दक्षिणेश्वर मां काली का दिव्य धाम

dakshineshvar man kali ka divya dham  

Ank ke aur Lekh | Sambandhit Lekh | Views : 3929 |  
dakshineshvar man kali ka divya dham kali ka divya kahte hain is kaliyug men bhakt aur bhagvan ka jahan pratyaksh lila darshan hua vahin aj ka dakshineshvar hai jiski ganna n sirf bangal varan pure bharat ke mahanatam devi tirthon men ki jati hai. hugli nadi ke purvi tat par shobhayman vishva prasiddh kali mandir, dvadash shiv mandir, sadhna kaksh v anyanya devi-devtaon ka mandir samuh hi dakshineshvar ke nam se jana jata hai jahan sadhak pravar ramkrishn mata kali ke sakshat darshanoprant sadhna v yog ke bal par bhartiya mahanatmaon men parmhans hue. devi pujan, bhakt ki nishkam bhakti, astha aur samarpan ka pratik yah sthal aj kolkata ke vishisht tirth ke rup men vibhushit hai. kolkata ane vale har sailani ki ichcha yahan akar man kali ke darshan karne ki avashya hoti hai. sal ke sabhi din yahan bhakton ka ana-jana chalta rahta hai. mandir sthapna katha: rani rasmni dvara varsh 1847 se 1855 ike bich nirmit is vishalkay mandir ki nirman katha kuch is prakar hai. rani rasmni, jo kolkata ke dakshin bhag men avasthit jaen bajar men nivas karti thin, ne apne pati raja rajchandra das ki mrityu ke bad charon putriyon ke vivahoprant tirth par jane ka nishchay kiya. atah ek din vah kashi jane ki taiyari karne lagin. yatra kharch ke lie unhonne dhan ka bara bhag nikalakar alag rakh liya, par jane ke ek din purva ratri men svapn men unhen man kali ka darshan hua. man ne svapn men kaha- ‘‘kashi ki yatra par mat jao, balki pahle bhagirthi ke kinare mera ek mandir banvao. mandir sanudar banna chahie. mandir banvane ke bad usmen nitya meri puja ki vyavastha ho taki main vahan tumhari puja nitya grahan kar sakun.’’ svapn men mile is adesh ko rani ne ganbhirta se liya aur bhagirthi ke kinare dakshineshvar ganv ki takriban pachas bigha jamin kharid li. sat varshon ke anavarat nirman ke bad 31 mai san 1855 ko yahan devi ki pran pratishtha bhavya samaroh ke sath ki gai. brahman virodh aur pujari ki niyukti: bhakti bhav men jat-pant kya? par bhartiya samaj men jati sanskar ka jor to puratan kal se hi milta hai. rani dhivar jati ki thin, is karan yahan koi achcha brahman nahin ata. us samay ek samajik vidhan tha ki koi brahman shudra ke mandir ko pranam bhi nahin karega, puja ki bat dur hai. rani ne aise men svayan hi puja karne ki bat sochi par punah vichar aya ki ‘dev pujan men shastra ke viruddh acharan katai uchit nahin.’ aise men rani ki bhent kolkata se takriban ek sau kilomitar dur sthit ganv kamarpukur ke kshudiram chattopadhyay ke vidvan jyeshth putra ramkumar se hui jo us samay kolkata men hi rahte the. ramkumar ji ne mandir ke pujari niyukt hote hi yahan ki sari vyavastha apne hathon men le li aur rani ki sari chinta dur ho gai. gadadhar ka padarpana: ramkumar ke pujari banne ki bat unke anuj gadadhar (shri ramkrishn ka mul nam) ko thik nahin lagi. unhonne socha hamare pita ji ne kabhi shudron ka dan tak nahin liya jabki mera bara bhai to shudron ki gulami karne laga hai. yah sochakar gadadhar ne bare bhai ko naukri chorne ki salah di par fir parchi nikalakar nirnay lie jane ke kram men sahi paksh ramkumar ki taraf ho jane ke karan gadadhar bad men is vishay par kuch nahin bole. yahan tak ki gadadhar vahan ka prasad tak nahin lete. ramkumar ne kaha- ‘bhai tu ek kam kar, jakar khadya samagri le a aur ganga ji ke balu par paka. isse sari vastuen pavitra ho jati hain.’ tabhi se gadadhar vahan apne dvara pakaya khana khane lage aur dakshin oshvar unka sthayi nivas ban gaya. yahan kali ke mandir men gadadhar jab bhi bhajan kirtan karte, sara parivesh dharmamay ho jata tha. unke isi bhaktibhav ne aisa sandesh v suyog utpann kiya ki ve varsh 1856 se kali man ke sthayi sevak ho gae. idhar bhai ko naukri dekar ramkumar bhi nishchint ho gae. gadadhar ke hriday men yah badlav rani ke tisre damad madhurnath ke karan hi aya. gadadhar ke agaman ke bad hi yahan ki arti, puja aur shringar ki bhavyata aur usmen shraddhatatva ke samavesh ki charcha chahun or fail gai. vartaman sandarbha: lagabhag 20 ekar bhukhand par sthit dakshineshvar mandir ke parisar men pahunchte hi apurva shanti, shakti v shraddha rupi tritatva ka spasht abhas hota hai, jiske ek taraf patit pavni ganga ka darshan manbhavan aur sukhakar pratit hota hai. purva men ise bhavtarini mandir kaha jata tha. bad men avibhajit bangal ke dakshin shonitpur ganv ke dakshin chor par shiv ke in barah mandiron ke sthit hone ke karan is tirth ko dakshin oshvar kaha jane laga. darshaniya sthala: dakshineshvar ka pradhan darshaniya sthal hai man kali ka mandir. prangan men pravesh hote hi mukhyadva ar ke upar likha vakya ‘‘janni janmabhumishch svargadpi gariyasi’’ yahan ae har bhakt ko prerna pradan karta hai. ath bhaga ne m ne vibhakt pradhan mani dar ke chatra par nau shikhar hain jinmen mukhya shikhar ki unchai karib 100 fut hai. niche 20 fut vargakar garbhagrih hai jiski mukhya padpithika par sundar sahasradal kamal par bhagvan shiv ki sangamaramar ki leti pratima virajman hai. inke vakshahsthal par ek panv rakhe, narmundon ka har pahne, lal jihva bahar nikale aur mastak par bhrikutiyon ke bich gyan netra lie man kali ka chaturmukhi vigrah preran aadayi hai. man ki yah mudra dushton ke lie bhale hi bhayankar ho, par bhakton ke lie yah abhymudra, varmudra vali karunamyi bhavtarini man hain. kali mandir ke uÿar men radhakant mandir (vishnu mandir) aur dakshin men nat mandir hai. mandir ki chat men mala japte bhairav vidyaman hain. is mandir ke piche bhandargrih aur pakshala hai jahan bhakton ke lie nitya mahabhog ki vyavastha hoti hai. dakshineshvar men man ke mandir ke thik samne bang shaili men nirmit ek hi akar prakar ke shiv ke barah mandir shobhayman hain. mandir ke prangan ke bahar panchvti namak aitihasik vriksh sangam sthali hai jahan ashok, anvle, pipal, vat aur bel ke vriksh ek sath vidyaman hain. mandir ke pravesh dvar par rani ji ka ek mandir dekha ja sakta hai jiske charon taraf lohe ke fatak men 21 ¬ ankit hain. pas men hi man sharda ka mandir hai. yahan ka kalpataru utsav prasiddh hai jismen dur desh ke bhakt bhi bhag lete hain. belur math: hugli nadi ke ek taraf dakshineshvar hai to uske thik tiryak dusri taraf belur math hai jahan dakshineshvar se motar bot v pani ke chote jahaj se jana sahaj hai. yahan ramkrishn ji ke atirikt man sharda, vivekanand v anya sadhkon ki samadhi sthaliyon ke sath-sath svami vivekanand nivas kaksh v prachin amravriksh adi darshaniya hain. bhakt yahan nitya bhog ka bhi anand lete hain. yahin ramkrishn mishan ka karyalay hai jahan vibhinn dharmik vishyon ki pustakon ko parhne ka labh uthaya ja sakta hai. is tarah yah kahna samichin jan parta hai ki is kaliyug men mahakal ki adhishthatri shakti mahamaya kali ka yah sthan jagrat pith hai.
Kya aapko lekh pasand aaya? Subscribe

Kya aapko lekh pasand aaya? Subscribe


char dham visheshank  April 2007

char dham visheshank ke ek ank men sanpurn bharat darshan kiya ja sakta hai.? kyon prasidd hain chardham? chardham ki yatra kyon karni chahie? shaktipithon ki shakti ka rahasya, shiv dham evan dvadash jyotirling, ram, krishn, tirupti, balaji, jvalaji, vaishnon devi adi sthalon ki mahima

Subscribe

Apne vichar vyakt karein

blog comments powered by Disqus
.