उडीसा का प्रसिद्द – विरजा देवी मंदिर

udisa ka prasidd – virja devi mandir  

Ank ke aur Lekh | Sambandhit Lekh | Views : 2724 |  
urisa ka prasiddha- virja devi mandir navin rahuja bharat varsh men har rajya men anek mandir hain aur har mandir ka itihas alg-alag hai. har ek mandir kisi n kisi khas vajah se vikhyat hai. urisa rajya men prasiddh virja devi mandir hai jo am logon men kafi lokapriya hai. virja devi mandir ki lokapriyata ka kya itihas hai, parhie is lekh men. urisa ke jajpur namak sthan par ek bhavya mandir hai jo 'virja devi' mandir ke nam se prasiddh hai. virja devi ko sthaniya log hi nahin varan dur-daraj ke log bhi jante aur mante hain. yajpur ko urisa ke sthaniya log 'jajpur' kahte hain. yah nabhi gaya kshetra aur utkal ka chakra kshetra mana jata hai. yahan shraddh, tarpan adi ka vishesh mahattva hain. yah ek chota-sa nagar hai, jo vaitrni nadi ke tat par basa hua hain. isi kshetra men brahmaji ne brihat yagya kiya tha. us yagya se hi virja devi prakat hui thi. brahmaji ke yagya ke karan is kshetra ka nam yagpur athva yapur para jo bad men jajpur ke nam se vikhyat hua. dakshin-purva relve ke havra- valteyar relmarg par havra se lagabhag 337 kimi. ki duri par jajpur - kyonjhar rod par sthit hai. yahin se ikattis kimi. ki duri par yajpur tirth hai, jahan se basen evan taiksiyan ati jati hain. yahan par yatriyon ke thahrne hetu dharmashalaen tatha loj adi bhi upalabdh hain. virja devi mandir bas staind se lagabhag do kimi. ki duri par harmukundpur basti men sthit hai. mukhay mandir men virja devi ki dvibhuji murti pratishthit hai. isi mandir men devi ke vahan sinh ki bhi murti hai. mandir ke bahar shiv, ganesh, hanuman, kali adi devi-devtaon ke bhi prithk-prithak mandir hain. is mandir ke ghere ke bhitar men chauvan shivling hain. kaha jata hai ki jisko putra n hote hon athva putra hokar mar jate hon, usko in 54 shivlingon ki aradhna karne se nishchay hi putra prapti hoti hain. virja devi mandir ke ek or nabhi gaya kshetra hai jahan pinddan kiya jata hai. mandir ke ghere ke bahar brahmakund namak ek vishal sarovar bhi hai. yahan se chauthai ki. mi. ki duri par ashtadash bhuji kali, trilochan mahadev, til bhandeshvar evan mangla devi ke prachin mandir hain. virja devi mandir se nagar ki or lagabhag chauthai kilomitar pahle vah sthan hai jahan par brahma ji ne yagya kiya tha aur jisse virja devi prakat hui thi. vahan se yagya sthan ke smriti chihn svarup ek vishal stanbh bana hua hai. ganesh mandir bas staind ke samip hi vaitrni nadi ke tat par hi hai. ismen ganesh ji ki bari bhavya murti sthapit hai. isi ke nikat saptamatrika mandir bhi hai, jismen saptadeviyon ki manvakar sat murtiyan hain. yahin ek mandir men shri lakshmi ji aur dusre men shri jagannath ji ke shri vigrah bhi hain. atah apko bhi virja devi ke darshan avashya karne chahiye tatha unki kripa prapti karni chahie.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.