सिंधु दर्शन : एक सांस्कृतिक यात्रा

sindhu darshan : ek sanskritik yatra  

Ank ke aur Lekh | Sambandhit Lekh | Views : 3758 |  
sindhu darshana: ek sanskritik yatra pan. ramchandra sharma vaidik barf men rahne vale unche paharon ke devta ! chandni rat men jab tum niche dekhte ho, to kya tumhen nahin lagta ki ek svarg ka najara idhar bhi hai’ laddakh kshetra ki yah kahavat apne ap men is kshetra ke asim saundarya ka varnan hai. yah ek rahasyamay bhaugolik kshetra hai. yahan ki bauddh sanskriti par tibbat ka gahra prabhav hai. is sanskriti ko jivit rakhne men mathon ki bhumika atyant mahatvapurn rahi hai. lekin sthaniya laddakhi nareshon ki bhumika bhi kam mahatvapurn nahin hai. aj leh bauddh sanskriti ka to kargil islami sufi santon ka sadhnasthal hai. laddakh ki sanskriti men indas arthat sindhu nadi ka bhartiya sanskriti evan janjivan ke lie bahut mahatva hai. laddakh ka leh kshetra sindhu ghati ke nam se hi jana jata hai. sindhu nadi bhartiya sanskriti ki atma hai. is mahan nadi ka ullekh rigved men bhi milta hai. angreji men ise indas kaha jata hai. kahte hain isi indas se bharat ke lie prayukt indiya shabd bana hai. sindhu ko irani log apabhransh ke rup men hindu bhi pukarte the. kahte hain isi nadi ke karan bharat ka ek nam hindustan bhi hai. himalay, tibbat, bharat tatha vartaman pakistan ko apne pravah kshetra se prabhavit karne vali yah mahan nadi lagabhag 2900 kimi lanbi hai. dakshin pashchim tibbat men 550 mitar unchai vale udgam sthan se nikalakar yah nadi laddakh kshetra se hi bharat men pravesh karti hai. jis bhaugolik kshetra se sindhu ka udgam hai vahin se bharat ki prasiddh nadi brahmaputra bhi niklti hai. yah nadi bharat ki prachin sindhu sabhyata ki adharshila hai. harappa, mohnjodro, ganverival, rakhi garhi tatha dholvira jaise prachin nagron ki jivan rekha yah nadi bhartiya sanskriti, adhyatmik jivan tatha sabhyata ka mahan dipak hai. sindhu bharat ki sanskritik paranpra men mahatvapurn sthan rakhti hai aur apni sahayak nadi ghar ke sath tibbat se laddakh men pravesh karti hai. sindhu darshan utsav ya mahaparva ka sthal laddakh ka pramukh shahar leh hai kyonki sindhu nadi leh manali rajmarg par karu namak sthan ke pas maidani kshetra men ati hai. isi tarah leh jammu rajmarg par nimmu ghati men yah nadi jansakar nadi se milti hai. is tarah karu se nimmu ghati tak ka kshetra sindhu darshan ke antargat ata hai. sindhu darshan parva manane ka shubharanbh bharat ke tatkalin pradhanmantri shri atal bihari vajpeyi ne kiya. iske bad sindhu darshan ko laddakhi tyoharon men shamil kar liya gaya. tin divsiya yah tyohar jahan ek or sindhu ke adhyatmik mahatva se hamara parichay karvata hai vahin laddakhi janjivan se rubru hone ka bhi mauka deta hai. tin divsiya is karyakram men sabse pahle sindhu ka chugalamasar namak sthan par vaidik vidhan se pujan hota hai. fir sammilit hone vale paryatak evan yatri sindhu nadi ke kinare-kinare karu se nimmu ghati tak paidal yatra karte hain v as-pas ke sthanon ka anand lete hain. is yatra men sfathuk, matho, thikse, she, fiyang, hemis ityadi prasiddh bauddh math atyant darshaniya hain. sindhu ke kinare ki nimmu ghati men prasiddh gurudvara patthar sahab hai. kahte hain yahan svayan gurunanak dev ji padhare the. ab sindhu darshan ka yah tyohar 1 se 3 jun ke madhya manaya jata hai. ismen laddakhi logon ke sath bharat ke kone-kone se ae log shamil hote hain. sindhu darshan ke lie jane vale yatri dilli, chandigarh, jammu evan shrinagar se viman dvara leh pahunch sakte hain. rashtriya rajmarg 1 jammu se leh tak jata hai. jun se yah marg bhi yatayat ke lie khula rahta hai. isi tarah manali se leh tak ka sarak marg bhi upyog men laya ja sakta hai. jun men yahan ka tapman 5 digri se 20 digri tak rahta hai. sardi se bachav ke lie paryapt kapre hona avashyak hai. raktachap, hriday rog tatha dama se grast log yahan n jaen to uttam hai. bauddh mathon men bauddh dharm ke niyamon ka palan karen. dhumrapan v madyapan yahan mathon men sakht mana hai. mathon evan mahlon ke chitra lete chahkri44 kyon karni chahie tirthayatra ? nav jivan men yatra ka mavishesh mahatva hai. ek sthan se dusre sthan par yadi manushya vicharan n kare aur ek-dusre se n mile to uska jivan bahut hi bojhil evan niras ho jaega. tirthayatra ka dharmik mahatva anek ved puranon men varnit hai. tirth ka arth hai pavitra sthan. ti. rth sthalon men anek mahatmaon aur santon ne tapasya ki aur vahan nivas kiya. vahan ki nadiyon men snan karke unhen pavan kiya. unke tap-bal evan sanymit dinacharya se vahan ka vatavaran evan bhumi aur bhi adhik pavan ho gai. tirth yatra ka dharmik evan adhyatmik mahatva hai lekin yah bhi dhyan dene ki bat hai ki hamare adhisankhya tirth sthal parvatiya kshetron athva prakritik sanpda se sanpann kshetron men avasthit hain. yahan jana prakriti ke rahasyon ko niktta se janna hai. bhumi se ek hi sthal se barfila aur khaulta pani niklna, svabhavik rup se nirantar jalti jvala, gangajal men kire nahin parna adi kai chijen kisi ashcharya se kam nahin. aise sthalon ki yatra keval adhyatmik drishti se hi nahin kai anya drishtiyon se bhi mahatvapurn hai. tirthayatra ke prati prayah janmanas ki yah dharna hai ki tirthon men jakar ganga snan kar jivan bhar ke jane-anjane kie gae samast pap kat jate hain aur mrityoprant svarg ki prapti hoti hai. yahi karan hai ki prachin kal men log grihasthashram ki sari jimmedariyan puri kar vriddh avastha men tirthayatra par nikal parte the. tab yatra ka abhipray sahi sandarbhon men paidal yatra se hota tha. kai din ki kathor yatra aur kai paravon par rukte hue tirthayatri pure samuh men yatra par nikal parte the. tab yah bhi garanti nahin hoti thi ki yatri surakshit ghar lautakar a bhi paenge ya nahin. islie parivar ke sabhi sadasya tirthayatri ko bare udas hokar vida karte the. yah ek prakar se antim vidai si hoti thi. aj ke pragtishil yug men samriddh yatayat sansadhnon ne tirthayatra ke mayne hi badal die hain aur sath hi tirth yatra ko shesh karya man burhape ke lie chorne ki pravriÿia bhi badal rahi hai. pravriÿia men badlav jaruri bhi hai. vriddhavastha men kisi ka sahara lekar in sthalon men jane aur yuvavastha ya sakriya avastha men jane men bahut antar hai. yurop adi deshon men navyuvkon ki shiksha tab tak apurn rahti hai jab tak ve pure yurop adi men bhraman kar dusron ki sabhyata sanskriti ke bare men jan n jaen. yatra nae-nae sthalon ko janne vahan ki kala-sanskriti ko samjhne ka ek madhyam hai. jin sthalon ke vishay m ne pathay pasu taka ne m ne padha ya jata h ai ya jinke drishya kalendar evan telivijan men dikhae jate hain, vahan vyaktigat rup se pahunch kar dekhne samjhne ka apna anand hai. aj ke tanav bhare vatavaran men log svasthya ke prati behad sajag ho rahe hain, isi bahane ve tirth yatra ka labh bhi utha lete hain kyonki sair-sapate ki adhikatar jaghen prakriti ke unmukt prangan men basi hain aur inmen se 95 pratishat sthanon men prayah kisi n kisi devi-devta ka mandir hai. hamare devta bhi svasthya ke prati sachte rah e hagane e tabhi ta e krishn ka e kajanu galiyan pasand ain, ram van-van men jahan gae vahin pujya tirth ban gae, bholeshankar ne to kailash parvat par hi apna basera kar liya, vishnu kshirsagar nivasi hue. jitne bhi mandir hain unmen se adhikatar parvatiya pahariyon, ghatiyon, samudra ya nadi tat par dikhai dete hain. aj barhte motape se pareshan log yadi parvatiya kshetron men jakar paidal yatra karen to unhen n to jim jane ki jarurat paregi aur n hi kisi chikitsak ke pas. aj ke mashini yug men manav bhi yantravat hota ja raha hai. shahron men din aur rat ka antar hi nahin rahta, rat ko jagna din men sona prakriti ke viruddh unki dinacharya hai. rojamarra ki astavyastata se pareshan log varsh men kam se kam ek bar lanbi yatra ka karyakram bana kar aise sthalon men jate hain aur nai urja lekar lautte hain. hamare desh men log prayah dharm ke nam par kuch bhi karne ko taiyar ho jate hain. unki is dharm bhiruta ko dekhakar hi kadachit tirth yatra par dharm ka avaran charhaya gaya hoga anyatha koi bhi vyakti ghumne-firne ke nam se ghar se bahar n nikle. yatra gyanarjan evan vyaktitva ke vikas ke lie bhi jaruri hai. pavan sthalon men jakar satvik vichar evan sadacharan ki bhavna man men ana bhi tirth yatra ka ek apratyaksh hetu hai. skandpuran men satya, kshama, indriya sanyam, daya, priya vachan, gyan aur tap sat tirth batae gae hain. jis prakar vyakti niyamit rup se snan kar apni deh ke mail ko saf karta hai usi prakar yadi in saton baton ko apne acharan men dhal le to uska antahkaran bhi shuddh ho jaega. uske bad vah jo bhi karya karega vah apne ap men ek punya karya hoga aur vah jahan bhi jaega vah bhumi pavan hogi.
Kya aapko lekh pasand aaya? Subscribe

Kya aapko lekh pasand aaya? Subscribe


char dham visheshank  April 2007

char dham visheshank ke ek ank men sanpurn bharat darshan kiya ja sakta hai.? kyon prasidd hain chardham? chardham ki yatra kyon karni chahie? shaktipithon ki shakti ka rahasya, shiv dham evan dvadash jyotirling, ram, krishn, tirupti, balaji, jvalaji, vaishnon devi adi sthalon ki mahima

Subscribe

Apne vichar vyakt karein

blog comments powered by Disqus
.