प्रियव्रत-चरित्र
Ank ke aur Lekh | Sambandhit Lekh | Views : 826 |  
gurh gyan janne ki abhilasha se maharaj parikshit ne shukdev ji se pucha-mune ! maharaj priyavrat to bare bhagavadbhakt aur atmaram the. unki grihasthashram men kaise ruchi hui aur punah kis prakar rajya shasn se moh bhang kar bhagavadbhajan kar atm kalyan prapt hua. kripya uttanpad ke bhai priyavrat ka charitra bhi shravan karake mujhe krit-kritya karen. shri shukdev ji ne kaha-rajan. jinka chitt shri hari ke charnon ki shital chaya ka ashray lekr shant ho gaya tha, fir bhi priyavrat ne brahmaji ke kahne par stri, ghar aur putradi men asakt rahakar siddhi prapt kar li. yah bhagvan shrikrishna ki avichal bhakti ka pravah hi tha. rajkumar priyavrat shri nardji ke charnon men sthit rahte hue shri vasudev bhagvan ke divya charitron ka rasasvadan karte-karte shri hari ke param madhur charn-kaml-makarand ke ras men sarabor ho, parmarth tattva gyan se yukt ho gae the. unka man-buddhi antahkaran chatushtya pravritti sabhi kuch shri krishnarpan ho chuka tha. ve brahmasutra ki diksha - nirantar brahmabhyas men jivan bitane ka niyam lene vale hi the ki usi samay unke pita svayambhuv manu ne unhen prithvi paln ke lie shastra men batae hue sabhi shreshth gunon se purnataya sanpann dekh rajya shasan ke lie agya di. kintu priyavrat akhand samadhi yog ke dvara apni sari indriyon aur kriyaon ko bhagvan vasudev ke charnon men hi samarpan kar chuke the. atah yah vicharakar ki rajyadhikar pakr mera atmasvarup stri-putradi asat prapanch se achchadit ho jayega; rajya aur kutunb ki chinta men fansakar main parmarth tattva ko prayah mans-patl se vismrit kar dunga, unhonne use svikar n kiya. yah shri narad ji ke charn-kamlon ki seva ka hi advitiya prabhav tha. svayambhuv manu brahmaji ke pas gae aur kaha ki maharaj, main to apka beta hokar apki agya se sansar ka karya kar raha hun. lekin mera beta priyavrat meri bat nahin manta. vah kahta hai ki main to bhagvan ka bhajn hi karunga. jab unhonne yogabal se priyavrat ki aisi pravritti dekhi, tab ve murtiman charon ved aur marichi adi parshadon ko sath lie apne lok se utre. jagh-jagah adr-samman pate ve sakshat nakshatranath chandrama ke saman gandhmadan ki ghati ko prakashit karte hue priyavrat ke pas ja pahunche. priyavrat ko atmavidya ka updesh karne ke lie vahan nardji pahle se hi upasthit the. shri shukdev baba kahte hain- rajan. rahmaji ke vahan pahunchne par unke vahan hans ko dekhakar devarshi nard jan gaye ki hamare pita bhagvan brahmaji padhare hain, atah ve priyavrat sahit turant khare ho gae aur sabhi ne unko hath jorakar pranam kiya. nardji ne unki anek prakar se puja ki aur sumdhur vachnon men unke gun aur avtar ki utkrishtata ka varnan kiya. tab brahmaji ne priyavrat ki or mand muskanyukt dayadrishti se dekhte hue is prakar kaha- beta! main tumse satya siddhant ki yathartha bat kahta hun, dhyan dekar suno. tumhen apramey, aptakam, purnakam shri hari ke prati kisi prakar ki doshdrishti nahin rakhni chahie. tumhin kya-ham, mahadev ji, tumhare pita svayambhuv manu aur tumhare guru ye maharshi narad bhi vivash hokar unhin ki agya ka palan karte hain. unke vidhan ko koi bhi dehdhari n to tap, vidya, yogabal tatha buddhibal se, n arth ya dharm ki shakti se aur na svayan ya kisi dusre ki sahayta se hi tal sakta hai. usi avyakt, avinashi ishvar ke die hue sharir ko sab jiv janm, maran, shok, moh, bhay aur sukh-dukh ka bhog karne tatha karm karne ke lie sada dharn karte hain. hamen unki ichcha ka usi prakar anusaran karna parta hai, jaise kisi andhe ko ankh vale purush ka. atah beta ! bina jite hue man aur indriya rupi shatru kabhi uska picha nahin chorte aur jo buddhiman purush indriyon ko jitakar apni atma men hi raman karta hai, uska grihasthashram bhi kya bigar sakta hai. jise in indriya rupi shatruon ko jitne ki ichcha ho, vah pahle ghar men rahkr hi unka atyant nirodh karte hue unhen vash men karne ka prayatn karen. tum yadyapi shrikmlnath bhagvan ke charanakamal ki kalirup kile ke ashrit rahakar in chah shatruon ko jit chuke ho, to bhi pahle un puran purush ke die hue bhogon ko bhogo; iske bad nisang hokar apne atmarup men sthit ho jana. shri shukdev ji kahte hain - rajan ! jab brahmaji ne is prakar kaha, to priyavrat ne chote hone ke karn namrata se sir jhuka liya aur jo ‘agya’ aisa kahakar bare adr purvak unka adesh shirodharya kiya. tab svayambhuv manu ne prasann hokr bhagvan brahmaji ki savidhi puja ki. manuji ne is prakar brahmaji ki kripa se apna manorath purn ho jane par devarshi nardji ki agya se priyavrat ko sanpurn bhumandal ki raksha ka bhar saunp diya aur svayan vishyrupi vishaile jal se bhare hue grihasthashram rupi dustar jalashay ki bhogechcha se nivritt ho gae. ab priyavrat bhagvan ki ichcha se rajyashasan karne lage. yah unke hriday ki vishalta ki hi ek utkrisht prastuti hai ki kis prakar bhagvan ke charan yugal ka nirantar dhyan karte rahne se ragadi sabhi malon se nivritt ho chuke maharaj priyavrat baron ka man rakhne hetu samrat ke pad par sushobhit ho gae. tadanantar unhonne prajapti vishvakarma ki putri barhishmati se vivah kar shilvan, guni, karmanishth, rupvan aur parakrami-agnidhra, idhmajihva, yagyabahu, mahavir, hiranyareta, ghritprishth, savan, medhatithi, vitihotra aur kavi nam ke das putra tatha unse choti urjasvati nam ki kanya ko janma diya. inmen kavi, mahavir aur savan ye tin naishthik brahmachari hokr bhagvan vasudev ke nirantar dhyan karte hue bhagvan vasudev ko hi prapt ho gae. maharaj priyavrat ki dusri bharya se uttam, tamas aur raivat nam vale tin putra utpann hue, jo apne nam vale manvantaron ke adhipti hue. gyarah arbud varshon tak prithvi ka shasan kiya. jis samay ve apni akhand purusharthamayi aur viryashalini bhujaon se dhanush ki dori khinchkr tankar karte the, us samay dar ke mare sabhi dharmadrohi aise chip jate the jaise surya bhagvan ke udit hone par taragnon ka samuh chip jata hai. ek bar inhonne jab yah dekha ki bhagvan bhuvan bhaskar sumeru ki parikrama karte hue lokalokaparyanta prithvi ke adhe bhag ko hi alokit karte hain aur adhe men andhkar chaya rahta hai, to inhonne yah sankalpa lekar ki main rat ko bhi din bana dunga,’’ surya ke saman hi vegvan ek jyotirmay rath par charhakar dvitiya surya ki bhanti unke piche-piche prithvi ki sat parikramaen kar dalin. bhagvan ki kripa se inka alaukik prabhav bahut hi barh gaya tha. parikrama ke samay rath ke pahiyon se bani sat liken hi sat samudra v prithvi ke sat dvip - janbu, plaksh, shalmali, kush, konch, shak aur pushkar dvip kramshah pahle-pahle ki apeksha age-age ke dvip ka pariman duna ban gaya. sat samudra kramshah khare jal, ikh ke ras, madira, ghi, dudh, matthe aur mithe jal se paripurn bane. in saton dvipon ke raja kramshah tin naushthik brahmachariyon ke bandhe sat bhai hue. inhonne apni kanya urjasvati ka vivah shukracharya ji se kiya, usi se shukra kanya devyani ka janma hua. is prakar atulniya bal parakram se yukt maharaj priyavrat ek bar, daivavash prapt hue prapanch men fans jane se ashant sa dekh, man hi man, virakt hokar, sanpurn prithvi ko putron ko bantakar vairagya dharan kar bhagvan ki lilaon ka chintan karte hue uske prabhav se shri nardji ke batlae hue marg ka punah anusrn karne lage. maharaj priyavrat ke jo karm the ve sarvashaktiman ishvar ke hi karm the. ve bhagavadbhakt nardadi ke premi bhakt the. unhonne patal lok ke, devlok ke, mrityulok ke tatha karm aur yog ki shakti se prapt hue aishvarya ko bhi narktulya samjha tha. isi karan kan-kan men vyapt sarveshvar bhagvan ki advi tiya kripa se unke nam lila dham par kar aishvarya katha ras men nimagna hote hue paramapad ka labh prapta kiya.
Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.