श्रीराम से जुड़े पावन स्थल

shriram se jure pavan sthal  

Ank ke aur Lekh | Sambandhit Lekh | Views : 4557 |  
shri ram se jure pavan sthal prashna: shri ram ke kai dham hain jaise chitrakut, ayodhya, saket adi. shri ram manav avtar lekar anek sthanon par gae. unse jure kaun-kaun se sthal hain aur ve kyon prasiddh hain? shri ram manav avtar lekar anek sthanon par gae. ram ji ka jahan janm hua, us ayodhya nagri ka varnan balmiki ramayan men parhte samay lagta hai, ki bharat ka koi bhi adhunik nagar uski barabri nahin kar sakta. yah nagar kaushal nam ke janapad men saryu nadi ke kinare ikshvaku vanshiya maharaj manu ne banvaya aur basaya tha. yah vishal nagri barah yojan lambi aur tin yojan chairi thi. maharaj dasharath ne ise aur bhi adhik sundar dhang se sajaya tha. nagar ki suraksha ke lie charon or gahri khai thi tatha puri sab or se bare-bare fatkon aur kivaron se surakshit thi. rajmarg par nitya ful bikhrae jate the v sabhi sarkon ke irda-gird fulon ki kyariyan aur bare-bare per sushobhit the. sabhi prakar ke astra-shastra, ghore, pashu v upyogi samagri ka purn prabandh tha. mahlon par sone ka pani charhaya gaya tha. us nagri men charon or udyan tatha amon ke bagiche the. bhu-mandal ki vah sarvoÿam nagri dundubhi, mridang, vina, panav adi vadyon ki madhur dhvani se sarvada gunjti rahti thi. agnihotri, sham-dam adi uÿam gunon se sanpann tatha vedon ke parangat vidvan shreshth brahman puri ko sada ghere rahte the. aise maharshi kalp mahatmaon tatha rishiyon se ayodhyapuri sushobhit thi tatha raja dasharath uski raksha karte the. aj bhi vahan jane par nagar ki lanbai, chairai men faile anek prasiddh mandir, upavan tatha saryu nadi ka manoram ghat v chaira adi man moh lete hain. vishesh rup se maharani kaikeyi dvara banvaya gaya kanchan mahal, jise unhonne ram v sita ko vivah ke uprant bhent men diya tha, itna samay bit jane par bhi usi sthan par bana vidyaman hai, jiski suraksha v jirnoddhar ka shrey rajasthan ke bhakt raj parivar ko jata hai. kanchan mahal ke atirikt valmiki bhavan, ram ki pauri, nageshvar nath, mani parvat, rang mahal, vibhishan kund, guru vashishth kund, rajadvar, tulsi chaira, gulab bari, tulsi udyan, birla mandir, tulsi smarak, hanuman garhi, manas bhavan, ved mandir tatha vah sthan ramlla jahan aj virajman hain adi pramukh darshaniya sthal hain. aj bhi ayodhya sthit mandiron men tamra-patra par likhit sanpurn bhagavat gita upalabdh hai. gita ke shlok vahan ke stanbhon par khude dikhai dete hain. tulsi manas mandir ke bhavya kivar chandan ke bane hain jin par sanpurn ramchrit manas ankit hai. iske atirikt manas ki chaipaiyan mandir anya bhagon par bhi ankit hain. jagh-jagah vibhinn ashramon men pratidin saikron sannyasi bhakton ke lie bhoj ki vyavastha ki jati hai. anek dharmashalaon v ashramon men yatriyon ke thahrne v bhojan adi ki suvidhaen hain. prayag men ganga-yamuna ke sangam ke samip shri bharadvaj ashram hai. valmiki ramayan ke anusar apne vanvas jane ke kram men keval shri ram, sita v lakshman pahunche the. aur yah unka pahla parav tha isse purva samast nagar vasi tatha mahamantri sumant unke sath the jinhen unhonne vapas ayodhya bhejakar apni vanvas yatra aranbh ki thi. shri ram ne is ashram men pahunchakar apna tatha bhai lakshman v sita ka parichay dete hue, muni ko pranam kiya aur apne vahan ane ka karan bhi bataya. ganga aur yamuna in donon mahandiyon ke sangam ke pas ka yah sthan bara hi pavitra aur ekant hai. yahan ki prakritik chata bhi manoram hai. yahan se 30 kos ki duri par mahshiryon dvara sundar param pavitra sthal chitrakut hai. muni bharadvaj ki salah par bharadvaj ashram se tinon yahin pahanuche the. chitrakut men ram ghat, sfatik shila, janki kund, ram shayya, sita rasoi, bharat kup, gupt godavri, hanuman dhara anekanek pavan sthal hain. tulsidas ne ramchritmanas ki rachna yahan sthit ramghat par ki thi. ilahabad men pan. javahrlal nehru ke pita pan. motilal dvara banvae gae anand bhavan ke nikat ek sankre raste se chalakar pahuncha ja sakta hai. vishvavidyalay puratatva vibhag dvara ashram ke prachin avshesh khoj lie gae hain. isi sthan par birla parivar dvara ek bhavan ka nirman karaya gaya hai, jahan ramayan ke nitya path ki vyavastha hai. yah sthan is samay atyant ghani abadi se ghira hua hai jismen anek prachin mane bhavya murti tatha ati prachin chitra kalakritiyan adi dekhne ko milte hain. bharat milap ke samay us sthal par raja janak tatha unki patni bhi pahunchte hain. is shokamay vela men ram ki mata kaushalya bhartji ko lekar chintit hain ki vah. ram, lakshman aur sitaji ke bina kis prakar chaidah varsh ki avdhi ayodhya men bitaenge. raja janak ji apne rajya men bahudha bari-bari dharm sabhaen v shastrarth karaya karte the jinmen us samay ke vedon ke gyata aur vidvan bhag liya karte the. vrihdaranyak upnishad men aisi dharm shastrarth sabha ka savistar varnan ata hai. ramchrit manas men balkand men kaha hai: magh makaragat ravi jab hoi. tirath patihin ab sab koi.. dev danuj kinnnar nar shreni. sadar majjahin sakal tribeni.. paju hi n madhav pad jal jata. parsi akhay vatu harshhin gata.. bharadvaj ashram ati pavan. param ramya munibar man bhavan.. tahan hoi muni rishay samaja. jahin je majjan tirath raja.. prati sanbat ati hoi ananda. makar majji gavnhin munibrinda.. aisa pratit hota hai, ki prayag men bharadvaj ashram par us samay prati varsh sadhu samaj ekatrit hokar anek vishyon ki charcha v satsang kiya karte the. ajakal yah pratha kunbh tatha ardhakunbh ke avasar par lagabhag chah varsh bad hoti hai. ek bar bhari makar nahae. sab munis ashramanh sidhae.. jagblik muni param bibeki. bharadvaj rakhe pad teki.. ek bar pure makarabhar snan karke sab munishvar apne-apne ashramon ko laut gae. param gyani yagyavalkya muni ko charan pakarakar bharadvaj ji ne rakh liya. muni ne unse prashn kiya. ram nam kar amit prabhava. sant puran upnishad gava.. ek ram avdhes kumara. tinh kar charit vidit sansara.. prabhu soi ram ki apar kou jahi japat tripurari. satyadham sarvagya tumh, kahtu bibeku vichari.. aise param pavitra tirth sthal par jane ki sabhi ki abhilasha hogi. aie, ab chitrakut par drishti dalen. chitrakut ki or. yah sthan prayag se lagabhag 80 kilomitar ki duri par sthit hai. valmiki ramayan ke anusar - dash krosh itastat giriryasmin nivatsyasi. maharshi sevitah punyah parvatah shubhadarshanah.. bhagvan ram ke puchne par bharadvaj ji ne uÿar diya- ‘‘tat! yahan se das kos (anya vyakhya ke anusar 30 kos) ki duri par ek sundar aur maharshiyon dvara sevit param pavitra parvat hai, jis par tumhen nivas karna hoga. yahi chitrakut parvat hai. yah bharat men madhya pradesh men sthit ek ati manoram tirth sthan hai. ati prachin kal men chitrakut men maharshi atri evan unki param pativrata sadhvi patni anusuya ne putra kamna se ghor tap kiya tha. brahma, vishnu aur shiv ne unhen darshan die aur var mangne ko kaha. unhonne var manga ki mere garbh se tumhare sadrish putra janm len. tridev ko tathastu kahna para. tinon ne bhagvti anusuya ke garbh se janm liya. brahma ke ansh se chandrama, vishnu ke ansh se daÿaatrey tatha shiv ke ansh se durvasa janme. atah bharadvaj rishi ne ram ko is tapobhumi par jakar nivas karne ke lie kaha. ek rat bharadvaj ashram men thahrne ke pashchat agle din pratah kal shri ram ne bharadvaj muni se apne gantavya par jane ki agya mangi. muni ne vahan ka marg bataya tatha unka svasti vachan kar vahan se vida kiya. valmiki ramayan ke sath-sath tulsidas ji ne bhi is parvat ki suramyata v pavitrata ka varnan kiya hai. yah tirth sthan ramji ke janm se purva bhi rishiyon dvara sevit raha hai, aur aj bhi vahan jane par parvat ki sundrta, van ki vishalta jal ki shitlta anayas hi man ko mohit kar deti hai. shri tulsidas ji ki vinay patrika ke anusar chitrakut sab prakar ke shokon se chutkara dene vala hai. yah kaliyug ka kalyankari hara vriksh hai. pavitra bhumi is vriksh ke lie atyant upyukt hai. yahan ka van hi iski bahut bari bar hai. yah sada ek ras, akhand tatha avidyajnit tinon gunon evan kal aur karm ke bandhan se rahit hai. jo nirantar iske ashray men rahta hai, vah hamesha sukhi rahta hai. kripalu sita, ram aur lakshman jiske rakshak hon uska aisa prabhav kyon n ho? tulsidas ji ne is pavitra sthan ka anek prakar se varnan kiya hai. atah nishchit hi tulsidas ji ke samay men (aj se lagabhag 500 varsh purva) iski bahut mahatvapurn bhumika rahi hogi. vinay patrika ke 24ven pad men iska varnan atyant sundar hai. ab chit, chet chitrakuthi chal. kopit kali, lopit mangl-mangu, bilasat barhat mahe mayamlu. bhumi viloku ram-pad ankit, ban viloku raghubar bihar thal.. is prakar chah vishesh padon men tulsidas ji ne is param pavitra sthal ka varnan kiya hai jiska bhavarth yahan prastut hai. he chit! ab chet ja aur chitrakut ko chal. kaliyug ne krodh kar dharm kalyan ke margon ka lop kar diya hai, nitya agyan, avidha aur pap barhte ja rahe hain. shriram ke charnon se ankit bhumi ka tatha unki vihar sthali ke van ka darshan kar. kapat, pakhand aur danbh ki sena ka nash karne vale parvat ke shikhron ka darshan karke nishchay hi tu sansar chakra se chutkara pa jaega. yahan kalakal bahti payasvini nadi ke pavitra jal men snan aur uska pan karne se shriram manushya ki kamna puri karte hain. yahan jo kamdnath parvat hai, vahi mano svarg ki chintamni aur kalpavriksh hai. vah yugon-yugon se prithvi par vidyaman hai. gosai tulsidas ji ne ramchritmanas men bhi chitrakut ka bara sundar chitran kiya hai: sail suhavan kanan charu. kari kehri-mrig-bihg-biharu.. sursri-dhar nam mandakini. jo sab patak potak dakini.. nadi pranach sar sam dam dana. sakal kalush kali sauj nana.. chitrakut janu achal aheri. chuk n ghat mar muthbheri.. rishi bharadvaj ram ji ko chitrakut ke vishay men batate hue kahte hain: ap chitrakut parvat par nivas kijie, vahan ap ke lie sab prakar ki suvidha hai. suhavna parvat aur sundar van hai. vahan hathiyon, sinhon, hirnon aur pakshiyon ka vihar sthal hai. vahan pavitra nadi hai, jiski puranon ne prashansa ki hai. yah nadi ko atri rishi ki patni anusuya ke tapobal ke falasvarup prithvi par utri thi. vah ganga ji ki dhara hai, iska nam mandakini hai. yah sab papnashini hai. payasvini nadi ke uÿar ke unche kinare ke charon or ek nala hai jo dhanush jaisa dikhai deta hai. sham, dam, dan hi ban hain. chitrakut mano achal shikari hai jo in banon ki sahayta se kaliyug ke papon ka nash karta hai. aise chitrakut jaise pavitra sthan ki mahima ka varnan karna athva use bhali bhanti samjhna kisi bhi kaliyugi jiv ke lie kathin hi nahin, asanbhav hai. aj bhi vahan atri anusuya ashram par ek mandir dikhai deta hai, jo payasvini nadi ke ek kinare par bare bhavya dhang se bana hua hai. charon or ghane jangal v parvat se ghira hone ke karan vahan keval bhakt sannyasi hi nivas karte hain. ashram se kafi upar pahar par ek gufa ka pravesh dvara dikhai deta hai. sanbhav hai rishi svayan us gufa men adikal men nivas karte rahe honge. bahri hinsak jantuon v anya rakshason adi se is sthan ki suraksha hoti rahi hogi. yahan pahunchne ke lie prachin kal men kisi rassi ke jhule adi ki vyavastha rahi hogi. yahan ram, sita v lakshman jis gufa ka prayog karte the, us tak pahunchne ke lie sirhiyan banai gai hain. ram samanya avasar par v anukul mausam men parna-kuti men hi nivas karte the. ramchrit manas men chitrakut par ram ke dvara prayog ki gai gufa ka koi varnan nahin milta, parantu valmiki ramayan men is parvat ke nirman ka varnan bahut sundar dhang se kiya gaya hai. guhasmirno gandhan nana pushpabhavan bahun. ghranatarpanamamyetya kan naran n praharsh yet.. gufaon se nana prakar ke pushpon ki prachur gandh lekar jab vayu bahar ati he, to sara vatavaran sugandhit ho uthta hai. aisa jan parta hai ki yah chitrakut parvat prithvi ko farakar upar uth aya hai. chitrakut ka yah shikhar sab or se sundar dikhai deta hai. gufa ke ek chote se pravesh dvar se andar jane par ek vistrit kshetra dikhai deta hai. samanyatah 100 se 200 vyakti tak ek sath gufa men ghum-ghum kar anek sthanon ko dekhte hain. is prakritik gufa men chat par ek sthan par bahut bhari tatha bara patthar prakritik rup se chipka hua hai. kinvdanti ke anusar bhole-bhale log ise kisi rakshas ka sharir batate hain, jisne sita ji par buri drishti dali. is par ram ne use yun patthar banakar gufa ki chat par latka diya. ek nadi ki prabal dhara bhi gufa ke andar ati hai. ise gupt godavri kaha jata hai. ab is gufa men bijli ki paryapt vyavastha kar di gai hai, jis karan yatri bhali prakar is pure sthan ka darshan kar sakte hain. is gufa ke vishay men valmiki ramayan ke ayodhyakand men bhi ek ullekh milta hai jiske anusar chitrakut men ek din jab vanya pashu idhr-udhar bhagne lage aur dhul urne lagi tab kisi bahut bari chaturangini sena ke agaman ki ashanka se ram ne lakshman ko unche shal vriksh par charhakar dekhne ke lie kaha. uÿar ki or dekhne par lakshman ko ek vishal sena dikhai di. ghoron aur rathon se susajjit sena ki suchna unhonne ram ji ko di aur kaha. arya! ab ap ag bujha den (anyatha dhuan dekhakar yah sena yahin chali aegi). devi sita gufa men ja baithen. ap apne dhanush par pratyancha charha len aur ban tatha kavach dharan kar len. vah chaturangini sena bharat ki thi. sabhi mataon ko tatha sena ko vahin chorakar vah svayan age badhe aur ram se bhanetakar unhen vapas ayodhya ka rajya grahan karne ke lie bahut anunay vinay karne lage. lekin ram raji nahin hue aur pratik svarup apni kharaun bharat ko de di hai. bharat svayan us kharaun ko sinhasan par rakhakar ayodhya ke rajya karya sanchalan karne lage. lekin svayan nandigram men vas karte hue ek tapasvi ka hi jivan vyatit karne lage. ilahabad se ayodhya jate hue yah sthan raste men parta hai. yahan par ek bahut bara kund hai jise bharat kund kahte hain. is sthan ke charon or kheti karne vale log base hue hain. is sthan par sadhu mahatma tapasya men lin rahte hain. kund ka pani bahut mitha v svadisht hai. samip hi ek bare bord par us sthan ka ullekh kiya gaya hai, jahan himalay se sanjivni buti la rahe hanuman ko bharat ne ek van chala kar prithvi par gira diya tha. fir sari ghatna batane par unhen punah apne ban par baithakar lanka bhejne ka vichar vyakt kiya. kintu hanuman ne vinypurvak ise asvikar kar diya aur svayan pratahkal hone se pahle lanka pahunch gae. bharat tatha sena v anya sabke vapas chale jane par ram chitrakut se panchvti chale gae, tatha vahan par parnakuti banakar rahne lage. vahin par unka khar-dushan se yuddh tatha shurpanakha ki nak katne jaisi ghatnaen huin . isi parnakuti se ravan sita ko churakar lanka le gaya tha, jahan unhen ashok vatika men kaid rakha tha. sita ko vapas lane ke lie ram ne vanron ki sena ke sath lanka par charhai karne ke lie yahin se prasthan kiya tha. bharat ke antim chor par shri rameshvaram men unhonne bhagvan shankar ki puja ki. aj bhi rameshvaram bharat ka prasiddh tirth sthal hai. ravan ka vadh kar sita, lakshman v vanron ke sath vapas ayodhya akar ramrajya ki sthapna ki jiski aj bhi prashansa ki jati hai. ram ke smaran ke sath sath un sabhi sthanon ka darshan karna bhi man men pavitra bhavnaon ka sanchar karta hai jahan sita aur lakshman ke sath ram gae. sansar ke sabhi dharmon men pavitra sthalon ki yatra ka atyant mahatva hai. hamare lie ye sabhi pavan sthal darshaniya evan prernadayak hain. ye hamen svayan ko apne atit se jorne ki ek mahatvapurn kari hain. hamare itihas, puratatva aur un sthalon jo kisi kal v vyakti vishesh se jure hote hain, aur atulniya kirti v yash ki hamen yad dilate hain. bhagvan ram se sanbandhit kai tirth sthal hain aisa mana jata hai ki in tirth sthalon men unhonne thore-thore samay ke lie nivas kiya skandpuran ke vaishnav khand ke antargat ayodhya mahatmya men shri ram dvara tirth sthapan ki bat milti hai. brahmakhand ke setu mahatmya tatha dharmaranya mahatmya men bhi sarvatra ram dvara sthapit tirthon ki charcha hai.
Kya aapko lekh pasand aaya? Subscribe

Kya aapko lekh pasand aaya? Subscribe


char dham visheshank  April 2007

char dham visheshank ke ek ank men sanpurn bharat darshan kiya ja sakta hai.? kyon prasidd hain chardham? chardham ki yatra kyon karni chahie? shaktipithon ki shakti ka rahasya, shiv dham evan dvadash jyotirling, ram, krishn, tirupti, balaji, jvalaji, vaishnon devi adi sthalon ki mahima

Subscribe

Apne vichar vyakt karein

blog comments powered by Disqus
.