ग्रह प्रभावशाली या कर्म

grah prabhavshali ya karm  

Ank ke aur Lekh | Sambandhit Lekh | Views : 3272 |  
vaigyanikon ki sarvada ek jigyasa rahi hai ki grah manviya jivan par kaise asar dalte hain. bhautik jivan men aisa pratit hota hai ki manushya ke karm hi uske fal ka karan hote hain jabki jyotish ke anusar manushya grahon ke prabhav se bandha hua hai aur vah vahi karta hai jo grah usse karvate hain. is tathya ki parakh kaise ki jae kyonki yadi kuch fal prapt hai to kuch karm bhi hua hoga. aisa grahon ke karan hua ya karm ke karan yah kaise janen? yadi koi daektar bana to apni mehanat ke karan ya grahon ke karn? isi prakar amir hona, svasth hona ya vijyi hona vyakti vishesh ke bhagya men, uski kundli men vidit tha ya iske nimitt usne mehanat ki? vaigyanik star par is tathya ki parakh ham keval sankhyiki dvara kar sakte hain. iske lie ham anek jatkon ke janm vivaran ekatrit karte hain aur unhen do bhagon men bant lete hain - kuch daektaron ki kundliyan evan kuch anya vyavsayiyon ki. isi prakar amir v garib ki. taduprant donon samuhon men grahon ki baranbarta ko ginte hain. yadi donon samuhon men kisi grah ka kisi vishesh rashi ya bhav men adhik antar ata hai to yah grah us sthiti men samuh ki vastavik sthiti ko darshata hai. is prakar sabhi grahon ka vibhinn rashiyon, bhavon, nakshatron adi men antar dekhne par yah gyat ho jata hai ki kaun si sthiti uske anurup hai aur kaun si viprit. uparyukt vidhiyon se tathya ki parakh karne ke lie anek udaharan kundliyon ki akhil bhartiya jyotish sanstha sangh evan fyuchar paeint dvara sankhyiki ankre taiyar kie gae hain. is hetu kuch chikitsakon aur vibhinn vyavsayon se jure anya peshevar logon ki patriyan li gain aur donon vargon ki grah sthitiyon ki tulna ki gai aur nimnalikhit parinam samne ae: chikitsakon ke varg men mangal ka dasham bhav se sanbandh dusre varg ki tulna men bahut adhik prabhavi hota hai. budh aur shani ka yog bhi dasham bhav men bahut adhik paya gaya. vishleshan se gyat hua ki chatra ne parha to sahi lekin uska chikitsak banna grahon se niyantrit tha. û saikron hriday rogiyon ki janmapatriyan ekatra ki gain aur paya gaya ki guru, shukra, surya dusre bhav men, chandra aur rahu lagn men, mangal chaithe men, budh dasham men evan shani navam men adi yog hi hriday rog utpann karte hain. jis prakar dienae ke dvara yah jana ja sakta hai ki manushya ko kaun sa rog ho sakta hai, usi prakar grah sthiti dvara bhi rog ki purva jankari ho sakti hai. û lagabhag 400 dampatiyon ki janmapatriyon ke milan se spasht hua hai ki mangal vishesh rup se keval pratham bhav men dushprabhavi hota hai. sath hi anya grah bhi alg-alag sthanon men anpekshit fal dete hain jaise surya tritiya bhav men, chandrama dvadash men, budh v shukra dvitiya men, guru shashth men, shani dasham men v rahu ekadash men. in sankhyikiya sutron ke anusar ham do jatkon ke samanvay se 80 pratishat tak satik falakathan kar sakte hain. isse siddh hota hai ki jatkon ki apsi samjh-bujh hi samanvay banane men purn saksham nahin hai, balki yah samjh-bujh bhi grahon ki den hai. û surya pratham v chaturth men, chandra dvitiya v ekadash men, mangal pancham v shashth men, budh tritiya v navam men, guru dvitiya men, shukra lagn v dvitiya men evan rahu dvadash men jatak ko avivahit hi rakhta hai. iske viprit surya dasham men, chandra lagn v dasham men, budh ekadash men, guru navam men, shukra dvadash men v rahu pancham men bahu vivah yog banata hai. atah sannyas ya bahu vivah ke lie vyakti ki mansik sthiti bhi grahon dvara hi chalayman hoti hai. û sheyar bajar men utar-charhav ka purvanuman bhi 70 pratishat tak grahon ke gochar par nirbhar karta hai aur bhavishya men grahon ki sthiti ki ganna ke adhar par hi sheyar bajar ke utar-charhav ka anuman lagaya ja sakta hai. surya sinh rashi men, chandrama v mangal kanya men, guru sinh v tula men, shukra kanubh men aur shani kark men sheyar men teji lane men saksham hai jabki surya mesh men, chandrama kark men, mangal mithun men, budh kanya men, guru vrishchik men, shukra kanya men, shani vrish men v rahu sinh men. û isi prakar varsha ke adhik ya kam hone ya fir nahin hone men bhi grahon ki sthiti ki bhumika aham hoti hai. pichle 50 varshon ki varsha ke adhyayan se gyat hota hai ki surya v mangal grah ise sabse adhik niyantrit karte hain. vahin pahari ilakon men varsha ke hone ya n hone men shani aur brihaspati ki bhumika bhi hoti hai. uparyukt tathya is bat ko ingit karte hain ki prani aur vanaspati ya nirjiv padarth karm ya fal dene men saksham aur svatantra nahin hain. ve purnataya grahon ki sthiti par nirbhar hain. aur kyon n ho, har vyakti v padarth gurutvakarshan shakti se bandha hua hai. is shakti ke mul men pind (daneeddh arthat grah hi hain. yah shakti hi manushya ke man aur buddhi ko har leti hai aur manushya vahi karne lagta hai jo grah chahte hain. aisa keval pratit hota hai ki manushya koshish kar raha hai. jaisa bhagya, jo grahon dvara nirdisht hota hai, karvata hai vaisa vah karne lagta hai. iska arth yah nahin ki manushya karm hi chor de. jo bhagya men hai vahi hoga, par karm karna avashyak hai. aisa dekhne men ata hai ki grah 70-80 pratishat tak vyakti ke bhavishya ko darshate hain. lekin 100 pratishat nahin arthat kuch pratishat shesh rah jata hai jo kisi aur shakti dvara nirdisht hai ya yun kahie ki karm ke lie prakriti ne kuch pratishat sthan rakh chora hai. bhagya to apne sthan par sthir hai hi, use ham badal nahin sakte. atah karm karke jo kuch prakriti ne manushya ke lie vikalp chora hai, manushya ka kartavya hai ki uska upyog kare aur bhavishya ko sarthak banae.
Kya aapko lekh pasand aaya? Subscribe
Kya aapko lekh pasand aaya? Subscribe


char dham visheshank  April 2007

char dham visheshank ke ek ank men sanpurn bharat darshan kiya ja sakta hai.? kyon prasidd hain chardham? chardham ki yatra kyon karni chahie? shaktipithon ki shakti ka rahasya, shiv dham evan dvadash jyotirling, ram, krishn, tirupti, balaji, jvalaji, vaishnon devi adi sthalon ki mahima

Subscribe

Apne vichar vyakt karein

blog comments powered by Disqus
.