ज्योतिष द्वारा पूर्व तथा अगले जन्म का ज्ञान

jyotish dvara purva tatha agle janm ka gyan  

Ank ke aur Lekh | Sambandhit Lekh | Views : 12681 |  
jyotish dvara purva tatha agle janm ka gyan renu sinh panarjanm ke bare men bhartiya jyotish granth hamara samuchit margadarshan karte hain. hamare rishiyon aur acharyon ne apni gahan sadhna se prapt divya-drishti aur gyan dvara janmakundli men grah sthiti ke adhar par pichle aur agle janm ki sthiti ka akalan sulabh kar diya hai. bhartiya jyotish ke pravartak maharshi parashar ke prachin granth brihat parashar hora shastra ke anusar: ravichandrablakrantan trayanshnathe gurau janah. devlokat samayato vigyaeyo dvij sattam.. shukrendvoah pitrilokattu matryachch ravibhaumyoah.. budha'kryorn kadevan janmakalad vadet sudhiah.. arthat janmakalik grah sthiti men surya aur chandra men se jo bali ho, vah yadi guru ke trayansh (dreshkan) men sthit ho to jatak devlok (svarga) se aya hai aisa samjhna chahie. yadi vah shukra ya chandra ke dreshkan men ho to pitrilok se, surya ya mangal ke dreshkan men ho to mrityulok se aur yadi vah budh ya shani ke dreshkan men ho to narak lok se aya hai aisa samjhna chahie. mrityoprant gantavya devendubhumyadholokan nayantyastarirandhragaah.. arthat lagn se shashth, saptam ya ashtam bhav men guru ho to devlok, shukra ya chandra ho to pitrilok, ravi ya mangal ho to bhulok (mrityulok) aur budh ya shani ho to adholok (narak ya kit, pashu yoni) ko prapt hota hai. yadi ukt bhavon men ek se adhik grah hon to unmen se jo bali ho uske lok ko jata hai, aisa samjhna chahie. yadi bhav 6, 7, 8 men koi grah nahin ho to ath tatra grahabhave randhraritrrayanshnathyoah. yo bali s nijan loke nayatyante dvi jottam !.. arthat shashth aur ashtam bhav ke dreshkanpti men jo balvan ho, pran ai maran ke bad us grah ke lok men jata hai, aisa samjhna chahie. mrityoprant gantavya lok men pran ai ki sthiti par prakash dalte hue maharshi parashar kahte hain tasyasvochchadi - sansthitya varamadhya'dhmaah kramat. tattalloke'pi sanjata vigyaeya dvij sattam.. arthat us grah (dreshkanpti) ki uchchadi sthiti se marnoprant lok men jatak ko uttam, madhyam ya adham sthan prapt hota hai. jaise, yadi vah dreshkanpti uchch ka ho to us grah ke lok men prani ko shreshth sthan, nich ka ho to nimn sthan aur uchch -nich ke madhya men ho to madhya star ka sthan prapt hota hai. aise hi vichar acharya varahmihir ne apne granth brihadjatak aur laghujatak men, daivagya shri venkat sharma ne apne granth sarvarth chintamni men, aur daivagya jaydev ne apne granth jatak chandrika men vyakt kie hain. daivagya shri vaidyanath ne apne granth jatak parijat men mrityoprant gati ke bare men mrityu samay ke lagnanusar is prakar bataya hai (a. 5.118) devamatryapitrinarkalay pranino gururinakshamasutau. kuryurindu bhrigujau budhark jau mrityukal bhavalagnaga yadi.. arthat yadi maran kal men lagn men guru ho to jatak devlok, surya ya mangal ho to mrityulok, chand ya shukra ho to pitrilok aur budh ya shani ho to narak lok ho jata hai. jab janmakundli men shubhgtiprad grah sthit ho aur maran kal men kundli men ashubh sthiti men ho to jatak madhyalok ko jata hai. janm aur maran kal kundli donon men grah sthiti ashubh ho to jatak adhogti (narak ya kit, pashu yoni) pata hai. acharya mantreshvar ne apne granth ‘faldipika’ (a. 14) men dvadash bhav (jivan ka ant) aur dvadshesh ko prathmikta dete hue bataya hai ki yadi dvadshesh uchch ka ho, apne mitra ke ghar men ho, shubh grah ke varg men ho, ya shubh grah ke sath ho to manushya mrityoprant svarg ko jata hai. viprit sthiti men narak pata hai. yadi dvadash bhav men shirshoday rashi (sinh, kanya, tula, vrishchik ya kunbh) ho to jatak svarg jata hai, aur yadi prishthoday rashi (mesh, vrish, kark, dhanu ya makr) ho to narak ko prapt hota hai. acharya mantreshvar batate hain ki jo grah dvadshesh ke sath ho ya dva adash bhav men ho, ya dvadash bhav ke navmansh men ho, isse bhi mrityoprant gati ka ka gyan hota hai. yadi yah grah surya ya chandra ho to kailash, shukra ho to svarg, mangal ho to prithvi lok, budh ho to vaikunth, shani ho to yam lok aur brihaspati ho to brahm lok ko jata hai. yadi rahu ho to kisi dusre desh, aur yadi ketu ho to narak ko jata hai. yahan dhyan dene ki bat hai ki acharya mantreshvar ne budh ko vaikunth ka karak bataya hai tatha rahu aur ketu ko bhi ganna men liya hai. sath hi unhonne navmesh aur panchmesh se bhi pi. chale aur agle janm ke desh, disha, jati, ityadi par prakash dala hai. jigyasu pathak is sandarbh men fal dipika granth ke adhyay 14 shlok 24-29 ka adhyayan kar sakte hain. kuch pramukh granthon se sanklit vibhinn grah yog is prakar hain moksh prapti yog yadi uchchasth (kark rashi ka) guru lagn se chathe, athven ya kendra men ho tatha shesh grah nirbal hon to jatak ko mukti milti hai. (vrihadjatk) yadi guru min lagn tatha shubh navansh ka ho aur anya grah nirbal hon to jatak moksh pata hai. (jatak chandrika) yadi guru dhanu lagn, mesh navansh (dhanu men 00 se 3020’ tak) men ho, shukra saptam bhav men ho aur chandra kanya rashi men ho to jatak ko moksh prapt hota hai. (jatak parijat) yadi guru kark lagn men uchchasth ho, dhanu navansh (kark men 16040’ se 200 tak) ka ho aur tin char grah kendra men hon to jatak moksh pata hai. (jatak parijat) jiske barhven sthan men shubh grah ho aur dvadshesh balvan hokar shubh grah se yukt ya drisht ho, use moksh prapt hota hai. (brihat parashar hora shastra) yadi dasham bhav men min rashi ho aur usmen mangal shubh grahon ke sath ho to bhi vyakti moksh pata hai. (sarvarth chintamni) devlok (svarga) prapti yog yadi shubh grah barhven bhav men shubh hokar sthit hon, achche varg men hon aur shubh grah se drisht hon, to jatak ko svarg milta hai. (jatak parijat) yadi ashtam bhav men keval shubh grah hon to marnoprant shubh gati prapt hoti hai. yadi brihaspati dashmesh hokar barhven sthan men ho aur shubh grah se drisht ho to devapad prapt hota hai. (sarvarth chintamni) lagn men uchch ka guru chandra ko purn drishti se dekhta ho aur ashtam sthan men koi grah n ho to jatak saikron dharmik karya karta hai aur sadgti pata hai. narak prapti yog barhven bhav ka svami pap shashthansh men ho aur use papi grah dekhte hon to prani narak men jata hai. (fal dipika) barhven bhav men yadi rahu, gulika aur ashtamesh ho to jatak narak pata hai. (jatak parijat) barhven bhav men mangal, surya, shani v rahu hon athva dvadshesh surya ke sath ho to mrityoprant narak milta hai. (brihat parashar hora shastra) yadi barhven bhav men rahu aur mandi hon aur ashtamesh tatha shashthesh se drisht hon to jatak narak pata hai. (sarvarth chintamni) yadi barhven bhav men shani, rahu ya ketu ashtamesh ke sath ho tab bhi narak ki prapti hoti hai. (jatak parijat) upar varnit grah yog prarabdh ke anurup manushya ke agle janm ki or ini gat karat e h.nai fir bhi vah isi janm men eknishth bhav se parmatma ki sharan men jakar apne purvarjit karma-fal (prarabdha) ko nasht kar janma-mrityu ke chakra se chutkara pa sakta hai. iska ashvasan bhagvan shri krishn ne gita ke 18ven adhyay ke 66ven shlok men diya hai
Kya aapko lekh pasand aaya? Subscribe

Kya aapko lekh pasand aaya? Subscribe


purva janm visheshank  September 2007

purva janm kya hin ? purva janm aur vartaman jivan ka sambandh, punarjanm kiska hota hai? pitri dosh kya hain? pitri dosh nivaran ke upay, jyotish dvara purva tatha agle janm ka gyan, punarjanm ki avdharna, nakshatron se rog vichar

Subscribe

Apne vichar vyakt karein

blog comments powered by Disqus
.