मैया नर्मदा का उद्गम स्थल – अमरकंटक

maiya narmada ka udgam sthal – amrkantk  

Ank ke aur Lekh | Sambandhit Lekh | Views : 6459 |  
maiya narmada ka udgam sthala-amrkantak dae. rajesh ji upadhyay madhya pradesh ke shahdol jile ki pushparajagarh tahsil ke dakshin- purvi kone men vindhya ki pramukh shreni mekal ke pathar par sthit amrkantak bharat ka suvikhyat tirth hai. narmada ka udgam sthan hone ke karan yah desh ke kone-kone se shraddhalu yatriyon ko sadiyon se akarshit karta a raha hai. puranon men amrkantak ko tirtharatn kaha gaya hai. dakshin bharat men prasiddh tirth ke rup men yah samast tirthon ka nayak mana jata hai. aitihasik prishthabhumi amrkantak ka purva itihas aspasht hai. pauranik kathaon ke anusar amrkantak ke as-pas ke kshetra par ayodhya ke raja rajya karte the. kaha jata hai ki kapil muni aur markandey ke ashram bhi yahan avasthit the. yah kshetra virat nagar (shahdol jile ka vartaman sohagpur) rajya men shamil kar liya gaya. ek lok katha yah bhi hai ki pandav apne agyatvas ke samay yahan ae the. aisa vishvas hai ki kuch kal tak yahan chedi vansh ne bhi rajya kiya tha. dasvin aur gyarhvin shatabdi se san 1857 tak ki dirgh avdhi men amrkantak ne kal churi bachela aur bhosla rajya parivaron ke shasan kal dekhe hain. is tirth ka saundarya varnanatit hai. iski unchai samudra tal se lagabhag 3,500 fut hai. itni adhik unchai par tatha ghati men sthit hone ke karan amrkantak nikatavarti pahariyon ke anya unche sthanon ki apeksha adhik shital hai. narmada kund: narmada ke udgam sthal ke rup men narmada kund ka lahrata hua jal tatha uske madhya men sthit narmada mai ka mandir donon, tirth yatriyon ke lie vishesh akarshan ke kendra hain. shivratri, magh purnima vaishakhi purnima, sankranti aur grahan ke avasar par vishesh rup se bahut bari sankhya men yatri pavitra narmada kund men dubki lagate hain. amrkantak ke mandir: amrkantak ke mandir dasvin-gyarhvin shatabdi men kalchuri shasak karnadev dvara banvae gae the. vahan ke kuch anya purane mandir unke bhi purva ke mane jate hain. yahan ka mukhya mandir, jismen khule pannon ke akar ke garbhagrih bane hain, kalchuri kalin sthapatya kala ke vaibhav ka sajiv praman hai. mandir ka shikhar khajuraho ke shikhar jaisa pratit hota hai. kapil dhara: udgam se nikal kar char mil tak bahne ke bad narmada ki dhara ek bare unche aur gahre prapat ka nirman karti hai. yah prapat kapil dhara ke nam se vikhyat hai, jo 100 fut ki unchai se garjana ke sath girta hai. dugdh dhara: kapil dhara se lagabhag 200 gaj ki duri par dugdh dhara namak prapat hai. yah prapat adhik uncha nahin hai, fir bhi apne ap men anutha hai. yah sundrta ke karan darshaniya hai. kalakal ki madhur svar lahri ke sath mand gati se age barhta hua yah prapat samne ki durgam pahariyon men kho jata hai. sonmura: narmada ke udgam sthal ke atirikt amrkantak ka dvitiya darshaniya sthan sonmura hai. yah son nadi ka udgam sthan hai. saghan vrikshavli ke bich daldli bhumi se pani ki ek patli dhara bahakar lagabhag 200 gaj chalakar 400 fut se adhik uncha prapat banati hai. prapat ki dhara niche pahunchakar jhariyon men adrishya ho jati hai aur milon dur tak kshin prakash rekha ki bhanti dikhai deti hai. mai ki bagiya: amrkantak ke darshaniya sthalon men mai ki bagiya ek vishesh darshaniya sthal hai. yahan vrikshon aur jhariyon se ghiri hui dhalan men se pani kalakal karta hua bahta hai. is sthan men ek vishesh prakar ka paudha gul bakavli paya jata hai jiske bare men kaha jata hai ki yah keval yahin paida hota hai. gul vakavli urdu sahitya men bahushrrut hai. is paudhe ke fulon ka upyog ankh ki dava ke rup men kiya jata hai. upar varnit pramukh manoram sthanon ke atirikt amrkantak ke aspas anya anek darshaniya sthal hain jinmen mai ka hathi, jaleshvar aur kabir chaira vishesh ullekhniya hain. mai ka hathi narmada kund ke samip ek atyant manoram sthal hai. janashruti ke anusar kabir chaira men mahatma kabir das ji apne shishyon ke sath kuch thahrne ki vyavastha yatriyon ke thahrne ke lie nagar men kai dharmashalaen hain. inke atirikt adhunik sukh-suvidhaon se sajjit do dak bangle tatha ek sarkit haus bhi hai. relve steshan pendra mane bhi thahrne ke lie dharmashalaen tatha dak bangle hain. yatra ke char marg havai marga: prayag, jablpur aur satna se havai jahaj ki yatra ki ja sakti hai. rel: amrkantak relmarg se kolkata, munbai, prayag tatha jablpur se jura hua hai. in shahron se katni utarakar vahan se gari dvara pendra ya budhar pahuncha ja sakta hai. jiske samip hi amrkantak sthit hai. sarak marga: pendra rod steshan (28 mil) se amrkantak tak pahunchne ke lie varsha ke bad basen chalti hain. is sarak ko pakka karne ke lie karya chalu hai. paidl: pendra se amrkantak (96 mil) tak ek paidal van marg bhi hai. pad yatri is marg se bhi darshan karne ate hain.
Kya aapko lekh pasand aaya? Subscribe

Kya aapko lekh pasand aaya? Subscribe


char dham visheshank  April 2007

char dham visheshank ke ek ank men sanpurn bharat darshan kiya ja sakta hai.? kyon prasidd hain chardham? chardham ki yatra kyon karni chahie? shaktipithon ki shakti ka rahasya, shiv dham evan dvadash jyotirling, ram, krishn, tirupti, balaji, jvalaji, vaishnon devi adi sthalon ki mahima

Subscribe

Apne vichar vyakt karein

blog comments powered by Disqus
.