शिव के द्वादश ज्योतिर्लिंग

shiv ke dvadash jyotirling  

Ank ke aur Lekh | Sambandhit Lekh | Views : 5377 |  
shiv ke dvadash jyotirling suresh chandra malik shiv puran men varnit hai ki ashutosh bhut bhavan bhagvan shiv shankar praniyon ke kalyanarth tirth men ling rup men vas karte hain. jis punya sthal men bhaktajanon ne unki archana ki us sthan men ve vahin avtrit hue aur jyotirling ke rup men sada ke lie avasthit ho gae. yon shivling asankhya hain, fir bhi inmen dvadash jyotirling sarvapradhan hain. shiv puran ke anusar ye jyotirling is prakar hain. 1. shri kedarnath, 2. shri somnath, 3. shri vaidyanath, 4. shri mallikarjun, 5. shri bhimshankar, 6. shri mahakaleshvar 7. shri nageshvar 8. shri vishvanath, 9 shri rameshvar 10 shri ghushmeshvar 11. shri tryanbkeshvar, 12. shri onkareshvar 1. shri kedarnath: yah jyotirling parvatraj himalay ke kedar namak sthan par virajman hai. yahan ki prakritik chata atyant manoram aur chittakarshak hai. is sthan ke pashchim bhag men mandakini nadi ke tat par kedareshvar mahadev mandir sthit hai. inke darshan se dharm aur adhyatm ki or barhne ki prerna milti hai. is jyotirling ke darshan pujan tatha yahan snan karne se bhakton ko laukik falon ki prapti hone ke sath-sath achal shiv bhakti tatha moksh ki prapti bhi ho jati hai. 2. shri somnath: gujrat prant ke kathiyavar kshetra men samudra ke kinare yah jyotirling somnath namak vishva prasiddh mandir men sthapit hai. pahle is kshetra ka nam prabhas tha. bhagvan shri krishn ne jara namak byadh ke ban ko yahin nimitt banakar apni lila ka sanvaran kiya tha. pavan prabhas kshetra men sthit is somnath jyotirling ki mahima ka varnan mahabharat, shrimad bhagavat tatha skandpuran aadi men vistar se ki gai hai. chandra ka ek nam som bhi hai. unhonne bhagvan shiv ko hi apna nath manakar yahan tapasya ki thi. islie is jyotirling ko somnath kaha jata hai. iske darshan pujan, aradhna se bhakton ko janm janmantar ke sare papon se mukti mil jati hai. ve shankar bhagvan aur mata parvati ki akshay kripa ka patra ban jate hain. 3. shri vaidyanath: yah jyotirling bihar (ab jharkhand) prant ke santhal pargne men sthit hai. puran shastra aur lok donon men iski bari prasiddhi hai. yah gyarah angul uncha vaidyanath jyotirling atyant kalyankari hai. yahan dur-dur se tirthon ka jal lakar charhane ka vidhan hai. rog mukti ke lie bhi is jyotirling ki mahima bahut prasiddh hai. puranon men bataya gaya hai ki jo vyakti is jyotirling ka darshan karta hai, use samast papon se apne ap chutkara mil jata hai. us par bhagvan shiv ki kripa sada bani rahti hai. daihik, daivik, bhautik kasht uske pas nahin ate. 4. shri mallikarjun: andhrapdesh men krishna nadi ke tat par shri shail parvat par yah jyotirling sthit hai. is parvat ko dakshin ka kailash parvat kahte hain. mahabharat, padmapuran, shivpuran adi dharm granthon men iski mahima aur mahanta ka vistrit varnan kiya gaya hai. shivratri ke parva par yahan bahut bara mela lagta hai. is jyotirling aur tirth kshetra ki mahima ka vishad varnan puranon men kiya gaya hai. is prakar shiv ling ka darshan, pujan, archan karne vale bhakton ki sabhi manokamnaen puri ho jati hain. unki bhagvan shankar ke charnon men sthir priti ho jati hai. iske darshan se sharirik, mansik, daivik , bhautik sabhi prakar ki badhaon se ve mukti milti hai aur moksh ka marg prashast hota hai. gauhati ke pas brahmapur pahari par avasthit hai. bhimshankar jyotirling sthapna ke vishay men puranon men kai prakar ki kathaon ka ullekh hai. yah mandir sahyadri parvat par avasthit hai aur bhima nadi vahin se niklti hai. is murti se dhire dhire jal jharta hai. 6. shri mahakaleshvar: madhyapradesh ke ujjayini nagar men pavitra nadi shipra ke tat par yah param pavitra jyotirling avasthit hai. ise avantipuri bhi kahte hain. mahakvi kalidas ke samay men is desh ka bara mahatva tha. yah bharat ki param pavitra sapt puriyon men se ek hai. bhagvan yahan hunkar sahit prakat hue islie unka nam mahakal par gaya. isilie is param pavitra jyotirling ko mahakaleshvar ke nam se jana jata hai. 7. shri nageshvar: yah prasiddh jyotirling gujrat prant men dvarikapuri se lagabhag 25 kimi. duri par avasthit hai. bhagvan shiv ke adesh se is jyotirling ka nam nageshvar para. is param pavitra jyotirling ke darshan ki shastron men bari mahima hai. kaha hai ki jo shraddhapurvak iske avataran aur mahatmya ki katha sunega vah sare papon se mukt hea jaega aur samast sukhon ka bhog karne ke bad ant men use moksh tatha bhagvan shankar ke param pavitra divya dham ki prapti hogi. 8. shri vishvanath: yah jyotirling uttar bharat ki prasiddh nagri kashi men sthit hai. is nagri ka mahapralay kal men bhi lop nahin hota hai. bhagvan shankar us samay apni vas bhumi is pavitra nagri ko trishul par utha lete hain. mahapralay ke bad punah yathasthan rakh dete hain. is pavitra nagri ko srishti ki adi sthali bhi kahte hain. is sthan par bhagvan vishn au ne srishti kamna se tapasya karke bhagvan shiv ko prasann kiya tha. agastya muni ne bhi is sthan par apni tapasya se bhagvan shankar ko prasann kiya tha. ise avimukt kshetra kahte hain. is pavitra nagri ke uttar men ¬kar khand, dakshin men kedarkhand aur madhya men vishveshvar khand hai. prasiddh vishveshvar jyotirling vishveshvar khand men avasthit hai. is jyotirling ke darshan, pujan aur aradhna se bhakt samast papon, tapon se chutkara pa jata hai. 9. shri rameshvarm: maryada purushottam bhagvan shri ramchandra ne setubandh men is jyotirling ki sthapna ki thi. iske vishay men ramayan men ullekh hai ki jab bhagvan shri ramchandra ji lankapuri par yuddh karne ke lie ja rahe the tab isi sthan par unhonnane samudra tat par baluka rashi se shivling banakar uska pujan kiya tha. katha yah bhi hai ki is sthan par pahunchakar bhagvan shri ramchandra pani pine lage to akashvani hui ki ‘meri puja kie bina hi jal pite ho?’ is akashvani ko sunakar bhagvan shri ram ne baluka se shivling banakar puja ki aur bhagvan shankar se ravan par vijay ka var manga. unhonne prasannatapurvak yah var bhagvan shri ram ko de diya. lok kalyan aarth bhagvan shiv ne jyotirling ke rup men vahan nivas karne ki sabki prarthana bhi svikar kar li. tabhi se yah jyotirling yahan virajman hai. 10. shri ghushmeshvar: yah jyotirling maharashtra pradesh ke daultabad se 20 kimi. dur verul ganv ke pas avasthit hai. puran men is jyotirling ke vishay men ullekh hai ki dakshin desh men devgiri parvat ke pas sudharma namak ek taponishth tejasvi dharmatma brahman rahta tha. uski patni ka nam sudeha tha. donon men bahut prem tha. lekin unhen koi santan nahin thi. jyotishiyon ne ganna karke bataya ki sudeha ke garbh se santanotpatti nahin ho sakti. sudeha santan ki utpatti ke lie lalayit thi. usne agrah kar sudharma ko dusra vivah apni choti bahan se karne ko kaha. pahle to yah bat brahman devta ko nahin janchi kintu patni ki jid ke age unhen jhukna hi para. vah apni patni ki choti bahan ghushma se vivah kar use ghar le ae. ghushma sadacharini aur bhagvan shankar ki bhakt bhi thi. nitya ek sau ek parthiv shivling banakar nishthapurvak unka pujan karti thi. bhagvan ashutosh shankar ki kripa se uske garbh se ek atyant sundar v svasth putra santan ne janm liya. sudeha ne putra ko mar dala magar param shivabhakt sati dhushma ke aradhya shiv ne use punarjivit kar diya aur svayan ghushmeshvar mahadev jyotirling ke nam se vikhyat hue. 11. shri tryanbkeshvar: yah jyotirling maharashtra prant men nasik se pashchim 35 kimi. dur avasthit hai. maharshi gautam ne tathakthit gauhatya ke pap se bachne ke lie apni patni ke sath bhagvan shiv ki aradhna ki. bhagvan shankar ji ne prakat hokar unse var mangne ko kaha. maharshi gautam ne unse kaha, ‘bhagvn! main chahta hun ki ap mujhe gauhatya ke pap se mukt kar den.’ bhagvan shiv ne kaha, ‘gautm! tum sadaiv sarvatha nishpap ho. gauhatya ka pap tumhen chalpurvak lagaya gaya tha. chalpurvak aisa karvane vale tumhare ashram ke brahmanon ko main dand dena chahta hun.’ gautam rishi ne kaha, ‘prabho! unhin ke madhyam se mujhe apka darshan aur ashirvad prapt hua. unhen mera param hitaishi samajh kar un par ap krodh n karen.’ rishiyon, muniyon aur devagan aon ne yahan ekatra ho gautam ki bat ka anumodan karte hue bhagvan shiv se sada vahan vas karne ka nivedan kiya. bhagvan shankar ji unki bat manakar vahan tryanbak jyotirling ke nam se sthit ho gae. gautam dvara lai gai ganga ji bhi vahin pas men godavri nam se pravahit hone lagin. yah jyotirling samast punyon ka adhar hai. 12. shri onkareshvar: yah jyotirling madhya pradesh men pavitra narmada nadi ke tat par avasthit hai. yahan narmada nadi ke do dharaon men vibhakt hone ke karan yah sthal tribhujakar sa ho gaya hai. ise mandhata parvat ya shivpuri kahte hain. narmada nadi ki ek dhara is parvat ke uttari pashrva se aur dusri dakshin ai pashrva se hokar bahti hai. dakshini dhara ko mukhya dhara kahte hanai. isi mandhata parvat par shri onkareshvar jyotirling sthit hai. yah jyotirling manushyakrit nahin hai. svayan prakriti ne iska nirman kiya hai. iske charon pashrva sada jal bhare rahte hain. mandhata parvat ko hi bhagvan shiv ka svarup mana jata hai. is karan se ise shivari bhi kahte hain. bhakti aur shraddhapurvak bhaktagan iski nitya parikrama karte hanai.
Kya aapko lekh pasand aaya? Subscribe

Kya aapko lekh pasand aaya? Subscribe


shiv shakti  July 2007

shiv kaun hai ? shakti bina shav hai shiv , shiv shakti ke strot, vedon men shiv ka svarup, shviya pujan ka mahatmay, kaljyi mahamrityunjay mantra, shiv aur tantra shastra ka sambandh, tantra shastra shiv pranit hai aur tin bhavon men vibhakt hain- agam, yamal aur mukhya

Subscribe

Apne vichar vyakt karein

blog comments powered by Disqus
.