ऋषि पंचमी व्रत

rishi panchmi vrat  

Ank ke aur Lekh | Sambandhit Lekh | Views : 3641 |  
rishi panchmi vrat pan. braj kishor brajvasi bhadrapad mas ke shukla paksh ki panchmi tithi ko rishi panchmi ka vrat kiya jata hai. yah vrat pratah kal, madhyahn kal, sayankal, ratri kaladi samay men kie gae gyat-agyat papon ke shaman ke lie kiya jata hai. atah stri-purush donon ko hi is vrat ka palan karna chahie. striyon se rajasvala avastha men ghar ke patradi ka prayah sparsh ho jata hai, isse hone vale pap ke shaman ke lie bhi ve is vrat ko karti hain. is vrat men saptarshiyon sahit arundhti ka pujan hota hai. isi karan ise rishi panchmi vrat ke nam se prasiddhi prapt hai. vrat vidhan: is din vrati ko pratah kal dainik kriyaon se nivritt hokar pratah se madhyahn paryant upvas karke madhyahn ke samay kisi nadi ya talab par jakar vahan apamarn ki dataun se dant safakar sharir men mitti lagakar snan karna chahie. vrat ke praranbh men vrati ko ‘‘deshkalau sankitrya amuk gotra amuk sharma (varma gupto) vahan adhyayotsarg karmangatven arundhti sahitasaptarshisthapnan pujnanch tadangatven ganapatyadi devanan pujnan sarvadoshshmnarthan karishye’’ kahakar sankalp lena chahie. snanoprant ghar par puja sthan men akar panchagavya grahan karen. puja sthan ko gay ke gobar se lipakar chaiki par navin vastra bichakar ganesh gauri, shodshmatrika, navagrah mandal, sarva sarvatobhadra mandal banakar tamra, svarn ya mitti ka kalash sthapit karen. kalash ke pas hi ashtadal kamal banakar gautam, bharadvaj, vishvamitra, jamadagni, vasishth, kashyap, atri in saptarshiyon sahit devi arundhti ki sthapna karen. chaiki par ek or puja ke nimitt yagyaopvit ko bhi sthapit karen. devtaon sahit saptarshiyon, arundhti adi ka shodshopchar pujan karen. is din prayah dahi aur sathi ka chaval khane ka vidhan hai. namak ka prayog sarvatha varjit hai. hal se jute hue khet ka ann khana vajrya hai. din men keval ek hi bar bhojan karna chahie. kalash adi pujan samagri ko brahman ko dan kar dena chahie. pujan ke pashchat brahman bhojan karakar hi svay n prasad pana chahie. rishiyon ki vanshavli shravan karne ka bhi vidhan hai. saptarshiyon ki prasannata hetu brahmanon ko vibhinn prakar ke dan aur dakshina dekar santusht karen. rishi panchmi vrat ki katha is prakar hai. katha: satyayug men shyenjit namak ek raja rajya karta tha. uske rajya men sumitra nam ka ek brahman rahta tha jo vedon ka vidvan tha. sumitra kheti kar apne parivar ka bharn-poshan karta tha. uski patni jayashri sadhvi aur pativrata thi. vah kheti ke kamon men bhi pati ka sahyog karti thi. ek bar rajasvala avastha men anjane men usne ghar ka sab karya kiya aur pati ka bhi sparsh kar liya. daivyog se pati-patni ka sharirant ek sath hi hua. rajasvala avastha men sparshasparsh ka vichar n rakhne ke karan stri ne kutiya aur pati ne bail ki yoni prapt ki, parantu purva janm men kie gae anek dharmik krityon ke karan unhen gyan bana raha. sanyog se is janm men bhi ve sath-sath apne hi ghar men apne putra aur putravdhu ke sath rah rahe the. brahman ke putra ka nam sumti tha. vah bhi pita ki bhanti vedon ka vidvan tha. pitripaksh men usne apne mata-pita ka shraddh karne ke uddeshya se patni se kahakar khir banvai aur brahmanon ko nimantran diya. udhar ek sarp ne akar khir ko vishakt kar diya. kutiya bani brahmani yah sab dekh rahi thi. usne socha ki yadi is khir ko brahman khaenge to vish ke prabhav se mar jaenge aur sumti ko pap lagega. aisa vichar kar usne sumti ki patni ke samne hi jakar khir ko chu diya. is par sumti ki patni bahut krodhit hui aur chulhe se jalti lakri nikalakar uski pitai kar di. us din usne kutiya ko bhojan bhi nahin diya. ratri men kutiya ne bail se sari ghatna batai. bail ne kaha ki aj to mujhe bhi kuch khane ko nahin diya gaya jabki mujhse din bhar kam liya gaya. sumti ham donon ke hi uddeshya se shraddh kar raha hai aur hamen hi bhukhon mar raha hai. is tarah ham donon ke bhukhe rah jane se to iska shraddh karna hi vyarth hua. sumti dvar par leta kutiya aur bail ki varta sun raha tha. vah pashuon ki boli bhali bhanti samjhta tha. use yah janakar atyant dukh hua ki mere mata-pita in nikrisht yoniyon men pare hain. vah daurta hua ek rishi ke ashram men gaya aur unse apne mata-pita ke pashu yoni men parne ka karan aur mukti ka upay pucha. rishi ne dhyan aur yogabal se sara vrittant jan liya. unhonne sumti se kaha ki tum pati-patni bhadrapad shukla panchmi ko rishi panchmi ka vrat karo aur us din bail ke jotne se utpann koi bhi ann n khao. is vrat ke prabhav se tumhare mata-pita ki mukti ho jaegi. anantar matri-pitribhakt sumti ne rishi panchmi ka vrat kiya, jiske prabhav se uske mata-pita ko pashuyoni se mukti mil gai. yah vrat sharir ke dvara ashauchavastha men kie gae sparshasparsh tatha anya papon ke prayashchit ke rup men kiya jata hai. is vrat se striyon ko rajasvalavastha men sparshasparsh ka vichar rakhne ki shiksha leni chahie.
Kya aapko lekh pasand aaya? Subscribe

Kya aapko lekh pasand aaya? Subscribe


purva janm visheshank  September 2007

purva janm kya hin ? purva janm aur vartaman jivan ka sambandh, punarjanm kiska hota hai? pitri dosh kya hain? pitri dosh nivaran ke upay, jyotish dvara purva tatha agle janm ka gyan, punarjanm ki avdharna, nakshatron se rog vichar

Subscribe

Apne vichar vyakt karein

blog comments powered by Disqus
.