siddh hota hai ki pichle sanskaron ko hi punah dohraya jata hai. sukshm sharir, jismen indriyon ki shaktiyan aur man rahte hain, mrityu ke bad bhi shesh rahta hai, jivatma ise ek sharir se dusre sharir men aise le jati hai jaise vayu sugandh ko le jati hai. ‘‘jivapetan vav kiledan mriyate n jivo bhriyate’’ jiv se rahit hua yah sharir hi marta hai, jivatma nahin marti. marnasann manushya ko bari bechaini, pida arai chatptahat hate i h,ai kyanie k sab nariyon se pran khinchakar ek jagah ekatrit hote hain. pran niklne ka samay jab bilkul pas a jata hai, to vyakti mucharichat ho jata hai, achetan avastha men hi pran uske sharir se bahar niklte hain. marte samay vak (vani) adi indriyan man men sthit hoti hain, man pran men aur pran tej men. tej se tatparya hai panch sukshm bhut samuday tatha tej parmdev jivatma men sthit hota hai. prashnopnishad ke anusar ‘vah pran udanvayu se sahit jivatma ko uske sankalpanusar bhinna-bhinn lokon (yoniyon) men le jata hai. jiv apne sath dhan-daulat to nahin kintu gyan, pap, punya karmon ke sanskar avashya hi le jata hai. yah sukshm sharir thik sthul sharir ki hi banavat ka hota hain. vayu rup hone ke karan bharhin hota hai. mritak ko bara ashcharya lagta hai ki mera sharir kitna halka ho gaya hai. sthul sharir chorne ke bad sukshm sharir antyeshti kriya hone tak uske as-pas hi mandrata rahta hai aur jala dene par usi samay nirash hokar kahin anyatra chala jata hai. mritak ka apne sharir se aur parivar se moh khatm ho jae islie uske priya putra se hi mukhagni dilai jati hai. sansar ki chairasi lakh yoniyon ko tin mukhya bhagon men banta gaya hai- dev, manushya aur tiryak. dev aur tiryak bhog yoniyan hain jabki manushya karm yoni hai. pap punya rupi mishrit karm karne vale ko manushya yoni prapt hoti hai. satvagun men sthit log dev lok ko jate hain, rajoguni bich men thahar jate hain aur nikrisht gun ki vrittiyon men sthit niche ko girte hain. arthat sukh ki akanksha vale rajas jiv manushya yoni men arthat mrityu lok men hi thahar jate hain aur bar-bar janm mrityu ke bandhan men fanste hain. jo parivar jiv ki vasnaon aur karm sanskaron ke anukul hota hai, us parivar ke as-pas vah jivatma mandrane lagti hai tatha avasar ki pratiksha karti hai. jab kisi stri ko garbh sthapit hota hai tab apne kutunbiyon aur parivar ke prati mohavash pitar prayah apne hi vanshjon ke yahan janm le lete hain. is manushya lok men jivon ka jahan kahin jis kisi bhi yoni men janm hota hai, vah prayah rinanubandh (len-den ke sanbandh) se hi hota hai. punarjanm se sanbandhit kuch mat nimnalikhit hain. sankhya yog mat: sankhya yog ke anusar sharir do prakar ke hote hain - sthul aur sukshm. panch bhut se bane sharir ko sthul sharir kahte hain jo sabko dikhai parta hai. sukshm sharir sukshm tanmatraon, panch gyanendriyon, panch karmendriyon evan antahkaran (buddhi, ahankar aur man) se nirmit hota hai. sankhya yog ka kahna hai ki sthul sharir to nasht hota hai, par sukshm sharir nahin. sthul sharir ke vinash aur sukshm sharir ke punarjanm ke madhya ki sthiti ko ‘‘adhishthan sharir’’ kahte hain. isse punarjanm ki pushti hoti hai. sukshm sharir hi anya sharir dharan karta hai. sankhya yog ka mat anya bhartiya maton se yahan bhinn ho jata hai. anya bhartiya darshanon ke anusar atma hi sharir ke nasht hone par punah nae sharir men pravisht hoti hai. kintu, sankhya yog ka kahna hai ki atma punah janm dharan nahin kar sakti kyonki yah shashvat, chirantan, evan aprivartanashil satta hai. punah janm dharan karna atma ka gun nahin kaha ja sakta. iske anusar sukshm sharir hi punah janm dharan karta hai, n ki atma. vedant mat: shankracharya (advait vedant pravartaka) punarjanm ki sthapna ke lie kisi nai yukti ka sahara nahin lete. unke anusar vyakti jab tak agyanavash yah sochta hai ki atma brahm se bhinn hai, tab tak vah punarjanm ke chakkar men fansa rahta hai. is prakar, maya ke vashibhut hokar vyakti bar-bar janm maran ke chakkar men ghumta rahta hai. ramanuj (vishisht dvait ke pravartaka) ka kahna hai ki jiv sukh bhogne ki kamna se itna prabhavit rahta hai ki use bar-bar janm lena parta hai. vyakti ki sukh ki ichchaen is jivan men purn nahin ho saktin, islie use anya janm dharan karna parta hai. adhunik mat: svami vivekanand, arvind aur gandhi ne bhi apne-apne dhang se punarjanm ka samarthan kiya hai. mahatma gandhi is vishay men kahte hanai ki man len ki koi vyakti athak parishram karke vidyoparjan karta hai aur sanp ke dasne se akasmat uski mrityu ho jati hai. ab prashn uthta hai ki kya uski vidya bhi mrityu ke sath samapt ho gai? nahin vidya ka nash nahin hota. us vidya ka upbhog karne ke lie us vyakti ko punah janm lena parta hai. is prakar unhonne punarjanm ko siddh karne ka prayas kiya. adya shankracharya ne bhi apne guru ko aisi hi vilakshan pratibha se achanbhit kar diya tha. keval panch-chah varsh ki choti ayu men hi is prakar ka asadharan gyan hona keval ek hi adhar par sanbhav ho sakta hai ki kisi atma ko apne purvajanm ki sanchit gyan sanpda ka smaran ho. kochin ke isai parivar men janme klint ne 5 varsh ki ayu men hajaron chitra banae aur pratiyogita men pratham puraskar jita. amerika ke suprasiddh bhautik shastri dae. stivensan ne 600 se adhik aisi ghatnaen ekatrit ki hain jinmen visheshakar 14 varsh ki ayu se kam ke bachchon dva ara batae gae unke purva janm ke anubhav janch karne par pramanik siddh hue hain. jera kalabarn namak ath varshiya balak ne dimagi adhar par ganit ke kathin se kathin prashnon ke uttar hal karne ki jo kshamata dikhai thi usse bare-bare ganitagya bhi ashcharyachkit rah gae the. jin kathin ganitiya savalon ko keval achche ganitagya hi kafi samay lagakar hal kar sakte the unhen yah balak bina kramabaddh adhyayan ke bina hichke anan fanan men kaise hal kar leta tha. anusandhanakatrta is rahasya ko abhi tak nahin jan pae. prasiddh kavi gete 9 varsh ki ayu men kavita likhne lage the. vikasvad ke janmadata darvin bhi aisi hi pratibha ke dhani the. lebnan ke kentuki nagar ka martin je. spailnidag 14 varsh ki ayu men pratibha ke adhar par profesar bana. amerika ke istavud divlo ne san 1988 men matra 11 varsh 8 mah ki ayu men snatak ki digri prapt ki. bhartiya mul ke bal murli anbari ne ek-ek varsh men do-do kakshaen pas karte hue 11 varsh men hai skul achche nanbron se pas kar liya aur amerika ke maunt sinai skul aef medisin se matra 17 varsh ki ayu men chikitsak banakar nikla. usne n keval sabse kam umra men chikitsak banne ka kirtiman banaya varan eds jaisi khatrnak bimari par ek shodhpurn granth ki rachna bhi kar dali jise amerikan medikal esosieshan dvara puraskrit bhi kiya gaya. kam umra men asadharan pratibha purvajanm ki hi den hai. bhautik shastri dae. stivensan ke atirikt pro. rain evan edagar ki khoj vistrit evan pramanik mani gai hanai. inke adhar par anyatra bhi is disha men bahut shodh hue. is khoj bin se yah manyata aur adhik pusht hoti hai ki atma ka astitva marne ke bad bhi bana rahta hai aur unka punarjanm hota hai. dae. stivensan ne jin vyaktiyon ke purvajanm ke anubhav ekatrit kie hain unmen kuch is prakar hain- pashchim bangal ke kanpa ganv ki ek ghatna ka varnan karte hue usne likha hai ki is ganv ke shri ke. en. sen gupta ke yahan san 1954 men ek kanya ka janm hua jiska nam rakha gaya shukla. jab vah bolne layak hui to achanak uske munh se ‘minu’ ki avaj prasfutit hone lagi. jaise-jaise vah bari hoti gai, puchne par minu ke bare men vistrit byora dene lagi. minu ko usne apni putri bataya. itna hi nahin vah apne pichle janm ke pati, bachchon tatha ghar parivar ke bare men sabhi baten batane lagi. usne bataya ki purva janm men uska palan brahman kul men pan. amritlal chakravarti ke yahan hua tha. khojbin karne par uske sabhi kathan satya pae gae. isi tarah 1937 men dilli ki char varshiya hindu kanya shanti ne purva janm ke vrittant ko spasht pramanon ke sath prastut kiya hai. vah pichle janm men chaibe kul men janmi thi. uske pati pan. kedarnath chaibe mathura men kapra vyavsayi the. usne mathura ka pata jab logon ko bataya to pan. kedar nath chaibe ko dilli sadar amantrit kiya gaya. vah dusri shadi bhi kar chuke the. jaise hi shanti ne unhen dekha to turant pahchan liya. tokiyo japan ke prakhyat jen sant evan adhyatmavetta rayao koya sutani ne apni kriti ‘di mistri af laif’ men punarjanm ki anek ghatnaon ka vistrit rup se varnan kiya hai aur aise tark, tathya evan praman die hain ki punarjanm ke siddhant ki upeksha nahin ki ja sakti. is pustak ka upnam ‘en eksaperimental rikard aef ribarth aef hyumen biing’ hai. ismen unhonne japan ki prasiddh pustak ‘yasutanij’ se bhi bahut kuch udaharan uddhrit kie hain. kintu unki sabse achchi ek ghatna is prakar hai. tokiyo shahar ke suginami namak sthan men matshutaro nam ka 48 varshiya ek dhani mani vyakti rahta tha. 10 aktubar 1935 ko uski mrityu ho gai. heijachuroyamjiki uska bahut hi ghanishth mitra tha. apne is bauddh mitra se matshutaro prayah kaha karta tha ki yadi main mar jaun to mere sharir ki raksha karna aur achchi tarah dafnana kyonki yahan mera koi rishtedar nahin hai. kuch samay bad jab vah mar gaya to bauddh mitra ne uske punarjanm lene ki pariksha li. is prakriya men mrit sharir par abhimantrit jal ka chirkav kiya jata hai aur prarthana ki jati hai. mritak punah janm lega ya nahin, yah dekhne ke lie ek prakar ki syahi ka upyog kiya jata hai aur uske pair par uska nam aur pata likha jata hai. sath hi ek bauddh sutra bhi likh diya jata hai aur tab antim sanskar kar diya jata hai. uske antim sanskar men kafi log ae aur bari dhum-dham se kam samapt hua. tin varsh bad 15 aktubar 1938 ko ratri ke samay ek sipahi aya aur yamjiki ko batlaya ki uske yahan ek shishu ne janm liya hai jiske kandhe par ‘mat shutro’ shabd likha hai. sath hi uska pata, ek mantra aur ‘‘yamjiki’’ shabd likha hai. ise hatane mitane ke lie usne prarthanaen kin, dharmik karmakand evan pujan kie, kintu ve janmajat chihn nahin mite. isse vah pareshan rahne laga. ek din svapn men use sanket mile ki jis admi ne yah likha hai, vahi thik kar sakta hai. sipahi ki yachna par yamjiki bachche ko lekar matshutro ki kabra par gaya aur samne bachche ko baithakar kuch mantra parhe, prarthanaen kin tatha abhimantrit jal se ankit aksharon par rui ke fahe se pani lagaya. upasthit logon ke ashcharya ka tab thikana nahin raha jab unhonne dekha ki ab ek bhi chihn baki nahin tha. is ghatna ne nastikon ko bhi sochne ke lie vivash kar diya ki sharir ke n rahne par bhi jivatma ka astitva bana rahta hai aur karmafal ke sunishchit vidhan ke anurup use naya janm dharan karna parta hai. japani bhi bhartiyon ki tarah hi punarjanm evan karmafal ki sunishchitta par vishvas karte hain. j a p a n k e h i m u dhar a n y adhyatmavetta evan darshanashastri shuten odshi evan tomokichi fyukrai ne apni khojpurn kriti ‘‘pairanarmal pavr’’ men punarjanm sanbandhi anek pramanik ghatnaon ka ullekh kiya hai. ‘ribarth af katshugoro’ namak apne prasiddh granth mane manovetta lafkadiyo hiyaran ne marnoprant dobara janm lene ka pramanik udaharan prastut kiya hai. tokiyo prant ke mushashi kshetra men san 1825 men ek kisan danpti ke yahan dusre bachche ka janm hua. nam rakha gaya ‘jenjo’. jab vah kuch bara hua to usne bataya ki vah tokiyo ke hi dusre ganv ‘hodo kyuvo’ ka rahne vala hai jo ‘tam eriya’ ke nam se prasiddh hai. usne apne pita ka nam kyuhei bataya aur kaha ki jab vah 6 varsh ka tha to chechak niklne se uski mrityu ho gai thi. is tathya ka pata lagane jab vaigyanikon ka ek dal batae hue sthan par pahuncha to sthan evan ghatna ko sahi paya. majistret ki fail men bhi vahi rekard darj the jo jenjo ne batae the. isi tarah ki anek ghatnaen punarjanm ko praman iat karti hain. ab prashn yah uthta hai ki punarjanm ka smaran kin logon ko rahta hai? is sanbandh men dae. stivensan ka mat hai ki jinki mrityu kisi uttejnatmak v aveshpurn manah sthiti men hui ho, unhen pichli smriti adhik yad rahti hai. durghatana, hatya, atmahatya, pratishodh katrta, atripti, mohagrastata adi ka ghatnakram prani ki chetna par gahra prabhav dalta hai aur ve udveg nae janm men bhi smriti patal par ubhrte rahte hain. jinse adhik pyar ya adhik dvesh raha ho, ve log vishesh rup se yad rahte hain. bhay, ashanka, abhiruchi buddhimatta, kala kaushal adi ki bhi pichli chap bani rahti hai. akriti ki banavat aur sharir par jahan tahan pae jane vale vishesh chihn bhi agle janm men usi prakar pae jat e h.nai khaje kartaa an e k e ansu ar parvu janm ki smriti sanjoe rahne valon men adhe se adhik aise the jinki mrityu pichle janm men bis varsh se kam ayu men hui thi. surdas ki man ki ankhon ke age triloki ke rahasya khule pare rahte the. ek bar surdas pravachan kar rahe the. unke pravachan men gyan barsta tha, vani men ras jharta tha aur chavi manen anand tarangit hota tha. shahanshah shahjhan apne do putron aurangjeb aur dara shikoh ke sath surdas ji ke pravachan men ja pahuncha. surdas ji purvajanm evan punarjanm ke bare men pravachan kar rahe the. ek vyakti ne pucha- ‘kya vyakti apna purva janm dekh sakta hai? yadi han, to kaise?’ surdas ji ne kaha- ‘koi bhi vyakti yadi brahm muhurt men uthakar snanadi se pavitra hokar agyachakra men donane bhaunhon ke madhya drishti kendrit karke adha ghanta dhyan kare tatha fir sanputit mahamrityunjay mantra ka dhyanpurvak jap ek varsh niyamit rup se kare to bhayankar se bhayankar rog to dur ho hi jate hain, purvajanm bhi dikh jata hai aur manav ki ritanbhrapragya jagrat ho jati hai. yah puche jane par ki ‘‘kuch vyaktiyon ko purvajanm ki smritiyan rahti hain, iska kya karan hai?’’ unhonne kaha ki han, lakhon men kisi ek ko purvajanm ki upasna ke karan purvajanm ki samriti rah jati hai. is par aurangjeb tamakakar bola, ‘‘hamari shariyat men to purvajanm ka namonishan nahin hai. tumhari yah bakvas sarvatha bebuniyad hai.’’ dara shikoh sant ki vani men samae gyan ras men bhigta ja raha tha. use aurangjeb ka vyavhar dhrishtatapurn laga. aurangjeb ko samjhana kisi ke vash men nahin tha. usne hath pakar li ki us andhe sant ko bulvaya jae aur vahi siddh kar batae ki kya punarjanm vastav men hota hai. shahjhan ke man men bhi utsukta thi. atah sant ko sammanpurvak bulvaya gaya. shahjhan ne aurangjeb ki jigyasa ko unke samne rakhte hue kaha - ‘in balkon ki jid apko puri karni hi hogi.’ shahjhan ke svar men adesh nahin manuhar thi. ‘achcha to fir apke mahal ki sabhi striyon, das dasiyon ko kahie ki ek-ek karke mere samne kuch bolakar jaen.’ shahjhan ne sabko bulakar katar men khara kar diya aur hukm diya ki ve ek-ek karke aen aur sant baba se salam kar unke samne se jaen. sabne agya mani aur sabse ant men jahan ara ai aur usne jyon hi ‘sant baba ko salam’ kaha to andhe sant ne kaha, ‘lalita tohe puchat shahjhan.’ is par jahan ara ke munh se nikla, ‘uddhav tum ho krishn kahan?’ aur vah muchrchit ho gai. donon ne ek dusre ka purva janm kah sunaya. surdas ne shahjhan se kaha ki purvajanm men jahan ara krishn ki sakhi lalita thi aur main unka sakha uddhav. surdas ne shahjhan ko yah bhi bataya ki is janm men bhi yah kanya dharmik hogi, tumhari bahut seva karegi aur jab mrityu aegi to iske hriday par dharm granth hoga tatha isi janm men yah moksh paegi. sant surdas ke is pramanik kathan par shahjhan ke parivar ko yah manna para ki punarjanm evan purvajanm ashcharyajanak lagte hue bhi purnataya satya hai. ‘d buk aef listsa’ namak prasiddh pustak men vidvan lekhak devid velechiski ne punarjanm ki anek pramanik ghatnaon ka varnan kiya hai. unke anusar dvitiya vishva yuddh ke pramukh yoddha rahe ameriki janaral jarj paitarn ko apne pichle chah janmon ki smriti thi. sanyogavash in sabhi janmon men ve sena men hi karyarat rahe. pratham janm men ve pragaitihasik kal men ek yoddha the. dusre men yunani yoddha, jismen ve saipras ke raja ke viruddh larte hue mare gae. tisre janm men sikandar ki sena men to chaithe janm men juliyas sijar ke sath the. panchven men angrejon ki sena men ‘nait yoddha’ ke nam se prasiddh the, jisne ‘handred iyars var’ ke samay kraisi yuddh men bhag liya tha aur dushmanon ke dant khatte kie the. chathe janm men vah nepoliyan ki sena men marshal the. isi prakar amerika ka henri devid thauro apne pichle 1800 varshon ke janm ki kahaniyan batata hai. khojbin karne par vaigyanikon ne uske dvara batai gai baton ko satya paya hai. nishchit rup se punarjanm ek dhruv satya hai evan yah chintan satat hamen astik banata hai aur apne karmon par nirantar ek kari drishti rakhne ki prerna deta hai. punarjanm kab hota hai? satvagun pradhan vyakti mrityoprant uttam karm karne valon ke nirmal divya svargadi lokon ko prapt hota hai. rajoguni vyakti marnoprant karmon ki asakti vale manushya yoni men utpann hota hai aur bar-bar janm leta rahta hai. tamoguni manushya mrityu ke bad kit, pashu adi adham yoniyon men utpann hota hai. satvaguni log svargadi uchch lokon ko jate hain, rajogun men sthit rajas log madhya men arthat manushya lok men hi rahte hain, aur tamo gun ke karyakram nidra, pramad, alasyadi gunon se yukt tamas log adhogti ko ya apne karmon ke anusar kit, pashu adi nich yoniyon ya narkane ko prapt hote hain. vriddh vyaktiyon ki vasnaen prayah shithil ho jati hain, islie ve mrityu ke bad nidragrast ho jate hain. apghat se mare yuva vyakti sattadhari pret ke rup men vidyaman rahte hain tatha visham mansik sthiti ke karan unhen nid nahin ati hai. kai vishisht vyakti chah mahinon men hi punarjanm grahan kar late e h.ain adhikatar ko panch varsh lag jate hain. preton ki ayu adhikatam 12 varsh samjhi jati hai. jivan jitne samay tak parlok men thahrta hai, uska pratham ek tihai bhag nidra men vyatit hota hain, kyonki purvajanm ki thakan ke karan vah achetan sa ho jata hai. bhautik sharir ki samapti ke bad bhi uska antarman jivit rahta hai. isi man se vah apne achche-bure karmon ke falon ko anubhav karta hai. manushya ko nishchay hi mrityu aur punarjanm ke bich men svarga-narak ka anubhav prapt karna parta hai. svarg men jane ke bad jab manushya ke punya karmon ka fal samapt ho jata hai to use punah janm grahan karna parta hain. isi prakar narak lok men pap karmon ka fal bhugat lene ke bad jab vyakti apni buraiyon ko dur karke pavitra ho jata hai tab use punarjanm lena parta hai. pret yoni men jane ke bad punarjanm hone men lagabhag 12 sal lag jate hain. acharya varahmihir ke vrihajjatkanusar punarjanm evan purvajanm ka fal  surya tatha chandra men se jo adhik balvan ho, vah jis dreshkan men ho, ya balvan surya v chandra ke adhishthit dreshkan ka svami yadi guru ho to jatak janm se purva svarg lok men rahta hai.  balvan surya v chandra ke adhishthit derashkan ka svami yadi svami chandra ya shukra ho to jatak janm se purva chandralok ya pitrilok men rahta hai. isi tarah dreshkan ka vichar goshthi svami yadi shani ya budh ho, to iska arth hai ki jatak purva janm men narak lok men tha. jatak ki kundli men lagn men guru ki upasthiti uske purva janm men brahman hone ya brahmanochit karyon men sanlagn hone ka sanket hai.  jatak ke lagn men uchch ya svarashi ka budh ya chandra sthit ho to yah uske purvajanm men sadguni vyapari (vaishya) hone ka suchak hai. kisi jatak ke janm lagn men mangal uchch rashi ya svarashi men sthit ho to iska arth hai ki vah purvajanm men kshatriya, yoddha tha.  kendra men vakri shani ki sthiti jatak ke purvajanm men shudra hone ki or ingit karti hai. iske atirikt nich ke surya ki trik sthan men sthiti bhi jatak ke purva janm men shudra hone ki suchak hai. arthat janmakundli ke chathe, satven ya athven men sthit grahon men sabse bali grah ke anurup jatak ko mrityu ke bad lok ya yoni prapt hoti hai. is tarah chathe, satven ya athven bhav men bali guru ho to jatak devlok, chandra ya shukra ho to pitrilok, surya ya mangal ho to mrityulok (punah prithvi par janma) men aur shani ya budh ho to narak (shudra) lok ya nich yoni men janm leta hai. yadi bhav 6, 7, 8 men koi grah n ho to in bhavon ke dreshkanadhipti men se balvan dreshkanesh ke lok men manushya ka janm hota hai. yadi uchch rashi arthat kark ka guru kendrasth (1-4-7-10) ho ya chathe athva a. thaven bhav men sthit ho ya min lagn men shubh grah ka navansh ho aur shesh grah balvan n hon to jatak moksh prapt karta hai. lagn men uchch ya svarashi ka chandra pap prabhav se mukt hokar sthit ho to aisa jatak agle janm men achche kul men janm leta hai.  vyay bhav men shani ya rahu yadi shashthesh ya ashtamesh se yukt hokar sthit ho to jatak agle janm men mrityu lok men janm leta hai. jo log achanak durghatanagrast hokar mrityu ke munh men sama jate hain, jinki ichchaen (trishnaen) adhuri rah jati hain, jo mohmaya men jakre rahte hain, kanjus hote hain ya jinka nidhan asamyik hota hai unka janm punah hota hai. atah ye manushya ke satkarm hi hain jo use moksh ka marg dikhate hain. kisi bhi bachche ke jivan ke aranbhik char varsh ki avdhi mata ke dushkarmon ke karan, agle 4 varsh ki pita ke dushkarmon ke karan tatha uske bad ke char varsh arthat 8 se 12 varsh ke bich ki avdhi uske apne dushkarmon ke karan ghatak ho sakti hai. parashar ke anusar pratyek vyakti ki mrityu ka svarup bhi uske purva janm ke karmon ke adhar par hi nirdharit hota hai. ye dharnaen aj kitni vaigyanik hain, is par vichar karna bhi avashyak hai. yah thik hai ki jab mrityu hoti hai to sharir nasht ho jata hai, panchmhabhuton men vilin ho jata hai lekin sharir men sanrakshit shakti nasht nahin hoti.
Kya aapko lekh pasand aaya? Subscribe

Kya aapko lekh pasand aaya? Subscribe


purva janm visheshank  September 2007

purva janm kya hin ? purva janm aur vartaman jivan ka sambandh, punarjanm kiska hota hai? pitri dosh kya hain? pitri dosh nivaran ke upay, jyotish dvara purva tatha agle janm ka gyan, punarjanm ki avdharna, nakshatron se rog vichar

Subscribe

Apne vichar vyakt karein

blog comments powered by Disqus
.