vibhinn prakar ki malaen tatha unke upyog se labh acharya ramesh shastri tulsi mala : yah mala tulsi ke paudhe se nirmit ki jati hai. tulsi param pavitra evan adhyatmik tatha aushdhiya gunon se apne ap men paripurn hai. is mala se bhagvan vishnu, ram, krishn evan gayatri mantra ka jap, atyant shubhdayi hota hai. vaishnav diksha se dikshit sadhu sant, tatha grihasthi bhaktajan ise kanthi ke rup men bhi dharan karte hain. mansahar, adi tamsik vastuon ka sevan karan vale logon ko tulsi ki mala dharan nahin karni chahie. haldi ki mala : is mala ko haridra ki ganth se nirmit kiya jata hai. is mala ka vishesh upyog pitambara devi, baglamukhi mantra ke jap anushthan men kiya jata hai. iske atirikt is mala par brihaspati grah ka mantra jap bhi karne se shubh fal ki prapti hoti hai. mala ka shuddhikaran karne ke bad upyog karen. safed chandan ki mala : chandan do prakar ka hota hai. lal chandan evan safed chandan. adhikanshtah safed chandan ka hi adhik upyog hota hai. safed chandan ki mala par mahasarasvati, mahalakshmi mantra, gayatri mantra adi ka jap karna vishesh shubhafalaprad hota hai. iske atirikt is mala ko mansik shanti evan lakshmi prapti ke lie bhi gale men dharan karne se labh hota hai. firoja mala : firoja ek aisa ratn hai jiska upyog adhikanshtah sabhi dharm ke log karte hain. bauddh dharmavlanbi ise bahut pavitra ratn mante hain. vishesh rup se is ratn mala ko dharan karne se samaj, ghar, parivar men sabhi ke sath prem bana rahta hai. ise dharan karne se nakaratmak urja parivartit hoti hai jisse vyakti ke jivan men sukh-sauhard barhta hai. is mala ko shukravar, ya budhvar ko dharan kar sakte hain.
Kya aapko lekh pasand aaya?
Subscribe